ابي رايكم وصور عن السيارة هذي ومعلومات

[cruiser2000]

السلام عليكم ورحمة الله وبركاته



كيف حالكم

ابي صور كثيرة جدا عن هالسكايلاين اول شي

ابي كل المعلومات اللي تقدرون تحصلونها عن السكيلاين هذا
المحرك سعته صرفيته للبترول كل شي قطع الغيار


ابي رايكم في هذا الجي تي هل هو مناسب كشخص
مثلي دايما يطلع ولا يسرع مجرد مشاوير لا أكثر؟

وهل يقدر يصبر معاي ؟ واذا بغيت اعدله يعني مجرد زينه تعرفون ورنجات هل يصلح؟


هذي صورته اعتقد نوع جي تي اس هذا
هل يتوفر جي تي ار مثله؟

http://speed44.jeeran.com/1988-skyline.jpg







تحياتي لكم
كروزر2000

[oil_HKS_lio]

يوم الاربعاء كنت بشتري واحد موديل 89 وارد يبان اخر موديل لهاذا الشكل بس الله ماكتب لنا الوالد ماوفق بسبب الدراسه والاختبرات

انا بتكلم عن الوارد يبان

ماكينته RB20TURBO قوه 210 حصان والله اكثر اصحابي عندهم هاذي الماكينه مركبه على سيارات ثانيه مثل التيما او B او L الصرفيه والله حلوة ماتصرف مع ان احنا ندوس فيها دوس هاذا التيربو فما بالك بلبخاخ

وهاذي معلومات عن الماكينه
RB20DET
Bore & Stroke
Capacity
Power
Compression
Twin cam
78 X 69.7
1998
210ps @5600
25kg's @4000
8.5 to 1
وهاذي صوره للماكينه

http://www.91119.com/uup/files/151-1079793344.jpg
اما من ناحيه التزويد اقرب مثال الاليتما البرتقاليه والصفرا الي صاحبهم شخص اسمه ماجد هو صاحب السيارتين كانت الماكينه على الصفرا وباعها وركبها على ثانيه صبغا برتقالي الماكينه الي عليها نفس الي تكلمت عليها الي هي RB20 ماكينه السكاي
التزويدات الي عليها تيربو HKS وكامات وصحن كلشZOOM وفلتر وقطع مثل بواجي واسلاك ..الخ اكثر ماسمعت من الشباب

كانت قوتها صراحه مو طبيعيه وتقدمت على كماروهات مزوده ومستنجات الكل يعرفها خاصه في القطيف كانت مشهوره بمعنى الكلمه

اكثر الرنقات الي يركبوهم حقين zx280 بخاخ او جنوط وراد يبان هاذا الي اشوفه حلوين واكثر شي يركبونهم عندنا

هاذي رنقات وارد يبان((هم يسمونهم كذت))

http://www.91119.com/uup/files/151-1079793637.jpg

وهاذي رنقات ZX280 بخاخ

http://www.al3aneed.net/piccar/piccar/nkl_d6.jpg

اما عن الخليجي ماعندي فكره عنه تقريبا ماكينته مثل ماكينه zx280 يسمونها (مسطره) السلام وختام ارجو اني افدتك بشي

[oil_HKS_lio]

اوة نسيت توني منتبه على سؤالك

فيه متوفر GTR بس الجيتي اس شكله اكشخ واحلى بئلف مره

هاذا صوره

http://www.91119.com/uup/files/151-1079795715.jpg
من ناحيه المشاوير في الشتا عادي العب به مشاوير على كيفك اما في الصيف على حسب دوساتك درجه حراره عندنا مو مثل اليبان وارد يبان جوهم هناك اكيد طبيعي وابرد من عندنا ركب له انتر كولر رياضي اكبر ودووس

[cruiser2000]

السلام عليكم ورحمة الله وبركاته


oil_HKS_lio :
مشكور على ردك السريع والحلو والممتاز

ماشاء الله على الخبرة اللهم لا حسد

طيب نبدا بالمناقشات والثرثرة والتفاصيل المملة

ZX280 بخاخ هذي شكلها وايد حلو على السكايلاين

طيب من ناحية القوة انت قلتلي انه وارد
وطبعا موجود هالنوع في الامارات مع اني ما اشوفه كثير

لكن كم قيمته وهل اقدر احصله نظيف؟

واذا حصلته شوي يعني خربان او مدعوم شوي يعني
تصليح يكلف كثير؟
وهل خرابه كثير
يعني تقدر تقول الصناعية والكهربائي والميكانيكي اولاد عمه؟

هذا بالنسبة لاستعمالي انا.........
مجرد مشاوير .....


ومشكووور على الصور طبعا الاخير انا ما افكر في لكن الاسود اللي عليه
رنجات ZX280 بخاخ عاجبني صراحة





وين الباقيين؟؟؟؟؟؟

[cruiser2000]

سؤال اخير

هذا السكايلاين الاسود كم سلندر ؟

[oil_HKS_lio]

العفو اخوي
هم موجودين في الامرات بس قليل تحصل الحين هاذا الي اسمعه على فكره اكثر الي عندنا من الامرات

على حسبب النضافه بس اذا طقت طقت نضيف مره من 17 الف موجودين نضاف مرره عندنا خاصه في القطيف مشالله عليهم كنهم وكاله

بنسمه على الخربات نادر اشوفها تخترب الي عندي اصحابي RB20 اما عن الخليجي مادري عنه صراحه