يوم مابنساه في حياتي والجاي أحلى

[RED Chevy]

بسم الله الرحمن الرحيم

السلام عليكم ورحمة الله وبركاته

مثل ماتعرفون اليوم كانت التجارب الرسمية للسباق اللي هو بكرة اللي بيصير عندنا في البحرين، اليوم شفت العجب ومالوم مؤيد ف1 على تعلقه بالفورملا وفعلاً هي أم السيارات، نبدي بسم الله:
أول شي لما توصل للحلبة تكون طلعت برى البحرين كل شي غير كل شي مو طبيعي كل شي مميز وكل شي منظم، الصراحة جهد تشكر عليه المؤسسة والحلبة واللي شاف السباق يعرف شلون كان التنظيم واللي راح يعرف أكثر.

:)

كل خطوة خطيتها وآنا داخل كنت أحس بشعور غريب كنت أسأل نفسي آنا في البحرين صج؟
أول مادخلت شفت شي الله لايرويكم إياه لأن بيصيدكم نفس اللي صادني، شفت وركبت سيارات ماشفنا مثلها على شوارعنا من قبل، في قسم مرسيدس كانوا عارضين شنو؟
أبيكم تتوقعون؟
كانوا عارضين 3 سيارات بس ويسون معرض التويوتا باللكزس كامل، كانوا عارضين سلمكم الله C55AMG وركبتها وصوت مكينتها شي ماينوصف لين يحنن فيها، كانوا عارضين الG55AMG وهذي ماصدقت عمري يوم شفتها الإكزوزات طاعة على صوب كأنها يوكن قديم والرنجات شي رهيب ومن داخل الكراسي مب مريحين بس حلوة، كانوا عارضين وذي ماركبتها السهم الفضي تحفة مرسيدس SLR فضي غير اللي إنعرت صوره بالمنتدى وياعيني عليه شي ولا في الأحلام واحظ اللي ركبها.
بين التجارب نزلوا C55أو 32 AMG ستيشن وماشفت الSLK55 والصوت كأنها كمورو ملغوم شي رهيب.
ندخلكم في جو السباقات:
التجارب كانت مثرة وايد وتخليك غصب تتنظر وتتوقع من يفوز ومن يحقق أقل وكت، نزلوا السايقين وأبدعوا وماباقولهم كلهم آنا عجبني باتون ورالف الصراحة أبدعوا وباريكيلو بعد ذبح الجمهور وماتوقعت له شعبية هاللون، المراكز كانت متفاوتة مرة باريكيلو يحطم الرقم ومرة رالف ومرة مايكل، الوكت المتوقع قبل التجارب كان 1.34 ثانية لكن المجانين جابوها ب1.30 ثانية وأجزاء منها، وبس ماقدر أكتب زود تعبت اليوم وايد وذي اليوم مابنساه طول عمري والله يعينا على بكرة وهو اليوم الأهم والأحلى، والصراحة من هني أوجه كلمة شكر لكل واحد ساهم بإنجاح السباق وخصوصاً فواز بن محمد بذل جهد جبار، التنظيم كان على أصول وأبشركم من مصادري الخاصة عرفت إن الدراج ريس قريب يتنظمون والحضور اليوم كان ممتاز جداً أتوقع من 20000 لي 25000 وبكرة بيكونون 45000 ويلا بس وايد كتبت لكم.
:D :) ;)

[A7medo]

شوقتني ياخوي

أنا حصلت تذكرة في ال VIP بلاش بس تعجزت أرووح استلمها

بس تدري بكرة أروح أخذها

و مشكور

[RED Chevy]

هي إنت من صجك تحصل وماتروح حبيبي ناس تدفع عشان تروح وإنت ترفضها، بس التذكرة من وين مال الجامعة أو الظباط؟
آنا اليوم كنت بمدرجات الجامعة وبكرة بالمنعطف الأول والمنصة( لاتخاف آنا واحد مو 2 بس ببدل كل شوي)
:rolleyes:
روح ولاتفوت الفرصة بس كسروا خاطري مال بو 38 دينار واقفين على ريولهم وفي الشمس لامظلات ولا شي آنا أدفع لي 100 زود ولا أنذل هالذل.

[A7medo]

انا الي حصلتها في ال VIP :laugh:

المشكلة ربعي كلهم ما خذين بو 38

يعني بروح أيلس بروحي

[مؤيد اف1]

بكره احلى بكثيييييير وفي تخوف من السايقين من المنعطف الاول لانه ضيق جدا وممكن يصير حادث..بس ان شاء الله مايصير (ادري بتقولو ويش فيه دا :D ) بالنسبه للاخير هو كيمي رايكونن مع المكلارين مرسيديس الكثيره الاعطال السباقات الي راحت كله تحترق مكينته وامس في التجارب الحره احترقت اعتماديه صفر على الشمال طبعا الي يغير محركه يتاخر 10 مراكز من المركز الي يحققه في التجارب الرسميه..:banana: وان شاء الله مشاهده ممتعه بس للاسف احلى السباقات تصير في المطر بس احنا ماعندنا الا الغبار والحر :D

[RED Chevy]

هلو ومرحبو:
إحمدو: عادي حبيبي اليوم رحت بروحي وبكرة العايلة كلها بإذن الله، روح ولايهمك وخذ ميزانية تكفيك ترى الماي ب5.
مؤيد: هلا والله وآنا ماعجبني ردك أبي تفصيل أكثر مايصير هاللون سطرين والسلام، المهم آنا أحمد ربي إني بكرة بكون في المنعطف الأول أحسن مكان في الحلبة، وأبي أشوف موترين فوق بعض شي هاللون ياعيني بس، خلهم يخافون عشان نحس بالإثاره والتحدي وهني يامؤيد يطلع الأفضل.
:) :rolleyes:

[A7medo]

تعال

وين الصور :o

[مؤيد اف1]

ويش تبيني افصل فيه؟ مااشوف كلامي مختصر عادي جدا :D

يالنسبه للحادث انا ماابي يصير حادث للفيراري :D ويليامز ايه ;)

[RED Chevy]

صورت يمكن 16 صورة ونصهم المرسيدسات بس مابحطهم، ياخي كل مرة أحطهم محد يدر ومحد يشجع أتعب روحي وكوبي بيست ودور الصور ونزلهم بموقع ليش خلهم على الكمبيوتر أحسن فضيت الكامريا من الصور لبكرة صوت صور إنما إيه شي رهيب.

[TOP-SECRET]

رد مقتبس من A7medo
تعال

وين الصور :o

:anger: هذا وانا موصيك بعد :anger:

[RED Chevy]

تعبت وآنا أنزل مواضيع ومحد يهتم لكن أحين وإحنا رادين نسيبي قال عيل بتحط الصور في سوالف قلت له لا، الصراحة صورت صور حلوة وصدت مواتر وايد بس أحطهم هني ماظن، والله تعبت نزلنا موضوع لسيارات الملك حسين مافي تفاعل نزلت موضوع عن فورملا المكل فيصل مافي تفاعل نلت موضوع عن الإيفو والكورفت مافي تفاعل أتعب روحي وأصور آخرتها محد يرد إلا إنت وكم واحد من البشباب( والله يعطيكم العافية) وآنا متوقع إني منزل شي مهم هني تبي الموضوع ينجح حط عن خلل في كابرس أو صور حادث أو قومة أما اللي نتعب فيها محد يهتم فيها الصراحة قلت من قبل ماحط ولاصورة خلاص كنسلت وكنت مصور كم صورة من إفتتاح معرض الهوندا الجديد ومانزلت حتى موضوع عنه دام مافي تفاعل ليش أتعب روحي.

[TOP-SECRET]

:blink: على راحتك يالطيب :blink:

[الشبابي]

شكلي بقص تيكت على البحرين ...
شوقتونا والله ... لكن سمعنا انو هناك مشكلة ...
وهي ان كان هناك حصى بالمضمار تطاير بعضه على الجمهور ...
هل هذا صحيح ؟؟




















اخوكم الشبابي

[760IL]

مشكور على تقريرك الرائع جدا جدا جدا

[RED Chevy]

هلا هلا هلا بالشباب وسامحونا على التأخير الكبير بس تعرفون المنتدى وش صاير فيه، المهم:
TOYOTA - OBAS : عشانك يالغالي كم صورة وتدري شصار فيني يوم السباق، الكيمرة إحترقت وماتصور شي اللي قدرت عليه 20 صورة بس الباقي كنت أصور واشاشة سودة يعني مافي شي وتفضل ولاتزعل:
http://www.91119.com/uup/files/25-1081187271.jpg
http://www.91119.com/uup/files/25-1081538493.jpg
وهذي مكينة الC55 اللي ركبتها
http://www.91119.com/uup/files/25-1081533825.jpg
http://www.91119.com/uup/files/25-1081538655.jpg
الشبابي : لاطال عمرك لامشكلة ولا شي، الصراحة تنظيم من أعلى وأرقى وأفضل المستويات شغل إحترافي ماكأنه أول سنة الصراحة يستحقون وقفة شكر على التنظيم الممتاز ولاحصى ولا شي بس الصوت يوم الأحد كان شي رهيب تميت يومين ماسمع عدل والمشكلة كنت ماخذ سدادات وضيعت وحدة كان شي رهيب ومثل ماقلت فوق ماتحس إنك بالبحرين هذي بروحها سفرة وإن شاء الله نشوفك السنة الجاية.
760IL :العفو حبيبي ومشكور على ردك.
الصراحة يوم الأحد كان شي ثاني وبفصله لكم في رد بروحه بعدين.

[RED Chevy]

خلونا نتكلم عن اليوم الأساسي وهو يوم الأحد:
بداية وصلنا لموقع الحلبة وكنا ننتظر إخوي عشان هو جاي بسيارة ثانية عشان نعطيه الستكر اللي يلصقه على السياره بدونه مايدخل الحلبة، إخوكم حاط ال3تذاكر بجيبه وكنت لابس ثوب يعني التذاكر داخلين كاملين، وصل إخوي ونزلت من السيارة أعطيه الستكر وبقدرة قادر والحمد لله باب اللومينا الخلفي كان مفتوح شفت تذكرة تطير وتدخل السايرة( كان الهوا قوي وايد) وصرت مثل المجنون أدور التذاكر يمين يسار فوق تحت مافي رجعنا على الشارع مره ثانيه مافي شي
:cry:
طبعاً محد يدخل من البوابات دون التذاكر وآنا كنت مثل المجنون صج شلون يوم الأحد أهم يوم مادخل وأشوف السباق، المهم إتصلت بصديق إخوي، كلمته ودخلنا الحلبة ببطاقات الإعلاميين حين دخلنا الحلبة باقي مشكلة أكبر، شلون ندخل المدرجات؟:Sad2:
عند كل درج 2 يوقفون يشوفون التذاكر هل المكان صح أو غلط وأحيهم على هالشي تنظيم ممتاز، وآنا أمشي في خيمة مرسيدس كان السايق مالهم( ديفد كولتارد) يتكلم وآنا من الربشه شفته وقلت خله يولي أهم شي نشوف حل لنا، وآنا أمشي قلت مدري أوقف حد أخليه يضربني كفين ثلاثة كنت بسوها بس الله هداني، كنت مرتبك بشكل ماصار من قبل، وبعد النطره إخوي الثاني لقى واحد من ربعه عند مداخل المدراجات وطوفنا من هناك وبدت رحلة المتعة والإثارة ونكمل بعدين.:) :o

[TOP-SECRET]

السلام عليكم ورحمة الله وبركاته

مشكووووووووووووور عبدالرحمن على الصور كنت عارف انك بتحطها ;) ماترضى على زعلنا ;) الصراحه ماعليها كلام الله يوفقكم في الحلبه مشاء الله مرتبه كانك مو في البحرين ;) وان شاء الله نلتقي في الاجازه الكبيره ;) وانتعرف بك اكثر ;)

[RED Chevy]

لاعاد شوف النحس المكان اللي قعدت فيه يو الأحد أفضل بكثير وكان ممكن أصور صور إحترافية لكن ماصار نصيب خيرها بغيرها.:Sad2: :)

[TOP-SECRET]

رد مقتبس من RED Chevy
لاعاد شوف النحس المكان اللي قعدت فيه يو الأحد أفضل بكثير وكان ممكن أصور صور إحترافية لكن ماصار نصيب خيرها بغيرها.:Sad2: :)

افااا :D يالله خيرها بغيرها اتعوض ان شاء الله ;) بس هذي الصور مشاء الله ماعليها كلام حلوووووه والي مصورها احلا ;)

[RED Chevy]

آه عندي بعد كم صورة يمكن أنزلهم بعدين، بس لي يومك أحس بالقهر، كنت مثل الهندي بدون كفيل ومن التفكير والنرفزة تعبت ومع إن اليوم اللي قبله كنت ماشي أكثر بس الظغط النفسي خلاني أتعب أكثر، لكن الفرحة هناك عوضت كل شي، تخيل تروح مخطط لكل شي وتضيع التذاكر وتخترب الكيمرة عليك بس الله عوضنا خير والله يخلي فيتامين واو.:D

[TOP-SECRET]

رد مقتبس من RED Chevy
آه عندي بعد كم صورة يمكن أنزلهم بعدين، بس لي يومك أحس بالقهر، كنت مثل الهندي بدون كفيل ومن التفكير والنرفزة تعبت ومع إن اليوم اللي قبله كنت ماشي أكثر بس الظغط النفسي خلاني أتعب أكثر، لكن الفرحة هناك عوضت كل شي، تخيل تروح مخطط لكل شي وتضيع التذاكر وتخترب الكيمرة عليك بس الله عوضنا خير والله يخلي فيتامين واو.:D

اذا عندك ياريال لاتبخل علينا عطنا اذا حصلت نفسك فاضي وماعندك شغل حطهم لنا ;) .. بس كل هالسوالف صارت لك :Sad2: الله يعينك والله ذاك اليوم بس الحمد لله عوضتها ;)

[RED Chevy]

عندي ياريال بس تعبااااااااااااااااااااااااااااااااااان اليوم مشتغلين على الماكس مالت ريل خالتي المكينة دقت بروحها وهذي أفضل محرك بالعالم لكن تصدق عقب ماتمت تطلع أصوات صارت أنشط يعني مشيها صار موطبيعي بس كسرت خاطري صار صوتها بالظبط مثل الكراون القديم لفتراتها طلعوا خراب.:o
بكره إن شاء الله أحاول أحطهم إذا ماصار عندي شي وبس خلا صتعبت إلى السرير سر.:D