استعراض الخميس(الدراق ريس)

[oil_HKS_lio]

السلام عليكم ورحمة الله وبركاته


سيكون موعدنا معكم ومع هواة السيارات ، من خلال الاستعراض الرابع وسباق الربع ميل ( الدراق ريس ) والذي سيقام - بمشيئة الله ، يوم الخميس القادم ( 13 محرم - 4 مارس ) بمدينة الرياض .

للتسجيل يرجى ارسال رسالة قصيرة تحتوي على إسمك ونوع سيارتك ورقم لوحتها ورقم جوالك ، الى هذا العنوان البريدي حتى نستكمل استخراج التصاريح اللازمة للمشاركة بالاستعراض .

كما يمكنكم الاتصال على جوال ( 056811222 ) للمزيد من التفاصيل .

نتمنى ان نلتقي دائما على الخير والمنفعة ، والسلام






للئسف بيكون في الرياض وانا في الدمام:cry: :cry: :cry:

[mos84]

يالله عاد هالله الله على الصور ... والفيديوهات :banana: :banana: :)

[oil_HKS_lio]

صح كلامك mos84 الي في الرياض ماوصي بصور والفديو

[200 L]

مشكور اخويoil_HKS_lio على طرحك لهذا الموضوع ونشالله نكون متواجدين في مدينة الضباب(الرياض):D

تحياتي
:banana:

[A7medo]

مشكور اخوي على الخبر

[max2003]

جزاك الله اخوي انك عرفتنا بس ابسئل هي كل خميس تقام
عشان اذا في مجال نروح نشوف

[oil_HKS_lio]

مشكورين شباب على التفاعل

اخويmax2003 ماعتقد انها كل خميس لئن هاذي اللجنه تنضم حق السيارات حق يوم فقط او مره صارت عندنا عرض 3 ايام متتاليه بس اذا حبيت تتئكد دق على الجوال الي موضوع فوق ومابيقصرون

[ABD 911]

حسافة كان ودي أروح بس مشغوووووول لين هنا :rolleyes: ..
ولا كان أنواع الصور الي بتجيكم ..

عموماً مشكور على الخبر ..

أهل الريـــــاض ما أوصيكم ..

[عاشق التضبيط]

ماشالله خطوه حلوه وبدايه جيده


مع كامل احترامي لاهل الرياض

بس انا مستغرب من شي الحين اكثر العروض اللي صارت للسيارات المعدله كانت بالشرقيه يعني كنا متوقعين انه اذا صار عرض وسباق للربع ميل راح يكون بالشرقيه بس تفاجئنا انه صار بالرياض :think:

بس الله يكتب اللي فيه الخير وان شاءلله تكون بداية الخير وتنتشر في الشرقيه والغربيه وكل مكان

ومشكور يا oil_HKS_lio على الخبريه اللي فرحتنا

[الفجر mtr البعيد]

السلام عليكم ورحمة الله وبركاته
مشكور رضيو على هذي الخبريه الحلوه بس مو كأنها بعيده شوي(الرياض):think:

[FSM]

مشكور وماقصرت ...

وان شاء الله أحاول اني أروح ...


بس وين المكان بالظبط .؟
:think:

[oil_HKS_lio]

مشكورين شباب على الردود

اخوي fsm دق على الجوال ولا راح يقصرون معاك

[DodgE]

مراحب
fsm نهاية الدائري الشرقي لما ينتهي ديور ووقف :)

200L ;) حلوه منك

انا عني بحاول اني اصور سواء فديو ولا صور وأن شاء الله تضبط معاي لأني مو فاهم بهلشغله.

[ABD 911]

مشكور أخوي DodgE على التجاوب وأنا في إنتظار الصور واللقطات .. وإذا تعذر عليك تحميلها ولاشي فهذا إيميلي abd_911_@hotmail.com

بعدين تعال .. وش سالفتك مع L 200 ... كككخخخ إعترف :D

[DodgE]

رد مقتبس من 200 L
ونشالله نكون متواجدين في مدينة الضباب(الرياض):D

تحياتي
:banana:



ABD 911
خخخخخخخخخخخ
خذا هي السالفه

[ACCORD-V6]

رد مقتبس من DodgE
مراحب
fsm نهاية الدائري الشرقي لما ينتهي ديور ووقف :)

200L ;) حلوه منك

انا عني بحاول اني اصور سواء فديو ولا صور وأن شاء الله تضبط معاي لأني مو فاهم بهلشغله.

انتم متأكدين

طيب وين المكان بالظبط

واتمنى الكلام يكون اكيد
هل فيه شي ولالا

[VIPER GTS-R]

ايو والله يا شباب حددو المكان لاني رحت للموقع اللي يقول اخوي خالد ما فيه اي شي يدل على هالشي رحت هناك مالقيت الا هنود وسيارتهم متعطلة انحشت وخليتهم هههههههههههه :confused:

عموما يلا نبغى خبر اكيد الكميرات الديجتل والفديو والمنتاج كله عندي انا بس خلونا نشوف شي :banana:

اما لو يطلع هالخبر اشاعة :anger:

يلا شباب خل نشوف ردودكم وشاكرين خيووو oil_HKS_lio
على هالخبر

تحياتي

[ACCORD-V6]

للرفع

نبغا معلومات اوضح

مع اني مب متأكد من صحة الخبر

[oil_HKS_lio]

السلام عليكم ورحمة الله وبركاته


الخبر انا متئكد منه لن الخبر اخذته من رئيس اللجنه عروض السيارات الي تصير عندنابس الحين ماشوفه ولا كان اخذت الموووقع بضبط هو رسل الرساله في القروب

[Mr_CoRvEtTe]

عاااااااااااااد احنا ما نقدر نجي عاد نبي نشوف الفيديوات والصور

[FSM]

رد مقتبس من oil_HKS_lio
السلام عليكم ورحمة الله وبركاته


الخبر انا متئكد منه لن الخبر اخذته من رئيس اللجنه عروض السيارات الي تصير عندنابس الحين ماشوفه ولا كان اخذت الموووقع بضبط هو رسل الرساله في القروب


الرجاء التأكد من المكان ... لأني راح أطلع من الدمام اليوم ...


وعلى فكرة ... دقيت على الرقم,,, وما يرد !!!:anger:

[oil_HKS_lio]

FSM
امسك هاذا الرقم واكيد بيرد عليك قوله انا من طرف مرتضى

055906838

اذا كنت في الرياض وحبيت يوصف

على فكره شباب اليوم شحنو سيارات ودهوم الرياض مادري كم بضبط هاذا الي وصلني من احد اللجنه

[ACCORD-V6]

رجاء قولولنا وين المكان بالضبط ارجوكم ياشباب مهم

[SKYLINE GTR]

متأكدين انه بالرياض ؟؟

وين بالضبط ؟؟

[ACCORD-V6]

رد مقتبس من SKYLINE GTR
متأكدين انه بالرياض ؟؟

وين بالضبط ؟؟

شباب نبغا رد عشان يمدينا نحظر

[SKYLINE GTR]

رد مقتبس من ACCORD-V6
شباب نبغا رد عشان يمدينا نحظر

والله من الحرمان اللي عندنا :D

الله يستر من جيزاني في حكومة لا يجي ويخرب

[ACCORD-V6]

رد مقتبس من SKYLINE GTR
والله من الحرمان اللي عندنا :D

الله يستر من جيزاني في حكومة لا يجي ويخرب

الله يقطع ابليسك:D :D :D

من جد الحكايم من الاسبوع اللي راح الى اليوم وهي تدهر
تحجير على مستوى في الشمال

مافيه امل تدور حتى

[DodgE]

شباب قلنالك نهاية الدائري الشرقي (كأنك رايح للخرج)
لما يقولك نهاية الطرق (لوحه حمرا) كمل ينتهي الشارع هناك التجمع ((حسب ماسمعت على ذمت الي قالي))


والتجمع اكيد 95% نترك5% للشك لو صار شي :)

يقولون اقل قومه كامارو معدل مع M5


حرش جامد يعني


تحياتي

[ACCORD-V6]

رد مقتبس من VIPER GTS-R
ايو والله يا شباب حددو المكان لاني رحت للموقع اللي يقول اخوي خالد ما فيه اي شي يدل على هالشي رحت هناك مالقيت الا هنود وسيارتهم متعطلة انحشت وخليتهم هههههههههههه :confused:


تحياتي


صورة للاخ دوج

[SKYLINE GTR]

هناك نادر ما يجتمعون

[DodgE]

مع اني مافهمت وش تقصد اكورد

بس ارجع وقول هناك التجمع حسب علمي للآن

انتوا تتوقعون اعلام وصبات ومدرجات :)

مافي هلشي راح يكون تجمع للسيارات بعدين تبدا السباقات الساعه 9مساءً

هذا الي عندي اياه للآن

لو في شي جديد بعطيكم خبر بإذن الله

تحياتي

[ACCORD-V6]

رد مقتبس من DodgE
مع اني مافهمت وش تقصد اكورد

بس ارجع وقول هناك التجمع حسب علمي للآن

انتوا تتوقعون اعلام وصبات ومدرجات :)

مافي هلشي راح يكون تجمع للسيارات بعدين تبدا السباقات الساعه 9مساءً

هذا الي عندي اياه للآن

لو في شي جديد بعطيكم خبر بإذن الله

تحياتي

ننتظرك بس اهم شي خبر قبل السباق

[SKYLINE GTR]

رد مقتبس من ACCORD-V6
ننتظرك بس اهم شي خبر قبل السباق

اهم شي المكان يكون معلوم

لا توهقونا :D

[bob]

كيف الحال جميعا واللة كان بودي المشاركة في المعرض لكن صارالف شغلة عندي ولا كتن بنمتعكم ب svt القروب كامل حق الشرقية بس لاتبخلون علينا بالصور والفيديو:glasses2: :corsair: :anger:

[DodgE]

توهقنا ماتوهقنا !!!!!!!!!!!!!!!!!!!!


انا انقلكم الي اسمعه من الناس سواء صح او خطأ مو بيدي

[VIPER GTS-R]

السلام عليكم

بصراحة على كلام اخونا دودج ان التجمع راح يبدأ من العصر والقومات بالليل عموما المكان قريب من بيتنا وبروح بعد العصر اجس النبض وارجع وبعطيكم الخبر الاكيد باذن الله تعالى ...


طبعا الموقع اللي يقول عنه دودج هو تمشي بالدايري الشرقي متجه جنوب وتبل سيدة لما يجيك تقاطع الدايري الشرقي مع الجنوبي طبعا لا تطلعون على الدايري الجنووبي كملو الدايري الشرقي من تحت النفق وتقريبا بعد 10 دقايق بالكثير راح يجي نهاية الخط ويتقاطع مع طريق الخرج الجديد عموما اذا حابين تتاكدون ان الخط اللي انتم عليه مضبوط بعد ما تتعدون النفق راح تجي لوحات مكتوب عليها اسكان الخرج واسكان البحرية وصوامع الغلال وفيه محطتين على اليمين الاولى الثماد والثانية نسيت والله بس فيها سوبر ماركتت اسمها الصيعري :Sad2:

عموما انتضرو مني الخبر الاكيد باأذن الله تعالى ..

تحياتي للجميع ..

[oil_HKS_lio]

صح كلامكم شباب توني داق على واحد الحين الساعه 4 ونص في الرياض قالي في نهايه الطريق الدائري الشرقي يقولي الدعوه حماس وترتيب يقولي فاتك:cry: :cry: انشالله نشوف من الشباب صور

[VIPER GTS-R]

السلام عليكم ورحمة الله وبركاته

شباب الموضووع طلع جد والله القومات راح تبدا من بعد ساعة من الان وما ادري متى تنتهي عموما الحقو اعماركم ترى المكان بعيد حبتين ...

للحين حضر راعي كوبرا و2 جلنتات معبثة :black:

http://srt.jeeran.com/IMGP1790.JPG

http://srt.jeeran.com/IMGP1792.JPG

وانا موجود هناك معاي اكسكيرجن اخضر :corsair:

يلاااااااااااااااااااااا الحقووو
:cry: :cry: :cry:

[oil_HKS_lio]

مكشور VIPER GTS-R على الخبر والصور ماوصيك في الباقي شكلك على الاب توب:D وفينا بكل جديد


كوبرا مرة وحده:shock2: :shock2:

[ACCORD-V6]

انا شكلي بروح الحين ان شاء يمديني مايخلصون

عموما المكان يبعد اكثر من 40 الى 50 كيلو :OO: :OO:

[oil_HKS_lio]

ACCORD-V6 بس 50 كيلو والله لو انا دعسه وحده