نداء الى من يعرف وكيل الهوندا فى الشرق الاوسط ( عاجل ) ....

[أبو زكي المنسم]

السلام عليكم

مساكم الله بالخير .. ابغى يا شباب رقم الوكيل حق هوندا فى الشرق الاوسط لانى ابى اشتكى عليهم صراحة .. الفزعة يا شباب لان الموضوع خرج عن السيطرة ..
هل هى فى دبي ولا كيف ؟
مشكورين شباب ورجاءا لاحد يعطينى الويب سايت حقهم لانى ما فهمت شي منه !

[M.A.M]

السلام عليكم
طيب اخوي ياليت نعرف وش سبب الشكوى علشان يااما نشتكي معاك ولا نحاول نشوف لك حل :D
تحياتي ...

[علي عبدالله]

بالفعل شوقتنا الى معرفة السبب اللي يخليك منفعل كذا :eek:
...وصدقني اذا عندك اي مشكلة مع الهوندا راح تلقى (هنا بالذات ) الكثير من المتخصصين والفلاسفة في الهوندا بالذات :p
والله يعينك اخوي :)

[أبو زكي المنسم]

ابشركم يا اخوان انا اتصلت عل الاخ رضوان فى جدة وكان تفاعله نوعا ما طيب .. لكنى انا ماحبيت اطول السالفة على نفسي وعليكم
لانه اتضح الخطأ انه منى وليس من الوكالة ومع ذلك تم نسبة خصم 25 بالمئة من السعر
شكرا لكم وماقصرتوا
بس انا اشهد ان الهوندا قطع غيارها ناار

فكرت والله ابيع السيارة بعد كذه !!
ولا شرايكم شباب ؟؟

[علي عبدالله]

رد مقتبس من أبو زكي المنسم
ابشركم يا اخوان انا اتصلت عل الاخ رضوان فى جدة وكان تفاعله نوعا ما طيب .. لكنى انا ماحبيت اطول السالفة على نفسي وعليكم
لانه اتضح الخطأ انه منى وليس من الوكالة ومع ذلك تم نسبة خصم 25 بالمئة من السعر
شكرا لكم وماقصرتوا
بس انا اشهد ان الهوندا قطع غيارها ناار

فكرت والله ابيع السيارة بعد كذه !!
ولا شرايكم شباب ؟؟


معروف ان الهوندا قطع غيارها نار وهذي مشكله من عدة مشاكل فيها تخليني اقولك
بيعها واشتر تويوتا وانت ماتندم :)

[M.A.M]

اخوي أبو زكي المنسم
عندي بس سؤال واحد لك : وش سبب الشكوى ؟؟
ونصيحة لاتفرط بالهوندا واسأل مجرب:banana:
تحياتي :D

[ACCORD-V6]

اذا شريت تويوتا بتندم ندم كبيييييير

اولها بتغير الفحمات اول اسبوع:D :D :D

راعي البيج بيعصب:mad: :mad:

انا اقول الحق

يعني تشتري فحمات هوندا بمبلغ وقدره تعيش مععععععععععك
تشتري فحمات تويوتا بمبلغ زهيد اسبوع وتخرب

مافيه شي بلاش
فكر بعقلك وبتلقا كلامي صح


اللي بيشتري هوندا بأذن الله لن يندم

والاخ M.A.M
كلامك صحيح حبيبي
وانا مجرب بعد

[الارهابي]

رد مقتبس من راعي البيج
...وصدقني اذا عندك اي مشكلة مع الهوندا راح تلقى (هنا بالذات ) الكثير من المتخصصين والفلاسفة في الهوندا بالذات :p



:D :laugh: :D

[علي عبدالله]

ابو زكي اسمع مني (فاني لك ناصح ) :glasses:
ماعليك من اللي يحاول يبرر غلاء اسعار قطع غيار الهوندا بان السبب هو جودتها (الخيالية) ....
انا ما اقصد انها رديئة لكن سعرها مبالغ فيه (وهذا امر معروف) وراح تكلفك مبالغ كبيرة بالفعل ...
وفي الطرف الثاني نشوف التويوتا قطع غيارها منتشرة في كل مكان وباسعار معقولة ومناسبة جدا للجميع ..وعلى فكرة
في بعض الناس اللي تحاول تألف امور خيالية عن ان فحمات التويوتا ماتتحمل الا فترة بسيطة وبعدها تفسد ومش عارف ايش
هذا الكلام مايحتاج طبعا اني اتكلم فيه لانك فاهم بروحك انه (من الخيال الواسع) واتحدى ان قطع غيار التويوتا لاتقل في الجودة عن الهوندا وتتفوق عليها في الانتشار الكبير والسعر المناسب والمعقول ..
(مو معنى كلامي اني اقولك روح بيع سيارتك الهوندا فورا لا طبعا :p )
بس اكتفي بانك تبدأ بشراء تويوتا والاعتماد عليها ابتداء من المرات القادمة والى ماشاء الله ...وابتعد عن (خبري خبرك)ترا يسبب الافلاس للجيوب
وشكرا :)