تقرير مفصل تفصيل عن أفضل SUV ل2004

[RED Chevy]

بسم الله الرحمن الرحيم

السلام عليكم ورحمة الله وبركاته


كيف الأحوال شباب، عساكم بخير، اليوم موضوعي غير، وبتكلم عن سياره غير وكل شي فيها غير عن الباقي سياره من أول مانزلت حصلت جائزة أفضل سياره فخمه متعددة الإستخدامات، ألا وهي شيخة الأجياب الكادي SRX وهي شي ماينوصف خل نبدي بالصور:
نصيحه مني اللي فيه القلب أو الظغط أو السكر يطلع من أحين:














http://www.q826.com/Picture/files/RED%20Chevy-1078425947.jpg
شوفوا الروعه شوفوا الجمال والأناقه وينك ياليلاند تشوف الكادي من بعدك كيف
http://www.q826.com/Picture/files/RED%20Chevy-1078426057.jpg
الفخامه الأمريكيه واقفه بكل إعتزاز ومستعده للمنافسه

وذي صوره تعكس فخامة السياره بجميع الألونا( الزين زين لو ماغسل وجهه)
http://www.q826.com/Picture/files/RED%20Chevy-1078426148.jpg

المصمم نجح في كل نقطه في السياره وهي ماتحتاج كلام شكل ولا أحلى وهي ماخذه من شكل الCTS والإسكاليد لاحظوا تصميم الوجه المتقن
http://www.q826.com/Picture/files/RED%20Chevy-1078426231.jpg

وهذي صوره للوحش الجميل من ورى شي ماينوصف

http://www.q826.com/Picture/files/RED%20Chevy-1078426383.jpg
هذي صوره للمشكله الكبرى في السياره وهذي نقطه مو موجوده في كل المنافسين ألا وهي اللي تخلي الراس يدور شوفوا السقف الزجاجي هذي الكمال في صنع السيارات تخيل نفسك داخلها شنو شعورك ذيك اللحظه
http://www.q826.com/Picture/files/RED%20Chevy-1078426462.jpg وذي صوره أوضحhttp://www.q826.com/Picture/files/RED%20Chevy-1078426538.jpg

هذي الموتر من الخارج واللي يبي يدخل يدفع ريالين قبل مايشوف الإبداع:D


نبتدي بالكونسول الوسطي اللي فيه كل مايتمنى الواحد( للأسف النافيجيشن ماظن بينزل وإذا نزل بيكون بالطلب)

http://www.q826.com/Picture/files/RED%20Chevy-1078426682.jpg

شوفوا كيف الإتساع للصفوف ال3
http://www.q826.com/Picture/files/RED%20Chevy-1078426786.jpg
وهذي نظام الDVD وهو باناسوينك( كل سيارات GM اللي فيها DVD يكون باناسوينك)http://www.q826.com/Picture/files/RED%20Chevy-1078426873.jpg

وهذي الإبداع بس من داخل

http://www.q826.com/Picture/files/RED%20Chevy-1078426930.jpg
وذي صوره للجير
http://www.q826.com/Picture/files/RED%20Chevy-1078426981.jpg
وختامها صوره للإيرباجزhttp://www.q826.com/Picture/files/RED%20Chevy-1078427013.jpg

_____________________________________

أحين ندخل في المواصفات والتجهيزات:

طبعاً السياره هذي أول جيل منها، وهي خطوه قويه جداً من كاديلاك وشوفوا المواصفات التقنيه:
1- محرك جباااااااااااااار بسعة 4.6 نورثستار بقوة 320 حصان وعزم يبلغ 315 باوند قدم.
2- ناقل حركه هايدراماتيك ب5 سرعات وتبديل يدوي.
3- نظام دفع رباعي مستمرAWD.
___________________________

ندخل في أنظمة الثبات والدفع:
1- نظام التحكم المغناطيسي الجديد كلياً( إبتكار من كاديلاك لم يستخدم في أي شركه وتوه نازل بس على ذي والXLR) وهو يتحسس الطريق بمعدل 1000 مره في الثانيه.
2- نظام ستابي تراك المطور لتعزيز الثبات.
3- مكابح ABS مع مساعده للفرمله( مثل البنز).
____________________________________

نروح للمواصفات الخارجيه:
1- مصابيح أماميه باي زينون( دبل) وخلفيه LED مقثل ماعودتكم الكادي.
2- نظام تنبيه خلفي( سنسرات).
3- مريا خارجيه مدفئه وتنطوي كهربائياً وتصير معتمه.
____________________________________

المواصفات الداخليه ويا مكثرها:
1- نظام سمعي بوز ب6 إسطوانات و8 سماعات مع إير بويليت لموازنة الصوت.
2- نظام DVD ( مثل اللي بالصوره) مع سماعات وتحكم لاسلكي).
3- مقاعد جلديه وتحكم كهربائي ب8 إتجاهات مع ذاكره لمقعد السايق( الذاكره تشمل الراديو/ المرايا الجانبيه/ الكرسي).
4- كمبيوتر رحلات.
5- إختيار بين 5 أو 7 مقاعد( ال7 يكون ألترا فيو بلس وبعدين نتكلم عنه) وإمكانيه طي الصف الثالث كهربائياً.
6- التحكم من المقود في عدة وظائف ويكون ملبس بالجلد والخشب.
7- السقف الزجاجي ألترا فيو: يكون مغطي الصف الأول والثاني.
8- السقف الزجاجي ألترا فيو بلس: مايجي إلا مع الصف الثالث ويغطي السياره كامله وينفتح بعد:shock2: .
9- وسائد هوائيه تحيط بكل السياره من داخل.
10- تصميم داخلي من بولغاري.
___________________________________
الأبعاد:

1- السياره مصنوعه على قاعدة عجلات مخصصه لها مو مثل مايعتقد البعض إنها نفس اللي على التريل بليزر والإنفوي وهي الأطول في فئتها وطولها 2957 مقابل 2780 في التريل.
2- الطول/عرض/إرتفاع: 4950/1844/1722.
3- الوزن كامل 2015 كيلو( ملاحظه واحد من الشباب قال الكابرس وزنه 1780 لأنه فاضي ومافيه مواصفات ترى الجاغوارXJ نفس الوزن).
4- رنجات 18 تجنن.

وإن شاء الله عجبكم الموضوع من الساعه 10 وآنا أشتغل عليه.

[A7medo]

مشكووور اخوي ما قصرت

سؤال :


نظام التحكم المغناطيسي الجديد كلياً( إبتكار من كاديلاك لم يستخدم في أي شركه وتوه نازل بس على ذي والXLR) وهو يتحسس الطريق بمعدل 1000 مره في الثانيه.



هذا النظام ويش فايدته في السيارة . هل انت قصدك السنسرات ؟

[RED Chevy]

لاطال عمرك، هذي نظام يتحكم في ثبات السياره( مثل abs وطخته) لكن ذي نظام متطور لآخر درجه ويعتمد على الكمبيوتر في كل حركاته، يعني يتحسس الشارع إذا في إنزلاق أو مطبه ويتحكم بالجامبينات والتايرات.

[A7medo]

مشكور حبيبي

اذا ما عليك كلافة اذا تعرف اسم هذا النظام ؟
اذا مت كنت تعرفه مو مشكله يعني لا اتعور راسك وتلف واتدور مو لازم

مشكور مرة ثانية

[RED Chevy]

سلمك الله إسمه بالعربي نظام التحكم المغناطيسيس بالقياده وبالعنجرينزي MAGNETIC RIDE CONTROL و
إدخل هني (http://www.gmstars.com/index_ara.htm) بتحصل معلومات مختصره عنه في الXLR.

[A7medo]

مشكور ما قصرت

[RED Chevy]

العفو إخوي وماسوينا إلا الواجب


:D نسيت شي :D

الأسعار:
تبتدي الأسعار من 16000 وتوصل لي 20000 لكامل التجهيزات والسياره متوفره الآنا عند كل الوكلاء في الخليج.

[MuGeN]

:laugh: :laugh: :laugh:

وش هالسيارة !!

رهيبة (( تجنن )) :D

تسلم :) ..

[Mr_CoRvEtTe]

رووووووووووووووووووووووووووعه
تسلم اخوي على المعلومات والصور

[الشبابي]

مشكور اخوي ريد شيفي ...
انا كنت انطر اعرف المواصفات ... صراحة حلوة وروعة لكن ياليت تنزل عندنا كاملة ... لكن سعرها شوي غالي 185 الف ريال دون نافيجيشن يعني ممكن توصل 200 مع النافي ....















اخوكم الشبابي

[حبوب بوظبي]

مشكوووووووووور عالموضوع الروعه

[WRX]

السلام عليكم ورحمة الله وبركاته

مشكووووووووور وماتقصر اخوي رد شيفي
بصراحة موضوع روووووووووعة لسياراه ولا اروع...
بس شباب منتم ملاحظين ان الشركات الكبيرة كلها بدت تقتنع بالـAWD!!!


واخيرا...

[RED Chevy]

مرررراااااااااااااااااااحب بالشباب الحمد لله بردتوا قلبي:

MuGeN : ثانك يو بنك مصر وحياك الله معانا في أني تايم
:D

Mr_CoRvEtTe : هلا فيك إخوي ومشكووووووووور على مشاركتك.

الشبابي : أهلين بالشبابي، والله معاك حق السعر مرتفع شوي، لكن إذا تقارنها بمنافسينهاX5/RX/كايان تطلع رخيصه مره، شوف مميزاتها للفل أكثر من منافسينها وفيها تقنيات كثير، في الفئه ذي أرخص شي اللكزس والإنفنتي ومافيهم نص مميزات ذي، شكلنا بنسمت واحد عقب كم شهر:D

[RED Chevy]

مرررراااااااااااااااااااحب بالشباب الحمد لله بردتوا قلبي:

MuGeN : ثانك يو بنك مصر وحياك الله معانا في أني تايم
:D

Mr_CoRvEtTe : هلا فيك إخوي ومشكووووووووور على مشاركتك.

الشبابي : أهلين بالشبابي، والله معاك حق السعر مرتفع شوي، لكن إذا تقارنها بمنافسينهاX5/RX/كايان تطلع رخيصه مره، شوف مميزاتها للفل أكثر من منافسينها وفيها تقنيات كثير، في الفئه ذي أرخص شي اللكزس والإنفنتي ومافيهم نص مميزات ذي، شكلنا بنسمت واحد عقب كم شهر:D

حبوب بوظبي : أهلين حبوب بوظبي وأكيد سياره روعه وتسلم على مشاركتك.

WRX : أهلين خيو، إنت ذي الشي الوحيد اللي عاجبك ها:black: كل الشكرات بدت تستخدم AWD تقليد على السوبارو:D لا ترى مافيها شي إذا نظام ناجح وتقتبسه باقي الشركات، ترى مو بس الألماني اللي يطور عندك النايت فيجن في الديفل البنز بتستعمله وغيره وغيره أهم شي يكون نظام ناجح وتسلم يالغالي على ردك.

[oil_HKS_lio]

ررووووووعه:shock2:

مشكووور على الصور والمعلومات

[RED Chevy]

السلام عليكم ورحمة الله وبركاته
oil_HKS_lio ك مشطور يالطيب على مشاركتك والحمد لله السياره عاجبه الكل:cool:

[TOP-SECRET]

مثل ماعودتنا اخوي موضوع مميــــــز لسياره قمه في الروعه خاصه عالطبيعه :eek: :eek: وسعرها اشوفه حلو بالنسبه للمواصفات والشكل والمنافسين لها :eek: :eek: وبالنسبه لمحرك النورث ستار احنا كان عندنا كاديلك و 295 حصان ديفيل موديل 98 وكان طيااااااااره مشاء الله مكينه جباره يعني ذاك 295 حصان وجذي هذي 320 حصان بيسوي الهوايل ‍‍!!


تسلم على الموضوع والى الامام اخوي ;)

[RED Chevy]

هال بالطيب الغالي، والله آنا أكثر شي عاجبني هو المحرك الجبار ذي يعطيك 320 حصام من 4.6 يعني مقارب جداً لقوة الكايانs والx5 هذي ستاندرد شوف لي نزل SRX-V هني روس بتتكسر وبيكون منافس للكايان توربو وأعتقد بيكون بين 360 لي 400 حصان وتسلم يالغالي على مشاركتك.

[TOP-SECRET]

الله يسلمك اخوي ريد شيفي وهذا واجب علينا نرد على المواضيع المميزه:banana:

[الشبابي]

اخوي ريد شيفي ...
انا معاك ان مواصفاته حلوة لكن اسمح لي ...
مواصفاته احسن من الار اكس لكن من الاكس 5 والاف اكس صعبه ...
الاف اكس فيه شاشتين وجنوط 20 وجميع انظمة الرساوة وجميع المميزات الاخرى .... وسعره ارخص
لكن الغريب ان مواصفات الكاديلاك مواصفات اوروبية بينما الاف اكس مواصفاته امريكية .....
ولا يمكن لأي سيارة في العالم التفوق على منافستها في بي ام دبليو والدليل شوف هذي المقارنة ...


http://majidz.jeeran.com/cady1.gif

http://majidz.jeeran.com/cady2.gif

http://majidz.jeeran.com/cady3.gif


طبعا هنا الافضل من ناحية القوة والعزم والصرفية على اقل عدد من الدورات هو البي ام دبليو ....
ولاحظ ان الاف اكس ارخص من الكاديلاك .....








اخوكم اللاعب

[GMC 8100]

موضوع حلو بس كله صور من موقع كاديلاك الشرق الأوسط

يعني لو حاط وصله موقع كاديلاك و فاك نفسك أحسن لك :eek:

على العموم هذي بعض عيوب السياره من وجهة نظري :
تصميم جميل لكن غير متناسق و يميل كثيراً إلى سيارات الواجن (البكس:eek: )
السياره ماشاء الله فيها أنظمة كثير لكن معقده جداً جداً وللأسف وكالائنا بالسعوديه مايعرفوا يتعاملوا معاها
السياره قويه جداً لكن وزنها ثقيل و هذا اللي مخلي الX5 و الFX 45
أقل قوة لكن أحسن تأديه
المواد المستخدمه تبدو رديئه من الصور ولا تختلف عن باقي سيارات كاديلاك
سعر مرتفع بالنسبه لسياره ذات صناعه أمريكيه

المميزات :
سياره مريحه جداً
تحتوي 3 صفوف من المقاعد بعكس منافساتها حيث تحتوي على صفين فقط :)
دفع رباعي دائم + جير 5 سرعات <---- بدري ياكاديلاك :sleep:
نظام الDVD الخلفي جميل جداً
محرك ذو تأديه عاليه مقارنة بالمنافسين

وشكراًً

[الشبابي]

لاحظوا ان الجير الخمس سرعات نزلت اذا ماخاب ضني في 94 بالبي ام دبليو والتيبترونيك في 98 بالبي ام ونيسان 99 في سكاي لاين وفي مرسيدس 99 ايضا .... والى الان الاسكاليد على كبر حجم مكينته الا ان الجير 5 سرعات ....
على فكرة قارنت بين الاف اكس الدفع الخلفي والكاديلاك الدفع الرباعي وطلع الانفينيتي ارسى بكثير .......














اخوكم الشبابي

[GMC 8100]

رد مقتبس من الشبابي
والى الان الاسكاليد على كبر حجم مكينته الا ان الجير 5 سرعات ....

تصحيح 4 سرعات فقط

[الشبابي]

شكرا للتصحيح انا كنت اقصد 4 سرعات ...
لا والان في موديل 2004 نازل بالزنون ... ( بدري عليك بدري ) ...
بينما الكزس جي اس من 98 والماكسيما من 2000 و بي ام من 95 ...
وال اس 400 في اليابان في 97 .....














اخوكم الشبابي

[GMC 8100]

السيارات الأمريكيه بشكل عام متأخره بالمواصفات

توهم يكتشفون الشاشات و نظم الملاحه و الزينون والمكيف الإلكتروني مثل جمسنا لووول
:laugh: :laugh: :laugh:

ولا شنو ماشفت سيارة امريكيه Auto فوق و تحت مدري ليه ؟

ينقال لهم مبتكرين مخترعين دواسات تتحرك كهرب :eek: :eek:

[RED Chevy]

أهلين شباب:
الشبابي: مقارنتك حلوه بس بعد لاتستهين بالكاديلاك اليوم شفت واحد أبيض وصارت عيوني هالون:shock2: وشفت إنفنتي وصارت :damp: وشفت همر وصارت :eek: لكن بصراحه أبيك تقولي لي بغض النظر عن الإنفنتي شرايك فيه كسياره ومواصفات أمان وأنظمه.

GMC 8100 : لاحبيبي مو من موقع الشرق الأوسط من موقع كندا:glasses: :D بس إن السيارات الأمريكيه هي الأخيره في كل شي أعترض هني، صحيح هم تأخروا في شغلات، لكن بعطيك أمثله:
1- الكابرس من 79 كراسي كهرب( لاحظ الأكورد كرسي السايق بس والكامري إختياري)
2- الكابرس من 91 يستخدم الabs والكامري توهم حاطينه.
3- الكادي نزلت أنظمه مو موجوده في باقي السيارات( يعني إبتكار) ومثال عندك النايت فيجن وتحسس المغناطيسي.
4- الكادي من 2000 تنزل led والبنز والbmw حطوه في 2002/20030.

وطال عمرك المكونات الداخليه آنا كنت أعتقد ذي الشي يوم شفت صور الCTS لكن يوم ركبته حسيت بإنها فخمه وجودتها ممتازه وتحس بالفخماه فيها كفايه تقول آنا عندي كدلك:banana:
ومشكورين شباب على الردود.

[RED Chevy]

على فكره الشاشات ونظام الملاحه متوفره في الأمريكي من زامن بس ماتنزل عندنا هناك حتى الكامري ينزل بشاشات الله يخلف على وكلائنا بس.

[الشبابي]

اخوي ريد شيفي ...
كونه سيارة فوالله عاجبني وحلو جدا ويعتبر تطور كبير قامت فيه السيارات الامريكية صحيح انه جاء متأخر لكن جيد لكن على فكرة صحح المعلومات اللي كتبتها انت ...

1/ تقنية ليد نازلة في سيارات اختبارية لمرسيدس وبي ام من فترة طويلة والمرسيدس 99 الفياجرا الفرامل بتقنية ليد .

ومن خلال مقارنتي لجيب الكاديلاك ( دفع رباعي مستمر ) ونظام المغناطيسي للثبات حقه مع الاف اكس الانفينيتي ( دفع خلفي ) اثبت الاف اكس انه ارسى بمراحل وشوف هذي المقارنة ...

هنا صورة لتقييم الاف اكس من موقع كار اند درايفر ...

http://majidz.jeeran.com/fx45.gif

طبعا هذي للإف اكس 45 الدفع الخلفي ...

وهنا صورة لتقييم الجيب الكاديلاك الدفع الرباعي ....

http://majidz.jeeran.com/cadydrx.gif

لاحظ ان التسارع والبريكنج 10 من 10 وهذا هو المتوقع لأنه دفع رباعي فساعدته كثير لكن شوف الهاندلينق ....








اخوكم الشبابي

[RED Chevy]

أهلين الشبابي :

نقاط ضعف الكادي( بالأصح اللي ماجابت فيهم 10) هي الصرفيه والهاندلينج والجير والأوفيرال، لكن الباقي كله عشره، شوف الراحه الداخليه( صدقني مافي أريح من كراسي الكدلك) بس إجمع درجات الكدلك99 والإنفنتي 99.16 يعني فرق بسيييييييييط جداً لكن بعد عندي الكدلك أحلى وكل موتر له ميزاته.

[RED Chevy]

نسيت شي إخوي، الموتر توه نازل فرييييييييش وحصل جائسزة أفضل SUV والإنفنتي نزل بنف الفتره ليش ماحصلها:damp: