سوالف للجميع - كيا أوبيرس ((صعب الواحد يتجاهلها))

الأنصاري

30-03-2004, 03:01 PM

االيوم ذهبت في زيارة لوكلاة الكيا عشان اشوف هذة السيارة بعيني
الصراحة ما كانت عاجبتني قلت هذة السيارة كورية وفوق ذالك تصميماتها مسروقة

بس بعد خروجي من الوكالة ومشاهدتي السيارة غيرت وجهت نظري قليلا

اول شئ ما المانع من ان الواحد يشتري سيارة كورية

اول شئ بقول كل واحد انا متخوف من خراباتها ومشاكلها
ولكن كيا أوبيرس تيجي بضمان من خمس سنوات مع عداد مفتوح ((من الشركة الكورية الأم وليس من الوكيل)) لن تدفع ريال واحد الضمان يغطي الجير والدفرنش والمحرك والمكيف وكل الأجزاء الأساسية ((على ذمة مندوب المبيعات))

ثاني شئ قطع الغيار
الصراحة انصدمت يوم شفت اسعار قطع الغيار وخاصة القطع الإستهلاكية رخيصة جدا وحتى لو ما كان فيها جودة بس سعرها رخيييييييص

بخصوص الكيا اوبيرس طبعا السيارة خليط من سرقات ((جاكور +مرسدس)) :D :D ولكن باسلوب متقن

هذة صورة من الأمام والخلف تلاحظ وجود مستشعرات في السيارة
:D واهتمام في داق التفاصيل

مقدمة مرسدس

http://www.kia.com/images/amanti/2004-11.jpg

خلفية جاكور س تايب

http://www.kia.com/images/amanti/2004-2.jpg

محرك السيارة سيغما (( مادري ايش يقصدون متسوبيشي:D :D )) من 6 اسطوانات بسعة 3.5 بقوة 203 حصان ((مادري ليش اشك انة محرك الماجنا))

المحرك يتصل بعلبة تروس من 5 نسب اوتو مع تبترونك شئ جميل

سرعتها القصوى 220 كم جميل جميل

صحيح يوم شفت المحرك في والكالة لقيت انهم واضعين عوازل ومغطين البطارية والمكينة وعاملينها بشكل محترم مثل المرسدس ;) ;)

مكابح السيارة مزودة بنظام abs

من الداخل الإخوان مهتمين بكل شئ

http://www.kia.com/images/amanti/2004-3.jpg

كراسي جلدية ومن المقدمة المقود في مثبت سرعة وتحكم في المسجل في سي دي في السيارة وتخشيب شاشة الكترونية الستارة الخلفية كهربائية الكراسي 4 كهرباء وفي ميموري للكرسي وووووو كل شئ موجود في السيارة :D :D

من ناحية السلامة السيارة فيها 8 اير باج :shock2: وفيها نظام esp نظام تحكم في استقرار السيارة

الخلاصة الإخوان عاملين سيارة فخمة فيها كل شئ مع شكل جيد وبسعر مماتز جدددددددددددددددددددددددددددددددا
السيارة 80 الف
والي فيها جلد وبعض الزوايد 88 الف
يعني رخيصة جدا والمندوب قالي ان الي ياخذونها لهم معاملة خاصة مثل الكزس والإنفنتي اماكن خاصة في الوكالة
http://www.kia.com/images/amanti/2004-8.jpg

السيارة رخيصة جدا
معامله حلوة جدا
مواصفات كثيرة جدا
ضمانات وعورض ممتازة جدا

ايش يمنع الواحد يشتريها
:D :D

نشوف وجهت نظركم في هذة السيارة واتمنى مايحكم احد قبل ما يقراء الموضوع كامل

جميع الحقوق محفوظة لمنتدى سوالف والكاتب بوعبود ومانبي نشوف الموضوع منقول دون الإشارة الية خلاص تعبنا :D :D

oil_HKS_lio

30-03-2004, 03:10 PM

مشكور اخوي على الموضوع السياره حليوه

RED Chevy

30-03-2004, 03:18 PM

إيه يابوعبود أدري كم رد بيجيني كلهم ضدي لكن بقولها وياجبل......كملها إنت أفضل:D
هذي كيا( بين قوسين كيا وكوريه يعني راحت فوق أو جات تحت مستحيل توصل لمستوى البنوز والجغاور والبياإم لو حطوا سينما فيها) الصراحه المواصفات تغري كثير كثير كثير، بس الشكل غبي غبي غبي يعني خذتوا من أفخم سيارات دمجوا عدل شوفها من ورى كأنها قطوة مصفوقه بنعال، آآآآآآآآآآآآآه وين أيام عزك ياE-CLASS أحين الأوبيروس تحذر منك( عجل إحذر من شبيهاتها الأغلى سعراً) الصراحه مستحيل تكبر أي سياره كورية بعنيني وذي راي شخصي واللي كلام مو عاجبه رجاءً لايرد مالي مزاج أتكلم زود عنها وألف شكر لك على الموضع ومثل ماقلت اللي كلامي مو عاجبه يحتفظ برايه مابي أدخل نقاشات وسوالف زيادة عن الكوري.:glasses2:

سردال

30-03-2004, 03:45 PM

رد مقتبس من RED Chevy
إيه يابوعبود أدري كم رد بيجيني كلهم ضدي لكن بقولها وياجبل......كملها إنت أفضل:D
هذي كيا( بين قوسين كيا وكوريه يعني راحت فوق أو جات تحت مستحيل توصل لمستوى البنوز والجغاور والبياإم لو حطوا سينما فيها) الصراحه المواصفات تغري كثير كثير كثير، بس الشكل غبي غبي غبي يعني خذتوا من أفخم سيارات دمجوا عدل شوفها من ورى كأنها قطوة مصفوقه بنعال، آآآآآآآآآآآآآه وين أيام عزك ياE-CLASS أحين الأوبيروس تحذر منك( عجل إحذر من شبيهاتها الأغلى سعراً) الصراحه مستحيل تكبر أي سياره كورية بعنيني وذي راي شخصي واللي كلام مو عاجبه رجاءً لايرد مالي مزاج أتكلم زود عنها وألف شكر لك على الموضع ومثل ماقلت اللي كلامي مو عاجبه يحتفظ برايه مابي أدخل نقاشات وسوالف زيادة عن الكوري.:glasses2:

معليش ... إذا في شخص مش عاجبنه كلامك لا يرد؟ ... ليش كاتب ردك من الأصل؟ إذا كتبت رد توقع تعقيبات على ردك، هذا شيء طبيعي، أما إذا أنت مصر على أن ما يرد عليك واحد مش عاجبنه كلامك ... فاحتفظ أنت برأيك.

أريد نقطة منطقية في ردك أرد عليها ... ما حصلت.

DodgE

30-03-2004, 04:15 PM

موشوع رائع بو عبود

السياره لدى احد اصدقائي ولكن تحت التمرين للآن.....إذا انتهى التمرين بحاول اسوي تجربه

تحياتي

عين الفهد

30-03-2004, 04:40 PM

:anger: :anger: :anger: :anger: :anger: :anger: :anger: :anger: :anger: :anger: :anger: :anger: :anger: :anger: :anger:
ســــــــرقــــــــة
:anger: :anger: :anger: :anger: :anger: :anger: :anger: :anger:

عيني عينك وما أعلم متى تتوقف سلسة السرقات من التصميم.......
ياناس إبتكروا

وبدن زعل
:black: عين الفهد :black:

TOP-SECRET

30-03-2004, 04:46 PM

انا تعجبني من الامام والداخل من الخلف يحتاج لها تعديل وتحتاج جنوط اكبر وبشكل رياضي بتكون جيده وبعض الزوائد الخارجيه والمحرك جيد :)

الشبابي

30-03-2004, 05:02 PM

انا رديت في احد المواضيع اليوم ومدحت السيارة لكن الان نزلت من عيني شوي لأني كنت اتوقع ان السيارة حلوة من الداخل بحسب ماسمعت عنها ... وهي فعلا حلوة لكن انظر الى المقاعد ... انها نسخة طبق الاصل من مقاعد الال اس 430 ...
وانظر الى الطبلون والدركسون ... نفس الجاكوار بالتمام حتى مكان العلامة بالدركسون نفس اللي في الجاكوار ...

اخوكم الشبابي

silver

30-03-2004, 05:34 PM

السلام عليكم

اول ما شفت السيارة في الإنترنت وفي الدعاية ... قلت إن شكل السيارة غريب .. لا هو جميل ولا هو قبيح... لكن غريب

وبعد ماشفتها في الوكالة صرت أشوف إن السيارة مش جميلة وبس لكن تشد النظر وتخلي الناس يطالعون بعد .... :shock2:

اهم مواصفات السيارة هي
- نظام الحماية في مساند الرأس.
- الوسائد الهوائية الثمانية.
- مكيف للمقاعد الخلفية.
- ناقل حركة H-Matic (عادي أوتوماتيك).
- نظام (ESP) يساعد على من الإنزلاق الشديد.
- نظام (ABS)
- نظام (EBD)
- نظام (TCS)
- نظام (ECS)
- حساسات خلفية.
- ستائر جانبية.
- ستارة كهربائية خلفية.
- غرفة التبريد إلي في تكاية اليد.
http://hyundaiksa.jeeran.com/images/opirus.jpg

على فكرة ... إلي يقول إن السيارة عبارة عن سرقة أفضل شيء من كل سيارة فخمه
ايش إلي مزعلكم على السيارة ... مادام إنكم راح تحصلون سيارة فخمه مقابل سعر منخفض :)

loolicpolic

30-03-2004, 05:40 PM

شكرا كتيير بوعبود على الموضوع الرائع..

فعلا دخول قوي وفخم لسيارة كوريية..

أنا أختلف معك في تبيهك لها من الخلف بالإس تايب!

على العموم، السياره ككل جميله ما عدا المؤخره، ما أدري حاسس فيها شي غلط أو مو راكبه على الشكل العام للسياره :headshak:

تحياتي..

180B

31-03-2004, 12:28 AM

السيارة حلوه تسلم يا بوعبود بس ينقصها ( الدفع الخلفي و مكينة بقوة اكبر وإذا كان المقود مطعم بالخشب ) كان احسن.

:anger:
:anger:

:anger:

:anger:

ACCORD-V6

31-03-2004, 12:42 AM

بأختصار شديد سيارة فخمه نوعا ما بسعر منخفض

CL 600

31-03-2004, 01:44 AM

رد مقتبس من RED Chevy
إيه يابوعبود أدري كم رد بيجيني كلهم ضدي لكن بقولها وياجبل......كملها إنت أفضل:D
هذي كيا( بين قوسين كيا وكوريه يعني راحت فوق أو جات تحت مستحيل توصل لمستوى البنوز والجغاور والبياإم لو حطوا سينما فيها) الصراحه المواصفات تغري كثير كثير كثير، بس الشكل غبي غبي غبي يعني خذتوا من أفخم سيارات دمجوا عدل شوفها من ورى كأنها قطوة مصفوقه بنعال، آآآآآآآآآآآآآه وين أيام عزك ياE-CLASS أحين الأوبيروس تحذر منك( عجل إحذر من شبيهاتها الأغلى سعراً) الصراحه مستحيل تكبر أي سياره كورية بعنيني وذي راي شخصي واللي كلام مو عاجبه رجاءً لايرد مالي مزاج أتكلم زود عنها وألف شكر لك على الموضع ومثل ماقلت اللي كلامي مو عاجبه يحتفظ برايه مابي أدخل نقاشات وسوالف زيادة عن الكوري.:glasses2:

كلنا يعرف أن هذه السيارة لا تصل لمستوى السيارات الألمانيّة .. لكن يجب أن نحكم المنطق قليلاً ونبتعد عن العواطف الهوجاء ..
السيارة هذي أعتبر جودتها ممتازة ولاتختلف عن اليابانيات .. صحيح أنها لا ترقى لجودة هوندا وتويوتا .. لكنها لا تختلف عن ميتسوبيشي ومازدا وسوبارو .. والكلام هذا عن تجربة واقعية .
وبالتالي فإنها تتفوق على السيارات الأمريكية .. من حيث وفرة التجهيزات مقابل الجودة المعقولة ( السيارات الأمريكية لا أعتبرها جيّدة )

تحياتي للجميع ,,
ماجد

الأنصاري

31-03-2004, 03:53 AM

رد مقتبس من CL 600
كلنا يعرف أن هذه السيارة لا تصل لمستوى السيارات الألمانيّة .. لكن يجب أن نحكم المنطق قليلاً ونبتعد عن العواطف الهوجاء ..
السيارة هذي أعتبر جودتها ممتازة ولاتختلف عن اليابانيات .. صحيح أنها لا ترقى لجودة هوندا وتويوتا .. لكنها لا تختلف عن ميتسوبيشي ومازدا وسوبارو .. والكلام هذا عن تجربة واقعية .
وبالتالي فإنها تتفوق على السيارات الأمريكية .. من حيث وفرة التجهيزات مقابل الجودة المعقولة ( السيارات الأمريكية لا أعتبرها جيّدة )

تحياتي للجميع ,,
ماجد

اختلف معاك :D :D السيارات اليابانية كلها بجودة واحدة سواء سوزوكي ديهاتسو متسوبيشي هوندا كل الياباني صف واحد وما في حد احسن من حد الا في التنوع والتقنية

الصراحة مافي مقارنة لو تقارن جودة الكيا بالنيسان او المتسوبيشي اول شئ نيسان محركاتها من افضل المحركات في العالم ومحركات المتسوبيشي من اقل المحركات في نسبة التعطل في العالم اضافة الى ان اغلب السيارات الكورية تستخدم محركات متسوبيشي الشئ الثالث قطع النيسان والمتسوبيشي تصل من اليابان ويوم تشوف القطعة تحس ان سعرها فيها عكس الكيا صحيح قطع الغيار رخيصة بس ما فيها جودة

وصدقني هذة الكيا ماتصل لمستوى اليابانيات من ناحية التعمير بس تقنياتها حلوة ولو تلاحظ ان كل شئ فيها رخيص جيد ان الضمان يغطي لأن هذا هو عمرها الإفتراضي

وكل اليابانيات سياراتهم مشهود لها وكل شركة عدنها كم سيارة تفتخر فيها

اما كيا نقدر نقول ان الكرنفال الميني فان اثبت وجودة اما السيارات الثانية فاشلة واوبريس ما نقدر نحكم عليها الا بعد التجربة

الأنصاري

31-03-2004, 04:00 AM

مشكورين شباب على التفاعل والاراء المتباينة

والخلاصة في وجهت نظري
سيارة تجهيزاتها كثيرة بسعر رخيص
هي مناسبة لفئتين من الناس
تصلح انها تكون سيارة حق البيت
او واحد ودة في مميزات وميزانيتة 80 الف

النقاط السلبية
شكلها من الخلف تعبان
فشل في استخلاص قوة من محرك 3.5 بس 200 حصان :(
اكيد الجودة بتكون نوعا ما متدنية خاصة ان كيا ما اثبتت نفسها بسيارة يمدحها الكل

ماتصل لمستوى الألماني ابدا
قريبة من الياباني
متساوية مع الأمريكي

mill_955

31-03-2004, 05:48 AM

انا افضل شراء هوندا اكورد او نيسان ماكسيما بهذي القيمه

مهما كانت مواصفات السياره عاليه لكن الاسم اهم عندي

الامير الاحمر

31-03-2004, 06:11 AM

والله السيارة حلوة للي حاطه في باله اما اذا يبغى الشيئ الممتاز تحصل سيارات في نضري احسن منها
لكن السيارة حلوة وماعليها كلام
مع انه مالها انتشار واسع
:banana: :think:

القرن الجديد

31-03-2004, 07:07 AM

كياااااااااا الان ===> هيونداي

اي ان جميع سياراتها بتكون نفس الجودة

وهيونداي سبق ان تكلمنا فيها وتعتبر (هاي كوالتي"):eek: :eek:

RED Chevy

31-03-2004, 07:34 AM

آان ردي مو رد على أي حد بس قلت لكم مابي أفتح نقاش عنها إذا تبون تسوون قصة موضوع السوناتا سووها لكن ذي آخر رد لي هني وتقبلوا تحياتي.والشكر مره ثانية لبعبود:)

الأنصاري

31-03-2004, 07:47 AM

رد مقتبس من RED Chevy
آان ردي مو رد على أي حد بس قلت لكم مابي أفتح نقاش عنها إذا تبون تسوون قصة موضوع السوناتا سووها لكن ذي آخر رد لي هني وتقبلوا تحياتي.والشكر مره ثانية لبعبود:)

العفو اخوي رد شيفي واذا في ودك تناقش ما في مانع كل واحد حر في راية سواء كان صحيح او غير صحيح والخلاف امر لابد منه لأن كل شخص عنة وجهت نظر غير ومصمم عليها

وشكرا للجميع

kin porch

31-03-2004, 10:47 AM

السيارة تفتقد لشي مهم جدا وهو الشخصية ..وهذا بحد ذاته يخلي المشتري يسوي X ويفكر بسيارة اخرى ...............................
مشكور على الموضوع الحلو

الشبابي

31-03-2004, 11:33 AM

اخوي ماجد ...
معاك في كثير من اللي قلته لكن اسم السيارة يعكر عليها كثيرا واعتقد ان الخطوة هذي مبكرة نوعا ما ...
وفي اشياء اخرى ممكن يسوونها كبداية ... هي ان يغيروا علامة كيا ويعلنوا عن شركة جديدة تابعة لكيا لكنها الجزء الفخم ويبدأون في انتاج سيارات جديدة كليا ويبتعدون قليلا عن التقليد ويركزون على اشياء اخرى ... بعد 10 ولا 20 سنة بيصير لها اسم ... مثل الهونداي سنتيتنال فهي فخمة ... ومقوماتها اكثر .....

اخوكم الشبابي

القرن الجديد

31-03-2004, 08:16 PM

ياشباب

1- انا ابغا سيارة تريحني (يعني سيارة مريحة )
2- ابي بعد سيارة تدلعني (تلبي مطلبي)
3- ابي سيارة تخدم معي ( السيارة هاي كولتي == > هيونداي)
3- سيارة اااامنة تحميني باذن الله من الحوادث ( درجتها في التوب بالنسبة للامان )
4- سيارة يعني مو غالية لدرجة غير معقولة (ببلاش في فئتها )
5- سيارة فيها نظام صوتي ممتاز (طبعا السيارة فيها ماركة انفنتي)
6- سيارة قطع غيارها اسعارها معتدلة ( مقارنة مع فئاتها )
7- سيارة راسية بمعنا الكلمة مو سيارة تتمايل لحساب الراحة وتفقد تماسكها
8- سيارة داخليها وشكلها العام حلو (وهي حلوة مرة مرة )
9- شكلها الخارجي ممتاز (والسيارة ممتازة جدا وووووو مميزة
10- فيها مواصفات الفخامة
11- ايضا انظمة ثبات
12 - الخ

اذا توفرت هذي الشروط خلاص ابشتري وانا مغمض ولو كل قطعة في السيارة من جهه ومسروقة ومستنسخة لانها بين الشركات (يصطفلو مع بعض )
ماتاثر علي اذا شريتها

واذا كانت السيارة ما تعطي شخصية عند الناس بسبب اسمها فقط فقط

انشاء الله عمرها ما شافوني ولا مدحوا السيارة قدامي (ايضا يصطفلوا)

انا اتمتع بكل وسائل الراحة والامان والفخامة وهم خلهم يعيشون القرف بسياراتهم الي مافيها حتي المثبت و اصغر مقصورة (طبعا نفس السعر)

او يزيدوا من فلوسهم 50000 الف ريال علشان الاسم في شركات ثانية (طبعا على الاقل)

Lorinser300E

31-03-2004, 09:19 PM

بسم الله

اسأل مجرب ولا تسال طبيب

عن كلام مجرب لهذي السياره
-السياره مواصفاتها حلوه
- مريحه من الداخل
- تلبي كل احتياجاتك من نضام صوتي وكراسي جلديه اتماتيك و....و...و...و...و...
بس في حاجه ما فيها عزل صوتي ممتاز
صوت الكفرات على الأرض مزعج جدا جدا جدا
الاثاث يطلع صوت (( مع انه ما مشى بيها حتى 3000 ))
رساوتها لك عليها يعني مع وجود انضمه الثبات تحسنت الرساوه بس مش كثير يعني مش بالمستوى الي تتوقعه

لكن بشكل عام السياره من الخارج قبيـــــــــــــــحه
ومن الداخل جميـله و مريحه بس مو راسيه لانهم تخلو عن الثبات و الرساوه على حساب الراحه

أتمنى اني وصلت معلومه ولو بسيطه

اي اي وقبل ما اروح السياره حق شيبان :D :D :D :D :D

الارهابي

01-04-2004, 04:58 AM

مع تعديل الشبك صارت واجهتها لطيفه جدا

http://www.kia.com/images/amanti/2004-11.jpg

خلفيتها محتاجه شويه تعديل و تطلع تمام :glasses2:

silver

01-04-2004, 05:47 AM

الشبابي ...
داخلية الأوبيروس والسنتينيال تقريباً وحده
ومعاك حق هونداي قروب تحتاج إلي فرع فخم بإسم جديد علشان تقدر تدخل سوق السيارات الفخمه ... وكذلك هي بحاجة إلي استخراج قوة أكبر من محركها الـ 4.5 لتر على الأقل تكون 300 حصان (إلي هو الآن ينتج حوالي 260 حصان) ... وطبعاً لازم تكون دفع خلفي علشان تقدر تنجح في هذي الفئة ... ويمكن بعد 10 او 15 سنة تقدر تاخذ لها مكان في عالم السيارة الفخمه ... زي ما سوت تويوتا مع لكسز :)

Lorinser300E
متأكد من الكلام إلي تقوله :confused:
السيارة أصلاً مالها صوت ... انا اوقفها جمب السوناتا ومع أن السوناتا 4 سلندر إلا إنه يطلع أعلى من صوت الأوبيروس ...

الارهابي
إلي في الصورة هي الكيا الأوبيروس إلي تنزل في أمريكا وإلي إسمها هناك Amanti وتفرق عن إلي تنزل عندنا بفروق بسيطه ... هي الشبك الأمامي إلي باين في الصورة ... وكذلك إنه يوجد فيها لمبة إشارة موجودة في الصدام الخلفي ... وتكون بلون أحمر على ما اظن :)

MuGeN

01-04-2004, 08:10 AM

أنا مستغرب منكم بصراحة ؟؟

ألحين واحد يأخذ سيارة ب 80 ألف يجي يقول مو بمواصفات المرسيدس ..

و اللي يأخذ لومينا و يصدم و يقول البدي ضعيف .. و لما يشوف صدمة مرسيدس نفس صدمة اللومينا قال :: عجل المرسيدس بدي ضعيف بعد ؟؟

ألحين ما تشوف دافع كم ؟ .. دافع 300 ألف .. غير عن دافع أقل من مئة ألف .. يعني توقع سيارتك بقدر ما دفعت ..

و اللي يقارن الرويال بالمرسيدس :D .. أو ثبات الأكسنت بثبات الإنفنتي :eek:

أما بخصوص الكيا أنا أشوف روعة بالنسبة لسعرها .. شكلها لما تشوفها بعينك غير عن الصور .. :sleep:

علي عبدالله

01-04-2004, 05:57 PM

رحت الى وكالة الكيا بنفسي مع بعض الاقارب وسألنا عن الاوبيروس (على الرغم من ان عند واحد من اقاربي تجربة سيئة جدا مع السبورتاج فيما مضى ) لكن موضوع الاوبيروس وسعرها المغري ومواصفاتها الرائعة دفعتني اني اذهب الى الوكالة دفعا ..وهناك استقبلنا المندوب باحسن استقبال وجاوب على كل الاستفسارات
وبصراحة (وعلى الرغمن من كرهي الشديد للكوري ) لكن الاوبيروس هذي فعلا تستحق اعادة النظر قليلا ..مواصفاتها خيالية وسعرها رخييييص
ومعاها ضمان خمس سنوات (شي جميل )
وشكله (على الرغم انه مقلد ) لكن لابأس اذا كان بخمسة وثمانون الف فقط:)
صراحة سيارة تستحق التفكير :glasses:
ومشكور يابوعبود على الموضوع :)

ابو كثير

01-04-2004, 06:51 PM

جيده

وعليكم السلام ورحمة الله وبركاته

03-04-2004, 08:45 PM

راعي البيج + بوعبود + TOYOTA - OBAS

لا تخلوا سيارة ( كورية ) تصرف نظركم عن الـ ( تايوته ) ;)

لا يغركم اسم ( أوبيروس ) تراها كوري وناخوكم .. وش بلاكم انتم ؟؟ وين راحت الكامري XLi الـ ( مطوّره )

CL 600

04-04-2004, 12:49 AM

رد مقتبس من بوعبود
اختلف معاك :D :D السيارات اليابانية كلها بجودة واحدة سواء سوزوكي ديهاتسو متسوبيشي هوندا كل الياباني صف واحد وما في حد احسن من حد الا في التنوع والتقنية

_________________________

قطع النيسان والمتسوبيشي تصل من اليابان ويوم تشوف القطعة تحس ان سعرها فيها عكس الكيا صحيح قطع الغيار رخيصة بس ما فيها جودة

_________________________

وصدقني هذة الكيا ماتصل لمستوى اليابانيات من ناحية التعمير بس تقنياتها حلوة ولو تلاحظ ان كل شئ فيها رخيص جيد ان الضمان يغطي لأن هذا هو عمرها الإفتراضي

__________________________________________________

بالنسبة للنقطة الأولى .. ماذا تقصد بالجودة؟؟ أو مفهوم الجودة ماذا يعني لك ؟

بالنسبة للنقطة الثانية .. كلامك هنا يخلو من المنطق .

بالنسبة للنقطة الثالثة .. لم ألاحظ مثلك .. مع إني جربت الأوبريوس لفترة طويلة .

...............................

تحياتي لك ,,
ماجد

الشبابي

04-04-2004, 02:49 AM

ياشباب ...
اشوف انها اكثر شي تنفع للسواقين ولا كيف ؟؟؟

اخوكم الشبابي

الأنصاري

04-04-2004, 03:24 AM

هلا اخوي ماجد انا قدصي ان سواء كانت السيارة اليابانية تويوتا او نيسان او هوندا او اي شركة ثانية هذة السيارات اشتهرت بجودة واحد سيارة تتحمل الكرف

عكس الكوري تجد في اختلاف في جودة الهيونداي والكيا وفي تذبذب في المستوى مرة اوكي ومرة لا

ما اعتقد ان كلامي في النقطة الثانية يخلو من المنطق اقصد مثلا ان امتن وجودتها اكبر بكل بساطة تشاهد سلعة وسلعة ثانية بس في فرق بينهم رغم انهم بنفس النوع

والكل حر في راية واسمحلي كتبت هذا الرد في عجالة

CL 600

04-04-2004, 12:39 PM

بانتظار ردّك المفصّل ..

لكي أستطيع الرد عليك .. :o :o

( صدقني يابو عبود إني مستمتع بالنقاش معك .. لأني أحس أني أتناقش مع شخص يعي مايقول ).

تحياتي لك ,,
ماجد

mill_955

04-04-2004, 12:52 PM

رد مقتبس من الشبابي
ياشباب ...
اشوف انها اكثر شي تنفع للسواقين ولا كيف ؟؟؟

اخوكم الشبابي

محمد دريهم

04-04-2004, 12:57 PM

والله ان الأوبيرس صفقه رابحه..

وتستاهل لقب سيارة الموسم..

والله جمال في التصميم...لاحد يقول مسروق...هذا حال الهوندا سيتي يوم سرقت تصميم الكيا ريو...في الخلفيه..

عالعموم..الاوبيرس والله سياره محترمه من جد...وسعرها قليل جدا مقارنه بمواصفاتها..

بالله قارنوا مواصفاتها بالكامري الجي ال اي..لانهم نفس السعر..

وراح تعرف ان الكيا هي الرابحه..

وشكرا

محمد دريهم

04-04-2004, 01:00 PM

مع احترامي احس الاخ اللي يقول السواقين..ولا تدرون مابغا اكمل...

مادري بأي منطق يتكلم؟؟

والله عيب الكلام هذا في منتدى يخص الرجال فقط...

الأنصاري

04-04-2004, 01:47 PM

اخوي CL 600
والله انا الي مستمتع ان موضوعي صار فية كل هذا النقاش وتباين وجهات النظر

الصراحة ناسي الموضوع بس بعطيك تصوري بشكل عام

هذة السيارة تتوفر بسعر رخيص جدا بالنسبة لمواصفاتها الكثيرة الصراحة اضافة الي ان وكلائها في المنطقة بسوقونها بشكل ممتاز

ولكن كيا ما بنت الاسم الي يعتمد علية اضافة الى انها ماكسبت ثقة كل المستهلكين بس نعترف ان المؤشرات في ازدياد والشئ الثاني ان تباين وجهات النظر جاء بين سرقة وشكل حلو

بس انا يوم شفتها وجلست فيها ما اقولك اني ما انبهرت الصراحة كل شئ موجود بس ملاحظ ان الخامات المصنوعة منها السيارة خامات مش عالية الجودة اضافة اني يوم شفت بعض القطع الأصلية مش لهذة السيارة ((سيارة كيا اخرى)) لاحظت انها مصنوعة كي تستهلك بشكل سريع عكس السيارات اليابانية الى في نوع من المتانة فيها اضافة ان قطعها مصنوعة عشان تدوم لفترات طويلة

على فكرة هذة سياسة كل الشركات الكورية سواء في التلفزيونات والمكيفات والسيارات سياسة وضع كل التقنيات الموجودة في افضل الشركات في منتج حيث يكون بسعر زهيد ولكن بجودة اقل بسبب الإسترخاص في المواد

يعني اذا ارت سيارة فيها كل شئ من التقنيات بسعر زهيد فهذة السيارة ممتازة بس صدقني بتخدمك لفترة معينة ولا تتوقع انها بتجيبلم قيمة وقت البيعة

اما السيارة اليابانة لن تحصل على هذة المواصفات الا لو دفعت مبالغ كبيرة ولكنك تحمل الإسم وضمان الإستمرارية اضافة الى اعلى سعر وقت البيعة

والناس وجهات نظر في هذا الموضوع

واسف على الإطالة والخروج عن الموضوع
ولعلي اكون غلطان ولكن هذا تصوي وشكرا
ونحترم راي الجميع بس نتمنى ان يتكلم الجميع باحترام عشان مانفسد النقاش

الشبابي

04-04-2004, 07:18 PM

انا يا شباب مو قصدي شي غلط ..
لكن يعني تنفع للسواقين بسبب سعرها الحلو ، وتعرفون الحريم اذا ركبوها يعتقدون انها كالبي ام والمرسيدس وغيرها ...

اخوكم الشبابي

04-04-2004, 07:39 PM

رد مقتبس من بوعبود

يعني اذا ارت سيارة فيها كل شئ من التقنيات بسعر زهيد فهذة السيارة ممتازة بس صدقني بتخدمك لفترة معينة ولا تتوقع انها بتجيبلك قيمة وقت البيعة

اما السيارة اليابانة لن تحصل على هذة المواصفات الا لو دفعت مبالغ كبيرة ولكنك تحمل الإسم وضمان الإستمرارية اضافة الى اعلى سعر وقت البيعة

يالله يا أخ CL 600 .. رد أشوف :glasses2:

محمد دريهم

05-04-2004, 12:49 PM

انا اتفق معكم..

اللي يشتري عشان يبيع لا ياخذها...

وانما ياخذ تويوتا...

القرن الجديد

05-04-2004, 07:58 PM

سبق ان قلتة واكررة الان

:rolleyes: :rolleyes: :rolleyes:

ياشباب

1- انا ابغا سيارة تريحني (يعني سيارة مريحة )
2- ابي بعد سيارة تدلعني (تلبي مطلبي)
3- ابي سيارة تخدم معي ( السيارة هاي كولتي == > هيونداي)
3- سيارة اااامنة تحميني باذن الله من الحوادث ( درجتها في التوب بالنسبة للامان )
4- سيارة يعني مو غالية لدرجة غير معقولة (ببلاش في فئتها )
5- سيارة فيها نظام صوتي ممتاز (طبعا السيارة فيها ماركة انفنتي)
6- سيارة قطع غيارها اسعارها معتدلة ( مقارنة مع فئاتها )
7- سيارة راسية بمعنا الكلمة مو سيارة تتمايل لحساب الراحة وتفقد تماسكها
8- سيارة داخليها وشكلها العام حلو (وهي حلوة مرة مرة )
9- شكلها الخارجي ممتاز (والسيارة ممتازة جدا وووووو مميزة
10- فيها مواصفات الفخامة
11- ايضا انظمة ثبات
12 - الخ

اذا توفرت هذي الشروط خلاص ابشتري وانا مغمض ولو كل قطعة في السيارة من جهه ومسروقة ومستنسخة لانها بين الشركات (يصطفلو مع بعض )
ماتاثر علي اذا شريتها

واذا كانت السيارة ما تعطي شخصية عند الناس بسبب اسمها فقط فقط

انشاء الله عمرها ما شافوني ولا مدحوا السيارة قدامي (ايضا يصطفلوا)

انا اتمتع بكل وسائل الراحة والامان والفخامة وهم خلهم يعيشون القرف بسياراتهم الي مافيها حتي المثبت و اصغر مقصورة (طبعا نفس السعر)

او يزيدوا من فلوسهم 50000 الف ريال علشان الاسم في شركات ثانية (طبعا على الاقل)

السائق المثالي

21-04-2004, 08:29 AM

السيارة روعة بكل المقاييس

لو ان الوكيل طرح الاوبيروس مصحوبة بإعلانات مكثفة لكان أنتشارها تغير عن الوضع الحالي

لكن السيارة بشكل عام طيبة جدا . مقارنة بسعرها الزهيد

شكرا بو عبود وتستاهل من يرف لك الموضوع :eek:

W351

21-04-2004, 10:20 AM

السلام عليكم ورحمة الله وبركاته

الاختلاف في الرأي لا يفسد للود قضيه و للولا الاذواق لبارت السلع

انا من وجهة نضري شكل السياره لحاله يكفيني اغض نظري عنها

بجد بجد شكلها قبيح وما فيها تجانس نهائيا انا اخذ لي سوناتا افضل

واذا بأدفع 88 الف اخذ لي هوندا اكورد افضل مليون مره .

وبعدين حرام عليكم صارت جودة الكوري مساويه لجودة الامريكي:OO:

خلونا نكون واقعيين يعني على سبيل المثال اخذ لي فكتوريا اوماركيز

الفئه الوسط ب 85 الف وازيدها اللى 94 الف واخذ الفئه اللي اعلى منها

ولا احد يقول لي حراره او مكيف حار او خرابات او قطع غيار غاليه لاني

مجرب والسياره ماشيه 350 الف وماكينه مثل الساعه .

ووو ووووووووو وووووووووووو

وبس

سردال

21-04-2004, 11:10 AM

وبعدين حرام عليكم صارت جودة الكوري مساويه لجودة الامريكي

حسب دراسات JD Power فإن جودة الكوري تتساوى مع جودة الأمريكي في الكثير من السيارات أو تكاد تساويها في سيارات أخرى.

القرن الجديد

21-04-2004, 08:15 PM

ابتعب وانا اقول بس الصبر الصبر شوفو

هذي سيارة كورية .السيارة اصغر واقل فئة من الابيريوس

http://mmssmmdd.jeeran.com/so.jpg

او بيقول لي احد الحين الموقع غير موثوق :eek: :eek:

شوفوا الجودة والاعتمادية (بلا امريكي بلا عفن ) اجل واحد من الربع معهة ماليبو 2000 وغير بواجي والله بواجي . وقامت السيارة تقطع وتتفتف الى ان ودها للوكالة ليش تتوقعون ؟؟؟؟

يقولون لازم تتبرمج من جديد . الحمد لله والشكر السيارة بي ام ولا مرسيدس
وبرمجها 350 ريال علشان تغيير بواجي :anger:

Dentist

21-04-2004, 08:53 PM

بالنسبة لي ..

اتفق مع كلام الأخ اللي تكلم عن شخصية السيارة ..

صحيح مواصفاتها ممتازة بالنسبة لسعرها

لكن المشكلة في انك تشتري سيارة مجمعه صفاتها من سيارات كثيرة << مع احترامي لأصحاب السيارة ..

يعني لو كان الشكل جديد وله شخصيته الخاصه .. او عالأقل يميل لشكل سيارة واحده بتغييرات مميزة .. كان كلام كثير ..

ولكن بشكل عام السيارة تستحق ان الواحد يجربها

لكن كم تتوقعون خدمة هالسيارة ؟!!

القرن الجديد

22-04-2004, 04:44 AM

رد مقتبس من Dentist

لكن كم تتوقعون خدمة هالسيارة ؟!!

بالنسبة لتوقعاتي

بدون صيانة من 3-5 سنوات

10 سنوات للمكينة والقير خدمة

W351

22-04-2004, 06:26 AM

السلام عليكم ورحمة الله وبركاته

بصراحه يا شباب يمكن يكون الامريكي فيه عيوب لكن قصة البواجي

تحتاج الى برمجه لما تركبها:OO: :OO: عمرها ماصارت معي انا شغال

في ورشه وتقريبا 70% من السيارات الامريكيه مرت علي واول مره

اسمع بهذي القصه وبا النسبه للاعتماديه اللي يقول الاخ 10 سنوات

جيب لي هونداي او كيا موديل 92 او 93 او 94 تمشي في الشارع

بشكل ممتاز , والله ما اعتقد انك بتلقاها الا تحت المايكروفون في الحراج

او في التشاليح.

ووووووو ووووووووووووووو

وبس