اللي يرش السياره قار من تحت؟؟

[محمد دريهم]

السلام عليكم...



صباح الخير جميعا....



الموضوغ اني امس ابصباح رحت وكالة العيسائي_ميتسوبيشي بالدمام_ على اساس اني اسوي فخص ال 60 الف...وهو اخر فحص وبعدها ينتهي الضمان..



المهم مسكني المسؤول وقال نصيحه لك انك ترش السياره قار من تحت ويرغبني ويذكر لي ميزاته..واهمها هو عزل صوت الكفر..ومنع الصدا
المهم اقنعني ورشيتها قار من تحت عندهم.,.
ولاحظت ان صوت الكفر خف شوي...


الحين السؤال..هل بالفعل القار مفيد للسياره,,,ولا يضحكون علي عشان يبون فلوس؟؟

وماهي سلبياته؟؟وشكرا لكم:help:

[ACCORD-V6]

انا اتذكر احد اصدقائي سواها
لكن هل استفاد ام لا ماادري

راح اسأله ان شاء الله وارد عليك

[محمد دريهم]

ملاحظه..فيه فرق بين البستم والقار..


البستم هو عباره عن رشها بزيت من تحت وهو يضر السياره..على اغلب الظن..

[محمد دريهم]

مشكور اخوي اكورد على سرعة ردك...


واتمنى ترد لي ...وتشوف..

[الأنصاري]

هي مفيدة خاصة انك تحمي اسفل السيارة واغلب شئ احنا في قطر نسويها حق سيارات الدفع الرباعي وفي ناس يسوون للصوالين والصراحه فايدة كبيرة وفي نفس الوقت تعتمد على استعمالك مادري تدخل الماجنا بران ولا تركب رصفان:D :D

ما شاء الله خلصت الضمان 60 الف في وقت قياسي:D :D لحد هذة الفترة هل صادفك شئ ((خرابات في السيارة))

[محمد دريهم]

مراحب ابو عبود..ومشكور على اضافتك المميزه...

انا والله مو دايم اطلع البران..حدي الهافموون,.,,

وانا راعي خطووووووط....


والمشاكل ..مافيه مشاكل تذكر...اللهم انوار الضباب اللي تحت غيرتها على الضمان...لانها كانت ماشيه توها 20 الف...وغيرة برضه جلد البيبان على الضمان مع وزن الابواب..


والاقمشه على حسابي هي والبواجي وفلتر الهواء..وبسسس..


غير كذا زيت وبنزين...


ومشكور

[علي عبدالله]

اذا انك حسيت بفرق في صوت الكفرات بالفعل اجل ليه خايف ؟؟
القار سوى اللي عليه
وما اظن انهم ضحكوا عليك بهذي العملية ابدا ...ولو اني سمعت من بعض الشباب انهم جربوا هذي الحركة (يقولون انها افضل ) بس انا شخصيا ما اظن ان السالفة مهمة لهذي الدرجة :)

[RED Chevy]

السلام عليكم ورحمة الله وبركاته
هل اللي حطيته مانع الصدأ أو شنو:confused:

[oil_HKS_lio]

قار ازفلت شوارع؟:confused:

[محمد دريهم]

اخوي راعي البيج انا عارف انه حاليا تمام...حتى انه خلا مظهر السياره ممتاز من تحت ...لكن انا خايف من الاثار المستقبليه على العكوس والربلات اللي تحت..فهمتني؟؟


اخوي ريد تشيفي هلا والله فيك اللي حطيته هو قار يستخدم لرش السياره من الاسفل وفي نفس الوقت يعطون معاه ضمان ضد الصدأ من الاسفل مدة سنتين..<<هذا حسب كلام الوكاله..يعني هذا كل اللي اعرفه..


اخوي اويل..والله مادري هو نفسه حق الشوارع او لا؟؟الله اعلم

[RED Chevy]

هذي مافي ضرر منه، ذي في البحرين كل السيارات تستخدمه( الجديده طبعاً) ومايضر السياره بس تدري إن البولو تجي من المصنع مع ذي وضمان 12 سنه:eek: وباقي السسيارات إحنا كل سنه نحط هذي:rolleyes:

[grandv8]

السلام عليكم ورحمة الله وبركاته

ولد الخبر

هلا اخوي
قار او ضدا الصدأ الي يستعملونه الوكالة وخاصة السيارات اليابانية ماتنفع وعقب مدة تتطاير هي المادة مع الغسيل والمادة الصفراء الي تجي على اطراف الابواب والكبوت والصندوق الخلفي وعقب مدة ترى اللون يتغير يجي الى اللون العفن،واسالك كم السعر عمل لك.
اللهم الا شغل رش بس وانت لاحظ على مرور 6 اشهر تحت السيارة يوم تبدل الزيت بتحس ان القار على اطراف الشاصي يتطاير منه القار وعلى الدفريشين بعد.

وهو شغل اي كلام،وانا من النوع الي اسوي من شركة زيبارت وهم يسون مادة داخل هيكل السيارة من خلال عمل فتحات صغيرة بين الاطراف الابواب وفتح الاضواء الخلفية ورش المادة بالداخل وتحس ان السيارة الاصوات والحرارة وخاصة حرارة من الاسفل وحرارة المحرك يخف بدرجة ماشاء الله كأنك ماتتحرك مووول وكانك واقف مكانك.

مهم انت جوف وانا عندي خبرة بالقار بسيارتي اكثر 10 سنوات.

اي سؤال انا حاضر اخوي
:D

[mr_honda]

:cool:

[HaKeM]

والله موضوع حلو

لأنه صوت الكفرات مزعج في السيارات السيدان

أخوي grandv8 كم تكلفة عمل مادة العزل في زيبارت وهل يمكنك أن تسألهم عن فروعهم في السعودية

تحياتي:D

[grandv8]

السلام عليكم ورحمة الله وبركاته

حاكم العدل

تكلفة مادة زيبارت انا عملت لسيارتي حوالي 1100 درهم ويعطيك ضمان لمدة اكثر من 10 سنوات،وانا كل سنة اجدد زيبارت للسيارة وادفع فقط 250 درهم سنويا.
وكل ماترش القر اسفل السيارة تحس ان سيارة بها عازلية واضبط واريح بالمشي.
وفروع زيبارت موجود بالدمام اظن والبحرين ويمكن شباب السعودية يفيدونك اكثر بعد.

شكرا لك
:D

[علي عبدالله]

رد مقتبس من grandv8
السلام عليكم ورحمة الله وبركاته

حاكم العدل

تكلفة مادة زيبارت انا عملت لسيارتي حوالي 1100 درهم ويعطيك ضمان لمدة اكثر من 10 سنوات،وانا كل سنة اجدد زيبارت للسيارة وادفع فقط 250 درهم سنويا.
وكل ماترش القر اسفل السيارة تحس ان سيارة بها عازلية واضبط واريح بالمشي.
وفروع زيبارت موجود بالدمام اظن والبحرين ويمكن شباب السعودية يفيدونك اكثر بعد.

شكرا لك
:D

اذا كان كذا اجل انا ايضا ممكن اجرب :think:

[محمد دريهم]

اخوي ريد تشيفي مشكور على اضاافتك....والله يعطيك العافيه..



اخوي قراند8 مشكور على الاضافه والمعلومات اللي افادتني كثير...لكن انت تقول كل سنه تسويه؟؟؟؟انا اللي سويته عليه ضمان سنتين .......والله حمستني اجرب زيبارت ...لكن بشوف اسعاارهم..


اخوووي حاكم العدل اتمنى انك تتخلص من مشكلت ازعاج الكفراات,,


اخوي راعي البيج خخخخخ اخاف اننا سوينا دعايه لزيباارت,,,





يعيطك العافيه