SOHC OR DOHC

[محمد دريهم]

السلام عليكم..


مساكم الله بالخير..


بغيت استفسر من اهل الخبره..وش الفرق بين المحركين..


لان بعض المحركات يجي مكتوب عليها sohc والبعض dohc

وأيهما أفضل؟؟



وشكرا

[Lumina_ss_Coupe]

sohc = single over head cam

dohc = double over head cam


الثاني اهو احسن لانه تون كام....





:D :D :D :D :D

[Wild CRX]

رد مقتبس من Lumina_ss_Coupe
sohc = single over head cam

dohc = double over head cam


الثاني اهو احسن لانه تون كام....





:D :D :D :D :D


:banana: :banana: :banana: :banana:

[محمد دريهم]

مشكور اخوي لومينا اس اس..



طيب ليه بعض المكاين سته سلندر,,,يحطون sohc يعني الصناع اغبياء؟؟؟؟



اكيد لها فائده..

[king_prelude]

هلا أخوي ... أنا أشوف أنا لكل شركة سياستها

ومو كل شركة تستطيع إنتاج محرك من كامين ... هذا رائي

وأكيد إن صرفية البنزين بتكون أعلى

[محمد دريهم]

شكرا لك

بصراحه مادري..


لكن مكتوب على مكينة الماجنا sohc مادري وش يقصدون..


لكن مع ذلك اشوف عزمها جبار..واقتصاديه جدا في الوقود...


مادري؟؟؟

[الأنصاري]

المتسوبيشي تستخدم التقنيتان dohc و sohc والقضية مالها علاقة في القوة اعتقد هي لها قضية في صرفية البترول

حسب سياسة الشركة والله اعلم

[M5]

ولد الخبر

عادة الشركات يكون لها سياسة معينة بوضع محرك SOHC ( ذو كامه واحده ) على سيارتها ..
مثلاً وضعه على سيارات تحتاج عزم قوي على دورات منخفضه أكثر من احتياجها للعزم على دورات عالية .. يعني مخصصه للاستخام اليومي داخل المدن .. وبالفعل استهلاك الماقنا معقول بالنسبة لمحرك 3,5 لتر

قبل يمكن شهر تقريباً استأجرت ماجنا قير عايدي وجربت مع عدة سيارات .. بصراحة أقل شيء يمكن أقوله عنها انها جبارة بكل ما تحمل الكلمة من معنى للقوة ..
حتى اني كنت أجرب دحدرة من سرعة 20 وعند 2000 RPM وكانت تحرق في الأول .. ما شاء الله

لكن الملاحظ على السيارة أو بالأصح على المحرك SOHC ( محرك الماجنا ) انه في الخط وخصوصاً على الثالث والرابع لما يكون الـ RPM فوق 5000 تحس ان السيارة سحبتها مش ولا بد .. تلاحظ انه الار بي ام ياخذ وقت لين يوصل الخط الأحمر ..
أنا جربت مع مرسيدس E 320 موديل 98 بس نشيط شوية .. طلعت عنه بسهولة مسافة عمود على سرعة 140 .. لكن بعد كذا بدأت ابعد عنه بصعوبه شديده لين سرعة 170 والسبب انه سحبت السيارة في الخط مش مناسبه مع قومتها

على العكس من ذلك ..
تلاحظ في محرك اللكزس الـ LS 400 نوعه DOHC مثلاً قومتها من الصفر مش ولابد لكن في الخط تقريباً زي اللومينا

على العموم لا أطول عليك ..
أنا أتوقع انه يمكن تكون سياسة متسيوبيشي عشان مسألة تخفيض كلفة تصنيع السيارة لأنه المحرك هذا يعتبر غير متطور قياساً على عام 2004 .. السيارة تعتبر رخيصه جداً بالنسبة لفئتها وكونها تتجمع في اليابان


تحياتي للجميع ،،
واعتذر على الاطاله والغياب

[WRX]

السلام عليكم ورحمة الله وبركاته

صح لسانك اخوي M5 بس حبيت اضيف اني الي اعرفه ان نتائج التغليم والتعديل على مكينة الــDOHC افضل من SOHC وعلى شان كذا دائما يركبون مكاين VECT DOHC على الهوندات...

والله اعلم..:think:

[الشبابي]

اخوي ام 5 ...
شكرا على المعلومات القيمة ...
طيب ارجوك ممكن تعطينا معلومات عن محرك الماكسيما 3.0 الموجود لدينا بالسعودية ونوعه ؟؟؟



















اخوكم الشبابي

[180B]

المرسيدس تستخدم SOHC وثلاث صمامات ونسختها الرياضية اتلاقي عليها سامان ومافي عليها اي كلام:banana: :banana: :banana: :banana: :banana: :banana: :banana:

[دانيال]

خوينا M5 كفى و وفى :p

انا أأيد DOHC أفضل بما أني أدرس ميكانيكا

[محمد دريهم]

مشكورين شباب على تواجدك..


وأشكرك اخووي m5 وكلامك اغلبه صحيح...


يعطيك العافيه

[City-cars]

sohc = single over head cam

dohc = double over head cam


الثاني اهو احسن لانه تون كام....





:D :D :D :D :D [/QUOTE]

[infiniti]

الميزه في محركات DOHC توفير العزم على سرعات المكينه المتوسطه و العاليه و السبب هو صغر حجم عامود الكردان مما يوفر لها سرعات دوران عاليه تصل الى 8000 RPM او اكثر بقليل .
و العكس صحيح في محركات SOHC توفير العزم على سرعات منخفضه و المتوسطه و غالبا ما تجد محركات SOHC ذات دوران محدود لانها تحمل اعمده كردان ضخمه .

[الأنصاري]

انا الصراحة اشوف ان سيارات SOHC ممتعة في القيادة تحس بقوة السيارة


DOHC تقنية ممتازة ايضا وقوية في الخطوط