لماذا نجحت هذه السيارة؟؟؟؟؟؟؟........(موضوع)

[AMG]

دايهاتسو سيريون نجحت بشكل كبير في أسواق الامارات لدرجة اني استغربت من كثرة تواجدها ولكن ما هو السبب؟؟؟؟ السعر ام شكل السيارة ام الحملة الاعلانية وخصوصا من ناحية التمويل بعد ان كانت شركة دايهاتسو على وشك الانقراض في اسواق الامارات بالاضافة الى انتشار الدفع الرباعي الصغير تيريوس اترك لكم حرية النقاش:banana:

http://www.daihatsu.com/catalogue/sirion/design/img/gaikan.jpg

[مؤيد اف1]

والله يامشرفنا انا ماعمري شفت السياره هذي بالسعوديه بس شفت ثنتين تيريوس :D

[محمد دريهم]

وانا ماقد شفتها بالسعوديه..


يمكن بالامارات ومشكور عالموضوع

[TOP-SECRET]

انا ولا مره شفتها في شوارعنا :think:

[Lumina_ss_Coupe]

بييييييييييه في البحرين عندنا مفلتين على كيفيك والسبب اهو القسط الشهري مالها 48 دينار بحريني يعني 480 ريال والتيريوس 58 دينار بحريني

الله يديم الرخص:laugh: :D :laugh: :D :laugh: :D :laugh: :D

[A7medo]

رد مقتبس من Lumina_ss_Coupe
بييييييييييه في البحرين عندنا مفلتين على كيفيك والسبب اهو القسط الشهري مالها 48 دينار بحريني يعني 480 ريال والتيريوس 58 دينار بحريني

الله يديم الرخص:laugh: :D :laugh: :D :laugh: :D :laugh: :D

صحيح كلامك

والسبب الرئيسي هو أقبال الناس ذوي الفئات الي معاشاتهم ضعيفة

[LS1 LOVER]

والله ما شفت زيها عندنا في الرياض:blink: :blink:

[سردال]

رد مقتبس من A7medo
صحيح كلامك

والسبب الرئيسي هو أقبال الناس ذوي الفئات الي معاشاتهم ضعيفة

شفت ناس أغنياء وعندهم خير لكن يشترون دايو ماتيز وديهاتسو :)

[الأنصاري]

احنا في قطر وكيل الديهاتسو منظر نادر ماتلقى سيارات ديهاتسو عندنا

بس اعتقد اكيد سعرها رخيص جدا والوكيل عندكم عمل دعاية ناجحة

[غريب السيف]

السلام عليكم ورحمة الله وبركاته

توجد عدة اسباب لنجاح السيارة في الامارات وانا لاحظت ان المواطنين يشترونها بكثرة ويركبون عليها زوايد ..

ومن اسباب نجاحها في نظري::
- السعر حيث انها سعرها من 30 الى 34 الف درهم
- تصميم السيارة الجميل
- محرك وناقل حركة من تويوتا ..نفس محرك وجير الايكو 1.3 لتر
- معظم قطع غيارها من تويوتا ..وهي رخيصة جدا..
- استهلاك منخفض جدا للوقود

وبعض الناس تشتريها كسيارة ثانية للدوام او للخط ..وانا في الجامعه اشوف وايد منها ..ومب شرط انهم يكونون ذوي دخل محدود

[MuGeN]

أنا قلت بتحط سيارة معروفة .. خخخ :D

[RED Chevy]

السلام عليكم ورحمة الله وبركاته
مشكور مشرفنا على الموضوع.

غريب السيف : ئإخوي بس محركها 3 سلندر والإيكو 4;) .

سبب نجاحها مادري بس 90% السعر الرخيص وإنها يابانيه، لكن الله لا يروكم البدي إّا قلت قراطيس أكون مدحته، ولد خالتي أول ماشتغل خذ وحده، صدقني يحط المفتاح في الباب يدخل الباب على داخل مره دعم صبي صغير الجامه الداميه إنكسرت والمدقار تخفس والبانيت( الكبوت) تخفس والليت وووو والجاهل قام يمشي وراح بيتهم على رجوله هذي يسمونها سياره بعد، عقب الحادث باعها وتم من هوندا لي هوندا.

[سردال]

رد مقتبس من RED Chevy
السلام عليكم ورحمة الله وبركاته
مشكور مشرفنا على الموضوع.

غريب السيف : ئإخوي بس محركها 3 سلندر والإيكو 4;) .

سبب نجاحها مادري بس 90% السعر الرخيص وإنها يابانيه، لكن الله لا يروكم البدي إّا قلت قراطيس أكون مدحته، ولد خالتي أول ماشتغل خذ وحده، صدقني يحط المفتاح في الباب يدخل الباب على داخل مره دعم صبي صغير الجامه الداميه إنكسرت والمدقار تخفس والبانيت( الكبوت) تخفس والليت وووو والجاهل قام يمشي وراح بيتهم على رجوله هذي يسمونها سياره بعد، عقب الحادث باعها وتم من هوندا لي هوندا.

السيارة لها محركين:
- 1 لتر 3 أسطوانات
- 1.3 لتر 4 أسطوانات

بخصوص جسم السيارة، من الأفضل أن يحدث للسيارة ذلك بدلاً من أن يكون جسمها صلباً فتؤذي المارة، الشركات تركز الآن على مسألة أن يكون جسم السيارة من الأمام مرناً كفاية لكي لا تؤذي المارة، هذا أمر، الأمر الآخر الجسم الذي يصبح كما تسمونه قرطاس بعد الحادث يمتص قوة الحادث ويبعدها عن الركاب بينما في السيارات القديمة كان الجسم صلباً وعندما يحدث أي حادث يصاب الركاب بإصابات خطيرة.

للمرة الألف: تجاربكم الشخصية مع السيارات لا تعتبر حكماً على السيارة.

[RED Chevy]

هلا إخوي سردال:

ممكن يكون البدي القرطاس زين لكن مو لذي الدرجه، لكن بالله عليك في السعوديه مثلاً أغلب الناس ماتأمن لو واحد سوى حادث بذي وواحد بسياره قديمه شوف في القرطاس شنو بيبدل والحديد شنو بيبدل، إّا البدي الحديد مايحمي الركاب شوف اللي يصيده حادث في كابرس قديم وإيكو تقدر تقول لي في أي سياره الحمايه أكبر، شوف البنز لو صاده حادث سواء كان جديد أو قديم البدي ايتخفس مثل باقي السيارات( السيرون على سبيل المثال) أحين سيارات الشرطه ليش تدور السيارات القويه بدي ومكينه المكينه معروف بس البدي ليش، يوم قطعوا الكابرس خذوا الكراون عندنا ليش ماخذوا سياره أرخص ومكينتها أقوى وبديها أضعف مثل المكسيما على سبيل المثال وبتكون صيانتها أرخص؟

وطال عمرك إّا التجارب الشخصيه ماناخذها مقياس شنو ناخذذ؟
أحين إنت لو خذت سياره وطلعت كل مشاكل الدنيا فيها، هل ممكن تفكر إن تاخذ سياره من نفس الشركه؟

أكيد لا إحنا جربنا الفولفو وضقنا المر منها وأحين الXC90 عاجبنا كشكل وفخامه بس مستحيل( بكل ماللكلمه من معنى) ناخذ فولفو وإّا كل شي بدليل أحين لو قلت لك شنو إسمك إنت بتقول فلان باقول لك جيب دليل، مو كل شي بدليل ولا كل شي بكلام المجلات والمواقع، مثلاً تاخذ كلام مجله BMW هل هي بتكون محايده في كلامها عن البنز لو كان في موضوع عنه أكيد لا وبتظهر إن سيارتها أحسن.

[@elmalghoom@]

أحبك أنت يابتاع المنطق:D
:banana:

[سردال]

هناك كتاب ألفه رالف نادر أمريكي من أصل لبناني عنوانه "unsafe at any speed (http://www.amazon.com/exec/obidos/tg/detail/-/B00005X2CK/qid=1078943169/sr=1-1/ref=sr_1_1/002-4862014-6740867?v=glance&s=books) وقد كتب هذا الكتاب في الخمسينات إن لم أكن مخطأً وقد ذكر فيه الكاتب أن السيارات ليست آمنة على أي سرعة، وتذكر هذا الكلام كتب حين كانت السيارات ضخمة وقوية البنية إلى حد كبير، السيارات القديمة حينما يحدث فيها حادث متوسط أو قوي تدخل لوحة القيادة على الركاب وفي الحالات الأسوء يدخل المحرك عليهم وهذا ما يجعلها خطيرة، كل السيارات الحديثة تمتص الصدمات، لكن إن كانت سرعتك أكثر من 70 كلم في الساعة فلا توجد وقتها أي سيارة آمنة لأن كل اختبارات الأمان تجرى على سرعة 64 كلم كما أتذكر.

بخصوص الأمان الفاصل هنا لا رأيي ولا رأيك، اختبارات الأمان الأوروبية والأمريكية يمكن الاعتماد عليها.

أما التجارب الشخصية فأنا أقول بأنها ليست حكماً على أي موضوع، لومينا التي كثر الجدال حولها جربها البعض ولم يواجه أي مشاكل، وجربه الآخرون وواجهوا الكثير من المشاكل، فمن نصدق؟ عندما تجرى دراسة دقيقة على آلاف السيارات وتظهر عدد الأخطاء لكل مئة سيارة وقتها نستطيع أن نحكم على السيارة.

أما الدليل فيطلب في المواضيع التي عليها خلاف، وتطلب الأدلة من جهات محايدة لا من مجلات ولا صحف، بل من مؤسسات لديها مصداقية وتقوم بعمل إحصائيات دائمة، بدون دليل سندور في حلقة مفرغة من الكلام الفارغ التافه.

[RED Chevy]

أهلين سردال:

طبعاً السيارات مب آنمه على أي سرعه حتى في وكتنا الحالي، يعني لوإنت واقف واجاك واحد مجنون صدمك مابتكون في أمان إذا سرعته عاليه صح؟
بالله عليك هل شفت كابرس أو كراون فيكتوريا من القدام المكينه في المقصوره؟
ذيك السيارات حديدXحديد، الكابرس مثلاً من 79-90 البدي أول شي صدام حديد هذي كفايه يكسر 5 كوامري، راح الصدام يجي وراه الشاصي الشاصي بالنسبه لي أهم عامل أمان والكل بدى يتخلى عنه من الصغار لي أكبر الكبار يقولون أريح وووووو، الشاصي يكون العمود الفقري للسياره تخيل تبني بيت بدون أساسات الشاصي هو الأساس، شوف الصدمات الجانبيه مالقوا لها حل ولابيلقون ليش؟
شاصي مافيه يعني تقدر تلصق الباب بالباب لأن مافي شي يمسك يقولون حطينا دعامات داخل الأبواوب هذي لها فايده لكن شبتحمي، لوفعلاً السيارات القديمه ماتحمي عجل سيارات هالزمن شنو، ليش الفولفو بديه مايتعور كثير في الحوادث؟
الفولفو هدفهم الأول الأمان وهذي نقطه الكل يعترف للفولفو بها حتى مع مشاكلها لكن تركب وإنت مأمن على نفسك صحيح إن كل شي الله كاتبه بيصير لكن إنت ماتاخذ إحتياطك وتقول باخذ سياره مافيها أمان والي الله كاتبه بيصير.
إحنا سوينا حوادث كثير كان عندنا كابرس 82 سوينا حادث خشن خشن ضربنا كورونا طارت على الرصيف وبيك أب تعور شوي، الكابرس شنو صاده؟
البمبر( الصدام) طاح والليتات تكسروا صدقني حتى رضوض ماصادتنا الكورونا طارت على الرصيف تخيل قوة الحادث والرصيف كان طبقتين يمكن شباب البحرين يعرفون الشارع دعمنا على الشارع اللي بين عراد ومحرق واللي شاف الرصيف بيتخيل قوة الحادث.
إخوي دعم في الكابرس دعم هونداي كسرها بدلنا الليت والمدقار وصبغنا مكان الحادث بس.
لكن ولد خالتي ضربه واحد على خفيف ( سيارت ولد خالتي مكسيما وذاك باجيرو) وجه المكاس تكسر كامل كامل كامل وكله تبدل والباجيرو شموخ بس.
هذي كم تجربه ولو إنت ماقلت تجربتك مع السياره وفلان ماقال وغيره وغيره الواحد بيشتري سياره ويطب في مشاكلها، لو التجارب ماتنحسب كمقياس عجل ليش إّذا واحد من الشباب يبي يشتري سياره يسأل عن راينا في المنتدى؟
يسأل لأنه يبي راي ناس مجربين وناس عندهم معرفه عن السياره ومشاكلها ومميزاتها.
عن نفسي إّا باخذ سياره مابسأل حد ليش؟
باخذ الكابرس اللي كل الشباب يكرهونه هني، باخذه وآنا أعرف مشاكلها مشاكله الجير/دفريشن وأشياء جايده لكن باخذ( ماتكلم عن الجديد) وسيارتي اللي بعدها بعد كابرس وبعدين بعد إذا فكرت باخذ كابرس‍‍‍‍‍‍‍‍‍‍‍‍‍‍‍‍‍‍‍‍‍، بس ليش؟
إحنا جربنا كوابرس كثير وآنا لما باخذ شفر أعرف شنو شفر، لكن الفولفو مستحييييييييييييييييييييييل حتى لو كان كل شي فيها عاجبني، تويوتا مستحيل عقب ماشفته من فخامه وجوده في الكامري، هوندا خيار تفكر فيه لأنا جربنا هوندات وإرتحنا منهم هذي تجارب إنت لما بتجي تاخذ كلام من مجله هل مصداقيته %
شدراك إن الشركه الفلانيه مادفعت كذا للمجله عشان تكتب كذا، شدراك وشدراك وشدراك؟
آنا عن نفسي من كلام المجلات ماأقتنع إلا بالشي اللي ممكن يدخل العقل، عجل سعودي أوتو تكتب الأوبيروس منافس للجاغوار والبنز:headshak:
آنا من أشد المعجبين بالمجله لكن وين الكيا ووين البنز


@elmalghoom@ : ثانك يو سانك يو فور تأييد:D

[Mr_CoRvEtTe]

صح كلامك مشرفنا اشوف منها وايد