View Full Version : فيديوهات مميزه على البورد للفورمولا1
مؤيد اف1
16-02-2004, 04:14 PM
السلام عليكم ورحمة الله وبركاته
حبيت احط لكم شباب فيدوهات للفورمولا1 على كاميرة السايق عشان تحسو بالحماس والسرعه وتعرفو معنى السرعه الحقيقه وغير كدا تسمعو السمفونيه (صوت المحرك) الي مااقدر عليه :D
هذا فيديو لمايكل شماخر أثناء حصوله على البول (الانطلاق من المركز الاول في مونزا في ايطاليا) حجمه 9 وشوي ميجا الفيديو (http://f1.tottoro.hu/complete_lap/22_ita_mschumacher.avi)
وهذا الفيديو يدل على مهارة السايقين وان مو اي واحد يسوق سياره الفورمولا1 ولاحظو السرعه الي يعبر فيها في المنعطفات يبغا لها قلب جامد نوعا ما واذا صرت بطيء شوي راح عليك كل شي وفي النهايه يستغني عنك الفريق اذا استمريت في البطىء في اكثر من سباق
:D هذي الحلبه اسمها موناكو
فيديو مع مارك وبر (http://www.cason.co.uk/Onboard%20laps/Monaco.avi)
8 ميجا
احد الاحتكاكات الي قهرتني والي تسببت في خروج روبنز باريكلو والسبب طمع السايق مونتويا وعجلته :anger: والي طلعته من سباق مليء بالمفاجآت :D باريكيلو ومونتويا (8 ميجا) (http://f1.tottoro.hu/2003/15_usa/06_barrichello.avi)
فرحة الفوز لدى مايكل شوماخر في سباق امريكا المليء بالمفاجات والامطار الي بينت انه ملك القياده في الامطار والي استطاع يعطي فارق كبير فيه عن منافسيه والي يبين موهبته وقدرته على قياده سياره 930 حصان على ارض مبلله وبسرعه :banana:
الفيديو 2.7 ميجا (http://f1.tottoro.hu/2003/15_usa/14_mschumacher.avi)
اخو مايكل شوماخر يتعرض لحادث بسبب فقدانه السيطره في الامطار (رالف شوماخر) والفرق الكبير بين مهارة الاخوين في الامطار (اقل انزلاق يضيع كل شي مافي لعب :p )
الفيديو 3.1 ميجا (http://f1.tottoro.hu/2003/15_usa/08_rschumacher.avi)
مهارة مايكل شوماخر في الامطار وسلاسله وسهولة تعديه منافسيه فعلا يستحق لقب ملك القياده في الامطار
الفيديو 2.5 ميجا (http://f1.tottoro.hu/2003/15_usa/11_mschumacher.avi)
عندي الكثير الي ابي اضيفه بس هذا الي قدرت عليه حاليا وللمعلوميه في الفورمولا1 الثانيه اغلى من الذهب :D
انشاء الله الموضوع يعجبكم وهالله هالله بالردود :banana:
مؤيد اف1
17-02-2004, 07:50 AM
حشى ولا رد ويقولو لي احط مواضيع عن الفورمولا1 صحيح انكم...ماتستاهلون :anger: ويسوو حلبات للعرب بعد :think:
STS4ever
17-02-2004, 07:56 AM
مشكووووووور اخوي والملفات جاري تحميلها ...... وتوي اشوف الموضوع
سلام
A7medo
17-02-2004, 07:58 AM
مشكووووووووووووور
الله يرزقك ابسيارة فورملا
grandv8
17-02-2004, 07:59 AM
السلام عليكم ورحمة الله وبركاته
مؤيد اف1
مشكور اخوي مؤيد اف1 على الخبر الحلو وفيديوهات الحلوة وان شاء الله بنجوف فديوهات بحلبة البحرين.
شكرا
:D
مؤيد اف1
17-02-2004, 08:07 AM
ايه الحين تفتحو النفس :D
بالنسبه ان تصير عندي سيارة فورمولا1 مستحيله جدا :cry: :cry: :cry: :cry: :cry: ادعي لي اصير ميكانيكي عندهم على الاقل وبعدين اصير سواق زي ماسوى مايكل شوماخر :eek:
A7medo
17-02-2004, 08:34 AM
أخوي مؤيد اف1
عندي لك سؤال عن سيارات الفورملا بما أنك فاهم في هل سوالف
القير ابتاعهم كم تعشيقة ؟
مؤيد اف1
17-02-2004, 08:40 AM
رد مقتبس من A7medo
أخوي مؤيد اف1
عندي لك سؤال عن سيارات الفورملا بما أنك فاهم في هل سوالف
القير ابتاعهم كم تعشيقة ؟
7 للامام + تعشيقه خلفيه (ريوس) طبعا Semiauto السواق يتحكم في الزياده او في التنزيل والسياره كمبيوترها يتحكم في الشغله الثانيه سواء رفع او تنزيل وفي حالة ان السايق تاخر في التبديل السياره تبدل لحالها والنظام المستخدم هيدروليكي على فكره الجيربوكس لول يصنع من التيتانيوم اما الحين الكربون!! لانه اخف من الالمنيوم وشبيه بقوة الالماس (اصل الالماس كربون) :banana:
A7medo
17-02-2004, 09:04 AM
مشكور ما قصرت أخوي مؤيد اف1
RED Chevy
17-02-2004, 11:12 AM
السلام عليكم ورحمة الله وبركاته
مشكووووووور جزيل الشكر إخوي مؤيد، والفيديوهات روعه، وكثر لنا من هالشغلات وآسفين على التأخير.
عندي لك سؤال عن سيارات الفورملا بما أنك فاهم في هل سوالف
مشكور على الفديو ...
والصراحه انا ما أتابع أخبار الفورملا1 :cry: ...الا على النت :damp:
المهم فيه كم سؤال ...
1-top speed كم ؟
2- التسارع كم ..:corsair:
3- كم الأسعار التقريبة للسيارة الوحده ..<=== يبي يشتري :D
وسلامتك:banana:
مؤيد اف1
17-02-2004, 04:25 PM
رد مقتبس من FSM
مشكور على الفديو ...
والصراحه انا ما أتابع أخبار الفورملا1 :cry: ...الا على النت :damp:
المهم فيه كم سؤال ...
1-top speed كم ؟
2- التسارع كم ..:corsair:
3- كم الأسعار التقريبة للسيارة الوحده ..<=== يبي يشتري :D
وسلامتك:banana:
1- الي يستخدموه 370 تقريبا بس هم يقدرو يجيبو اكثر تبا تعرف في وين شوف اول مقطع لمايكل شوف الخط الطويل الي في البدايه لحد قبل مايفرمل هذا يجيب فيه 366 تقريبا بالنسبه لهالسرعه قليله في صيغه في عالم الفورمولا1 وهي
تبي تسارع بتخسر السرعه النهائيه
تبي سرعه بتخسر تسارع لان نسب التعاشيق بتكون طويله..وغير ضبط الاجنحه الي يبغى لها هدره طويله
2- التسارع 0 الى 100 كم بين 1.3 و 1.5 ومن 100 كم الى 160 زيد 4 ثوني على الرقم الاولي :banana: شكلك ماتدري عنهم :think:
3- السعر طال عمرك عباره عن تكاليف صنع السياره وابحاث التطوير هذا تكاليف خياليه توصل في الفرق الكبيره مثل فيراري ومكلارين والويليامز الى اكثر من 10 مليون دولار اتوقع اكثر من الرقم بكثير اذا حسبنا التطويرات الي تصير طول الموسم لان قوة وسرعه السياره تختلف فرق شاسع بين اول الموسم وآخره مثل وضع السيارات لما يروحو حلبة البحرين غير لما يروحو حلبة اليابان طبعا على وقت حلبة اليابان اسرع بمراحل لانه التطوير دائم خلال الموسم سباق البحرين هو الثالث في الروزنامه بينهما اليابان 16 وهو السباق الاخير وانت تخيل لاي مرحله بيوصلو :D تكلفة السياره توصل بالراحه 4 مليون (الصناعه فقط) غير قطع الغيار والتطوير..
مؤيد اف1
17-02-2004, 04:30 PM
ماقلتو لي رايكم ترا في فديوهات واجد ابي تعليق على كل الفيديوهات :D
بالنسبه لمعلومات المحرك عشان تكونو على بينه..
نظام السحب عادي بدون شواحن 10 سلندر بسعه 3 لتر 4 بلوف
والقوه فوق 950 حصان لاقوى محرك :banana:
مؤيد اف1
17-02-2004, 04:38 PM
واحب اضيف معلومه
الدركسون عباره عن كمبيوتر السياره وفيه ضبط معظم التضبيطات للوظايف منها خلط والوقوء والهواء والبريكات والغيارات ووضع القياده باقل من القوه الكامله للسياره عشان يحافظو على السياره في آخر لفات السباق اذا كان في فرق كبير عن المركز الي بعدك ووضع تثبيت السرعه على 80 كم في منطقة الصيانه و تشغيل لمبة المطر عشان يشوفك الي وراك وعليها غرامه اذا ماتشغلت لانها فيها خطوره و اطفاء السياره وتشغيلها وتفضية الجير وورى الدركسون يمين تبديل الغيارات الى فوق ومن يسار التنزيل ..وغيرها من الوظايف الي ماتنقال ونسيت صح نظام التحكم بالسحب Traction Control ونظام التحكم بالانطلاقه Launch Control و الراديو بين السياره والفريق ومضخة الزيت و و و وكل مره يضيفو شي وفي اشياء مايقولو لحق ايش عشان ماتصير عن المنافسين فكره عنها..
مشكور وماقصرت ...
الصراحه معلومات ممتازة وجديدة علي ...;)
و عندي سؤال ثاني :D
كم مره يغيرون الكفرات في السباق الواحد ؟
وبالنسبة للفديو ...
ان شاء الله راح أحملهم كلهم ...
وأرد لك خبر بعدين... لأن اتصالي دايل اب:black:
مؤيد اف1
17-02-2004, 05:11 PM
رد مقتبس من FSM
مشكور وماقصرت ...
الصراحه معلومات ممتازة وجديدة علي ...;)
و عندي سؤال ثاني :D
كم مره يغيرون الكفرات في السباق الواحد ؟
وبالنسبة للفديو ...
ان شاء الله راح أحملهم كلهم ...
وأرد لك خبر بعدين... لأن اتصالي دايل اب:black:
من مرتين الى 3 مرات على حسب نوعيتهم في اكسترا سوفت الي يوفر لك اكثر تماسك بس اقل الانواع عمرا وسوفت والهارد الي يوفر لك تماسك بعد فتره في اللفات يعني بتصير السياره بطيئه في البدايه ولما تسخن تبتدي تعطيك سرعه بس يطول اكثر من الباقي..اجزاء من الثانيه تفرق..
طبعا في اللفات تسخن الكفرات بشكل كبير ويصير طري ويتشقق ويدخل فيه حصى
مؤيد اف1
17-02-2004, 05:49 PM
هذا فيديو حلو بيعجبكم 3.2 ميجا لمايكل في انطلاقته بسباق امريكا (http://f1.tottoro.hu/2003/15_usa/04_start.avi)
مؤيد اف1
17-02-2004, 05:52 PM
هنا منافسه حقيقيه بين الاخوين شوماخر (http://f1.tottoro.hu/2003/16_japan/18_rschumacher.avi)
opel005
18-02-2004, 11:59 AM
تسلم اخوي مؤيد اف1 على المعلومات الجديده علينا بصراحه ..
وعلى الفيديوهات الحلوه ..
تحياتي ...
Third Eye
18-02-2004, 12:26 PM
مشكوووووووووووووور مويد أف 1
وياليت لو دائما تتحفنا بجديد الفرومولا
تحيااتي
RED Chevy
18-02-2004, 01:49 PM
السلام عليكم ورحمة الله وبركاته
من ذي الموضوع أوجه لك شكري إخوي مؤيد وأطلب منك طلب إن شاء الله تنفذه، مداكم إنك تملك الخبره الواسعه ماشاء الله في الفولارملا فأرجوك لا توقف مواضيعك وإستمر بالمواضيع اللي من هالنوع على الأقل تصير عندنا وعند الشباب خلفيه عن الفورملا.
مؤيد اف1
18-02-2004, 05:09 PM
مشكورين شباب على الردود ..ماقلتو رايكم على الفيديوهات :D
بالنسبه للمواضيع انتو حددو ويش الي تبو تعرفونه ..لان ماعندي شي محدد ..
بس للاسف وقتي محدود من الجامعه حالياً يعني ماعندي وقت حتى اطلع على المواضيع ولا الردود الجديده :(