View Full Version : جنرال موتورز ... التصنيع سيء.. والربح خيالي ... هل من تفسير؟؟ ... (موضوع)
Ascari
17-03-2004, 07:06 PM
السلام عليكم
كلنا اخواني يعرف سيارات جنرال موتورز... وكلنا يعرف انه لو يمر على الورش يلقى أكثر السيارات من جنرال موتورز (نخص بالكلام شفروليه و جي ام سي)... وكلنا نعرف ان صناعتها سيئه جدا ... وكلنا نعرف ان خراباتها كثيره ... وكلنا نعرف انها وانها وانها ....
حتى لو حاول اي شخص ينفي هالكلام .. ما يقدر ... ادخل اي موقع من المواقع الأجنبية المعروفه ... شف التقديرات ... شف سيارات هولدن (اللومينا والكابرس) ... شف الكاديلاك ... بتلقى اسوأ التقديرات لها ... هذا غير الناس اللي يعانون من المشاكل منها هنا...
واخص بالكلام أكثر اللومينا والكابرس .... انا مجرب ... وللأسف سيارتي لومينا .... فيها نقاط كثيره جيده ... لكني جربت غيرها ... جربت كامري ومكسيما وأكورد وغيرها ألماني... ريحوني أكثر منها... وكثرت علي خراباتها بشكل كبير ... لدرجة اني كل ما اصلح شي طلع لي شي ثاني ... طبعا الحين خلاص طفشت .. اللي يجي منها حياه الله .. سيارتي وتمون... المهم
مثل ما هو واضح ان الناس المفروض يكونون متأذين منها ... لكن ما نشوف الا اقبال واقبال متزايد عليها .... مبيعاتها كل شهر تزيد عن اللي قبل... وكل مالها تكثر بهالشوارع ... وكم مره يطري هالسؤال في بالي..
الحين دامهم غاثين العالم وسياراتهم مقالب ... ليش كثيرين يشترون منها ؟؟؟؟ ليش مبيعاتها تطق فوووووق لين ما خلتها أكبر شركه في العالم؟؟
هل هو علشان قطع غيارها متوفره بكثره ؟؟؟ او علشانها سهلة التصليح ؟؟.. او علشانها ثقيله؟؟؟.. او علشان الشعب الخليجي عنده قاعده من الصغر انه لازم يشتري سياره أمريكيه؟؟؟
انا لقيت عندي اجابه شبه مقنعه .... وهي انه فيه بعض السيارات ما نلقى منها ياباني او اوروبي ... مثل السوبر بان .. مافي شي ياباني بحجمه ولا اوروبي...
والشي الثاني ... انهم كل شوي طالعين طلعه جديده ... او على الأحرى نصبه جديده ... بمعنى آخر .... غش على هالمساكين ... ما خلصوا من سالفة السوابر طلعوا باللومينا ...
لا وايش ... صممت خصيييييصاً للخليج ... لاحظوا خصيصاً ... وحنا ما صدقنا ... خصيصاً اكيد انها زينه ... والشكل له دور بعد .... ويجيك الربح من وراها
قالوا الشعب المشكله انها صغيره ... قالوا لهم افا عليكم بس.... خوذوا الكابرس .... وش سوينا ... لومينا بس شديناها شوي من ورا وشوي من قدام.... وتراها بعد صممت خصييييصاً للخليج.... لا تنسون...
ونفس الموال مع الكابرس
صحيح السيارات هذي شبه مغشوشه (رأيي).... وصحيح انها صممت خصيصاً للخليج... مع شوية بهارات كلها كذب X كذب ... لكن أهم شي ... انهم استخفوا بالعالم .. وربحوا من وراها
الناس يعانون مع السياره ... الناس ندموا انهم شروها ... ما يهم ... اهم شي ان الشركه ربحت ... ما يهمها الناس وش يقولون عنها ... لأنهم بيطلعون شي جديد او نصبه ثانيه مع شوية بهارات زايده هالمره ... ويخلون الناس يشترون من جديد ...
هي عموما عندها قاعده (جنرال موتورز)
تصنيع سيء ودعايه جذابه ... تكلف أقل بكثير من تصنيع جيد ودعايه جذابه
لكن هل بيجي يوم بيخسرون ؟؟؟... لو ما تحسنوا ... اكييييييييد
لكن في الوقت الحالي .... لازم يستغلون غبائنا كزبائن ...
مع احترامي لكل من عنده كابرس ولومينا ... ومن ضمنهم انا :banana:
أولاً كابرس و لومينا شعارها المناسب لم تصنع للخليج و هذا اللى قاصر الدايو تستلم الكابرس هذا قدرنا؟؟؟
في الواقع اتوقع دايو بتبدع في الكابرس افضل من الهولدن الخروف الأسترالي اللى ما في عيب تصنيعي في الدنيا الا و صار فيها :headshak:
يا خلق يا عالم في واحد في الدنيا سمع عن مكيف يشب و يحترق :anger:
علشان ما تقول جايب الكلام ما ادري من وين حصلت معانا على الخط انا و واحد و الله ستر علينا حطينا توقعات لها الدخان كلشي الا المكيف:mad:
لا حول ولا قوة الا بالله :headshak:
و GM تستحق لقبين لها السنه ...
اخس سياسه اداريه على مستوى شركات صناعة السيارات ..
و اكبر كمية سحب في سنه واحده على مر العصور ...
شباب في واحد ما سحبو منه سيارته:D ؟؟؟
الأنصاري
18-03-2004, 02:07 AM
مممممم كلام يمثل جزء من الحقيقة انا الصراحة مادري بس هل الومينا والكابرس فيهم كل هذة الخرابات :confused: :confused: نسمع كثير هذا الشئ
محمد دريهم
18-03-2004, 02:18 AM
اذكر مره فيه مقابله مع احد اثرياء العالم...
قالوا له لو نعطيك الحين 1000 دولار..كيف تستطيع ان تبدأ تجارتك بنجاح....
قال لهم اشتري بضاعه ب100 دولار..واسويلها دعايه ب900 دولار....وراح تجيب البضاعه ارباح خياليه..
ماتلاحظون ان جنرال موتورز تطبق هالكلام؟..الاحظ ان دعاياتها قويه
oil_HKS_lio
18-03-2004, 06:13 AM
الله كريم
RED Chevy
18-03-2004, 02:32 PM
السلام عليكم ورحمة الله وبركاته
الله كريم;)
أحين ياأخي يوم تكتب هالموضوع مالاحظت إنك ماقلت شنهي المشاكل اللي جاتك؟
السياره اللي تنزل في السوق والناس تعرف إن مشاكلها كثير أو جودتها زفت أكيد بتقل مبيعاتها، كلامي صح أو غلط؟
خذ مثال بسيط، الكامري( بتكلم عن البحرين) الكامري من 98-2002 تشوفه عند كل إشاره لكن تعال للموديل الجديد قول لي هل إنتشر مثل 98 أول مانزل؟
إحنا عندنا كامري عقب اللي شفناه من فخامه وقوه وشكل وجودة أحسن من البنز مستحيل نفكر في كامري مره قثانيه، الكامري قول لي هل شفت وحده موديل 98-2000 فيها لبمه ماحترقت، إحنا بدون إستثناء كلهم تبدلوا والأكورد من 97 مابدلنا غير 2 ولله الحمد ماتتقارن بالدلوعه كامري، كلامك إن جرنرال موترورز زفت أول أمس واقفين عند الإشاره كان واقف:
1- جمس جديد
2-كدلك موديل( مادري)
3-لومينا2001-2002
4- كابرس200-2002
5- أوميجا الموديل القديم.
واليوم 3 يوكن ورى بعض طالعين من عند\ الإشاره هل جودة السيارات زفت والناس ياخذونهم بالهبل.
إذا دعايه أتحدى واحد يقول الزوم دعايتها فاشله، شوف إسم السياره إعتم\ على الدعايه بس مبيعاتها ماوصلت للي توقعناه صحيح إنتشرت بس ماسيطرت شوف دعايات البنز ليش الناس ماتهد اللكزس:corsair:
مؤيد اف1
18-03-2004, 05:36 PM
شوفو المشاكل كلها في 2000 والي بعد الفين من قلة الصيانه وانا كلامي من تجربه مو عبث ولا دفاع عن جي ام:anger:
BMW_X5
19-03-2004, 05:58 AM
انا اعتقد انه السعر يلعب دوور لانه سيارات جنرال موتورز خاصة الجمس واللومينا....السعر رخيص مقارنه بالقوة اللي في السيارة او الراحة
هذا رأيي الشخصي وشكرا :banana:
ACCORD-VETIC
19-03-2004, 06:06 AM
رد مقتبس من ولد الخبر
اذكر مره فيه مقابله مع احد اثرياء العالم...
قالوا له لو نعطيك الحين 1000 دولار..كيف تستطيع ان تبدأ تجارتك بنجاح....
قال لهم اشتري بضاعه ب100 دولار..واسويلها دعايه ب900 دولار....وراح تجيب البضاعه ارباح خياليه..
ماتلاحظون ان جنرال موتورز تطبق هالكلام؟..الاحظ ان دعاياتها قويه
YES:mad:
CAMARO_350z
19-03-2004, 07:24 AM
هاذي كل اشاعات
صديقي عندة لومينا 2002 ماشية من احسن ما يكون ولا بدل فيها غير الايل واليتات بس
AU (TT) DI
19-03-2004, 09:42 AM
هلا بك أخوي
كلامك بصراحه ... يبيله دراسه
وأنا شخصياً أكره الأمريكي :mad:
خصوصا في مسألة الأمان ...
بس سبحان الله صار جزء من العادات الخليجية ..
ولا في أوروبا موطن الرقي في صناعة السيارات لا يمكن تجد سيارات أمريكية في الشوارع بإستثناء فورد فرع أوروبا (( تختلف عن الأمريكية))
يعني هل معقول الأوروبيين ما يفهمون وحنا إلي نفهم بالسيارات ..
بالنسبة للأرباح ..
بأمريكا ممكن تشري سيارة جديدة خلال ساعات وبالتقسيط المريح
وطبعاً أنواع الأمريكي عندهم ماتعد ..
وأسعارها الأرخص دائماً ...
والسوق الأمريكي والكندي ضخم جداً .. لذلك يحققوا أرباح ..
تشكرات أفندم
:)
HEMI_RETURNE
19-03-2004, 10:30 AM
الموضوع يا اخواني يتعلق بشغلتين الاولى انه الجنرال لها تاريخ كبير في صناعةالسيارات بجوده عاليه وباسعار تنافسيه
وهذا التاريخ الي يمتد لثلاثين سنه في منطقتنا لايمكن انه تهتز سمعته بثلاث او حتى اربع اسنين
لكن الناس اكيد راح تستوعب رداءة هذي السيارات وقلة جودتها وخاصه لو استمرت الجنرال موتورز على سياستها هذي
واتوقع انه الايام القادمه مليئه بالخساير والانتقادات لهم
A7medo
19-03-2004, 11:06 AM
رد مقتبس من RED Chevy
السلام عليكم ورحمة الله وبركاته
الله كريم;)
أحين ياأخي يوم تكتب هالموضوع مالاحظت إنك ماقلت شنهي المشاكل اللي جاتك؟
السياره اللي تنزل في السوق والناس تعرف إن مشاكلها كثير أو جودتها زفت أكيد بتقل مبيعاتها، كلامي صح أو غلط؟
خذ مثال بسيط، الكامري( بتكلم عن البحرين) الكامري من 98-2002 تشوفه عند كل إشاره لكن تعال للموديل الجديد قول لي هل إنتشر مثل 98 أول مانزل؟
إحنا عندنا كامري عقب اللي شفناه من فخامه وقوه وشكل وجودة أحسن من البنز مستحيل نفكر في كامري مره قثانيه، الكامري قول لي هل شفت وحده موديل 98-2000 فيها لبمه ماحترقت، إحنا بدون إستثناء كلهم تبدلوا والأكورد من 97 مابدلنا غير 2 ولله الحمد ماتتقارن بالدلوعه كامري، كلامك إن جرنرال موترورز زفت أول أمس واقفين عند الإشاره كان واقف:
1- جمس جديد
2-كدلك موديل( مادري)
3-لومينا2001-2002
4- كابرس200-2002
5- أوميجا الموديل القديم.
واليوم 3 يوكن ورى بعض طالعين من عند\ الإشاره هل جودة السيارات زفت والناس ياخذونهم بالهبل.
إذا دعايه أتحدى واحد يقول الزوم دعايتها فاشله، شوف إسم السياره إعتم\ على الدعايه بس مبيعاتها ماوصلت للي توقعناه صحيح إنتشرت بس ماسيطرت شوف دعايات البنز ليش الناس ماتهد اللكزس:corsair:
في نقطة وحدة أنا أعارضك فيها أخوي Red Chevy وهي أن المازدا مبيعات الزووم وايد مرتفعة ما اتوقعتها
STS4ever
19-03-2004, 12:43 PM
رد مقتبس من AU (TT) DI
هلا بك أخوي
كلامك بصراحه ... يبيله دراسه
وأنا شخصياً أكره الأمريكي :mad:
خصوصا في مسألة الأمان ...
بس سبحان الله صار جزء من العادات الخليجية ..
ولا في أوروبا موطن الرقي في صناعة السيارات لا يمكن تجد سيارات أمريكية في الشوارع بإستثناء فورد فرع أوروبا (( تختلف عن الأمريكية))
يعني هل معقول الأوروبيين ما يفهمون وحنا إلي نفهم بالسيارات ..
بالنسبة للأرباح ..
بأمريكا ممكن تشري سيارة جديدة خلال ساعات وبالتقسيط المريح
وطبعاً أنواع الأمريكي عندهم ماتعد ..
وأسعارها الأرخص دائماً ...
والسوق الأمريكي والكندي ضخم جداً .. لذلك يحققوا أرباح ..
تشكرات أفندم
:)
نقطه بسيطه ..
الاسواق الاوروبيه ماتعترف بشي اصلا غير الاوروبي لا ياباني ولا هندي ولا امريكي لانهم معتزيين بانفسهم وبصناعاتهم حتى تلاقي اغراض منزالهم اغلبها اذا مو كلها صناعه اوروبيه وهذا الشي معروف من زمااان عن الاوربيين وهو شي حلووو جدا لاكن مو مقياس نقيس عليه ولا وش رايك ؟
الشي الثاني صحيح الاسواق الامريكيه كبيره بس اذكر واحد قبل فتره قال ان في امريكا ماتشوف السيارات الامريكيه الا قليييل ( اصلا بالعقل ترفض هالكلام ) وانت جاي اتقول ان السيارات الامريكيه هناك كثاار وهذا اللي مكسبهم يعني كل يغني على ليلاه لاكن الاكيد ان الكسب مو من الاسواق الامريكيه والكنديه بس الا حتى اسواقنا شوف وش كثر الامريكيه في الشوارع واذا كثر الشي زادت عيوبه
الشي الثالث كل السيارات الجديده ( الا الامريكيه :) ) صارت سوا كلهم نفس الشغل تاخذها اليوم من الوكاله بعد بكره يطلع لك شي
وسلام
الأكورد العنيد
19-03-2004, 04:19 PM
رد مقتبس من R32
أولاً كابرس و لومينا شعارها المناسب لم تصنع للخليج و هذا اللى قاصر الدايو تستلم الكابرس هذا قدرنا؟؟؟
في الواقع اتوقع دايو بتبدع في الكابرس افضل من الهولدن الخروف الأسترالي اللى ما في عيب تصنيعي في الدنيا الا و صار فيها :headshak:
يا خلق يا عالم في واحد في الدنيا سمع عن مكيف يشب و يحترق :anger:
علشان ما تقول جايب الكلام ما ادري من وين حصلت معانا على الخط انا و واحد و الله ستر علينا حطينا توقعات لها الدخان كلشي الا المكيف:mad:
لا حول ولا قوة الا بالله :headshak:
و GM تستحق لقبين لها السنه ...
اخس سياسه اداريه على مستوى شركات صناعة السيارات ..
و اكبر كمية سحب في سنه واحده على مر العصور ...
شباب في واحد ما سحبو منه سيارته:D ؟؟؟
RED Chevy
19-03-2004, 04:21 PM
السلام عليكم ورحمة الله وبركاته
A7medo: رايك على عيني وراسي بس هل تقارنها بالكورولا والسني والسفك وهي دعايتها تسواهم كلهم؟;)
STS4ever: نعم هذي الكلام الصح .
عجل إحنا ثيران والأوروبيين الفاهمين بالسيارات يفهمون أحسن منا ويفكرون أحسن، إذا إنتوا شايفيتن العرب بهالغباء ليش ماتسوون شي يثبت العكس، وهم يعتزون بمنتجاتهم شوف أبسط مثال فرنسا سيارات المراسم بيجو 607 ماحطوا بنز وأودي مع إنهم أفخم شوف إنجلترا الملكه ماتركب غير الإنجليزي إذا تبيون العرب مايركبون أمريكي صنعوا سياره
السلام عليكم ورحمة الله وبركاته
طيب وبعدين ايش صار!!!:(
RED Chevy
19-03-2004, 07:06 PM
رد مقتبس من WRX
السلام عليكم ورحمة الله وبركاته
طيب وبعدين ايش صار!!!:(
للي صار طال عمرك إن الشركه إسمها يسبب نرفزه وعصبيه للبعض والشركه لازم تفشل لأن سياراتها فاشله:D
القرن الجديد
19-03-2004, 11:27 PM
ياشباب
مشكلتنا اننا دائما نمشي على اساطير الاولين
يعني نضل نتمسك بما كان اباؤنا يفعلون
خلونا ناخذ العبرة من سيرة ديننا الحنيف
لما جاء الحق رفضة الجميع ( في عصر الجاهلية وبداية الاسلام) وتمسكوا بدين ابائهم مع انة الحق كل الحق
فالمطلوب منا اننا اذا كانت النتائج في سلعة معينة سيئة تترك بسرعة
واذا كانت جيدة فالحمد لله نستمر عليها
لاننا اذا مدحنا سلعة معينة (بدافع التعصب ) وهي سيئة ورديئة
فأننا نغش المسلمين (ومن غشنا فليس منا )
والسلام على من اتبع الهدى
TOP-SECRET
20-03-2004, 07:36 AM
رد مقتبس من القرن الجديد
ياشباب
فالمطلوب منا اننا اذا كانت النتائج في سلعة معينة سيئة تترك بسرعة
واذا كانت جيدة فالحمد لله نستمر عليها
:( احنا جربنا الكابريس وعندك ريد شيفي عندهم كابريس رويال جديد وناس كثير اعرفهم يعني اذا احنا ماصادفتنا مشاكل فيه شنو الي تبينا نقوله؟
LUMINASS2003
20-03-2004, 10:02 AM
يكفيكم خلاص لاتكملون كل شي واضح وباين
والله حرام عليكم اللي جالسين تسوونه
وش اللي جابركم على ذا الشي
كل حياتكم بتعيشونه اللومينا و جي ام مشاكل
يكفيكم والله يكفيكم
وماادري مصرين على الشي ذا
قلنالكم جربناها مافيها ولا شي
يعني خلاص
بالقوه لازم تخرب
بالقوه لازم تصير سيئه
والله ذكرتوني بالحراج
يجيك الواحد ويخليك تبيع سيارتك
غصب ماادري ليه الاصرار
والمشكله فهموكم الشباب
لكن ماتقتنعون
والله لو تبون اي شي قولوا
لكن مو انت وغيرك
يجي ويقول السياره استراليه
فاشله مين انت من شان تحكم على ذا الشي
ذي شركات عالميه ونت مالك الا سنتين تسوق
وجاي تقول فاشله هولدن حق جنرال موتورز
ولازم تعروفن الشي ذا وثاني شي ياحبيبي انت وياه
اندفعت ملايين في هذي المصانع ويجي واحد مثلكم يقول والله
ماتنفع وفاشله جدا وتصرف بنزين تعرف شي عن الصناعه
انت تعرف شي عن المحرك ولا بس تحب تتكلم
مشكله نواجهها ناس كثير مايعرف عن السياره شي
بس يشوفها تمشي
ويجيك ويتكلم عنها وعن مشاكل فيها وهوه مايعرف
عنها شي ليه الحقد ها
و المشكلة ان في ناس تحب تمشي كلامها حتى لو كان غلط و اي كلام غيره ما يقبل به
:anger:
MuGeN
20-03-2004, 11:15 AM
:sleep:
قعدوني إذا خلصتوا
:D