شباب الامارات ابي هوندا اكورد قير عادي ؟؟

[DDesigns]

السلام عليكم


مرحبا شباب كيف حالكم ؟؟؟


بعد استمراري في البحث الصراحه مليت ما حصلت الا هوندا وحده بس قير عادي ..

طبعا اللي ابيه هوندا موديل 98 او 99 قير عادي ..

يعني لا يهم كم ماشيه او كيف حاله المكينه او القير اهم شيء البودي والنظافه

لاني ناوي اركب عليها مكينه ثانيه ..

حاليا الهوندا اللي حصلتها لونها ذهبي موديل 98 ماشيه 105 الف قير عادي والجامات توماتيك وكل شيء عادي اقل شيء .

مطلوب فيها 19 الف بعد المنازعه الشديده ..

بس ابي اخر كلام فيه بعد هوندات ولا خلاص ما فيه غيرها لان ودي لون ثاني شوي ..


وحبيت اسئلكم ايش اخلي اللوحات ؟؟

دبي ولا شارقه ولا ايش ؟؟؟

ولا اخليها سعوديه احسن ههههههههه ؟؟


تحياتي ..........

[M.A.M]

السلام عليكم
هلا DDesigns
كيف الحال ووين الغيبات وبشر عسا النت وصلت عندك ؟؟
على فكرة اخوي انا ارسلت لك ايميل ومارديت علي .. وكنت استفسر فيه عن الهارددسك وتقسيمه .. فلو حصلت رسالتي ياليت ترد علي اخوي DDesigns
وعموماً انا رديت هنا علشان اسلم عليك واتطمن ان النت وصلت شقتك ولا .. ومن جهة ثانية علشان ارفع الموضوع لاني مااقدر اساعدك للاسف:(
تحياتي وتقديري لك اخوي
وتحياتي للجميع

[DDesigns]

والله شيء يرفع الضغط صراحه الامارات مليانه اكوردات من الشكل اللي اباه بس ما في شيء للبيع .. !!

تصدقون شباب صرت اول ما اشوف وحده قير عادي احط عليها ورقه استفسر فيها اذا كان الرجال يبي يبيع ..

شباب تكفون نبي مساعده بسيطه من شباب الامارات يعني كل واحد يسال ربيعه ما يبيلها شيء ..

لا تقولون لي روح المعارض لان اول شيء هذولي العراقين في المعارض اكبر نصابين سواء في الاسعار او في نظافه السيارات واللي اغلبها مصبوغه ولا مصدومه .

شباب تصدقون يوم درست الوضع داخل نفسي قلت خلاص بروح أخذ الهوندا ام 19 الف ويوم اتصلت على الرجال قال لي انها انباعت خلاص :cry: :cry: :cry:

[DDesigns]

شباب بسوي اغراء شوي لبعض الناس ..

راح اعطي 500 ريال للي يحصلي وحده نظيفه ..

مدري عاد 500 زينه ولا ما تعجبكم بس على الاقل فيه فلوس ..

[MuGeN]

ألحين انت تبغى سيارة في الإمارات و انت من السعودية ؟؟

روح المعارض اللي في الدمام .. اليوم كنت هناك في أكوردات نظيفة .. بس مادري عن المواصفات اللي فيها .. بس نظيفة .. و بعدين إدا انت قيمت قيمة السيارة و انت كنت تشوفها بعينك ماحد بيغشك ولا شلون ؟

[DDesigns]

مرحبا اخوي ..

اووووووووه اسف نسيت اغير ملفي الشخصي ...

انا سعودي بس سكنت في الامارات حديثا ..

كنت ناوي اشتري من السعوديه قبل لا اجي بس قلت خليني اشتري من الامارات ارخص وانظف .


تكفون شباب انا مليت صراحه من الانتظار ابي اشتري سياره علشان ابي ازودها تزويد مضبوط .. ان شاء الله ..

[MuGeN]

زين رحت المعارض اللي في الشارقة و العوير ؟

[922]

السلام عليكم ورحمة الله وبركاته



الاكورد قير عادي نادره جداً

وممكن تلقا تماتيك اكثر

ليش ماتشتري تماتك وتعدلها لعادي مادامك بتغير المكينه غير القير معاك

[DDesigns]

اخوي Mugen انا عندهم اسبوعيا ..

اخوي 902

الاكورد التوماتيك منتشر بشكل غير طبيعي يعني انت تعرف الوضع في السعوديه وشلون الكامري منتشر هنا في الامارات الاكورد منتشر بكثره جدا جدا ولكن للاسف كلهم توماتيك ..

يعني رحت معارض الشارقه لقيت اكثر من 25 سياره اكورد كل وحده احلى من الثانيه بس كلهم توماتيك !!!!
:black: :black:

والله شكله ما في نصيب ..

انا راح ارجع السعوديه بعد شهر او شهرين علشان اجدد رخصتي واشوف الاهل احتمال اطق لي هوندا وارجع فيها هنا ..