المشي لفترات طويله على ضغط مرتفع

[PT Cruiser]

السلام عليكم ورحمة الله وبركاته
--
كيف الحال شباب عساكم بخير
---
امس جا على بالي شي ( لا تسألوني شلون )
---
اذا الواحد عنده سياره قير عادي
وكان معشق اي نمره ثقيله طبعا ضغط المكينه يرتفع على طول
ويضر المكينه اذا مشيت على نمره وحده وكان ال RPM مرتفع مره
يعني بالعربي قريب من الخط الاحمر
--
طيب
نفس الحكايه بالقير الاوتوماتيك
بس الفرق ان حتى لو اخذت الدعسه كامله يوصل الضغط للخط الاحمر ويعشق لحاله
تقولون لي وين المشكله
انا اقولكم
المشكله انه ايام كانت معاي الافالون
كنت انزل للمنطقه الشرقيه كثير
وبعضكم عارف ان الخط يساعد انك تاخذ الطبلون كامل
من اول ما امسك الخط 220 تزود شوي او تنقص شوي
لما امشي 220 يكون ال RPM مرتفع مره
طول الخط
هنا السؤال
في ضرر للمكينه
لنه الضغط يكون واصله تقريبا للخمسه
يعني ما بقى شي للخط الاحمر
---
طيب لاحظت شي ثاني
انه لما اكون جاي من سفر ( يعني ماشي الطبلون )
واتسابق تكون السياره اقوى والتسارع اسرع من اني اكون ماشي عادي او توني مشغل السياره
--
هنا يصير في اختلاف بالافكار
*امشي الطبلون يكون الضغط مرتفع فيضر بالمكينه * بالمقابل تكون السياره اقوى بالوقت هذا
---
ما ادري قدرت اوصل لكم الفكره الي في راسي
اذا ما فهمتو علموني واحاول اشرح اكثر
:)
وسلامتكم

[Prelude 4 Life]

هو اكيد يضر بس الى متى بتتحمل المكينة مادري

سيارتي هوندا بريليود وكل سبوعين او ثلاثة اسابيع اطلع على خط السعودية - الامارات وطول الخط يكون الضغط عندي بين 5000 - 5300 لمدة 7 الى 8 ساعات
والاحمر يبدأ 6200 :eek:

طبعا لحد الحين المكينة اوكي وزي الحصان :D

بس يوم المنى اللي بتضرب فيه المكينة وافتك منها :corsair:

بعدين بيكون عندي عذر اني ابدلها :D

[الأنصاري]

اكيد في ضرر بس على المدى الطويل وبعدين الزيت والقطع الإستهلاكية تروح بسرعة

وهذة مشكلة السيارات اليابانية بشكل عام في بعض انوعها
تصدق الهوندا سيفك يوم تمشي 200 يكون ال ار بي ام وصل الأحمر

[عقل]

شي أكثر من أكيد يعني مُسَلَّمة


كلنا يعرف وش يصير داخل المحرك بغض النظر عن نوعة وقوته ..

بنزين + هواء+شرارة = إنفجار طبعاً بعد الكبس ...


والهيصة هذي كلللللللللها في جو من الإحتكاك مما يؤدي اتلى تلف جدران المحرك وأقصد بجدران المحرك كل ما يتم معة أحتكاك من أصغر قطعه ألى القطعة الأكثر تآكُلاً

وهذا بدون أدنى شك يقصر عمر المحرك



اكيد في ضرر بس على المدى الطويل وبعدين الزيت والقطع الإستهلاكية تروح بسرعة ...

لا أوافقك الكلام -----
لأنه منطقيا الإحتكاك حاصل حاصل سواءً أكانت السيارة أمريكية وإلا لا
السفك تمشي 200 كم /س

لو كانت مثيلاتها من الأمريكي بها ميزان - أمبير - للــ RPM

كان وضحت لك أكثر






أخيرا شباب هذي إستنتاجات منطقية مني ----------> :D يعني ذكي


ومو بالضرورة تكون صحيحة والعوي نقاش ومناقش :D





معليش على التفلسف خبركم طالب جامعة !!!!

[oil_HKS_lio]

انا اذا مشيت بسياره اتمشى ولا ادعس فيها تصير ثقيله ويالله تمشي اما اذا حرقتها ودوووووووووووس تصير تبديله نمراتها بسرعه وخفيفه

[محمد دريهم]

هلا والله اخوي..


انا بالنسبه لي كل يوم امشي 270 كيلو..عشان الدوام بسرعه لاتقل عن 160 ....والحمدلله السياره ماشيه 60 الف كيلو..بدون أي مشاكل..


وحتى القطع الاستهلاكيه..



مين يصدق ان فلتر البنزين شد بلد؟؟؟ولا راح اغيره الين تتفتف..لأني حلفت بالله ماغير فلتر البنزين الا عند 80 الف كيلو...لان الهندي حق المبيعات قطع الغيار يقول ان هذي القطعه تمشي 80 الف كيلو..يوم احتجيت على غلائها..لان قيمتها تقريبا 100 ريال...






علما ان السياره ماجنا...

[الأنصاري]

اخوي عقل :D :D اهلا فيك اول شي
بعدين السيارة الأمريكية والألمانية في الخطوط مرتاحة لأن المحرك كبير اضافة الى انها ماتصرف بترول ولا تحن و8 اسطوانات ايضا عامل والضغط لايرتفع وخذ الفورد والهولدن مثال

وتعجبني فلسفتك:D :D


اخوي ولد الخبر ايضا يوم وديت سيارة الوالد الوكالة قالي هذا الكلام اضافة ان في سيور تتحمل 80 الف ايضا
قطع المتسوبيشي عمرها طويل لذلك هي غالية بس رغم ذالك انا اشوف ان في اشياء رخيص جدا والخدمة عدنا ممتازة تصدق اني غريت السفايف الأمامية والخلفية وخرطوها وعملت سيرفس كامل للسيارة وماكلفني 700 ريال
علما ان السيارة باجيرو

[king_prelude]

أخوي بو عبود .... ممكن تجاوبني على هالسؤال..

لو جبت بكابرس ( صابونة ) 200 كم بكون الـRPM وكيف بتكون صرفية البنزين ؟؟؟

وشيء طبيعي أن السيفك البنزين حقها بخلص قبل ولكن لعدة أسباب..

أول شيء البنزين فول 40 ريال ..بعكس الصابونة 75 ريال
والثاني أكيد الـRPM بكون عالي وهذا نفسه في السيارات الأمريكية.. (أنا مجرب بالكابرس )


وبس :think:

[ACCORD-V6]

هلا عبدالعزيز

وينك ياخي ماتنشاف

اول شي الضرر اكيد فيه ضرر
لكن ليش هذا اللي مااعرفه




وبالنسبه للاخوان ولدالخبر وبوعبود الحال نفسه او افضل مع الهوندا
قطع غاليه وعمر طويييييل





اهم شي حبيت اسلم عليك

وان شاء الله تلقا من يفيدك

[الشبابي]

هو يختلف الوضع على حسب السيارة ...
فالمحركات اليابانية عادة ضغطها مرتفع مع انها بدأت تتخذ شكلا اخر في محركات الحديثة ... ولذلك عدد الدورات كبير على السرعات العالية وهذا يؤدي الى تقصير عمر المحرك ...فمن الافضل ان تقلل السرعة قليلا ...
PT Cruiser ... الافالون 4 سرعات لو كانت 5 سرعات مثل الكزس جي اس او الاي اس لكان عدد الدورات اقل على نفس السرعة وبالتالي يزيد التسارع ويقل الاستهلاك ويطول عمر المحرك ....












اخوكم الشبابي

[الأنصاري]

رد مقتبس من king_prelude
أخوي بو عبود .... ممكن تجاوبني على هالسؤال..

لو جبت بكابرس ( صابونة ) 200 كم بكون الـRPM وكيف بتكون صرفية البنزين ؟؟؟

وشيء طبيعي أن السيفك البنزين حقها بخلص قبل ولكن لعدة أسباب..

أول شيء البنزين فول 40 ريال ..بعكس الصابونة 75 ريال
والثاني أكيد الـRPM بكون عالي وهذا نفسه في السيارات الأمريكية.. (أنا مجرب بالكابرس )


وبس :think:

كلامك صحيح بس يضل الأمريكي افضل من الياباني في الخطوط وهذا الكلام بنيتة عن تجربة اليوكن والهولدن اقل ضغط ممكن على اعلى سرعه واقتصادية جدا جدا في المسافات الطويلة

بس كلامك صحيح الخزان ايضا يلعب دور وهذا خفلت عنة مشكور

[الشبابي]

اخوي بو عبود كلامك صحيح لكن عندما تتكامل التقنية مع الجودة فسترى هناك ال اس 430 الجديدة بست سرعات والتي يكون ضغطها قليل على سرعات عالية (( اقل من السيارات الامريكية )) وبالتالي اقتصادية في المدينة والخطوط ....

















اخوكم الشبابي

[PT Cruiser]

تسلو ما قصرتو وفيتوا وكفيتو ورديتو على سؤالي
---
اهلين ACCOURD-VS
انا موجود بهالدنيا بس شغلة اختبارات وتونا مخلصين
:):banana: