عودة الهيمي

[HEMI_RETURNE]

عودة الهيمي :black: في اول مشاركه لي في هذا القسم حبيت ابينلكم باني راح اكون رافع لشعار الدوج دايما بس لاتعتبرون هذا تعصب لاني احترم باقي السيارات الامريكيه

علعموم حبيت اقول شي واحد (بانه ايام الكابريس واللومينا اس اس صارت معدوده) بسبب انتاج شركة كرايزلر لسيارتين يعتبرون الاسرع بفئتهم واهم الكرايزلر 300سي هيمي والماغنوم وكلهم مزودين بمكاين دوج الجديده هيمي5.7 وينتجون 345 حصان وعزم 390 باوند ويتسارعون من 0-100 في 5.8 ثواني هذا بالاضافه لتصميمهم الي يتفوق على تصميم الهولدن كابريس وكلنا يعرف بانه اللومينا اس اس تتسارع من صفر الى 100 ب 6.3 ثواني مع انه الكرايزلر والدوج ماغنوم هيمي حجمهم اكبر واعتقد انهم بينافسون ضمن السيارات من الحجم الكبير مثل الكابريس لكن قوه محركات الهيمي والي تعود جذورها لتاريخ دوج وسمعتها القويه بالسبعينات راح اترجع سيارات العضلات الامريكيه من جديد بتكلوجيا موثوقه تقدر انهاتنافس لسيارات الامريكيه وبسهوله في منطقتنا وخاصه عند الشباب لانه القوه في هذي السيارات اهيه الحد الفاصل ومع ارتفاع مستوى جودة دوج وكرايزلر بالتصنيف العالمي الى المرتبه الثالثه من بعد تيوتا ولكزس طبعا راح اتكون عودة الهيمي لها لمنطقتنا من بعد انقطاع ثلاثين سنه له الف حساب وحساب
واتمنى من اخواني انهم يعلموني طريقة ارفاق الصور علشان نثري الموضوع اكثر وشكرالكم

والحين كلكم ترقبوا هدير الهيمي [SIZE=1]

[Mazda6 Atenza]

السلام عليكم ورحمه الله

نتمنى فعلا يكون هناك منافس للوميناss ويكون امريكي ... لكن اهي سيارة رياضية ...لان بصراحه انا يمعه عن كرايزلر رياضة باب واحد .. و ما اعتقد من الانصاف نفارنها باللومينا ....

مع الشكر ....:p

[Mazda6 Atenza]

اسف اخوي كتبت وانا مستعجل فكان هناك اخطاء ... اقول اني سمعت عن كرايسلر رياضية بباب واحد ... و ما اعتقد من الانصاف نقارنها باللومينا اس اس

سوري اقين ... وثانك يو:banana:

[LS1 LOVER]

يعطيك العافيه اخوي هيمي ونحن بالانتظار :glasses2: :glasses2: :glasses2:

[غريب السيف]

مرحبا السااااع اخوى ..انشاالله انشوف من المواضيع الزينه

وحبيت ابلغك اني انا من عشاق الدودج المجنونين وخاصة الرام والفايبر
والتصاميم الجديدة واتمنى اننا انفيدك ونستفيد منك في مجال الدودج
والكرايسر ..وحقا ان المحرك الجديد (هيمي) جبار جدا وخاصه انه حجمه الصغير يسمح له بان يكون في سيارات صغيرة الحجم
وهو ما نتوقعه قريبا

[HEMI_RETURNE]

اول شي حبيت اشكركم على ردودكم السريعه وتجاوبكم الحلو وحبيت اوضح انه الكرايزلر 300سي اهيه صالون كبير باربع ابواب والماجنوم راح يكون على شكل بوكس متوسط الحجم بس تصميمه حيل رياضي وقوي اما السياره الباب الواحد الي تكلمتوا عنها اهيه كروس فاير اس ار تي6 بمحرك سته سلندر و300 حصان ومن المتوقع انه تقنية محركات الهيمي راح ينقلونها للسته سلندر هذا لكفائتها وسهولة انتاجها للقوه والعزم وشكرا لكم

[ACCORD-VETIC]

رد مقتبس من LS1 LOVER
يعطيك العافيه اخوي هيمي ونحن بالانتظار :glasses2: :glasses2: :glasses2:
:shock2:
Hemi it`s Really not a jok
even LS1
:think: who will take the flowers:eek:

[HEMI_RETURNE]

hemi will take it for suuuuuure:glasses2:

[HEMI_RETURNE]

ولا تنسون انه الهيمي له احترام كبير في قلب الامريكيين ووصفوه بانه المحرك الذي لايقهر وكلكم حسب ظني تعرفون مكاين LS1 6.0 الي تنتج 345 حصان والهيمي مع انه 5.7 ينتج نفس الاحصنه ال345 وللعلم بانه محركات الهيمي تكون قوتها محدده من المصنع بهذا الرقم من الاحصنه ولا اهي بالواقع تنتج 420 حصان والامريكان حاليا كلهم بانتظار الكمبيوتر chip حتى تستخرجلهم القوه الكامنه من هذي المحركات والي اغلبها في هذا الوقت موجوده على الدوج رام 2003 و 2004 والدوج دورانجو 2004 وللعلم الدوج رام الحين متربع على عرش السيارات الامريكيه الي من فئته سواء من ناحية الجوده او القوه والتسارع من 0-100 في 6.8 والربع ميل في 14 ثانيه وهذي ارقام عظيمه بالنسبه لشاحنه يبلغ وزنها 4 طن تقريبا مو قتلكم الهيمي والدوج لازم ينعمله الف حساب ولا تنسون بعد الدوج شارجر الي راح اتكون امزوده بمحرك هيمي 6.1 و450 حصان ولاتنسون انه الفايبر بعد سنتين راح اتكون امزوده بمحرك هيمي 10 سلندر وقوته الصافيه 700 حصان وهذي كلها اخبار مؤكه من مجلة كار اند درايفر الامريكيه

[RED Chevy]

السلام عليكم ورحمة الله وبركاته
هلا فيك إخوي وحياك الله، وهديتك في توقيعي شوف موضوع الفايبر:black:

بس في كم توضيح;)
محرك الكروس فاير مال البنز ال320 وماظن يوصل 300 حصان لأن البنز500/قوته305 وعن السعه والقوه الكورفت 5.7 ويوصل 400 حصان وأكثر من الوكاله ولي عوده.

[W351]

اخوي HEMI_RETURNE

حياك الله بين اخوانك لكن حبيت اوضح حاجه محرك LS1 يجي 5.7

مو 6.0

ووو وووو



وبس

[أبوالزين]

حياك الله

[VIPER GTS-R]

رد مقتبس من RED Chevy
السلام عليكم ورحمة الله وبركاته
هلا فيك إخوي وحياك الله، وهديتك في توقيعي شوف موضوع الفايبر:black:

بس في كم توضيح;)
محرك الكروس فاير مال البنز ال320 وماظن يوصل 300 حصان لأن البنز500/قوته305 وعن السعه والقوه الكورفت 5.7 ويوصل 400 حصان وأكثر من الوكاله ولي عوده.

بس تعليق بسيط

فعلا محرك الكروز فاير ال srt-6 يجي 320 حصان لان عليه سوبر شارج :glasses:

ولي عودة مع موضوع متكامل ان شاء الله عن محركات الهيمي عشان خاطر العضو الجديد HEMI_RETURNE

<< مثلك يحب الدوج


((ولاتنسون انه الفايبر بعد سنتين راح اتكون امزوده بمحرك هيمي 10 سلندر وقوته الصافيه 700 حصان وهذي كلها اخبار مؤكده من مجلة كار اند درايفر الامريكيه)) :shock2: :shock2: :shock2:

700 حصان بدون سوبر شارج ولا تيربو فعلا معجزة :banana:

[RED Chevy]

البنز لاعبين لعبه بالسوبر جارج والتيربو ماتم موتر ماركوبه عليه من السمارت لي المايباخ السوبرجارج على 3.2=320 حصان = شي رهيب رهيب رهيب والفيبو 700 بدون شواحن عاش الدوج عاش الشفر عاش الفورد:D فعلاً الأمريكان يشوفون فوووووووووووووووووووق الكادي 1000 حصان بدون شواحن الفايبر 700 بدون شواحن الهيمي 345 بدون شواحن الكوفت 400 بدون شواحن الSRX 320 بدون شواحن ويقولون تقنية أمريكيه متخلفه.

[silver]

وزي ما قال W351 المكينة LS1 هي 5.7 لتر ... وتجي منها كم قوة ... 325 حصان (كابريس SS لومينا SS كومارو SS - و 350 حصان على الكورفيت C5 - و 405 حصان على الكورفيت Z06) ... وسمعنا إن الكورفيت C6 مكينته 6 لتر تنتج حوالي 450 حصان.

على فكرة في شركة عدلة مكينة الكومارو LS1 5.7 لتصل إلى 550 حصان بدون اي شواحن او تيربو وذلك بتغيير بعض القطع .... اظن الشركة هذي اسمها SLP

[HEMI_RETURNE]

توضيح على التوضيحات الي وردت منكم اخواني ....

اول شي بالنسبه لمكاين ال ls1 الي تكون باليوكن او زد71 او بالكاديلاك اسكاليد ماتكون 5.7 لانه هذي المكاين تحدد انتاجها فقط للسيارات السبورت مثل اللومينا ss والبونتياك gto في امريكا والكورفت طبعا ومكاين جي ام الجديده والي تكون للجيبات والوانيتات تكون اما 4.8 او 5.3 او 6.0 وكلها تحمل تقنية ls1 وقوة المحرك الاول 260 حصان والثاني 280 حصان مومثل مايدعون بالخليج بالنسبه للجي ام سي يوكن بانه 325 حصان والثالث اهو محرك الكاديلاك اسكاليد 6.0 وينتج 345 حصان

التوضيح الثاني بالنسبه للكروس فاير اهي فعلا تحمل مكينة المرسيدس والي قوتها 205 احصنه ولكن ال اس ار تي 6 تخلت شركة كرايزلر حسب اخر الاخبار عن وضع السوبر جارج وراح تنتج محرك جديد وهوه هيمي 6سلندر hemi v6 او حسب ماسموه الامريكان (hemi baby ) اوطفل الهيمي وبيكون 300 حصان وطبعا بدون سوبر جارج ولا عوار قلب وهذا المحرك راح يكون ضروري للدوج لمنافسة محرك الجي ام والي موجود يالتريل بليزر ال4.2 6 سلندر والي ينتج 270 حصان وهم مو مثل مايدعون بالخليج بانه 295 حصان و انصح الكل بانه يشوف الارقام الحقيقيه بالياهو اوتوز yahoo autos او باي موقع امريكي يشوفه مناسب
واتمنى انه توضيحي يوضح لكم توضيحاتكم ومشكورين على هذا التفاعل الطيب :) والف شكر

[RED Chevy]

أهلين إخوي:

المكاين اللي تجي على الجموس والجيوب تكون فورتريك و325 حصان والتريل ماظن مو 295 لأن صديق إخوي مجرب ويا مواتر وايد ويروح عنهم مثل الماي ومعروفين بقوتهم اللي مافي جيب من فئته بهالقوه حتى لو كان 270 بعد قوي.
والإسكاليد صحيح ال345 وشي معروف ومشيه يبين لاتنسى التقنيات الي في GM فورتريك/نورث ستار/ إيكوتيك وغيرهم، إّا شفت مكينة الكدلك الجديده نورث ستار 4.6 تطلع 320 حصان وأغلب الماوقع فيها نفس الكلام لكل السيارات، والLS1 يبتدي من 295 على الكابرس وينتهي ب405 على الكورفت ومكاين ال GM معروفه بقوتها العاليه وشوف أغلب المواقع فيها السيارات كلهم نفس القوه.

[W351]

اخوي HEMI_RETURNE

مكاين اليوكون والاسكاليد والسوبربان ماهي LS1 هذي اسمها فورتيك

وهي اللي تجي با السعات اللي ذكرتها بعدين لحظه :think: :think:

وين محبين الشفر:anger:

انا ليش جالس ارد وين الارهابي ووين كنج اس اس:banana: :banana:

لا لا ترا امزح بس ودي احد يصحح معلوماتنا لان خبرتي في الفورد اكثر

شي وووووووووووووووووووووووو




وبس

[W351]

معليش اخوي RED Chevy

نزلت ردي قبل لا اقرى ردك:headshak: :headshak:

وشكرا على توضيحك الشفري


وبس

[RED Chevy]

هلا إخوي W351 الشفراويه موجودين:D بس الإرهابي مادري وينه مختفي صار له شهر ماشفنا ردوده الإرهابيه خلاص إنت تنادي ناس هدوا المنتدى رواعي اللومينا وحفيد الفاروق والإرهابي مندري شسالفه:cry:

[W351]

الله يردهم با السلامه

اخوي RED Chevy خليتني ابجي:cry: :cry: :cry:

ووو:cry: :cry: بس

[HEMI_RETURNE]

حبيت اقول حق ريد شيفي انه مكاين الفورتيك اهو المسمى المرادف لمكاين ls1 بس حبيت الفت نظركم لمساله مهمه انه ls1 تعتبر تقنيه في صناعة المكاين اكثر من انها مرتبطه بمكينه وحده واهيه الي في بالكم طبعا 5.7 فمحركات الفورتيك تعتبر من ضمن المكاين الي انصنعت بتقنية ls1 اما مكاين النورث ستار فتعتبر امتداد لمكاين الشفر القديمه وهيه ال 305 ci وهيه كانت من اصغر مكاين ال lt1 القديمه بس رجعتها كادلك بتقنيه مطوره واستخرجت منها كل هذي القوه :banana:

[RED Chevy]

نسيت شي:D
لاحظ إن الكدلك يستخدم 4 صمامات والباقي 2 بس أغلب الأمريكي 2 بس الهيمي 5.7 كم صمام وعزمه كم؟:confused:

[HEMI_RETURNE]

ولا تنسى يا اخوي red chevy انه مكاين ايكو تيك اهيه بالاساس مكاين اوبل وهيه تعتبر من اقل المكاين جوده حتى في اوروبا بلدها الاصلي وللعلم ان هولدن الاستراليه ماغيرت غير التلبيس الي فوق مكينة الايكو تيك ولاثبات قلة جودة مكاين الايكو تيك اتمنى انكم تراجعون موقع مجلة توب جير وتصنيفها السنوي للسيارات راح تلاقون سيارات اوبل مع مكاين ايكو تيك تحتل المراكز الاخيره دايما مو بس لقلة جودة المكينه نفسها ولكن لقلة جودة الصنع لكل اجزاء السياره وجي ام بفرعها الاسترالي هولدن استمدت تقنيات اوبل بجودتها المتدنيه واستعملتها للومينا والكابريس ومنها منظومة الدفع الخلفي على عكس الكرايزلر الي استعملت منظومة مرسيدس للدفع الخلفي والي تعتبر اكثر جوده من اوبل طبعا

[HEMI_RETURNE]

الهيمي يستخدم صمامين بس بحجم كبير اكبر من باقي السيارات الامريكيه وبعدين تصميم غرفة الاحتراق بشكل نص دائري يضمن احتراق كميه اكبر من خليط البنزين والهوا وللعلم انه الهيمي يستخدم بلاكين حق كل سلندر لضمان احتراق افضل
علعموم الهيمي5.7 ينتج 345 حصان و395 باوند عزم

[WRX]

السلام عليكم ورحمة الله وبركاته

اهلا بعودة دوج...(بصراحة احسها مضلومة):help:

ولاكن بالرغم من الهيمي والشغل هذا كله احس ان محركات الامركية مازالت متأخر من ناحية التقنيات واكبر دليل على ذالك كلام الأخ ريد شيفي من ناحية الصمامات انا ما ادري هذي سياسة السيارات الأمركية ولاهم مايبغون يخسرون الزبائن الي تدور ورى كبر حجم المحرك!!!عموما احنا في انتضار الدوج ترجع للساحة من جديد...
بس ملاحظ..كأن السي300 عليه سوبر تشارحر؟؟؟

[HEMI_RETURNE]

المكاين الامريكيه اخوي wrx لها طابعها الخاص الي من الصعب انها تتجرد منه والسيارات الامريكيه تقدر انها تنتج قوه اكبر بكثير من القوه الي يعلنون عنها ولكن مع نهاية السبعينات صارت هناك ثورة بالقوانين بامريكا من ناحية البيئه والتامين على السيارات الي تكون بمحركات ضخمه فقللو قوة المكاين وصارت تنتج قوه اقل من حجمها لتقليل التلوث ولتقليل مبالغ التامين الكبيره الي ابعدت الامركيين عن سياراتهم القويه

وللعلم انه الامريكان قدرو ينافسون اليابانيين ولو بشكل بسيط من ناحية
استخراج القوه من مكاين صغيره ومثال هذا دوج srt4

[RED Chevy]

بالعكس الإيكوتيك أشفها ماشيه تمام وأداء الأوميجا أشوفه ممتاز ل2.2 الصراحه ماتحس إن السياره 4 سلندر، ومنظومة الدفع الخلفي مافهمتها، المرسيدس تستخدم نظام الشافتات والكابرس واللومينا شافتات بعد ولو قالوا الكابرس والالويمنا مافيها ثبات نفس الأشخاص يقولون الأوبل ثباته عالي:think: والصراحه أشوف ال3 ثابتين كثير وعن التقنية المتأخره البنز يستخدمون 3 صمامات والأودي 5 هل البنز تقنيته متأخره؟

[VIPER GTS-R]

هذي هي ال C300 2005
http://www.grubbsauto.com/cp/img/300-series_side.jpg

وهاذي هي MAGNUM
http://members.lycos.co.uk/goomat/MAGNUM.JPG

:banana: :banana:

[HEMI_RETURNE]

من كان يتوقع سياره بحجم الماغنوم تتسارع من0-100 في 5.8 ثواني يعنوا تخيلوها معاي بانها تروح عن اللومينا اس اس
فعلا عودة الهيمي بتسوي شغل

[silver]

وهم مو مثل مايدعون بالخليج بانه 295 حصان و انصح الكل بانه يشوف الارقام الحقيقيه بالياهو اوتوز yahoo autos او باي موقع امريكي يشوفه مناسب

اظن ان قوة السيارات عندنا اكبر من مثيلاتها في أمريكا ... بسبب قوانين التلوث والصرفية وغيرها فتلقى سيارتهم اضعف بكذا حصان عن سياراتنا ...
فلا تعتمد على المواقع الأمريكية في قوة السيارات إلي عندنا :)

[HEMI_RETURNE]

حبيت اقول حق silver انه السيارات الامريكيه قوتها نفس قوة سياراتنا بالخليج ماعدا ولايه وحده اهي المتشدده بقوانين البيئه واهي كاليفورنيا فالسيارات الي ينتجونها حق كاليفورنيا تكون اقل بخمس او عشر احصنه ولكن هذا مايطبق على كل الولايات
مع الملاحظه انه سيارات الخليج يكون وزنها اثقل بسبب اضافة اكثر من راديتر لتبريد المكينه وراديتر اضافي لتبريد الجير ومع بعض الاضافات الثانيه الي ممكن تزيد من وزن السياره الي تكون بمواصفات الخليج مما يقلل هذا الوزن الزايد من اداء السياره

[DodgE]

HEMI_RETURNE هلا فيك اخوي

اعذرني على التأخر بالرد بس سوالف كان مايفتح عندي

موضوعك جميع وتشكر عليه والله الله بالمواضيع بين فتره والثانيه

تحياتي

[W351]

السلام عليكم ورحمة الله وبركاته

ما شاء الله عليك اخوي HEMI_RETURNE عسى ها الحماس ما يقل

بس بغيت اسألك بحكم انك جالس تقارن بين اللومينا والكابرس والدوج

الجديد C300 بودي لو توسع مجال المقارنه شوي با المعلومات المتوفره

بحكم ان السياره مانزلت للسوق يعني الوزن مثلا والسعر ومو نعتمد

على القوه فقط لاني اتوقع والله اعلم ان سعر الدوج راح يكون من 150

الف وطالع واللومينا حدود90 الف والله اعلم:think:

وووووو وووووووووووووووووووو









وبس