بوعبود، عندي سؤال عن فتحة الباجيرو..

[loolicpolic]

أهلين بوعبود.. شحالك؟

أقول، الباجيرو الي عندكم أي موديل؟ وفيه فتحه ولا لأ؟

الباجيرو إلي عندنا 1997، وفيه فتحه، بس الزر مو أوتوماتيك.. حبيت أعرف إذا موديلكم زي موديلنا أو لحد موديل 2000 وإذا زر الفتحه أوتوماتيك ولا لأ؟

إذا فيه حد من الشباب عندهم باجيرو من 98 إلى 2000 وفيه فتحه، يقولي الزر أوتوماتيك ولا لازم تخلي يدك عشان تفتح الفتحه؟


تحياتي..

[الأنصاري]

الباجيرو الي عدنا 2002 كامل الزيادات فيها فتحة
الزر اوتو تضغط تحت تفتح بالكامل
وتضغط فوق تغلق بالكامل
وتضغط بالنص تعطي امالة

وهي كبيرة (( بحجم فتحتين من فتحة الكرروز))
بس في الكروزر عندي عاملين زرين واحد امالة والثاني يفتح الفتحة عكس الباجيرو زر واحد

وزين فكرتني عشان اشيك لأني ما اتوقع الوالد او اي احد غيري جرب يفتحها

انصحك بالباجيرو الجديد مميزات ماتخلص بس يبيلها واحد يستعملها وقفزة كبيرة عن الموديل القديم

[loolicpolic]

شكرا يا بوعبود.. الباجيرو الجديد رائع وبالذات بعد ما صارت مكينته 3.8 لتر..

بس يا ليت إذا تعرف حد عندو باجيرو من 98 إلى 2000، تشيك على زر الفتحه! :rolleyes:

شكرا.

[القرن الجديد]

موضوع حلو

بو عبود

وشرايك في الباجيرو الجديد في البر والمدينة والخط السريع

من ناحية صرف البنزين والراحة والرساوة وكل شي (وايضا سلبياتة)

(بتفصيل الله يرضى عليك اذا ما كان فية تعب)

:D :D :D

[الأنصاري]

هلا اخوي القرن الجديد
انا اشوفها سيارة حلوة وماعليها كلام
بالنسبة للبترول السيارة صرفيتها معقولة بفضل الجير الأوتو من خمس نسب واختيارك للمحرك عندك 3.0 و3.5 و3.8 يعني تقدر تقول 50 ريال تكفيك 5-7 ايام وهذة النسبة عندي بالكروزر 80 ريال

السيارة رساوتها حلوة ومافي خرابيط التنسيم محكمة الإخلاق والموديل الجديد في نظام التراكشن كنترول الى يتحكم في ثبات السيارة على المنعطفات وتقدر تشغلة وتغلقة بضغطة زر

في الطرق الوعرة جير الدفع الرباعي في الباجيرو ممتاز وعندك قفل للدفرنش بس الصراحة ما جربنا السيارة ابدا في البر

من ناحية الراحة مرييييييييحة جدا سافرنا فيها مرتين بس الصف الثالث مش مريح ويميل ان يكون للأطفال

العيوب عدنك الصف الثالث مش مريح
الثلاجة مربوطة مع المكيف الخلفي
قطع الغيار الناس تقول ان المتسوبيشي غالي وهذة بعض اسعار القطع القماشات الخلفية 200 اما الأمامية 250 فلتر الزيت 20 ريال وكل هذة القطع في الوكالة

من ناحية المميزات في طراز كامل الزيادات كل شئ وجود من انوار زينون وكشافات وفتحة وكراسي جلدية ومثبت سرعة وجير تبترونك المناظر تنطبق اليا وتتحرك اليا نظام التراكش كنترول سي دي ريموت فتحة مكيف خلفي وووووووووووووو

اتمنى جاوبت على استفساراتك :D

[القرن الجديد]

شكرا اخوي بوعبود

بس وش رايك في راحة التعليق يعني في مطب او حفرة


فية ناس يقولو انة مثل السيارة السيدان تقريبا

[الأنصاري]

مممممممممم عادي جدا ما تحس بشئ مثل الاندكروزر بالضبط تمتص الصدمات بشكل ممتاز جدا

اي استفسار ثاني انا حاضر

[4wd_driver]

عزيزي انا عندي باجيرو ربع 98 فل اوبشن والفتحة مثل ماقال بوعبود الزر اوتو

[loolicpolic]

أشكرك كتيير أخوي 4wd_driver، على ردك..

عيل صار لازم أروح الوكاله وأغير زر الفتحه إلي عندنا من عادي لأوتوماتيك :)

تحياتي..

[القرن الجديد]

رد مقتبس من بوعبود
مممممممممم عادي جدا ما تحس بشئ مثل الاندكروزر بالضبط تمتص الصدمات بشكل ممتاز جدا

اي استفسار ثاني انا حاضر


طيب ابتعبك معاي

بس الاند كروزر يوجد له تعليقين مختلفين

vx-r تعليق مريح
gx-r تعليق قاسي شوي وقصير

اي واحد منهم