ماتيز الدفعه المحدودة .. تنزل في الإمارات طازة جدا جدا!!

[cruiser2000]

السلام عليكم ورحمة الله وبركاته








كيف حالكم


حبيت ابشركم اول شي بان الماتيز نزل دفعة محدودة لها
وهي نازلة في الامارات السعر ما اعرفه حاليا



لكن مواصفاتها حلوة وانا بنفسي صورت وحدة


شباب لا تفوتكم الصور
ترا نوع الكيمرا تشت ميت ونسبة الوضوح 1.3 ميجا بكسل يعني
مو وضحة كفاية :(




والماتيز حق واحد من الشباب اسمه خالد


وهو سمحلي اني اصورها طبعا ;)




وهذي الصور


http://www.91119.com/uup/files/50-1081084272.jpg

http://www.91119.com/uup/files/50-1081084791.jpg

http://www.91119.com/uup/files/50-1081084808.jpg

http://www.91119.com/uup/files/50-1081084824.jpg

http://www.91119.com/uup/files/50-1081084842.jpg

http://www.91119.com/uup/files/50-1081084864.jpg

http://www.91119.com/uup/files/50-1081084881.jpg

http://www.91119.com/uup/files/50-1081084897.jpg

http://www.91119.com/uup/files/50-1081084935.jpg

http://www.91119.com/uup/files/50-1081084947.jpg

http://www.91119.com/uup/files/50-1081084961.jpg

http://www.91119.com/uup/files/50-1081085022.jpg

http://www.91119.com/uup/files/50-1081085036.jpg

http://www.91119.com/uup/files/50-1081085050.jpg







وطبعا قريب بصورها من الداخل بس مب فاضي الحين وقت ما احصل
وقت ممتاز

اخبر خالد بالموضوع وطبعا شي اكيد انه ما عنده مانع





بس ما تلاحظون ان السيارة تشبه السيارة الموجودة في
الوصلة اللي في توقيعي؟؟؟؟؟؟؟ :)



ايه هي وبكل تأكيد من خالد اللي عنده ماتيز غيري؟؟؟


ايه شباب انا قررت اني اخلي الماتيز معاي

وبخصوص السيارة الجديدة

الاهل كانوا يفكرون انهم يشترون لي زد اكس 300 موديل 91 لكن لاحظوا
ان قطع الغيار مب متوفرة في العين

وانا من خاطري ما كنت اريده لكن الحمدلله على كل حال :)

الماتيز رجعت لي وهذا يكفي







يالله شباب خبروني رأيكم للسيارة والتصويير والصور



طبعا اسلوب التصوير اخذته من المواقع وشفته حلو

لكن في صور مو راضيات يطلعن بحاول ارفعن مرة ثانية ;)





يالله تمتعوا بالصور



طبعا التعديلات شملت التالي :

الرنجات غيرتهن
والتواير
حجم التواير كان
R13 180/65
وغيرتهن الى R13 170/70
ستيكر مال كورولا تاكسي بكلمة لمتد !!!!!

زوايد امامية وخلفية وجانبية

طبعا القزوزين مثل ما هم



وبس

صور بحطهن قريب اذا لقيت وقت



تحياتي لكم

اخوكم
كروزر2000

[عين الفهد]

ممكن نعرف كم قوتها ومواصفات اكثر عنها :glasses:
أول مره اشوفها ومشكور أخوي cruiser2000 على الموضوع :p

[محمد دريهم]

والله سياره مميزه وجنان..وعمليه جدا..


الله يعطيك خيرها ويكفيك شرها

[الأنصاري]

مشكور اخوي
الماتيز شكلها مميز واقتصادية للأبعد درجة

[زورو الامارات]

السلام عليكم ورحمة الله وبركاته


هلا موضوع حلو

اتوقع سردال ينزل رد يحب السيارات الصغيره :)

[AMG]

هههههههه سيارتك ما شاء الله عليها صغيرة وبسيطة وتعديلاتها حلوة

[RED Chevy]

وآنا أقول كأنها سيارته شلون يقول دفعة جديدة، أتذكر إنها سيارتك وبعدين شفت الرقم تذكرت إن واحد عرض عليك تبيعه حسبي الله على بليسك دودهتنا المهم سيارة جيدة وأحسن إنك تخليها وإذا خايف من الزد خذ سوبرا وفك روحك.:)

[R32]

سؤال سادح عمره!!!

كيف تفضل ماتيز على زد اكس 300 موديل 91 !!!!!!!!!!!!!!

[TOP-SECRET]

هلا والله بخااالد مرحبا الساع :p شحالك مشاء الله ترتيب حلو ومب قوي على السياره يعطيها شكل حلو ماعليها كلام من جميع النواحي بس لو تشيل الخطوط تطلع احلا وتعطيها تنزيله من جدام وورى ;)

اخوي R32 الناس اذواق ;)

[cruiser2000]

السلام عليكم ورحمة الله وبركاته




كيف حالكم ؟

السموحة اخواني والله ماشي انترنت في البيت عاد انا بكون في المنتدى كل أحد أو حسب الظروف



خلوني ارد على الردود الحلوة





عين الفهد:

اخوي انا ما زودت شي في السيارة من ناحية المواصفات التقنية فهي
كالتالي:


القوة: 50 حصان عند 5900 دورة في الدقيقة

العزم: 69 نيوتن عند 4600 دورة في الدقيقة

السعة: 800 سي سي

المحرك: 3 سلندرات




يعني المحرك ما لمسته ولا زدت عليه شي

وشكرا على ردك


ولد الخبر:

شكرا حبيبي


بوعبود:

صحيح وهذا شي أكيد



زورو الامارات:

مشكوور حبيبي على ردك وانا انتظر سردال


AMG:

مشكوور على ردك حبيبي


RED Chevy:
:D :D :D :D :D :D

يا عم بلاش زد بلاش سوبرا هذول عور راس وما فيني على الصناعية


R32:

بسيطة أول شي جديمك نديمك
ثانيا الماتيز مافيها خراب وايد مثل الزد والسوبرا

حافظ عليها والله تطلع امووورة

ماشية حتى الان 92 الف و200 كيلو متر

ومافيها اي شي
اللهم العيوب اللي حطيتهم في موضوع مضى وذلك
بسبب اهمالي لا أكثر

وتسلملي حبيبي على الرد

TOYOTA - OBAS:

هلا والله حمد شحالك؟

والله اخوي تعرف عاد انا ما حطيت ولا شي في السيارة
اللهم اشياء بسيطة تعرفني فقير اللهم اسد فلوس البترول
ماشي شغل <<<< أقول الأخ يدور شغل؟ :D

ومن ناحية التنزيل ما اقدر انزلها لان التواير والرنجات كبار
واخاف انهن يحكن على البودي و الفيبر

وتسلملي على الرد



مشكورين اخواني على الردود الحلوة منكم

وبخبركم شي

اني حطيت مسجل جديد وركبت سي دي تشينجر :cool:

وبالنسبة للبيع ما افكر اني ابيعها


من خاطري ما اريد ابيعها والله



تحياتي لكم

اخوكم

كروزر 2000

[zx300]

مشكور اخوي


بس ابي اعرف سشالفه ماتطلع عندي ولاصوره

[MuGeN]

حتى أنا ولا صورة طلعت :( :(

لن أبدي رأيي حتى أرى الصور >> الله على الفصحى :D

[opel005]

الصور ماطلعت عندي :confused: :confused: