View Full Version : لمن يجهلها .. تقرير مفصل عن فولفو S60-R !!
X_RaYs
10-04-2004, 02:56 PM
لمن يجهلها .. تقرير مفصل عن فولفو S60-R
http://www.ultimatecarpage.com/large/1383-3.jpg
»» المحرك : 5 سلندر - تيربو
- 2500 سي سي
- 300 حصان
- ناقل الحركه : يدوي 6 تغييرات أو تيبترونيك 5 تغييرات
- الدفع : رباعي مستمر
http://www.ultimatecarpage.com/large/1383-6.jpg
»» التصميم :
مايميز تصميم هذه السياره هو مظهرها كسيارة كوبيه ولكن بأربعة أبواب , فمتابعي فولفو يستطيعون وبسهوله إدراك ان تصميم هذه السياره مستوحى من شقيقتها الكوبيه C70 ( لم تحقق النجاح المطلوب ) مع إلغاء عامل الضخامه التقليديه لجسم الصالون ..
- درجة الانسيابيه ممتازه جدا تبلغ 0.29 مما يؤمن لها هدوء وراحه مطلقه على السرعات العاليه ..
باختصار .. تصميم هذه السياره هو تصميم S60-T5 ولكن بحلة رياضيه بحته .. فمن يجهلها سينخدع في الوهله الأولى من مظهرها البرئ وعند اللحظه المناسبه تنفجر بالقوة والسرعه لتفاجئ من حولها !!
- العجلات من الألمونيوم الخفيف مقاس 18 بخمس أذرع وقد تم حفر الحرف R على ذراع واحد من هذه الاذرع .. نجد هذا الحرف ايضا في واجهة السياره ومؤخرتها ..
http://www.ultimatecarpage.com/large/1383-1.jpg
»» المقصوره :
هي مقصوره S60 العاديه مع بعض التعديلات المميزه لهذه السياره دون المس بجوهر المقصوره ..
جميع عوامل الراحه والهدوء والأمان ومساحة الجلوس متوفره ..
أبرز التعديلات هو استبدال كافة المقاعد بأخرى رياضيه ملبسه بجلد طبيعي بلون بيج فاقع يبدو برتقاليا منه لأي لون آخر ..
لوحة القياده بقيت على حالها حيث انها مرتبه ومنظمه للغايه وبتجهيزات وفيره مثبته في مكانه الصحيح ..
من التعديلات الخاصه ايضا بهذا الطراز .. عدادت جديده رزقاء اللون بأطراف فضيه تعطي منظرا خلابا خاصه أثناء الليل عند إضاءتها ..
http://www.ultimatecarpage.com/large/1383-5.jpg
»» أهم التجهيزات :
- 4 نوافذ كهربائيه
- مرايا كهربائيه قابله للطي
- قفل مركزي مع تحكم عن بعد
- نظام ذاكره لوضعية المقاعد الاماميه والمرايا الخارجيه ضمن 3 وضعيات
- مكيف الكتروني منفصل للسائق والراكب
- راديو ومشغل CD
- مصابيح زينون
- مقود متعدد الوظائف
- مثبت سرعة
- كمبيوتر رحلات
- هاتف مدمج في السياره
- تعليق الكتروني بثلاث وضعيات مختلفه : comfort - sport - advance
»» السلامه :
لم تترك فولفو مجالا في السلامه الا وقامت بتأمينه لتحفتها الجديده .. فمن تجهيزات الأمان القياسيه :
- أكياس هوائيه اماميه وجانبيه للسائق والراكب الامامي ..
- اكياس رأسيه في الامام والخلف
- مساند رأس اماميه نشطه تحمي الرأس والعنق عند الصدمات
- 5 أحزمه أمان بثلاث نقاط تثبيت
- نظام إقفال الكتروني يقفل السياره تلقائيا عند السير
- عدة أنظمة الكترونيه للتحكم بالسير مثل : ABS , EBD , EBA , DSTC , الخ
»» الهدف :
منافسه الشركات الألمانيه المسيطره منذ زمن على هذه الفئه ..
»» المنافسات :
1- أودي S4
http://www.germancarfans.com/photos/3020916.001/1016.jpg
- V8
- 4200 سي سي
- 340 حصان
- عزم الدوران الأقصى : 420 نيوتن.م عند 3500 د/د
- من 0-100 كم/ساعه : 5.6 ثانيه
2- باسات W8
http://www.germancarfans.com/photos/3020329.004/1034.jpg
- 8 اسطوانات على شكل W ..
- 4000 سي سي
- 275 حصان
- عزم الدوران الأقصى : 370 نيوتن.م عند 2750 د/د
- من 0-100 كم/ساعه : 6.5 ثانيه
3- مرسيدس C32-AMG
http://www.germancarfans.com/photos/3020718.001/1001.jpg
- 6 اسطوانات + كومبريسور
- 3200 سي سي
- 354 حصان
- عزم الدوران الأقصى : 450 نيوتن.م عند 4400 د/د
- من .-100 كم/ساعه : 5.2 ثانيه
ومايميز فولفو عن باقي المنافسات هو وصولها الى عزمها الأقصى والذي يبلغ 400 نيوتن.م عند 1950 د/د فقط مع يوفر لها تأدية منافسه جديده بالرغم من الفارق الكبير في عدد الأحصنه
ختاما .. تقبلوا تحياتي
X_RaYs
RED Chevy
10-04-2004, 03:34 PM
سيارة حلوة وموضوع أحلى من كاتب أحلى شغل عدل بس هل بتنافس باقي الشباب اللي معاها 97% لا.
ويعطيك العافية على الشغل المرتب والتنظيم الممتاز.
:)
mill_955
10-04-2004, 03:43 PM
مشكور اخوي X_RaYs على التقرير الرائع
السياره هذي روعه لكن فيها مشكلتين
المشكله الاولى:
صيانتها مكلفه جدا وعدم توفر قطع الغيار
المشكله الثانيه:
السعر 195 الف ريال سعودي السعر مبالغ فيه نوعا ما
الأنصاري
10-04-2004, 03:44 PM
محاولة ممتازة من فولفو سيارة حلوة وفيها كل شئ قوية وتعتبر منافسة
ما نقول صعب تنافس بس الاوربيات سابقينها بكثير
TOP-SECRET
10-04-2004, 04:57 PM
السلام عليكم ورحمة الله وبركاته
ماعليها كلام بس سعرها غالي :(
مؤيد اف1
10-04-2004, 05:02 PM
سياره جمليه ومن داخل تشبه الساب..بس اهم سلبياتها السعر:( ولكن المواصفات رائعه:D
X_RaYs
10-04-2004, 06:20 PM
RED Chevy .. كبداية .. تعتبر جيده من فولفو .. ومشكور عالمرور
mill_955 .. بالنسبه للمشكله الأولى .. ماظلم فولفو وطيح سوقها فمنطقتنا الا الوكيل وخدماته .. وان شاء الله تتحسن ( مع اني مااتوقع :headshak: )
وبالنسبه للمشكله الثانيه .. باستثناء الباسات .. السياره تعتبر رخيصه وسعرها معقول جدا مقارنه بالمنافسات :think:
بوعبود .. فولفو أبدعت صراحه وسيارتها في تطور مستمر .. وأكيد مع الوقت بتنافس اكثر :glasses:
TOYOTA_OBAS .. السياره مثل ماقلت غاليه نوعا ما بس مقارنه بالمنافسات سعرها معقول .. ومشكور على مرورك
مؤيد اف1 .. فعلا في شبه ( كلهم سويدي يعني نفس الذوق :) )
ومشكور على المرور
ابو الفياصل
11-04-2004, 10:34 AM
المواصفات عال العال لكن مثل ما قالوا الاخوان المشكله في السعر.. وكذلك الوكيل ولا ننسى طبعاً قطع الغيار..
انا برأيي الفولفو ما راح تتطور غلا لما يشوفون حل للوكيل وقطع الغيار..
تحياتي وشكراً لك..:)
A7medo
12-04-2004, 01:54 PM
أشكرك اخوي على الموضوع الجميل
وأنا واحد من عشاق الصاروخ S60-R
X_RaYs
13-04-2004, 02:58 AM
أبو الفياصل .. مشكور على المرور أول شي
وثاني شي .. وش علاقة تطور السياره بالوكيل وقطع الغيار :OO: !!؟
يمكن قصدك السياره ماراح تمشي عندنا الا اذا تحسن الوكيل واكيد انا معك :think:
a7medo .. مشكور على المرور :)
black scorpion
13-04-2004, 12:18 PM
بصراحة انا من اشد المعجبين بالفولفو و كنت حابيع الباث فايندر واخد وحده مستعمله اس 60 موديل 2001 تيربو 5 سلندر تيبترونك ماشية 10.000كم وكان معروض عليها 75000 ريال قابلة للنزول بس ما كان لنا فيها نصيب والله يهني اللي اخدها ويعطيه خيرها ويكفيه شرها.
الشبابي
14-04-2004, 07:28 AM
رد مقتبس من mill_955
مشكور اخوي X_RaYs على التقرير الرائع
السياره هذي روعه لكن فيها مشكلتين
المشكله الاولى:
صيانتها مكلفه جدا وعدم توفر قطع الغيار
المشكله الثانيه:
السعر 195 الف ريال سعودي السعر مبالغ فيه نوعا ما
وتحتاج محرك اكبر شوي ....
اخوكم الشبابي
loolicpolic
14-04-2004, 05:10 PM
موضوع فخم للغايه..
نتمنى إنو مواضيعنا الإختباريه تختذي بهذا الموضوع بالحرف الواحد..
جهد تشكر عليه..
تحياتي..:banana:
Dentist
14-04-2004, 06:35 PM
سعرها مبالغ فيه جدا ..
في سيارت أفضل منها بكثير وأرخص ..
وبالنسبة للقوة .. والله حرام فيها التيربو
تخيلوا ياشباب
باسات 6 سلندر قامت عليها :D
ماكسيما قير اوتو عطتها فرق سـيــارتــيــن قومه :eek:
واما الكابريس LTZ فعطاها فرق عــمــوديــــن عواميد قومه وخط بعد :headshak:
وين راح التيربو وين راحت الـR :damp:
بس اللي عاجبني فيها نظام الوضعيات المختلفه في التعليقcomfort - sport - advance
ملاحظه صغنونه " شوفو السماعة الكبيرة اللي جاية وسط الطبلون وشرايكم في الموقع رهيب صح ؟ :laugh: "
انا برأيي بهالسعر عندك خيارات أفضل بكثير
مرسيدس الفئة E
BMW الفئة الخامسة
انفينيتي Q45
" بس حلوه تدخيلك الباسات بينهم :D :D "
وتحياتي
X_RaYs
14-04-2004, 07:48 PM
black scorpion .. والله فرصه ما تتضيع .. اذا كانت السياره سليمه فإن 75,000 سعر خراااااااااااااااااااااااااااافي ( من ناحية الرخص طبعا )
بس ان شاء الله خيره :)
ومشكور على الرد
الشبابي ,, انا اشوف ان المحرك هذا قمة في التقنيه ( 300 حصان طلعوها من 2500 سي سي !! ) ولا أحلى
وشكرا على المرور
loolicplic ,, تسلملي والله ومشكور على الرد :)
X_RaYs
14-04-2004, 07:57 PM
dentist « لاحظ اني خصصتلك رد لحالك .. يعني ياويلك :D »
اول شي وقبل لا ابدأ .. اللي جالس تتكلم عنها انت فولفو S80 T6 واللي اتكلم عنها انا S60 ..
ثاني شي .. خلنا نبدأ بالكابرس .. 5.7 لتر / 295 حصان والفولفو T80 2.8 لتر / 272 حصان ,, يعني شي اكثر من طبيعي ان الكابريس يطلع ( لاحظ انه ثبت على مسافه معينه )
وبالنسبه للباسات والماكسيما .. الفولفو ثقيل مره في القومه لانك ماتقدر تفصل الـESP يعني السياره ماتطلع مهاراتها الفرديه الا في الثاني وانت طالع .. وانت عارف في الخط وش سوت الفولفو فيهم :sleep:
وبعدين السياره هذي غير .. أخف وزن وأقوى مكينه .. يعني كلام كبير :banana:
بالنسبه للسعر .. قلتلك اللي يبغى مكينه صح ماراح يتحسف على اي هلله دفعها بالسياره .. زي اللي يدفع فوق ال300.000 فالأودي RS6
على فكره .. عندك اعتراض على تدخيلت الباسات :think: !!؟
سيارة رائعة..لكن موب كأن سعرها غالي حبتين؟
مشكور اخوي...
تحياتي..
Dentist
15-04-2004, 05:24 AM
لا طال عمرك ماعندي اعتراض والا شي :Sad2:
اهم شي لاتعصب :D
بس ياليت تعطينا مواصفات الباسات 8 سلندر ترا ماعمري شفتها في الكون << الظاهر تصنع طلبيه أو من كثر مايشترونها الناس ويخبونها لما يرتفع اليورو وبعدين يبيعونها :laugh:
وبالنسبه لردك الحلو ..
"ثاني شي .. خلنا نبدأ بالكابرس .. 5.7 لتر / 295 حصان والفولفو T80 2.8 لتر / 272 حصان ,, يعني شي اكثر من طبيعي ان الكابريس يطلع ( لاحظ انه ثبت على مسافه معينه )"
لا تنسى ان الكابريس ثقيلة جدا ومصممة كسيارة عائلية فخمه وليست الفئة الرياضية في نوعها
عكس الفولفو اللي سخرت كافة امكانياتها عشان تطلع هالسيارة المعجزة !!
"وبالنسبه للباسات والماكسيما .. الفولفو ثقيل مره في القومه لانك ماتقدر تفصل الـESP يعني السياره
-- حشفا وسوء كيله -- و -- عذر أقبح من ذنب -- كلهم مع بعض :laugh: الحين انت جالس تقول لي عيب جديد في السيارة :headshak:
ماتطلع مهاراتها الفرديه الا في الثاني وانت طالع .. وانت عارف في الخط وش سوت الفولفو فيهم
- أنا ماشفت شي .. لاثاني والا غيره .. يمكن عشان مع الماكسيما ما كانت القومة في خط طويل "
أما مع الكابريس فانت شفت .. اقوللك عمووووودين والظاهر أكثر لاني ما امداني اقيس العواميد .. وبعد حوالي كيلو هدا راعي الكابريس ... يعني لو ماهدى .. ماتوقع يشوفه أبدا !!!
وبعدين السياره هذي غير .. أخف وزن وأقوى مكينه .. يعني كلام كبير
نقول انشالله .. مع اني ما اتوقع كلام كبير مره :D
بالنسبه للسعر .. قلتلك اللي يبغى مكينه صح ماراح يتحسف على اي هلله دفعها بالسياره .. زي اللي يدفع فوق ال300.000 فالأودي RS6
انت تدري هالـ300000 وش ممكن تجيبلك من مكائن !!
ويالله انا ابروح ألحق المحاظره باق عشرا دقايق وتبدا وانا لسى في البيت !!
تشاااااو
Mr_CoRvEtTe
15-04-2004, 08:19 AM
تسلم على الموضوع الرائع
علي عبدالله
15-04-2004, 03:41 PM
موضوع حلو ومرتب
بالنسبة للفولفو .بصراحة السيارة ماعليها كلام
جميلة ومحركها رائع وقوته مناسبة (300 حصان ) شي حلو صراحة
وشكلها الخارجي ايضا انيق ورائع
وحتى المواصفات اللي ذكرتها (المواصفات الداخلية ) ممتازة
باختصار اظنها تنافس (وبقوة ) باقي الاوروبيات
مشكلتها الوحيدة (ان الوكيل عندنا في الدوحة تعبان بالمرة )
اما السيارة فهي روعة من الروائع :eek:
وشكرا لك اخ X_RaYs
X_RaYs
20-04-2004, 12:00 PM
Dentsit ..
اول شي بالنسبه للباسات .. سياره مصنوعه خصيصا من فولكس فاغن لمنافسة الفئه هذي من السيارات .. السياره ماتجي السعوديه الا بالطلب من وكيلها ساماكو ( فرع جده ) .. عشان كذا ممكن تشوفها فجده بس صعبه في المناطق الثانيه ..
وحاليا افكر اخصصلها موضوع مستقل عشان تتثقف اكثر :D
لا تنسى ان الكابريس ثقيلة جدا ومصممة كسيارة عائلية فخمه وليست الفئة الرياضية في نوعها
عكس الفولفو اللي سخرت كافة امكانياتها عشان تطلع هالسيارة المعجزة !!
حلوه عائليه .. عندي سؤال يطرح نفسه :
- كم مره شفت كابرس مع شاب وكم مره مع عائله ؟
الجواب : أكيد مع شباب أكثر لانها سياره عائليه !!
- كم مره شفت واحد معه كابرس يقاوم فيها ؟
الجواب : أكيد عد واغلط لانها وببساطه سياره عائليه !!!!
معليش بس خلك منطقي .. سياره مكينتها 5700 سي سي بقوة 295 حصان هل تتوقع انها مخصصه للعائله الخليجيه ؟
وبعدين كذا مدري على اي اساس حكمت ان الفولفو طلعت كل امكاينتها في الـS80 T6 لانه لو كان كلامك صحيح ماكان شفنا الـS60 R اللي فعلا تتعبر معجزه في عالم السيارات :banana:
-- حشفا وسوء كيله -- و -- عذر أقبح من ذنب -- كلهم مع بعض الحين انت جالس تقول لي عيب جديد في السيارة
الله يهديك مافي مثل ماكتبته .. عموما باختصار نظام الـESP هو نظام الاتزان الالكتروني اللي المفروض من ناحية السلامه انه يكون دائما شغّال .. الا اذا كنت تعتبر اهتمام فولفو بالسلامه عيب .. فهذا شي ثاني :p
انت تدري هالـ300000 وش ممكن تجيبلك من مكائن !!
وانت عارف مكينة الـRS6 وشي !!؟
عموما انا احس اننا طلعنا عن الموضوع كثير .. اهم شي لاتزعل وحاول انك تخفف شوي من تعصبك ضد الفولفو :D
X_RaYs
20-04-2004, 12:06 PM
007
mr _corvette
راعي البيج
مشكورين على المرور والمشاركه
مشكور وماقصرت ... والصراحه هذي سيارة أعجوبة ...
وأنا عملت عنها تقرير من زمان ...بس الصور كانت من تصويري :D
تحياتي
قلق و رجه
20-04-2004, 03:15 PM
رد مقتبس من Dentist
سعرها مبالغ فيه جدا ..
في سيارت أفضل منها بكثير وأرخص ..
وبالنسبة للقوة .. والله حرام فيها التيربو
تخيلوا ياشباب
باسات 6 سلندر قامت عليها :D
ماكسيما قير اوتو عطتها فرق سـيــارتــيــن قومه :eek:
واما الكابريس LTZ فعطاها فرق عــمــوديــــن عواميد قومه وخط بعد :headshak:
وين راح التيربو وين راحت الـR :damp:
بس اللي عاجبني فيها نظام الوضعيات المختلفه في التعليقcomfort - sport - advance
ملاحظه صغنونه " شوفو السماعة الكبيرة اللي جاية وسط الطبلون وشرايكم في الموقع رهيب صح ؟ :laugh: "
انا برأيي بهالسعر عندك خيارات أفضل بكثير
مرسيدس الفئة E
BMW الفئة الخامسة
انفينيتي Q45
" بس حلوه تدخيلك الباسات بينهم :D :D "
وتحياتي
يالحبيب متأكد انك تتكلم عن S60R ! ! !
اخوي عنده S60 2,4T .. خمسه سلندر وتيربو ضغط خفيف والقوه الاجماليه 200 حصان .. المكسيما تمسك ذرى !
شف تأكد يمكن انت تقصد S80 لانها هذي مهيب قويه وكلن يتعداها :)
اما الـ S60T5 & 2.4T هذولا مجرمات:corsair:
ويعطيك العافيه يا X_RaYs على هالموضوع المرتب:)
Dentist
20-04-2004, 05:01 PM
قلق و رجه
لا أخوي انا كنت اتكلم عن الـS80 T6
X_RaYs..
وحاليا افكر اخصصلها موضوع مستقل عشان تتثقف اكثر
ياليت والله لأني اعتقد أن أغلبيه الأعضاء هنا ما مرّت عليهم هالسيارة الا في النادر .. أو يمكن معذورين لانهم كلهم جهـّــال الا انت !!
- كم مره شفت كابرس مع شاب وكم مره مع عائله ؟
الجواب : أكيد مع شباب أكثر لانها سياره عائليه !!
- كم مره شفت واحد معه كابرس يقاوم فيها ؟
الجواب : أكيد عد واغلط لانها وببساطه سياره عائليه !!!!
معليش بس خلك منطقي .. سياره مكينتها 5700 سي سي بقوة 295 حصان هل تتوقع انها مخصصه للعائله الخليجيه ؟
ياحليلك .. يعني لازم عشان تصير سيارة عائلية تكون قوتها 10 حمار ومايسوقها الا شايب أو متقاعد :damp:
طيب وش تقول في المرسيدس S600 توين تيربو !!
الـBMW760
الباترول .. الكروزر ... الخ
يعني هذي سيارات سبورت !!
باين عليك مثقف جدا !!
نظام الـESP هو نظام الاتزان الالكتروني اللي المفروض من ناحية السلامه انه يكون دائما شغّال .. الا اذا كنت تعتبر اهتمام فولفو بالسلامه عيب .. فهذا شي ثاني
أبدا مو عيب .. لكن هل تعتبر سيارة مصممة كسيارة رياضية بكل هالخيول اللي طالعه من المكينة ماشالله تبارك الله وفي الأخير قومة السيارة فاشلة وثقيلة .. والسباب أنظمة أمان معقدة جدا مقيدة للحركة ومربطه السيارة تربيط .. هل تعتبر هذي سيارة رياضية :sleep:
وانت عارف مكينة الـRS6 وشي !!؟
نعيد السؤال مره أخرى !
انت تدري هالـ300000 وش ممكن تجيبلك من مكائن !!
عموما انا يا X_RaYs ماني متعصب ضد الفولفو .. ولا ضد أي سيارة أخرى .. أبدا
ويمكن انت عارفني .. أحب السيارات بشكل عام واحب اناقش مواضيعها ومزايا وعيوب كل سيارة بحيادية .. وبكل رحابة صدر ..
لكن المشكله عندك انت .. وهي انك متعصب لدرجة الجنون للفولكس واجن بشكل خاص ثم للفولفو .. ولا تقبل ان احد يناقشك في هالمواضيع .. وزيادة على كذا تعصب وتتلفظ وتقوم وتجلس على شان اللي أعجبك ما أعجبني !!
ارجع لردودك وشوف كيف هي منحازة بشكل تام لمعشوقتك وبدون اي تفاهم !!
عموما ياسيدي احنا الجهّــال وانت المثقف اللي عارف كل شي !
ومتأسفين إذا كنا أزعجناك برأينا !!
تحياتي
TOP-SECRET
20-04-2004, 05:28 PM
رد مقتبس من راعي البيج
موضوع حلو ومرتب
بالنسبة للفولفو .بصراحة السيارة ماعليها كلام
جميلة ومحركها رائع وقوته مناسبة (300 حصان ) شي حلو صراحة
وشكلها الخارجي ايضا انيق ورائع
وحتى المواصفات اللي ذكرتها (المواصفات الداخلية ) ممتازة
باختصار اظنها تنافس (وبقوة ) باقي الاوروبيات
مشكلتها الوحيدة (ان الوكيل عندنا في الدوحة تعبان بالمرة )
اما السيارة فهي روعة من الروائع :eek:
وشكرا لك اخ X_RaYs
صح كلامك 100% :(
X_RaYs
21-04-2004, 10:54 AM
حبيبي Dentist ..
يعلم الله اني كنت احاول اقنعك بالتي هي احسن بس الظاهر مالك الا اللي براسك .. وردك الاخير كان قمة في الاسلوب صراحه :blink:
TOYOTA_OBAS
مشكور على المرور والمشاركه ..
Dreams_Maker
21-04-2004, 03:01 PM
كم التسارع؟؟
عشان أعرف إذا المكينة تسوي ولا لا
تحياتي
:banana:
X_RaYs
21-04-2004, 11:56 PM
تقريبا 5.7 ثانيه ..
تقطع الـ400 متر فـ14 ثانيه :think: