View Full Version : تستاهلون يا أعضاء سوالف هذا الخبر و هذي الصور الحصريه ؟؟
infiniti
03-03-2004, 03:08 PM
بدون اي مقدمات هذي الالتيما نسخه من الالتيما
الخليجيه بنفس الشكل و نفس التعديلات
الجديده لموديل 2005 و المصدر موثوق بغض
النظر عن الاختلاف بالمواصفات البسيطه .
اما الشكل فهو نفسه اللي راح تشوفونه
يوم 1/5/2004 في صالات عرض نيسان.
الصور.
http://www.infinitinews.com/multimedia/nissan2005/altima/800px/20_2005_Altima.jpg
http://www.infinitinews.com/multimedia/nissan2005/altima/800px/27_2005_Altima.jpg
http://www.infinitinews.com/multimedia/nissan2005/altima/800px/26_2005_Altima.jpg
من الداخل
http://www.infinitinews.com/multimedia/nissan2005/altima/800px/05_2005_Altima.jpg
http://www.infinitinews.com/multimedia/nissan2005/altima/800px/06_2005_Altima.jpg
القير تبترونك لمكينة 6 سلندر فقط اختياري على حسب الوكيل الله يستر يمكن ما ينزلونه عندنا .
http://www.infinitinews.com/multimedia/nissan2005/altima/800px/13_2005_Altima.jpg
العدادات
http://www.infinitinews.com/multimedia/nissan2005/altima/800px/03_2005_Altima.jpg
للمعلوميه الشكل الجديد يختلف اختلاف بسيط عن موديل 2004 و الاختلاف من الداخل واضح .
RED Chevy
03-03-2004, 03:10 PM
تسلم ياإنفنتي على الصور الحلوه وشكله مواتر كثير بتكسر روسها وأولهم الكامري:D
king_stratus
03-03-2004, 03:14 PM
بصراحه حلوه واجد بره وداخل خاصه اللون البيج فضيع واجد وتسلم اخويي على الصور
;)
infiniti
03-03-2004, 03:15 PM
الله يسلمك اخوي السياره ما عليها غبار
لاكن الرأي الاول و الاخير للمستهلك
ياما نزلت سيارات حلوه لاكن اخوانا العرب
اذواقهم غريبه ننتظر نزولها و بعدها نقدر نحكم .
A7medo
03-03-2004, 03:19 PM
مشكوووور اخوي
هل صحيح مكينة ال مكسيما الجديد نفسها مكينة ال 350 Z
VQ35
infiniti
03-03-2004, 03:37 PM
A7medo
اذا تبي اشرحلك شرح مفصل عن مكاين النيسان
و الاختلافات بس هذي يبيلها سالفه طويله
بحاول اشرح بشكل مبسط و اذا ما فهمت
بحاول الين اخليك تصير خبير :D
اذا سألتني عن مكينة الزد بقولك هي VQ35DE
و مكنية المكسيما هي نفس الكود VQ35DE
طيب وين الفرق انا اقولك الفرق وين بالضبط
المصنع عمل تعديل على مكينة VQ35DE عشان
تركب على الزد و يزيد العزم و تزيد القوه
طيب كيف نفرق بين مكينتين كلهم نفس الكود؟؟؟
اول شي لازم تعرف كود الشاسي لكل
موديل يعني اقرب مثال كود الشاسي
للمكسيما موديل 2004 A33 و كود
المكينة هو VQ35DE بهذي الطريقه نعرف
ان المكينه هذي مخصصه للمكسيما .
كود شاسي الزد على ما اعتقد Z34
و كود المكينة VQ35DE .
طيب ليش مايغيرون و يخلون كل
مكينة لها كود مختلف ؟
لان كل مكاين VQ35DE تحمل
نفس السلندر (القسم الاسفل من المكينة )
اما راس المكينة يختلف بين سياره و سياره ثانيه .
مثال بسيط روح الى قطع الغيار عند نيسان
و قوله ابي بلوف مكسيما راح يسألك
عن الموديل مثلا قوله موديل 99 و اذا
عطاك البولف حاول تركبهم على جلوريا
مع العلم انها نفس مكينة
المكسيما VQ30DE طبعا
ما راح تركب لانك طلبت بلوف
مكسيما و رقم الشاسي A33 و المكينة VQ30DE
اما الجلوريا رقم الشاسي Y33 و المكينة VQ30DE .
اتوقع شرح صعب او ما اعرف اوصل المعلومه بشكل افضل ؟
Wild CRX
03-03-2004, 03:47 PM
رد مقتبس من RED Chevy
تسلم ياإنفنتي على الصور الحلوه وشكله مواتر كثير بتكسر روسها وأولهم الكامري:D
:D :D :D
RED Chevy
03-03-2004, 03:52 PM
بالعكس شرح سهل ووصلتني المعلومه بس الإنفنتي والباثفايندر يختلف رقم الشاصي تبعهم أو لا لأن نفس المكينه ونفس القوه.
الهاجري
03-03-2004, 05:28 PM
السلام عليكم ورحمة الله وبركاته
تسلم على الخبر والصور ,
بالنسبه VQ35DE هي مكينة QX4 من 2002 وطالع؟
760IL
03-03-2004, 05:31 PM
مشكور اخوي عادل.....بس ماعندك معلومات عن الانفنتي FX45!!!
A7medo
03-03-2004, 05:34 PM
مشكور اخوي انفينتي المعلومة وصلت
مرة كنت رايح محل قطاع غيار لاحظت ان الكاز كيت للمكسيما نفسه لل ZX 300
SKYLINE GTR
03-03-2004, 05:49 PM
مشكور حبيبي
ان شاء الله انها راح تثبت وجودها اذا كانت بمواصفات حلوة وسعر معقول زي ما قال اخوي عادل انها ما راح تتعدى الـ 60 الف
Qatif_Altima_Hks
03-03-2004, 06:56 PM
مكينة المكسيما 98 و99 اتوقع انها مثل مكينة الزد 300 بس تكون بخاخ:D
ويختلف كم قطعه
ACCORD-V6
03-03-2004, 07:00 PM
بصراحه السيارة مب شينه
افضل من الكامري بمراااااااحل
لكن عندي كم سؤال للاخوان في الخليج وخصوصا البحرين والامارات
نزلت عندكم ولا توها
ومتى بتنزل
اسف جدا على الازعاج
والف شكر انفنتي حبيبي وماتقصر
الشبابي
03-03-2004, 07:11 PM
الصور ابداع وسيارة حلوة ...
لكن للأسف بعد ماشفت الماكسيما الامريكية تعلقت فيها لأن الجير اوتو 5 سرعات .... ومواصفاتها اعلى بكثير ...
بالنسبة للمكاين فكلها 3.5 ولاتختلف الى في بعض الجزئيات البسيطه ويختلف ضغط كل وحدة عن الاخرى لكن مكينة الباثفايندر اكبر من العادية حقت المكس حسب ماسمعت ....
اخوكم الشبابي
Dentist
03-03-2004, 07:16 PM
سيارة روعة ومواصفات قوية ..
أتوقع تكون سيارة العام لـ2005 عندنا في السعوديه
وخصوصا اذا كان سعرها مناسب ..
ونقول بيباي كامري :D
مشكووووور على الموضوع المميز ..
SKYLINE GTR
03-03-2004, 07:27 PM
رد مقتبس من الشبابي
الصور ابداع وسيارة حلوة ...
لكن للأسف بعد ماشفت الماكسيما الامريكية تعلقت فيها لأن الجير اوتو 5 سرعات .... ومواصفاتها اعلى بكثير ...
بالنسبة للمكاين فكلها 3.5 ولاتختلف الى في بعض الجزئيات البسيطه ويختلف ضغط كل وحدة عن الاخرى لكن مكينة الباثفايندر اكبر من العادية حقت المكس حسب ماسمعت ....
الالتيما الجديدة راح تكون 5 سرعات تبترونيك لمحرك الـ 6 سلندر
Mr_CoRvEtTe
04-03-2004, 07:14 AM
تسلم على الخبر الحلووو مع الصور الحلوة والسياره بعد حلوة :D
oil_HKS_lio
04-03-2004, 12:07 PM
مشكوووووووور على الصور والمعلومات ميييييه مييييييييه الموتر
السلام عليكم ورحمة الله وبركاته
تستاهلون يا أعضاء سوالف هذا الخبر و هذي الصور الحصريه
مشكوووووووووووور وما تقصر اخوي انفنتي على الحصرية هذي...
بس مدري ليش ما بلعت اشكال الجديدة بسيارات نيسان:think: (رأي شخصي فقط)...
infiniti
05-03-2004, 01:46 PM
RED Chevy
كل سياره يختلف فيها رقم الشاسي
او يصير رقم الشاسي متفرع يعني
مثال Y62 و يصير متفرع منه رقم ثاني
و هذي نادرا ما تصير Y62C .
الهاجري
VQ35DE هذي من اول موديل نزل
بالسعوديه اتوقع 2001 و طالع .
لان QX4 مانزل عندنا الا مكينة
وحده اللي هي QX4
760IL
حاليا مافي معلومات اكيده
عن FX45 لاكن الوكلاء طالبين السياره
و الى الان في مناقشات مع المصنع .
A7medo
اي موديل من المكسيما اكيد
تقصد 94 و تحت هذي مكينتها VG30E
تقريبا نفس مكينة الزد لاكن الاختلاف داخل
المكينة اما الشكل الخارجي متشابة.
SKYLINE GTR
انا اقصد ان الاسعار تبداء من 56 الف تقريبا
هذا اللي وصلني من الاخبار.
Qatif_Altima_Hks
مكينة المكسيما 98 /99 تختلف
اختلاف كلي عن الزد 300
المكسيما VQ30DE الزد 300 بخاخ VG30DE
توين توربو VG30DETT .
ACCORD-V6
موعد نزولها بالخليج بشكل رسمي ما راح
يتقدم او يتاخر عن الخليج اكثر من اسبوعين
على اقصى تقدير.
الشبابي
زي ماقلت الاختلاف احيانا يكون جزئي مثل
مكينة المكسيما الجديده و الالتيما و احيانا
يكون فرق كبير مثل مكينة الزد350.
Dentist
في المواصفات الامريكيه اربعه سلندر فل
اوبشن تجي جلد و زنون و الكامري الى الحين
ما يعرفون طريق الزنون !!!!!:D
SKYLINE GTR
موضوع القير ماني متأكد منه كلها ايام و
يوصل الخبر الاكيد .
Mr_CoRvEtTe
يسلمك ربي يا حلوو.:cool:
oil_HKS_lio
عشانك يا مرتضى بصور السياره اول ما
تنزل من الباخره و احط الصور حصريا في
سوالف بس قبل ما احطها بالمنتدى بخليك
تشوفها قبل الكل:D
WRX
يسلمك ربي اخوي اممممممم تصدق انا
نفس الاحساس يصادفني احس ان بعض
التصاميم عاديه و احيانا تعجبني سيارات و
اذا شفتها على الواقع تكون سيئه و احيانا
تشوفها عاديه و علىالواقع شي ثاني روعه
الى الان ما اقدر احكم الا لما اشوف بعيني:D
و رأيك على عيني و راسي اخوي.
اشكر الجميع على المشاركه الفعاله و في انتظار
السياره و على الطبيعه كل شي يوضح اكثر.
السلام عليكم ورحمة الله وبركاته
رد فعل غير متوقع!!!
بصراحة ما اتوقعة يكون هذا ردك علشان كذا حطية في اخر الرد رأي شخصي فقط
بس بصراحة هذا لو دل على شئ بيدل على انك انسان فاهم....:o