PDA

View Full Version : ورشه سوالف للسيارات برعاية شباب سوالف


الفجر mtr البعيد
12-05-2004, 12:14 PM
السلام عليكم ورحمة الله وبركاته
كيف حالكم يا شباب سوالف الطيبين
اول شي احب اقولكم ان هذا موضوعي الثاني من دخلت سوالف:D <<<تطور
يمكن هالحين تتسألون شنو هذا الموضوع بقولكم ان هذا الموضوع راح نخليه ورشة سيارات الكترونيه بتتسائلون شلون يعني ورشه الكترونيه
بقولكم كل مافي الامر وبكل بساطه ان اي واحد يحتاج مشوره في تصليح سيارته يجي ويحط سؤاله في هذا الموضوع
بشروط
1- نوع السياره
2- موديلها
3- يقول السيارة من شنو تشتكي
ويعني مو شرط خرابات يعني اي سوأل في حدود السيارات راح نجاوبه
طبعا راح ارد انا على الاجابات ;) عاد مو كله انا الي اجاوب لاتصدقون
والي متاكد من اجابته يقدر يجاوب
وبذلك ارجو انكم فهمتو فايدة الموضوع وانشالله نكون قد المقام
تحياتي
الفجر MTR البعيد

RED Chevy
12-05-2004, 12:19 PM
للمرة الألف تنعرض هالفكرة وللاسف مافي تجاوب:D كل واحد عنده شي ينزل موضوع خاص أفضل عشان تطلع الفضايح:D

والله ودنا بهالشي لكن مافي فايدة يتم الموضوع بلا ردود للأسف يعني:( ,أتمنى لك التوفيج:)

الفجر mtr البعيد
12-05-2004, 12:23 PM
اخوي RED CHEVY اشكر لك تجاوبك السريع بس حبيت اساعد في المنتدى وافيد واستفيد

oil_HKS_lio
12-05-2004, 12:42 PM
والله موضوع حلو وياليت ينجح وفكره جميله جدا

علي عبدالله
12-05-2004, 02:39 PM
الحل الوحيد علشان ينجح مشروعك الحلو هذي
هو ان الموضوع يتم تثبيته في البداية
وين المشرفين :mad:

RED Chevy
12-05-2004, 03:08 PM
لو تثبت ممكن في أمل:rolleyes: بس بعد مابتلقى تعاو، ناس وايد جربوا واللي قال نسوي موسوعة وووو آخرتها محد تجاوب:( بالتوفيج إن شاء الله وإن شاء الله تنجح الفكرة:p

الأنصاري
12-05-2004, 03:14 PM
فكره حلوه ويالله ممكن تنجح خلي نبذل كل الجهد

Dreams_Maker
12-05-2004, 03:34 PM
حلو..

جاء في بالي هالسؤال...وأبي أحد يجاوب...وهو متعلق بالزويد..

ايش هو الرام اير؟؟..وايش هي فكرة عمله؟؟..

:confused:

:banana:

زورو الامارات
12-05-2004, 03:36 PM
بسم الله الرحمن الرحيم


السلام عليكم ورحمة الله وبركاته


اخي العزيز الفجر البعيد

اشكرك جدا على مساهمتك وانا معاك ان شاء الله

فكره حلوه وتم تجديدها

وان شاء الله تلقى كل ترحيب من الاعضاء الكرام

للتثبيت وحياك الله

RED Chevy
12-05-2004, 03:40 PM
كده أوكي:cool: ويلا دام تثبت في مجال، وخل نشوف الإبداعات:) وإن شاء الله نقدر نساعدك إخوي الفجر إذا نقدر:)

ACCORD-VETIC
13-05-2004, 05:20 AM
hi
very beuti idea
:black: الفجر mtr البعيد


:black:
thanx

الفجر mtr البعيد
13-05-2004, 07:14 AM
السلام عليكم ورحمة الله وبركاته
كل الشكر للأخوة راعي البيج & زورو الامارات& بو عبود & oil HKS lio & red chevy لدعمكم لي وانشالله نبيض الوجه
___________________________________________
وبالنسبه لسؤلك اخوي dreams_maker عن الرام اير فاعتقد
انو اهو البايب الي يجي من الفلتر الى الثروتل بودي وتكون فايدته انه يسهل دخول الهواء ويقلل الفقد في البرودة يعني يحاول يدخل الهواء الى الماكينه من دون ما يسخن الهواء
هذا الي اعرفه عن الرام اير واذا في خطاء ارجو التصحيح من قبل الأخوان
تحياتي
الفجر MTR البعيد

nismo_R32
13-05-2004, 08:24 AM
السلام عليكم ورحمة الله وبركاته
الموضوع جداً حلو يلا احمدوه ورنا شطارتك في الاكترونيات اوكي وبيض وجهنا :banana:

زورو الامارات
13-05-2004, 11:33 AM
رد مقتبس من الفجر mtr البعيد
السلام عليكم ورحمة الله وبركاته
كل الشكر للأخوة راعي البيج & زورو الامارات& بو عبود & oil HKS lio & red chevy لدعمكم لي وانشالله نبيض الوجه
___________________________________________
وبالنسبه لسؤلك اخوي dreams_maker عن الرام اير فاعتقد
انو اهو البايب الي يجي من الفلتر الى الثروتل بودي وتكون فايدته انه يسهل دخول الهواء ويقلل الفقد في البرودة يعني يحاول يدخل الهواء الى الماكينه من دون ما يسخن الهواء
هذا الي اعرفه عن الرام اير واذا في خطاء ارجو التصحيح من قبل الأخوان
تحياتي
الفجر MTR البعيد



العفو ماسوينا شي هذا الواجب :)

MAX 2002
13-05-2004, 01:00 PM
السلام عليكم ورحمة الله وبركاته

كيف الحال ؟؟؟

انا من اول ادور موضوع زي كذا ...

شوف يا خوي قصتي ...

معي ماكسيما 2003 باختصار عبيبت بنزين وسخ من محطه معفنه المهم السيارةصارت تتفتف ( تقطع ) ومافي عزم المهم وديتها الشركة قالولي شي اسمه ( الكويل ) ... اتمنى انك عرفته

المهم قالولي خرب عليك وغيروه على الضمان وقيمته 200 ريال الواحد
وفي 6 في السيارة يقول على كل بوجي واحد
المهم خرجت السيارة زي الحلاوه وعزم وقوه ما شاء الله احسن من وهي جديده
المهم ثلاث ايام ورجعت تقطع رجعلت الشركة قالوا كويل ثاني خرب وغيروه وطلعتها تماااام
واللحين احسن انه راح العزم

ملاحظه : قبل ما يخرب الكويل يروح عزم السيارة وبعدين بعدها بيوم يخرب الكويل ...

اسف على الاطالة ...

لكن سؤالي ايش هو الكويل ؟؟؟ وايش وظيفته ؟؟؟ وليش يخرب ؟؟؟؟

ومشكور اخوي

اخوك MAX

W351
13-05-2004, 02:04 PM
السلام عليكم ورحمة الله وبركاته

اخوي MAX 2002 خبرتي في الياباني قليله لكن بأفيدك بشكل عام.

من بداية تصنيع السيارات والسيارات تعتمد على الديلكو في توزيع

الشراره الى البواجي والديلكو هو عباره عن ملف كهربائي يدور بواسطة

عمود الكامات (التيمن)وتقوم اسلاك البواجي بتوصيل الكهرباء الى

البواجي وبا التالي يقوم البوجي بعمل الشراره الازمه للاحترلق.

تم ابتكار تقنيه جديده وتم الاستغناء عن الديلكو في 80% من السيارات

وتم استبداله با الكويلات وهي عباره عن قطعه الكترونيه تقوم بتوليد

الكهرباء ( الكترونيا وليس ميكانيكيا كما في الديلكو) للبوجي الذي بدوره

يصدر الشراره .

لذلك نظريا لا علاقه للبنزين في خراب الكويل لانه يقوم بانتاج الكهرباء

فقط لذلك عليك مراجعة الوكاله والتأكد .

الكلام السابق حسب معلوماتي واذا كان هناك خطأ ارجو التصحيح.

RED Chevy
13-05-2004, 02:57 PM
رد مقتبس من W351
السلام عليكم ورحمة الله وبركاته

اخوي MAX 2002 خبرتي في الياباني قليله لكن بأفيدك بشكل عام.

من بداية تصنيع السيارات والسيارات تعتمد على الديلكو في توزيع

الشراره الى البواجي والديلكو هو عباره عن ملف كهربائي يدور بواسطة

عمود الكامات (التيمن)وتقوم اسلاك البواجي بتوصيل الكهرباء الى

البواجي وبا التالي يقوم البوجي بعمل الشراره الازمه للاحترلق.

تم ابتكار تقنيه جديده وتم الاستغناء عن الديلكو في 80% من السيارات

وتم استبداله با الكويلات وهي عباره عن قطعه الكترونيه تقوم بتوليد

الكهرباء ( الكترونيا وليس ميكانيكيا كما في الديلكو) للبوجي الذي بدوره

يصدر الشراره .

لذلك نظريا لا علاقه للبنزين في خراب الكويل لانه يقوم بانتاج الكهرباء

فقط لذلك عليك مراجعة الوكاله والتأكد .

الكلام السابق حسب معلوماتي واذا كان هناك خطأ ارجو التصحيح.

نفس اللي كنت بقوله بس كان عندي شك.... بس ترى الكويلات أفضل من الديلكو بوايد:think:

وبخصوص مشكلتك بعد نفس الكام ماظن له علاقة بالبنزين وغريب الكويلات تخرب:confused: سيارتك جديدة:think:

HaKeM
13-05-2004, 07:50 PM
موضوع ممتاز وتشكر عليه أخوي الفجر mtr البعيد

عندي سؤالين لكنها قريبه لناحية الميكانيكية من الكهربائية
1.عندي حذفة في سيارتي وتعبت من الوكاله مامنهم فايده وغيرت الكفرات واختفت الحذفة لمده بسيطه ورجعت ثاني وأحد المهندسين في الوكاله قالي انه هذا عيب تصنيعي في الأفالون وبصراحة 2 من أصحابي عندهم نفس المشكله سؤالي أيش القطعة المسؤولة غالباً عن الحذفة اذا افترضنا أنه في عيب تصنيعي

2.السؤال الثاني أكثر السيارات السيدان بعد فترة من الإستخدام تلاقي مستوى ميلان الجنط تغير بمعدل خفيف ايش السبب وأيش الحل؟

تحياتي:D

MAX 2002
13-05-2004, 10:53 PM
مشكور اخوي W351 , RED Chevy

على الرد ...

بس للان ما عرفت من ايش ياليت احد يعلمني قبل ما يروح الضمان عليه ...

واتوقع سيارتي جايتها عيييييييين :corsair: :think:

الأنصاري
14-05-2004, 07:37 AM
MAX 2002 مشكلتك غريبة على العموم اعتقد الوكالة نصبت عليك
لو البترول كان وصخ السيارة اصلا فيها فلتر اسمه فلتر البنزين واذا توسخ يتغير

وبس ما اشوف في تفسير ان العزم يطيح راجعهم وطلع عينهم


حاكم العدل
والله ماني متاكد بس جرب تبدل جنوطك مع زميل عنده نفس السيارة بس ماعنده المشكلة او جرب تركب جنوط وكفرات ثانية

demore
14-05-2004, 08:52 AM
والله فكرت الموضوع حلوه

كأنها عيادة سيارات:D

بس يبالنا دكاترته متخصصين وهذيله ماشااء الله موجيدين عندنا

في ها المنتدى الرائع زييييين احينه الواحد يقدر يسال ويحصل اجابه اذا في حد يشرف على الموضوع
وانا عندي سؤال
هل بامكاني تركيب نظام تثبيت السرعة بسيارتي

طبعا السيارة لاند كروزر GX-r 2004

الفجر mtr البعيد
14-05-2004, 02:45 PM
اكرر شكري للاخوان RED chevy ,W351 على الرد الكافي وحبيت ازيد على كلامهم ان الكويل يخترب من مصدر الاشارة الي جايه له من الكمبيوتر على اساس ان الكويل محدد له انه يستقبل 10 فولت في اغلب الاحيان فيصير ان الكمبيوتر يروح يعطيه 12فولت الي اهي قوة البطاريه الاساسيه واذا استمر هذا الحال يخرب الكويل
بس بالنسبه لك بما ان سيارتك جديده ما اعتقد ان مشكلتك من الكويل
وشوف جرب الي بقولك عليه عشان تتاكد ان الكويل كويس ولا لا
تروح تفك واحد من الكويلات الموجودة عندك والي اهي تكون على كل بواجي كويل واحد طبعا والسيارة طافيه اذا فكيت واحد رفعه عن اي شي حديد وروح شغل السياره وامسك الكويل الي فتحته وقربه من الماكينة بحدود 10 ملم اذا قصرت المسافة عن هذا القياس وماخرجت شرارة فكلام الوكاله صحيح (كرر هذا الاختبار على كل الكويلات)
ونصيحه لك روح للوكاله وقلهم يشيكون على الكمبيوتر لانه المسئول عن الاشارة الي تروح للكويل ونتمنى لك الصحة والعافية لك ولموترك:D
___________________________________________
بالنسبه للأخ حاكم العدل وسؤالينه
ج1:الحذفه الي في السياره تكون من وزن الاذرعه يمكن ما تكون في حالة مضبوطة فيجب عليك انك توديها للوكالة وخلهم يشيكون على مجموعة التوجيه كلها واحتمال يكون عامود التوازن له دور ايضاً في المسئله واحتمال مثل ما قال اخوي بوعبود انك تغير الجنوط يمكن في فايده(:think: ومسئلة العيب التصنيعي ما دخلت مخي )
وبالنسبه للسؤال الثاني مافهمتك صح يعني ميل العجلات لأي جهة تقصد ؟ مع العلم ان ميل العجلات في حالة الدفع الامامي تكون بهذي الوضعيه /<<>>\ طبعا هذا في الدفع الامامي او بهذي الوضعية
\<<>>/ اذا كانت دفع خلفي وتحس بالزاويتين هذولي اذا كنت مطالعهم وانت مقابل السيارة بالظبط مع ملاحظة ان هذي الوضعيات طبيعية مالم تزيد عن الوضع المعتاد واحتمال ان تنزيل السيارة يزيد هذا الميلان
____________________________________
وبالنسبه للأخ demore اذا كانت سيارتك قير عادي فهذا غير ممكن بسبب ان تثبيت السرعه يحتاج الى تناغم ما بين القير و سرعة المحرك
وجهاز التثبيت اما اذا كانت قير اوتو ممكن اذا رحت لورشه معروفة بالترهيمات يمكن يظبطونه لك

وبهذا ارجو انكم استفدتو من اجاباتي واي تصحيح للمعلومات من قبل الاخوان مرحب فيه
ومشكورين
تحياتي الفجر MTR البعيد

الأنصاري
14-05-2004, 05:10 PM
على ما اعتقد مثبت السرعه حق الكروزر يكلف 1800 ريال

RED Chevy
14-05-2004, 05:27 PM
العفو يالفجر وماسوينا إلا الواجب:D

خل نشوف الأسألة:

حاكم العدل: أعتقد تحتاج ألايمنت، وشوف جرب على الخط هد السكان وخلها تمشي شوف تاخذ على بدر أو لا إذا خذت تحتاج ألايمنت100% والسؤال الثاني سببين، يا منزلها، أو من كثر السرعة( يعني السيارة ماتعرف غير الخطوط:D ) أما إذا كانت من الوكالة فذي شي عادي، وفي الياباني دفع أمامي ماشفت غير الهوندا فيها هالحركة على خفيف كلش، في الأمريكي تنتشر على السيارات اللي بنظام الشافتات( مو الدفريشن) والألماني كامل فيه هالحركة:banana:

MAX 2002: ما أعتقد عين، مثل ماقال لك الفجر خل يشوفون الكمبيوتر بس كلم المانجر في الوكالة وقول له إذا ماتصلح الخلل بفضحكم بالإنترنت:D

demore: ماظن بس مافي شي مستحيل:rolleyes: بس وش لك فيه ماله داعي:D

ابن النعمان
14-05-2004, 05:34 PM
على ما اعتقد مثبت السرعه حق الكروزر يكلف 1800 ريال :banana:

demore
14-05-2004, 05:49 PM
:p

الفجر MTR البعيد: تسلملي حبوب على موضوعك وفكرتك و ردك

بوعبود : والله انت يا اخوي بوعبود احبك وايد اتعرف ليش لان لون اشتيشنك نفس لون استيشني :D بس قلتلي 1800 هذا وين في الوكالة والا برع


RED Chevy : والله ما ادري شو اقولك بس من خذت هالموتر وانا قاعد اسرع فيه على الخطوط فوق 160 فبغيت اشل ريلي من الريس عشان ما اخترش :damp:

عاد لا تقطعون عنا اجاباتكم زين اخواني وهاي بوسه على خشووووومكم :cool:

HaKeM
17-05-2004, 09:13 AM
أخوي ريد شيفي مافهمت كلامك أيش هوا ألايمنت

وبصراحة الحذفة كرهتني في السيارة لأنه الدركسون بور تحس كأنك بتضارب الدركسون واللوكالة ما استفدت منهم ولا شي اشتكيتهم للإدارة العامة للشركة ولا حياة لمن تنادي:cry:

تحياتي

RED Chevy
17-05-2004, 09:45 AM
رد مقتبس من حاكم العدل
أخوي ريد شيفي مافهمت كلامك أيش هوا ألايمنت

وبصراحة الحذفة كرهتني في السيارة لأنه الدركسون بور تحس كأنك بتضارب الدركسون واللوكالة ما استفدت منهم ولا شي اشتكيتهم للإدارة العامة للشركة ولا حياة لمن تنادي:cry:

تحياتي \


ألايمنت هو الميزانية للتواير يعني يظبطون ميزانيتهم لك:rolleyes: ولو توديها كراج متخصص أحسم من عبداللطيف، ممكن يكون واحد عنده ضمير وإدفع فلوس زيادة ولا تخسر شي أكبر بعدين:think:

oil_HKS_lio
18-05-2004, 12:41 PM
السلام عليكم ورحمة الله وبركاته


السياره كابرس 87

دايما اشوف في المنتدى ان طرمبه دايما تخرب وانا اقول فينفسي ماخربت الا اختربت:D (مايحسد المال الا صاحبه)

المهم هي تنسم بنزين اقدر الحمها ولالا

اخاف اغيرها وابتلش لئني سمعت الي في السوق مو مزبوطه 100%

RED Chevy
18-05-2004, 04:19 PM
رد مقتبس من oil_HKS_lio
السلام عليكم ورحمة الله وبركاته


السياره كابرس 87

دايما اشوف في المنتدى ان طرمبه دايما تخرب وانا اقول فينفسي ماخربت الا اختربت:D (مايحسد المال الا صاحبه)

المهم هي تنسم بنزين اقدر الحمها ولالا

اخاف اغيرها وابتلش لئني سمعت الي في السوق مو مزبوطه 100%

والله \ايم أسمع تخرب عندكم في السعودية وكل الشفرات اللي عندنا مافيهم هالعيب:D

إذان العيب في البترول اللي عندكم:D ومدري وين قاري إنه مخلوط مع غاز في بعض المحطات:D

المهم أقترح تجي تسكن في البحرين أو تروح الكويت البترول زين ترى ومابتعاني من مشاكل:D

لكن خذ الخبر مني، تعال ركب من البحرين وإرجع هي ساعتين وإنت راجع:banana:

Dentist
18-05-2004, 09:27 PM
موضوع جملي واتمنى له الاستمرار ..


سؤالي بخصوص زيت القير .. هل يحتاج تغيير بشكل دوري ؟

أنا الآن ماشي بسيارتي 100 ألف وزيت القير حق وكالته :confused:

المشكلة اني سألت اكثر من شخص وكانت الآراء مختلفة !

منهم من قال ماله أهمية تغييره ومنهم من قال على كيفك
وناس قالت لو ماغيرته الحين راح عليك قيرك !!
وناس قالت لو غيرته ترا بتصير لك مشاكل !!


الحقوني ياجماعه :cry:

W351
19-05-2004, 03:05 AM
اخوي oil_HKS_lio دائما مع بداية الصيف وارتفاع درجة الحراره تخترب

طرمبة البنزين وطرمبة الماي اذا كانت مستهلكه (نصف عمر) وما لها

حل الا التغيير وما اعتقد طرمبة الكابريس 87 غاليه فاقترح عليك تروح

للوكاله وتشتريها علشان تضمنها اصليه 100%

اخوي Dentist زيت القير مع فلتر زيت القير يغير عادة كل 40 الف وبتحس

بفرق حتى في تبديلات القير واقترح انك تغيره وتواضب في تغييره

ومعلومه للجميع زيت القير اذا اخذ فتره طويله مره ما تغير (200 الف و

وفوق) فنصيحه لا تغيره لان القير ممكن انه ما يعشق (يعني روح وضب

القير) .

اخوي Dentist ايش نوع سيارتك وكم موديلها؟؟؟؟؟؟؟؟

الأنصاري
19-05-2004, 04:30 AM
Dentist غيار زيت الجير مهم جدا وهو عادة بين 30 الف الى 50 الف وانت مشيت 100 الف وماغيرته:shock2: :shock2: مادري بس اكيد غيرتة وانت ماتدري جايز في الوكالة يوم اخر تشييك

انصحك تغيرة بسرعة :D :D قبل مايطق الجير وترى الزيت وفلتر الجير ولا شئ جدام جير جديد

انصحك في موبيل دايكسن3

oil_HKS_lio
19-05-2004, 07:03 AM
مشكورين شباب على جواب سؤالي وانشالله راح اخذها من الوكاله وسعرها 80 ريال

الفجر mtr البعيد
19-05-2004, 12:38 PM
هاي شباب
والله انكم قدها غبت يوم وبيضتوها :banana: اي هذا العشم فيكم
وأي سؤال او استفسار انا والشباب في الخدمه (امون صح);)

ماض على الطريق
21-05-2004, 03:29 PM
رد مقتبس من oil_HKS_lio
والله موضوع حلو وياليت ينجح وفكره جميله جدا

cruiser2000
22-05-2004, 12:17 PM
السلام عليكم ورحمة الله وبركاته


عندي سؤال:
ماتيز - 2000

انا يوم ابدل الجير مال الماتيز اسمع كرجج كرج وقت التبديل

خاصة على النمرة الثالثة وهكذا الحال وقت ما اعطي غيار
اما على النمرة الباقيات يكون الصوت شوي خفيف

فيكون الحل المناسب لهذا اني يوم اخفف وتوصل السرعة الى 30 او 40
احطه ثالث ثم ثاني وجذي ما اسمع الصوت

هل تعرف لماذا يطلع هذا الصوت؟

افيدووووووووني

تحياتي لكم

اخوكم
خالد

الفجر mtr البعيد
22-05-2004, 07:35 PM
والله يا اخ cruiser2000 اعتقد ان المشكلة من جلب التعشيق او نفس
التروس فيها خلل او ممكن عمود الشجرة رايح فيها او البيرنقات
واحد من هذي الاحتمالات يكون وارد
تحياتي
الفجر mtr البعيد

VIPER GTS-R
23-05-2004, 04:08 PM
رد مقتبس من MAX 2002
السلام عليكم ورحمة الله وبركاته

كيف الحال ؟؟؟

انا من اول ادور موضوع زي كذا ...

شوف يا خوي قصتي ...

معي ماكسيما 2003 باختصار عبيبت بنزين وسخ من محطه معفنه المهم السيارةصارت تتفتف ( تقطع ) ومافي عزم المهم وديتها الشركة قالولي شي اسمه ( الكويل ) ... اتمنى انك عرفته

المهم قالولي خرب عليك وغيروه على الضمان وقيمته 200 ريال الواحد
وفي 6 في السيارة يقول على كل بوجي واحد
المهم خرجت السيارة زي الحلاوه وعزم وقوه ما شاء الله احسن من وهي جديده
المهم ثلاث ايام ورجعت تقطع رجعلت الشركة قالوا كويل ثاني خرب وغيروه وطلعتها تماااام
واللحين احسن انه راح العزم

ملاحظه : قبل ما يخرب الكويل يروح عزم السيارة وبعدين بعدها بيوم يخرب الكويل ...

اسف على الاطالة ...

لكن سؤالي ايش هو الكويل ؟؟؟ وايش وظيفته ؟؟؟ وليش يخرب ؟؟؟؟

ومشكور اخوي

اخوك MAX


بصراحة مشكلتك مالها اي علاقة بالكويل اذا انت متاكد ان السبب هو انك عبيت بنزين متسخ فالمشكلة حلها انك تغير فلتر البنزين وتنضيف او تصفية للبخاخات ...

الكويل مثل ما ذكرو الاخوان عبارة عن ملفات كهربائية مغناطيسية تولد قوة شرارة عالية وهو يعمل نفس عمل الديلكو بس من مميزاته انه مايحتاج لضبط مثل الديلكو ....
طبعا احتمال انو يخرب اعتقد نادره خصوصا ان السيارة لسا جديدة لاكن دامه على الضمان خلهم يستاهلون :banana: ..

تحياتي ..

VIPER GTS-R
23-05-2004, 05:03 PM
اخوي حاكم العدل
.....................................

عندي سؤالين لكنها قريبه لناحية الميكانيكية من الكهربائية
1.عندي حذفة في سيارتي وتعبت من الوكاله مامنهم فايده وغيرت الكفرات واختفت الحذفة لمده بسيطه ورجعت ثاني وأحد المهندسين في الوكاله قالي انه هذا عيب تصنيعي في الأفالون وبصراحة 2 من أصحابي عندهم نفس المشكله سؤالي أيش القطعة المسؤولة غالباً عن الحذفة اذا افترضنا أنه في عيب تصنيعي

2.السؤال الثاني أكثر السيارات السيدان بعد فترة من الإستخدام تلاقي مستوى ميلان الجنط تغير بمعدل خفيف ايش السبب وأيش الحل؟

تحياتي

..............................................

بالنسبة للسؤال الاول يمكن يكون الخلل من الدودة (( البورسترنج)) او تكون من المقصات والله اعلم ...

اما السؤال الثاني اعتقد اذا الميلان ملحوظ فيه مشكلة في نظام التعليق ((المقصات او الاذرعة او المساعدات)) وتقدر تتاكد منها من اقرب ميزان طبعا روح لميزان الكتروني وراح يضبطها لك واذا فيه اي مشكلة فيها راح يبلغك اكيد بس غالبا يكون الوزن كفايه ..

........................................

اخوي demore

بالنسبة لمثبت السرعة اكيد تقدر تركبه على السيارة بس يحتاج ترهيم وشغل متعب ومايستاهل ... لانك ممكن تحتاج تغير كمبيوتر السيارة بالكامل :blink:
ومثل ماذكرو الاخوان يفضل ان تكون سيارتك قير اوتو ..

................................................

اخوي oil_HKS_lio

بالنسبة للطرمبة قلت لك غيرها وريح بالك ولا تاخذها الا من الوكالة مو مشكلة فرق حدود 30 ريال بس شي مضمون والحام ما اعتقد راح يفيد .. نصيحة مني للجميع لا تبخلون على سياراتكم تراها تستاهل .

...........................

اخوي Dentist

بالنسبة لزيت القير الاختلاف فيه كبير ..
عندك في كتلوجات السيارات كاتبين لو السيارة استخدامها عادي يعني تمشي باليوم اقل من 100 كلم وبدون خشونة في القيادة ما يحتاج تغيره ابدا ..
اما اذا الاستخدام بشكل خشن وقاسي لازم يتغير مع الفلتر كل 100الف كلم ...

طبعا هذا كلام الوكالات اما الورش فيقولون لازم يتغير كل 50 الف تقريبا ..

انا اعتقد لو يتغير كل 80 الف يكون زين لان زيت القير مايخترب ويمكن تتاكد من صلاحيته من خلال لونه ورياحته اذا لونه احمر وريحته عادية مو قوية فالزيت تمام ..
اما اذا كان الزيت لونه متغير او فيه ريحة تفقع الراس فاعرف ان القير على وشك ويمكن لو غيرت الزيت القير يوقف على طول..

عموما لو غيرت الزيت لازم تتاكد من نوعية الزيت المستخدم للقير لان كل قير له مواصفات الزيت الخاصة فيه روح الوكاله خذ الزيت والفلتر والوجه واذا فيه معجون خذ بعد..
وترى بعض الوكالات عندهم زيت تجاري يعني يعطيك بالبيت او طقته لا تاخذ الا العلبة اللي عليها علامة السيارة ..
وبالتوفيق ان شاء الله ....

..............................

اخوي cruiser2000

اذا الصوت قوي والنمرة ماتدخل الا بالقوة فهذا صحن الكلتش يبي يسلم عليك شكلك راعي قومات صح :) ..

.......................
تحياتي للجميع وسامحوني على القصور

Dentist
23-05-2004, 08:27 PM
مشكور أخويVIPER GTS-R على الرد الحلو والفاهم والمطمئن

لكن وش فائدة المعجون :confused:

لاني شريت الفلتر وناوي اشتري الزيت من الوكاله ؟

بس الوجه والمعجون ما فكرت فيهم :help:

VIPER GTS-R
24-05-2004, 09:24 AM
السلام عليكم ورحمة الله وبركاته

اخوي Dentist

دامك ناوي تغير الزيت خلني اعطيك فكرة مبسطة عن طريقة تغييره وكل النقاط المهمة المتعلقة في هالموضوع .. والموضوع جدا سهل وتقدر تسويه بالبيت بس المشكلة اكيد ماعندك بالبيت رافعه تحط السيارة عليها وصعب انك تشتغل والسيارة واقفه على الارض عموما نبدا بالخطوات ..

اولا هذي صورة القير وطبعا تغيير زيت القير يختلف عن تغيير زيت المكينة لان المكينة فيها صرة والفلتر خارجي بعكس القير .. وانت شايف بالصورة الجزء الاسود اللي اسفل القير لازم ينفك بالكامل ...
http://www.off-road.com/dodge/reviews/ats/ats_10.jpg

فاول ماتدخل السيارة الورشة لازم تنحط على الرافعة وبعد كذا نبدا نفك الجزء السفي من القير اللي هو ال ((bans)) وعادة ما يكون حوالي 10 مسامير على حسب السيارة ومثل ما انت شايف بالصورة الزيت اول ماتفك البانز ينكب على طول فانتبه لعمرك :laugh:
http://www.sporttruck.com/sporttruck/techarticles/p91535_image_large.jpg

الخطوة الثانية ننتظر لما يطلع الزيت كله ثم نبدا بفك الفلتر وطبعا بعض السيارات يكون فكه عن طريق المسامير مثل اللي بالصورة او يكون كبس على حسب نوع وموديل السيارة ..
http://www.sporttruck.com/sporttruck/techarticles/p91536_image_large.jpg

الخطوة اللي بعدها يتم تنضيف البانز بالكامل + الجزء الملتصق فيه من القير عشان نشيل الوجه القديم واي اثر له ...

بعد كذا نجيب الفلتر الجديد (( لازم جديد )) ونجيب الوجه وعادة يكون الفلتر والوجه مثل اللي بهالصورة خصوصا السيارات الامريكية ..
http://jacksautoparts.com/catalog/transmission/transfilter.jpg
بعد كذا نرجب الوجه الجديد وفيه بعض السيارات مايجيلها وجه بس فيه معجون طبعا الافضل الوجه والمعجون سوا لان المعجون لحاله مايغطي والوجه فعال جدا بس مع المعجون يكون افضل وافضل .. والمعجون هو عبارة عن معجون السيلكون مثل اللي بالصورة .


بعد كذا نركب البانز بعد ما نضبط الوجه ونشد عليه مضبوط ..
http://www.sporttruck.com/sporttruck/techarticles/p91539_image_small.jpg

والخطوة الاخيرة نحط الزيت في القير عن طريق فتحة غيار الزيت وبعد كذا نعاير الزيت ومهم جدا ان الزيت لا يزيد ولا ينقص ابدا المعايرة شي مهم يعني لا تحرك السيارة لما تتاكد من الغيار الصحيح للزيت وهالصورة راح تبين لك المعيار حق الزيت وماخوذ من موضوع اخونا JUST CORVETTE اللي تكلم فيه عن القير الاوتوماتيك .
http://www.gapoo.com/pic/6.jpg

وبعد كذا شغل السيارة وعشقها في جميع النمر ثم شيك على االزيت من جديد وشيك على السيارة من تحت وتاكد من عدم وجود اي تهريبات ... واذا كان فيه معجون يفضل ما تتحرك السيارة الا لما ينشف يعني ساعة على الاقل .....

كاني طولت السالفه بس ان شاء الله يستفيدون الجميع ..

تحياتي لكم

W351
24-05-2004, 12:58 PM
ما شاء الله عليك يا VIPER GTS-R بيضتها والله كفيت ووفيت

بس عندي اضافه انك لم تفك bans اللي نسميه با العاميه كارتير الزيت

ممكن ان الزيت ما ينزل فتحتاج انك تفتحه بلطف بسكروب او حاجه حاده

بحيث انك ما تطعجه وبتشوف الزيت ينزل تدريجيا .

VIPER GTS-R
25-05-2004, 06:55 AM
رد مقتبس من W351
ما شاء الله عليك يا VIPER GTS-R بيضتها والله كفيت ووفيت

بس عندي اضافه انك لم تفك bans اللي نسميه با العاميه كارتير الزيت

ممكن ان الزيت ما ينزل فتحتاج انك تفتحه بلطف بسكروب او حاجه حاده

بحيث انك ما تطعجه وبتشوف الزيت ينزل تدريجيا .

الله يسلمك اخوي W351
كلامك صحيح 100% لانه عادة الوجه يكون شديد لان الضغط عليه قوي جدا ولما نفكه ما راح ينفك على طول مثل ما ذكرت ..

تحياتي ..

oil_HKS_lio
25-05-2004, 11:49 PM
VIPER GTS-R

مشالله عليك شرح في غايه الروعه

Dentist
26-05-2004, 12:10 AM
شراح وافي وكافي تسلم ايدينك اخوي VIPER GTS-R

تعبنّـاك معانا .. لكن نخدمك في الأفراح انشالله :eek:

وبالنسبة لتغييري زيت القير بنفسي فانس الموضوع :OO:

لكن شي جديد تعلمته منك عشان ما يقعد يتفلسف علي اللي بيغيره وانا ادلوي براسي :confused:

لكن سؤال أخير .. تعرف ورشة محترمة تغير هالشي لاني مابعت سياراتي اوديها لبنشري اللي يغير الزيت واخليه يتعلم عليها ..
وفي نفس الوقت موضوع الوكالة يجيب لي المغص لانهم بيلحطوني ويلحطون سيارتي عندهم الفاضي ..

وتشكراتي حبيب ألبي :)

VIPER GTS-R
26-05-2004, 10:24 AM
رد مقتبس من Dentist
شراح وافي وكافي تسلم ايدينك اخوي VIPER GTS-R

تعبنّـاك معانا .. لكن نخدمك في الأفراح انشالله :eek:

وبالنسبة لتغييري زيت القير بنفسي فانس الموضوع :OO:

لكن شي جديد تعلمته منك عشان ما يقعد يتفلسف علي اللي بيغيره وانا ادلوي براسي :confused:

لكن سؤال أخير .. تعرف ورشة محترمة تغير هالشي لاني مابعت سياراتي اوديها لبنشري اللي يغير الزيت واخليه يتعلم عليها ..
وفي نفس الوقت موضوع الوكالة يجيب لي المغص لانهم بيلحطوني ويلحطون سيارتي عندهم الفاضي ..

وتشكراتي حبيب ألبي :)

ههههههههههههههههههههههههه ترى صيانة السيارات حاجة بسيطة ومحتاجه بس خبرة ولا ترى هالهنود والفلبينيين مو احسن منا :cool:

المهم ابي اعرف شنو سيارتك + موديلها + في اي مدينة عشان اقول لك عن الورش اللي شغلهم نضيف ..

في انتظار ردك

الشرقاوي
26-05-2004, 10:04 PM
بسم الله الرحمن الرحيم

امممممممممممممممم:think:

انا عندي مشكله عوييييييييصه:Sad2:

السياره لاند كروزر 93

المشكله ان الفرامل مستحيييييييييييييييييل تكمل 9شهور ليش؟؟؟؟

مع العلم اني كذا مره اغير الهوبات مع الفحمات ومره غيرت الكليبرات ولازالت الفرامل تعييييسه:Sad2:

الأنصاري
27-05-2004, 02:42 AM
الشرقاوي اعتقد انك من النوع الي يسرع:D :D

9 شهور شئ معقول :D :D

نصيحة بعد ماتخلص الفحمات اخرط الهوبات واشتري كل شئ اصلي ((جرب مركز خدمة تويوتا الي منتشرين في دول الخليج))

oil_HKS_lio
27-05-2004, 04:01 AM
على طاري الفرامل

عندي هم مشكله البريكات كل ماسوي لهم وزنيه تجلس معاي اقل شي 3 او 4 شهور وترجع تكون الفرامل الخلفيه اقوى من الاماميه وكذا مره بغت تسبب لي حادث تزحف من الخلف

W351
27-05-2004, 07:18 AM
اخوي الشرقاوي 9شهور ترا فتره معقوله با الذات ان سيارتك لاندكروزر

يعني وزن هائل على الفرامل ومثل ما تفضل الاخ بو عبود الظاهر ان

رجلك حاره شوي:D .

اخوي oil_HKS_lio والله هذي من امراض الكوابرس المزمنه ;) لكن اتوقع

يبغالك تعمل اصلاح للبريك , تشتري قطع الاصلاح امامي وخلفي اصلي

مع قماشات وتخرط الهوبات او تغيرها افضل ( فلست صح :blink: ) وتروح

لميكانيكي يركبها وبا التأكيد بتضبط .

اوه نسيت اقولك غير (vacum) اللي يسمونه الباكم ويصير البريك

جديد :banana: .

انت اعمل الاصلاح واشاء الله تضبط.

Dentist
27-05-2004, 08:57 AM
السيارة ماكسيما
موديلها 2002


تحياتي

الأنصاري
27-05-2004, 10:26 AM
Dentist انا سمعت من واحد من الشباب ان غيار زيت جير المكسيما صعب لذلك اتمنى يدلونك الشباب على مكان حريف :D :D

m88
28-05-2004, 02:35 AM
هلا والله فيكم جميعاً

عندي سؤال واحد بس

وهو طبعاً خارج الصيانه والتعديل

ونبغا خبرتكم يا اصحاب الخبره

اعتقد اغلبكم شاف الفيديو كليب

حق فرقة ميامي الى والله ناسي اسم الاغنيه

بس الى فيها انه يطارد ورا وحده في البنك وهو شغال معا باقي الفرقه

في السوبر ماركت ---- عارف والله بس وش اسوي علشان ابغا اوصل

لكم المعلومه وتفيديوني خويكم غشيم في هالاشياء

البنت لما تعطلت عليها السياره وضرب عندها التاير وقف صاحب البيجو

يغيره صح لالا امزح معكم ابغا اعرف وش اسم السياره هذي الى لونها اصفر

اوكي مرسيدس مااختلافنا وعارفين بس ابغا اعرف اسمها او نوعها

(( تعبت وانا ادور علي اسمها ولا نوعها ونادر ماشوف هالسياره ليه ياجماعه))

حتى بالسايت تبعهم ماحصلتها


.mercedes-benz. (http://www.mideast.mercedes-benz.com/inside-pv.htm)


واكون لكم شاكر لو واحد يعطيني معلومات عن هالسياره


تقبلو تحياتي


اخوكم الصغير
M88

VIPER GTS-R
28-05-2004, 07:18 AM
اخوي Dentist

ماقلت لي من اي منطقة ؟؟
ان شاء الله تكون من الرياض


اخوي M88
انا ماني متذكر الفديو كثير لاكن اعتقد انها مثل اللي بالصورة
http://images.cardomain.com/member_images/3/web/219000-219999/219002_1_full.jpg

هذي مرسيدي SLK ومرسيدس ماشاء الله عقدونا بهالاسامي هههههههههه...

black scorpion
28-05-2004, 02:00 PM
عندي سؤال وقلت مالها الا حبايبنا اللي في سوالف
عندي الحساس حق الهوا اللي يجي بعد فلتر الهوا ما اقدر انظفه بأي وسيله ؟؟؟ لان لمن افك الفلتر الاقي زي البودرة السوداء على الشبك الفاصل بين الفلتر والحساس.:confused:

Dentist
28-05-2004, 09:46 PM
ايوالله من الرياض


وبعدين على ما اعتقد انا قد شفتك في تجمع قدييييييم قبل سنتين لسوالف ا1ا ماني غلطان

اللي كان معانا راعي الأفالون اللي غايب عن المنتدى من فترة طويلة

افاااا نسينا :D

VIPER GTS-R
29-05-2004, 05:57 AM
ههههههههههههههههههههههههههه

اخوي Dentist ماعاش من ينساك لاكن ماني متذكر والله ..
الي اذكره اخوي عبد العزيز راعي الافليون و فارس اللي هو فارس اس اس والعضو سوناتا والعضو مكسيمادرايف لو تذكرني بسيارتك يمكن اعرف :think:

عموما فيه ورشة بالصناعية القديمة اسمها جيركو بصراحة شغلهم نضيف وطيب وعمالة مدربة مو اي كلام بس الله يعينك على المدير هرجه كثير ومايعطيك فرصه تناقشه بالسعر بس شب عليه هههههههههه ..

طبعا موقعها بالصناعية القديمة وكرتهم عندي بالسيارة اذا اخذته راح اعطيك رقم تلفونهم .

تحياتي واسف على التاخير

Yukon GT
30-05-2004, 08:21 AM
أهليييييين بالشباااااااااب ...

كيف الأحوال .. إن شاء الله الجميع بخير ..

ماشاء الله أنواع الموسوعات هنا .. ماشاء الله ماشاء الله .. لاحد يقول شي:D :D


أخواني الأعزاء <--- متعوب عليها صح :D :D

أنا عندي مشكلة الفرامل .. وهي ماشاء الله .. ماتقعد يشهر ونص ولا شهرين .. ألا تقول باي باي ..

مع إني أخرط الهوبات بكل مرة .. مرة ماخرطتها .. نفس الشي :confused: :confused:

أنا رجلي حارة .. لكن مو لهالدرجة ..



أتمنى المساااعدة


وبـــــــــــــــــــــــــــــــــــــــس

السيارة .. يوكون جي تي موديل 97 ..

W351
30-05-2004, 09:21 AM
اخوي Yukon GT كم مره خرطت الهوبات؟؟؟؟؟؟؟

هل لما تخرط وتركب البريكات تسمع فيها صوت خشن مع البريك؟؟؟

عموما الهوبات تقريبا تنخرط 3 مرات وبعدين تقل كفائتها , بعدين تأكد

من القماشات اصليه والا تجاريه لان فيه محلات يقولك اصليه علشان

يمشي بضاعته .

انصحك تغير هوبات وتشوف لك محل مضمونه القطع انها اصليه عنده

وتشوف لك بعد كذا ميكانيكي يعمل لك وزن للكليبرات ( القطعه اللي

تركب فيها القماشات ) ويشيك لك اذا ما كان فيها عطل او تهريب.

A7medo
30-05-2004, 01:14 PM
رد مقتبس من black scorpion
عندي سؤال وقلت مالها الا حبايبنا اللي في سوالف
عندي الحساس حق الهوا اللي يجي بعد فلتر الهوا ما اقدر انظفه بأي وسيله ؟؟؟ لان لمن افك الفلتر الاقي زي البودرة السوداء على الشبك الفاصل بين الفلتر والحساس.:confused:

قصدك ال Air flow meter

انزين وين المشكلة فيه ممكن اتوضح الله اخليك اشلون ما تقدر اتنظفة

سيارتك او موديلها

black scorpion
31-05-2004, 12:50 AM
سيارتي نيسان باث فايندر 2001
اليوم في الصباح لمن اكون ماشي مشوار طويل واوقف الار بي ام يعلق على 1500دد 1750دد ما ادري ليش المشكلة؟؟؟؟

Dentist
31-05-2004, 02:34 AM
بس وصلت :)
MAXIMA DRIVER

بس ايام المراهقه يالله حسن الخاتمة :D

الفجر mtr البعيد
31-05-2004, 03:37 AM
رد مقتبس من black scorpion
سيارتي نيسان باث فايندر 2001
اليوم في الصباح لمن اكون ماشي مشوار طويل واوقف الار بي ام يعلق على 1500دد 1750دد ما ادري ليش المشكلة؟؟؟؟
هاي شباب سامحوني على التأخير في الردود وعدم المشاركة بسبب
الاختبارات مثل ما انتو عارفين:help: يا جماعة الخير هالله هالله بالدعاء
لي وكل الشباب الاعضاء
ــــــــــــــــــــــــــــــــــــــــــــــــــــــ
ونجي لمشكلتك اخوي بلاك سكوربيون ممكن تكون مشيت بالسيارة وهي بارده ومشغل المكيف فهذا يحصل عندي رغم ان السياره كامري
واحتمال تكون مشكله ثانية يفيدونك فيها الشباب
ـــــــــــــ
Yukon GT واعتقد ان المشكلة عندك يا خوي بسبب السيارة نفسها
مو من البريكات لان السيارة مثل ما انت عارف ثقيلة يعني وزن مو سهل
فطبيعي انها تستهلك بسرعه رغم ان الفترة الي قلتها قصيره جداً بس صج غريبه:think: حاول توصف لنا الحالة الاصوات الي تطلع او اي شي يساعدنا في تحديد الخراب وانشالله انا والاخوان مانقصر معاك

وفي الاخير اشكر كل الاخوان في رعاية الورشة
تحياتي
احمد الفجر mtr البعيد

W351
31-05-2004, 08:10 AM
اخواني black scorpion و الفجر mtr البعيد المشكله هذي ممكن تحصل

من ثلاث شغلات اما فلتر الهوا مسكر من الغبار او المنظم اللي هو

air flow sinsor تكون حساساته متسخه او عليه غبار واللي اتوقع انه

السبب الرئيسي حساس اسمه ACV valve يجي راكب على الثروتل

بدي اللي هو فتحة الثلاجه او الانتيك وبا النسبه للفورد قيمته من 120

الى 180 ريال والشيروكي 230 ريال .

A7medo
31-05-2004, 08:49 AM
انا اعتقد يبيله اجست من Idel screw المفروض الأربيأم اكون على ال 750

Yukon GT
01-06-2004, 09:56 AM
هلا والله أخوي W351 ..

الله يعطيك ألف عافية على المعلومات ..

بالنسبة للهوبات .. أنا خرطتها أكثر من ثلاث مرات .. أما بالنسبة للقماشات .. فأنا ماجيتها أصلا .. من زماان ما غيرتها ولا شفتها ...

أشيك إن شاء الله على القماشات .. وبغير الهوبات ..

ويعطيك ألف ألف عافية على النصيحة ... :rolleyes: :rolleyes:

=====

هلا أخوي الفجر mtr البعيد ..

حياك عزيزي .. ومشكور على الكلام ..
أنا معك أن السيارة ثقيلة .. وتستهلك ..

بس مو لذا الدرجة ..

وتشكرات أفندم على الرد ...



تحياتي ...
Yukon GT

Dentist
02-06-2004, 08:41 PM
بس وصلت
MAXIMA DRIVER :D

بس هذاك كان أيام الشباب يالله حسن الخاتمة :laugh:

أمير أبوظبي
03-06-2004, 01:34 PM
عندي استفسار لاهل الخبره!!!!
السلام عليكم ورحمة الله وبركاته

عندي استفسار لاهل الخبره ...انا بصراحه معجب بالكاين من تعديل جمبالا ..


http://www.gemballa.com/Images1/Cayenne/big/ws/g55_gt700_ao3_ws_b_1.jpg
وعندي بورش كاينن أس ... ففكرت اني اعدلها بحيث تكون مطابقه للصوره ...
سؤالي هو كم بيكلفني التعديل ..؟؟؟ وماهو افضل مكان لتركيب هذي الزوائد ؟؟
مع العلم اني في الامارات
وجزاكم الله خير

VIPER GTS-R
03-06-2004, 02:15 PM
هلا اخوي Dentist
والنعم فيك والله اي قول من اول مكسيما درايفر وخلصنا :D على فكرة شلون الجامعة وياك ان شاء الله تمام الله يعينكم بس من جد ما شفت ناس متعذبين بالدراسة مثلكم بس بصراحة تستاهل هالدراسة اللي تضمن الوضيفه مو دراسة على الفاضي ..
المهم قلت لك روح للصناعية القديمة راح تلاقي ورشة جيركو بجنب ترايستار وشلنجلر وطقته وكلهم حقين قيور بس شوف جيركة اصرف من البقية وتحياتي لك .. ولو تبي اغيره لك جيب السيارة ويصير خير :D ..

اخوي أمير أبوظبي
ماشاء الله تبارك الله السيارة مسكته بدون تعديلات :cry: عموما اكيد اذا بتدفع راح تلقى ناس تعدل بس راخ يكلف كثير اكيد ولااسف انا في الرياض عموما خله ستوك احسن واضمن :)

......

تحياتي

oil_HKS_lio
04-06-2004, 12:14 AM
ياشباب عندي سؤال وانا امشي في السياره اذا دست الدوسه كلها وفتحت الدعسه الثانيه يطلع صوت يحن مثل صوت السوبر شارجر بضبط وش السالفه:headshak: شيكت الزيوت كامله كلهم OK:help:

Dentist
04-06-2004, 02:33 AM
هلا وغلا VIPER GTS-R

الحمدلله ماشيه امورنا بس والله زي ماقلت انت هالكلية مطلعة عيوننا
لكن ربك يعين انشالله
خلاص انشالله اول مانخلص اختبارات اروح اشوف هالمحلات والله يعين لاني ما احب الورش أبدا :damp:

وبالنسبة لك اخوي امير ابو ظبي
بصراحة معاك حق تقول كذا على هالتعديل :shock2:

تعديل روووعه وخيالي وبيخلي سيارتك فعلا مميزة

لكن للأسف ما اتوقع انه في شركة بتظبطه له مثل كذا
بس ممكن لشي قريب منه

ودوّر عندكم في الإمارات أتوقع تلقى ترا والله الموضوع يستاهل :banana:


تحياتي

الفجر mtr البعيد
04-06-2004, 10:31 AM
اهلين مرتضى يمكن القير فيه مشكلة تسبب هالصوت والشباب انشالله ما يقصرون معاك هذا والله اعلم
تحياتي احمد
الفجر mtr البعيد

oil_HKS_lio
04-06-2004, 12:14 PM
رد مقتبس من الفجر mtr البعيد
اهلين مرتضى يمكن القير فيه مشكلة تسبب هالصوت والشباب انشالله ما يقصرون معاك هذا والله اعلم
تحياتي احمد
الفجر mtr البعيد

الله يستر لئني يوم غيرت الكربريتر قالي واحد ان الجير حقك الكتروني يمكن يضرب معاك اذا ركبت كربيتر عادي

أمير أبوظبي
04-06-2004, 01:04 PM
VIPER GTS-R
:think:
كلامك طيب بس السياره شكلها رهيب مع التعديل

W351
05-06-2004, 12:07 AM
اخوي oil_HKS_lio ابد ماله علاقه الكربريتر بالجير نهائيا وبعدين شوف

معيار زيت القير وشم ريحته اذا تحس ان فيه ريحة حريق معناه الجير

على وشك وجرب حط الجير با الN ودوس بنزين وبعدين حطه با الP

ودوس بنزين اذا طلع صوت با الN وما طلع با الP معناه ان الكونفيرتر

( الطنجره ويسمنها بطيخة الجير:rolleyes: ) تحتاج تغيير .

ان شاء الله ما يكون في الجير شي بس اذا كانت الطنجره تحتاج تغيير

ركب مالت ريس احسن:banana: .

oil_HKS_lio
05-06-2004, 03:32 PM
W351 مشكور اخوي على الرد

الزيت غيرته من شهر او شهر ونص لسه توه جديد

والطريقه الي قلتلي عليها ماطلع صوت لافي الN ولا P بس يطلع اذا كنت ماشي دايس الدوسه كلها بعض الاحيان يطلع والبعض لاا:confused:

infiniti
06-06-2004, 09:27 AM
سؤال محيرني

واحد من الشباب عنده جلوريا 98 غير زيت الجير و الفلتر و ركب زيت بالبيد ابو علبه حمرا وبعد ثلاث شهور 40000 كيلو بالضبط خبط القير هل يكون السبب نوع الزيت مع اني اعرف زيوت بالبيد فاشله بس ما توقعت انه بخرب القير ايش توقعاتكم هل يكون من نوع الزيت او اللي غير الزيت ماغيره بطريقه صحيح لاني سمعت اكثر من واحد يقولي قيور الياباني لازم تنزلها و تفرغ الزيت من داخل القير تقريبا 8 لتر اما ورش الصناعيه يفرغ الكارتير و يكون بحدود 4 لتر بس يعني باقي الزيت ماينزل احد عنده خلفيه عن هذا الموضوع ؟؟

W351
06-06-2004, 11:18 AM
اخوي oil_HKS_lio اجل ثق ثقه تامه ان الجير عندك سليم 100%

وبا النسبه للصوت لازم تشوف لك ميكانيكي يسمعه بأذنه علشان يقدر

يشخص لك الحاله والله يعينك.

اخوي infiniti ما اعتقد ان الجير خبط من الزيت مع ان بعض الجيور تجي

عليها مواصفات الزيوت المناسبه لها والحقيقه ما ادري عن مواصفات

زيت جير الجلوريا لكن كان عندنا سندرك وكنا نغير له الزيت با البيد

وماشي حاله لكن الحق ينقال كان شغله معقد شوي مع انه موديل 88

infiniti
07-06-2004, 06:56 PM
اخوي W351

ايش هي الطريقه اللي كنت تغير فيها زيت القير للسدرك ياليت لو تشرحها لان صاحب الجلوريا غير الجير و خايف يغير الزيت مره ثانيه و يروح عنده القير .

W351
07-06-2004, 08:49 PM
اخوي infiniti الحقيقه كنا نوديه لورشه ويتم تغييره با الطريقه التقليديه

يعني نفك خزان الزيت اللي اسفل الجير وينزل الزيت بعدين نسكره

ونعبي الزيت من فوق بس الفلتر اذكر كان فكه شغله شوي لكن ما كانت

فيه طريقه معينه عموما انا والله ما ادري ايش التقنيه المستخدمه في

جير الجلوريا لكن انصح خويك انه يروح للوكاله ويسألهم ايش مواصفات

زيت الجير (دكسترون 2 او دكسترون 3 مثلا) واذا حب انه يغير الزيت

يروح لترايستار لان عندهم خبره في التعامل مع الجيور مع اني ما انصح

بتوضيبهم للجير .

oil_HKS_lio
09-06-2004, 03:16 AM
السلام عليكم ورحمة الله وبركاته

طرمبه البنزين عندي تهرب زيت بعد مافكيتها شفت فتحتين هي نفسها الي تهرب زيت ودايما زيت الماكينه ينقص شوفو صوره هاذي القديمه فيها فتحتين الي تهرب الزيت
http://www.myimager.com/uploads/DSC00306_1215116212_24760.jpg?569123

اما الجديده الي شريتها مافيها فتحتين لايكون تختلف ولا ايش بضبط يالا شباب عطونا رد اركبها ولالا انتضركم
http://www.myimager.com/uploads/DSC00303_1215116212_27535.jpg?249321

W351
09-06-2004, 07:59 AM
حسب ضني انه عادي لكن استشير ميكانيكي افضل

oil_HKS_lio
12-06-2004, 01:52 AM
W351
خلاص ركبتها والي فيها فيها هي من الوكاله

أبوالزين
12-06-2004, 09:16 AM
أول شئ بجول تسلم على الموضوع أخوي
و بعدين حبيت أعتذر على غيبتي اللي طالت بسبب بعض الظروف
و إنشاء الله ما تتكرر:D

الفجر mtr البعيد
12-06-2004, 11:20 AM
حياك الله في موضوعك ومافي داعي الاعتذار

nismo
15-06-2004, 01:56 AM
والله الموضوع حلو ماشاء الله

انا عندي استفسار بغيت اركب يايات رياضيه على مكسيما 2004 بحيث تكون نازله مره يعني الكفر على حد الرفرف

انا شفت eibach pro-kit بس ما عجبتني وقفتهم

لو تعطونا فكره عن اليايات المناسبه
و مشكورين مقدما

الفجر mtr البعيد
15-06-2004, 10:37 PM
والله يا اخ نيسمو اليايات الي ذكرتهم من احسن الماركات المتوفره
بس مستغرب شلون ما عجبوك :think: ومن اي ناحيه ماعجبوك

nismo
15-06-2004, 10:51 PM
لان مي نازله كثير

W351
16-06-2004, 05:05 AM
اخوي nismo عادة اليايات الرياضيه تجي انزل من العاديه بنسبه معينه

على حسب نوع السياره واستخدامها والماكسيما تجي بفئه السيدان

المتوسط يعني يايات الريس تبعها ما راح تكون نازله كثير فاذا تبغى تنزلها

اكثر مالك الا تقصها شوي;) ;)

nismo
16-06-2004, 06:54 AM
اها بس انا سمعت انه ادا تقصها راح عليك الياي

زين ادا ما ابغا اقص و يش اسوي

ادا كانت عندك معلومات عن نوع ثاني مخصص حق سيارات سيدان اكون شاكر لك

و مشكور اخوي على تفاعلك

Super SS
17-06-2004, 01:58 AM
يلا همه سا شباب الورشة جاهزة


:sleep: :sleep: :sleep:
:sleep: :sleep:
:sleep:


Super SS
:sleep:

الفجر mtr البعيد
19-06-2004, 09:56 PM
بسم الله الرحمن الرحيم
كيف حالكم يا شباب عساكم طيبين انشالله
بغيت منكم مساعده اذا سمحتو بغي اسم ماكينة الكامري 2.2 او الكود حقها ارجو الرد بسرعه
ومشكورين مقدماً

mill_955
20-06-2004, 09:55 AM
اخوي nismo

انا اشوف ان الايباخ الـ Pro-kit ممتازه جدا

لكن اذا تبي تنزل السياره اكثر ممكن تاخذ ايباخ الـ Sportline وهذي راح تكون ناااازله مررررره وراح تكون قاااااااسيه وغير مريحه

وممكن تشوف الفرق بينها في هذا الرابط
http://eibach.com/cgi-bin/htmlos.exe/0013.1.879053926200005028



او عندك حل ثاني هو انك تركب يايات OBX وهذي تقدر تعدل ارتفاعها بنفسك

Third Eye
21-06-2004, 06:03 AM
يا شباب في واحد عنده جيب دفع رباعي دائم ستة سلندر

لما يجي يمشي بيه يسير زي التنتيع أو التكتيم

مرة واحد مكانيكي قال حط منظم حق فورد (الظاهر يقصد منظم كهرباء)

إيش المشكلة ؟


تحياتي

W351
21-06-2004, 09:26 AM
اخي Third Eye وش نوع السياره وكم موديلها

Third Eye
21-06-2004, 10:52 AM
برادو 98

SLR55
21-06-2004, 12:51 PM
شباب تصدقون إني أول مرة أشوف الموضوع :headshak:
بس برئ :Sad2: متابع للمنتدى بس

المهم فكرت أركب شيء ثوري في السيارات :D

المهم أريد أركب جانبنات هايدروليكية بحيث تكون مرفوعة وتنزل أتوماتيك بعد سرعة معية لأني السيارة إلي وياي منزلة واااااااااايد وما أقدر أبركنها على راحتي
حتى إنها إختربت من قدام شوي :Sad2:

وإذا موجود وين أقدر أحصلها في الإمارات

وعندي سؤال ثاني
شو الماس سينسور ؟؟؟:think:

ولسلااااااااااااام

الفجر mtr البعيد
21-06-2004, 02:49 PM
السلام عليكم ورحمة الله وبركاته
الا خSLR55 بالنسبه لسؤالك الاول بصراحه مالي علم به بس اعتقد ان شغلة الهيدروليك مو سهله الى ذيك الدرجه
اما سؤالك الثاني
فأعتقد انه الحساس الي يقيس حجم الهوا الداخل الى المحرك اذا ما خاب ضني
__________________________
Third Eye
بالنسبه لسؤالك اعتقد لو توصف حالة السياره اكثر ممكن نفيدك اكثر
____________________________
اخوي W351 اشكرك من كل قلبي على نشاطك في الموضوع

W351
21-06-2004, 05:53 PM
اخي Third Eye من وصفك للمشكله اتوقع تكون المشكله انها تحتاج

تصفيه وهي عباره عن :

1- تغيير بواجي
2- تغيير اسلاك البواجي
3- تغيير فلتر البنزين والهواء
4- فحص البخاخات وتنضيفهم(عند الضروره)
5- فحص منضم الهواء
6- فحص الديلكو

وبأذن الله راح يروح التكتيم وخل عنك سالفة منضم الفورد اللي اول مره

اسمع فيها.

اخي SLR55 موضوع الجانبينات ما اقدر افيدك فيه والماس سنسور

مثل ما تفضل اخي الفجر البعيد هو منضم الهواء اللي يجي راكب

بعد فلتر الهواء.

اخي الفجر mtr البعيد لا شكر على واجب ونحن نفيد ونستفيد في

المنتدى لكن اتمنى اي عضو نقوم با الرد عليه ان يذكر لنا ايش حصل

معه با الضبط بعد ما يروح للميكانيكي.

Crower
24-06-2004, 01:05 PM
امير ابوظبي: عندك برستيج للسيارات في ابوظبي كلمهم و هم عندهم ورشه في مصفح......... عندك فاست كار ريبيرز في دبي عند المعارض بيسوليك اياها بسعر حلو بس انته تطلب القطع.... عندك كراج بيرفورمانس في دبي بيسولك اياها بعد
كلهم شغلهم مضمون 100%100 و قطع غيار اصليه بس السعر ما عندي قكره عنه

black scorpion
25-06-2004, 12:16 AM
بالنسبة لموضوعي اللي كان متعلق بحساس الهواء قمت بتظيفة ببخاخ منظف الكربريتر(لونه احمر وعليه شعار جمل) وخليته الى ان جف تماماً ووزن الديلكو من جديد وغيرت البواجي ونظفت البخاخات مع الثلاجة والنتيجة كانت مرضية الحمدلله التعليق اللي في ال ار بي ام راح.
شكل المشكلة كانت ان الحساس متسخ جداً.:rolleyes:

ACCORD_559
01-07-2004, 11:40 AM
السلام عليكم ورحمة الله وبركاته


مدري ياشباب الورشه فيها ميكنيكى:think:
اذا في بالله تكفون عندي هذا الموضوع
السياره تصرف بانزين بي شكل غير طبيعى (http://www.swalif.net/sforum1/showthread.php?s=&threadid=191099)

الفجر mtr البعيد
01-07-2004, 04:04 PM
شوف حبيبي انت شيك على الماكينه زين شوف اذا في اي تهريب او ريحه بنزين وهم بعد شيك على التانكي ورى ونظف الفلتر بعد لانه يساعد على الصرفيه بعض الاحيان ونتمنى لك قياده مريحه
تحياتي
الفجر MTR البعيد

أبوالزين
05-07-2004, 06:21 PM
سوري على التأخير , من زمان ابي دش الموضوع بس اليوم تجرأت و دشيت :D :D :D :D
و أهنيك بكل حراره على نجاح الموضوع

oil_HKS_lio
06-07-2004, 04:19 PM
السلام عليكم

عندي سؤال غبي

الكابرس 87لي نيه اقلب غطا القربه واخليه مقلوب عشان يدخل الهوى على طول للفلتر ويعطي صوت احلى وش رايكم

الفجر mtr البعيد
06-07-2004, 11:39 PM
مرتضى انا اشوف انك تشيل القربه مره وحده اصرف:D

mr_z
12-07-2004, 07:42 PM
ممكن أعرف طريقة لتسريع قومة سيارة و أيضا فك الفاصل للسرعة القصوى للسيارة و شكرا

oil_HKS_lio
13-07-2004, 03:01 AM
رد مقتبس من الفجر mtr البعيد
مرتضى انا اشوف انك تشيل القربه مره وحده اصرف:D

لااياخي يدخل وسخ:D

CAMARO 95
15-07-2004, 06:35 AM
سؤال ::D


ياشباب احد يدلني على كمارو 98 تشليح

الماصورة حق المكيف التي تركب في لديتر المكيف ماحصلتها

حتى الوكالة مافية والمحلات :headshak:



شاكرين لكم
:black: ls1

W351
15-07-2004, 06:51 AM
اخي كمارو اذا انت من الشرقيه عندك محل عالم القطع شارع تويوتا

اي شي تبغاه لكمارو ترا عنده والتشاليح شايف فيها يمكن 5 كماروات

لكن ما شفت 98 وفيه عند تشليح فؤاد العيسى في بقيق .

الفجر mtr البعيد
21-07-2004, 12:27 AM
السلام عليكم يا اخوان
عندي استفسار عن تبديل زيت القير الاوتو
كم علبة زيت ياخذ القير
مع العلم ان السياره
سوبر بان جمس موديل 93
الماكينه 350
ارجو انكم تردون علي بأسرع وقت لو سمحتو:help:

كبامارو
24-07-2004, 06:46 AM
انا عندي السيارة تقطع و قالو لي يبي لها بوووووجي

بايش تنصحوني :help:

الفجر mtr البعيد
24-07-2004, 01:04 PM
خلاص سوي مثل ماقالو لك:D وبدل كل البواجي وانشالله تنحل مشكلتك

بوخشيم
24-07-2004, 11:11 PM
السلام عليكم ورحمة الله وبركاته
مشكله معا موتري
السيارة لومينا 2002LS
مشكلتها ريحا بنزين قوي داخل ماعدى أنها ماتسرف
وبس توقف من ممشى صوت صيت يروح ويجي و من تشغل المكيف الريحا ويبق الصوت:cry:
شوفولي الحل بسرعه الله يعطيكم العافيه

2k2
26-07-2004, 02:58 PM
نزين أنا بغير الموضوع شوي >>> :banana:

عندي سيفيك من نوع SIR موديل 99 وباغي أعدل في الماكينة >>> يعين أزيد من قوتها ... :sleep:


شو اللي لازم أعمله بالضبط >> وشو اشتري >> ودلوني على قراج يضبط هالسوالف عدل >> :think:

يالله شباب الفزعــــــــة عاااااد :glasses2:

LSX
31-07-2004, 04:06 PM
رد مقتبس من mr_z
ممكن أعرف طريقة لتسريع قومة سيارة و أيضا فك الفاصل للسرعة القصوى للسيارة و شكرا السلام عليكم ورحمة الله وبركاته تقدر تسرع القومه بتغير الكرونا او البككس

RED Chevy
01-08-2004, 01:35 AM
رد مقتبس من الفجر mtr البعيد
السلام عليكم يا اخوان
عندي استفسار عن تبديل زيت القير الاوتو
كم علبة زيت ياخذ القير
مع العلم ان السياره
سوبر بان جمس موديل 93
الماكينه 350
ارجو انكم تردون علي بأسرع وقت لو سمحتو:help:

يعتمد...

بس أعتقد 30 ألف مسافة مناسبة...

سياراتنا تقريباً كل 6 شهور نبدل كل القطع الستهلاكية مع الزيوت:banana:

SLR55
01-08-2004, 10:24 PM
شو معنى بتغير الكرونا او البككس

ووين مكانهم في السيارة

W351
02-08-2004, 12:58 AM
الكرونا هي اسم دارج للRing and Pinion

http://www.steeda.com/store/-catalog/drivetrain/ringpinion.jpg

وهي عباره عن محول حركه بين عمود الكردان اللي ينقل الحركه من الجير الى الكرونه اللي تركب في الدفرنش وتحول الحركه للعكوس

صوره لعمود الكردان

http://www.steeda.com/store/-catalog/drivetrain/driveshaft.jpg

صوره للعكوس

http://www.steeda.com/store/-catalog/hotnewproducts/axles.jpg

وطبعا فيه نسب للكرونه اللي هي تكون عدد تروس التاج على عدد
تروس البنيون يعني با النسبه للفورد الدارج من النسب عند الشباب

2.73 هذي الشد بلد على الموستنجات والفكتوريا
3.55 هذي تقريبا لمسافة 700 الى 1000 متر
3.73 تقريبا من 500 متر الى 700 متر
4.10 هذي لمسافة 300 الى 500 متر

ولما اقولك كرونا حاشره يعني تكون مسافتها اقصر , بتلاقي السياره
تكون قومتها قويه لكن السرعه النهائيه تقل يعني الشغله ميكانيكيه
بحته (فيزياء):banana:

يعني تركب كرون 4.10 على موستنج بتشوف عزمه يطلع كله في
400 متر وبتشوف سرعته القصوى يمكن 160 بس :sleep:

فا اللي يبغى يركب كرونا يشوف هو يبغاها لايش يعني با النسبه
للفورد 3.73 و 4.10 ما تصلح للخطوط تتعب المكينه اما 3.55 تكون
مناسبه للاستخدام اليومي.

والموضوع طويل لكن ان شاء الله وصلت لك الفكره

SLR55
05-08-2004, 05:59 PM
أشكرك W351 على شرحك الحلو ^__^

إلي فهمته أحلى قياس للدفريسن هو 3.55 بس كم بيكون أخر سرعة
للسيارة الكابريس إس إس إذا ركبته

على الدفريسن الحالي يوصل 240 والأر بي إم على 4 وخطين


إذا ركبت 3.55 كم بيكون السرعة النهائية


والسلاااااااااااااااااام

HaKeM
06-08-2004, 06:03 PM
عندي مشكلة صوت صفير اسمعه في بداية تشغيل السيارة ومايختفي الصوت لين امشي مسافة 2 كيلو أو أكثر وبعض الأحيان مايختفي

الصوت خفيف واسمعه لمن تكون الطاقة (الشباك) مفتوح

لمن فتحت الكبوت لقيت مصدر الصوت من جهة البكرات حقت السيور

أيش الحل لإزالة هذا الصوت؟؟ :confused:

W351
06-08-2004, 09:06 PM
السلام عليكم ورحمة الله وبركاته

اخي SLR55 في الحقيقه ما ادري با الضبط كم بتكون السرعه النهائيه
لكن شرحي كان من نظريه فيزيائيه والنسب اللي انا كتبتها تابعه للفورد
والظاهر ان الشفر تختلف نسبه شوي لكن المعذره معلوماتي اغلبها
في الفورد وعموما السرعه النهائيه لها قانون لكنه ما يحضرني الان فاذا
لقيته راح احطه على طول.

اخي حاكم العدل اتوقع سيارتك نيسان :think:
عموما صب مويه على السيور اذا اختفى الصوت روح غير السيور , هذا
الصوت يدل انها تعبانه.

HaKeM
07-08-2004, 01:18 AM
سيارتي تويوتا افالون 2003

oil_HKS_lio
07-08-2004, 01:47 PM
السلام عليكم

ياشباب الكابرس هاذا الي عندي ذبحني بلبنزين صرفيه مو صاحيه لدرجه اعبي ب30 ريال نص التانكي اروح من دمام الى سيهات وانا اهمز الدعسه مارجع البيت الا على اقل من ربع التانكي من ركبت هاذا الكربريتر العادي كرهت الساعه الي ركبته فيها

شفت في الكربريتر تهريب شوفو الصوره


http://www.alsafa.net/vbb/pic/m7rga.jpg

كل هاذي الي عليها سهم يهرب
المشكله مكان الفلتر الدائره هاذي الصغيره الي مئشر عليها عند الفلتر الضاهر تنسم من اول وصاحب الكربريتر حط فيها ماده مثل الصمغ وقويه والحين تنسم هاذي اكثر وحده مثل ماتشوفون مكان التهريب لونه اسود واذا مسكته يكون مثل الزيت

وش الحل هلق اقدر الحمه؟

والسوؤال الثاني هل وزن الديلكو له شغل بصرفيه؟

RED Chevy
08-08-2004, 01:46 AM
إخوي مرتضى...

بخصوص الكاربيتر أعقتد لو تاخذ واحد يديد أحسن لك وتتجنب عوار الراس معه...

والديلكو تقدر تخليه يتحكم بالعزم إذا مزنط عليه أو مرخيه لكن بالصرفية ماقط سمعت:D

W351
08-08-2004, 03:09 AM
اخي RED Chevy مالك لوا

الديلكو له علاقه بالصرفيه لكن مو هذيك العلاقه وبقول لك الاثبات:

لما تلعب با الديلكو تشوف السياره تدخن اسود وهذا معناه ان فيه

بنزين ما احترق لان الشراره اللي تجيه مو كامله او متأخره او مبكره

عموما :

با النسبه لك اخي مرتضى وللجميع لازم توزن جميع شغلات الكهرباء

والبنزين والهواء علشان تتأكد من الصرفيه.

شغله اخيره : فيه حركه يسونها في الاحساء في الكربريتر , يسكرون

عيون او يوزنون شغله والله مو متأكد مع وزنيه معينه للديلكو يقولون

والكلام مو اكيد سمعته من شخص يقول من الاحساء الى الدمام اقل

من الربع لكن يصير حد السياره 160:sleep: بس وقومتها مو هذاك

الزود.

oil_HKS_lio
08-08-2004, 03:29 PM
RED Chevy
مشكور اخوي على ردك قميه الكربريتر الجديد 1500 ريال ماتستاهل السياره


W351

مشكور اخوي بس ممكن تقولي وين المحل بضبط في الاحساء ابغا اروح له واسم المحل( كل التفاصيل)

انشالله لو حدها 120 بس تروح الصرفيه وين المكان

W351
08-08-2004, 05:50 PM
اتأكد لك اخي مرتضى وارد عليك لان الصراحه شخص قال لي ومو

متأكد من صحة كلامه:confused:

LOVE SS
10-08-2004, 05:40 PM
انا مشكلتي عصيبه :)

معاي يوكون 2001 وطلعنا عمرة للمكة وجاء واحد الله يهاديه وخدش الباب الايمين الخلفي مع طحج بسيط :( المهم سامحة الرجال

المشكلة الان اذا جيت اصبغها لازم معجون :( وتخبرون الشريطية لابغيت ابيع ينزلون قيمتها وبنفس الوقت انا مااحب السيارة المسمكرة فقررت ادور لي يوكون من موديلات 2000 الى 2004 مصدوم والباب سليم واركبه بسيارتي :) ادري ان السالفة مطوله رحت للكويت مالقيت الا سوبرمان بس مو نفس الون والباب يختلف

فما رأيكم :) تتوقعون وين القى الباب وانا مستعد ادفع له قيمة الباب مع البدل مع العلم انا الباب حقت سيارتي مافيييييه شي خدش مع طعج بسيييييط مره:( :( :(

HaKeM
14-08-2004, 08:10 PM
ماهي سيارات تويوتا التي تستخدم محرك 1MZ_FE ؟

وأبغى مواقع فيها قطع لتلغيم هذا المحرك..

تحياتي:)

الارهابي
16-08-2004, 06:23 AM
رد مقتبس من oil_HKS_lio
السلام عليكم

ياشباب الكابرس هاذا الي عندي ذبحني بلبنزين صرفيه مو صاحيه لدرجه اعبي ب30 ريال نص التانكي اروح من دمام الى سيهات وانا اهمز الدعسه مارجع البيت الا على اقل من ربع التانكي من ركبت هاذا الكربريتر العادي كرهت الساعه الي ركبته فيها

شفت في الكربريتر تهريب شوفو الصوره


http://www.alsafa.net/vbb/pic/m7rga.jpg

كل هاذي الي عليها سهم يهرب
المشكله مكان الفلتر الدائره هاذي الصغيره الي مئشر عليها عند الفلتر الضاهر تنسم من اول وصاحب الكربريتر حط فيها ماده مثل الصمغ وقويه والحين تنسم هاذي اكثر وحده مثل ماتشوفون مكان التهريب لونه اسود واذا مسكته يكون مثل الزيت

وش الحل هلق اقدر الحمه؟

والسوؤال الثاني هل وزن الديلكو له شغل بصرفيه؟

الكربريتر شيء طبيعي يستخدموا فيه شويه ايبوكسي في بعض الاماكن
و شكله اللي عندك منتهي

سوي له اصلاح عند واحد فاهم
و الحركه اللي يقول عنها W351 انهم يربطوا الrod اللي يفتح الفتحات الخلفيه الكبيره بسيم فما يخليها تفتح كامله او ما يخليها تفتح اصلا طبعا يقلل الصرفيه واجد

يمكن الكربريتر اللي عندك حق ونيت او حق كابرس 79 و تحت
هالكربريترات تصرف بطبيعتها
لو كان كذا
ممكن تشيل الjet من كربريترك القديم و تحطهم في هذا
الجت هذا شي فيه فتحه صغيره تلاقيه في قاع الكربريتر لما تفتحه من فوق
لونها نحاسي او ذهبي يمكن اللي عندك حجمها كبير

نفس الشي ينطبق على الابر
اذا كانت الابر متينه بتقل الصرفيه و اذا كانت اضعف بتزيد

بعدين غير البواجي و اذا كانت سيارتك كربريتر اما يكونوا 45 او 46
و تاكد من الديلكو و هوز الفاكيوم اللي يروج له و الاهواز اللي تروح للكربريتر و تطلع منه :D

oil_HKS_lio
16-08-2004, 04:27 PM
الف شكر اخوي الارهابي على الرد

تقصد الROD الدعسه الثانيه يعني اذا سكرتها بيقل الصرفيه؟

طيب الJeT هاذا
تقصد هاذي شوفها الصوره

http://www.alsafa.net/vbb/pic/Dsc00386.jpg

او انك تقصد لما تفك غطا الكربريتر من فوق بكبره

طيب الابر شوف الصوره هاذي تقصد هاذي حقت القديم

http://www.alsafa.net/vbb/pic/Dsc00383.jpg

طبعا الصور هاذي من الكربريتر القديم علما انه الكربريتر كهرب هل عادي يعني لو غيرت الاشياء الي قلتلي عليهم واسمح لنا ان ثقلت عليك تحملني شوي

الارهابي
16-08-2004, 11:25 PM
الجت تشوفها لما تفتح صفقه الكربريتر اللي فوق

و في هالصوره في شي يدخل لاسفل الكربريتر و ماسكه مسمار مشرشر star هذا هو اللي يمسك الابر

http://www.alsafa.net/vbb/pic/Dsc00386.jpg

oil_HKS_lio
17-08-2004, 04:20 PM
طيب القطع للكربريتر الكهرب تنفع للكرريتر العادي نفس الشي؟

الارهابي
17-08-2004, 06:12 PM
بعضها مو كلها

الهاوي جروب
18-08-2004, 03:45 AM
السلام عليكم ورحمة الله وبركاته

انا عندي ثلاث مشاكل

نوع السياره صني 99

ماشيه 54 الف

اول مشكله لما تدوس فرامل وتثقل رجلك تحس شي يحك تررررررررق ترق رحت لمكانيكي قالي الهوبات يبغالها خرط خرطها ورميت الأقمشه مع انها جديده وركب غيرها اصلي نفس المشكله

وماادري من ايش

ثاني مشكله ظهرت لي في الأيام الأخيره صوت لما الف الدركسيون صفير سريع لما الفه يمين

زيت الدركسيون مشيك عليه



ثالث مشكله عندي لما اشغل المكيف وامشي احس حاجه مثل الصفيره يطلع صوتها ويختفي

بالنسبه لي انا مهتم بيها كل 3 الاف اغير الزيت والبواجي والفلتر

بالنسبه لزيت القير مااتغير وخايف اغيره يخربو فيها شغله

اسف على الإطاله بس فعلا موضوع رائع جدا جدا

W351
19-08-2004, 09:56 AM
اخي الكريم محمد العلي

با النسبه للصوت اللي يطلع مع البريك غالبا يكون من الهوبات لكن مع ملاحظة ( كلما خرطت الهوب

تقل سماكته وبا التالي كفائته ) فتلاحظ بعد الخرط يطلع معك هذا الصوت وغالبا يطلع بعد خرط الهوب

للمره الثالثه.

وباا النسبه للصوت يحدث غالبا في النيسان وهو من السيور غيرها وبيروح الصوت واذا كان يطلع في

البدايه شوي وبعدين يروح لاتعذب حالك خليه لما يستمر وغير بعدها السيور, وللتأكد صب مويه على

السيور اذا راح الصوت معناه انها تعبانه.

وبا النسبه لزيت الجيراذا كانت سيارتك جير عادي فما يحتاج انك تغيره تفحصه بس وتزيده اذا كان ناقص

اما اذا كانت اوتو فينصح بتغييره كل 40 الى 60 الف كيلو متر واقرأكتيب التعليمات اللي يجي مع

السياره واكيد انو فيه توصيات للشي هذا

MR.FOCUS
22-08-2004, 04:33 AM
السلام عليكم ورحمة الله وبركاته...
مشكور إخوي الفجر mtr البعيد عل المساعدات هذي أرجو تجاوبني على هذه الأسئلة...
السيارة فورد فوكس
موديل 2003
ودي أسوي فيها كم حركة تزيد من قوتها
وش تنصحني ؟


والسلام

SLR55
23-08-2004, 01:50 AM
ِشباب أبا أسألكم عن القزوز

لأني قريت أنواع وايدة
في للقومات وفي للخطوط

وفي X بايب و Y بايب

وفي كات أوت وفي أسامي غريبة


أبي حد بشرحلي كل أنواع القزوز وشو فايدة كل وحدة

والسلاااااااااام

الهاوي جروب
25-08-2004, 03:30 AM
السلام عليكم ورحمة الله وبركاته

اشكرك اخي على الرد

انا قمت بتغيير كامل السيور الثلاثه

من قبل اسبوع وهذي اول خرطه له والأقمشه جديده

ولكن نفس المشكله القير عادي

grandv8
25-08-2004, 05:04 PM
السلام عليكم ورحمة الله وبركاته

MR.FOCUS
تقدر تزود سيارتك على الخفيف
من:
فلتر هواء
شمعات
سيتم اكزوز
هدرز

تحياتي
:)

922
26-08-2004, 08:47 PM
السلام عليكم


يااخوان احد يقدر يشرح لي عمود التوازن وين


وهل الجلب تتغيير لوحدها


ومشكورين مقدماً

سام 6
31-08-2004, 02:52 AM
اخواني القى شغل عندكم بس كم تعطوني راتب؟؟؟؟:laugh:


صحيح انه ما عندي سالفة بالسيارات بس حبيت اقولكم عن رابطة مشجعي نادي الهلال السعودي وحي الله كل ال يتفضلوا ويسجلوا بالرابطة

durango
05-09-2004, 09:17 AM
بسم الله الرحمن الرحيم


السلام عليكم ورحمة الله وبركاته


السياره.

ميتسوبيشي ماجنا 2003 , V6 3500cc


و عندي عده مشاكل.....


اول شي انا مهبط الساره عن طريق قص الياي بمقدار لفتين...

و الان بدات السياره تطلع صوت باب قديم و مصدي.. من الناحيه اليمين فقط

و غير كدا....

عندي مشكله تحديد السرعه القصوى على 210 كم

و ابغى ازود على محرك السياره.......


افيدونا افادكم الله و جزاكم الله خير







EMO

RED Chevy
06-09-2004, 03:58 AM
السلام عليكم ورحمة الله وبركاته

هلا إخوي دورانجو...

الصوت مدري مالي بهالأشياء ومابفتي لك بالسالفة:D

تحديد السرعة هذي من الوكالة يفكوا البرمجة أو إذا حصلت برمجة لكمبيوتر الماجنا تقدر تفتحها...

والتزويد يعتمد على ميزانيتك وهل هو داخل المكينة ( يعنى شي جامد) ولا شغلات خفيفة بس مثل هدرزات وفلتر وووو؟

durango
06-09-2004, 08:40 AM
رد مقتبس من RED Chevy
السلام عليكم ورحمة الله وبركاته

هلا إخوي دورانجو...

الصوت مدري مالي بهالأشياء ومابفتي لك بالسالفة:D

تحديد السرعة هذي من الوكالة يفكوا البرمجة أو إذا حصلت برمجة لكمبيوتر الماجنا تقدر تفتحها...

والتزويد يعتمد على ميزانيتك وهل هو داخل المكينة ( يعنى شي جامد) ولا شغلات خفيفة بس مثل هدرزات وفلتر وووو؟

=========================================

الوكاله قالوا لو شلنا التحديد... السياره ما تشتغل.......(نصابين)


و التلغيم. الهدرز و الفلاتر مقدور عليها.

لاكن انا قصدي.

كامات او بكرات او كلتش او LSD

و سلامتكم




EMO

HaKeM
06-09-2004, 08:53 PM
أخوي دورانجو الوكالة كدابين

صاحبي معاه جالنت 2001 6 سلندر الطبلون يجيب ال260 بالراحة لمن راح صيانة الوكالة قلهم انه السيارة تصفي الطلبلون قفلوله الطبلون على سرعة 210

الوكالة تقدر تغير البرمجة :anger:

durango
07-09-2004, 05:34 AM
يالله ان شاء الله على صيانه 60 الف امتحنهم :banana:



شكرا يا حاكم العدل








EMO

mr_z
08-09-2004, 06:07 PM
أنا عندي تريل ما له هدرز من شركة تزويد معروفة غير كذا الانتيك(K&N) ما له فايدة كبيرة فلتر الوكالة أكبر و يؤدي غرضه و يا ريت يا شباب اذا في واحد جرب eram سوبر تشارجر و يقول لي انطباعه عنه وهذي صورته
http://www.electricsupercharger.com/site/eRam_main.jpg
و يا ريت لو أحد يعرف شركة AIRAID للانتيك و هل هي أفضل منK&N.
اسف للاطالة وشكرا.

الماضي القادم
09-09-2004, 02:03 AM
بسم الله الرحمن الرحيم
السلام عليكم ورحمة الله وبركاته
اولا الله يعطيكم العافيه على المجهود المبذول بهالموضوع .. بس اذا امكن عندي إستفسار بسيط اذا امكن ... في عندي صوت يصدر من مكان الإطار الأمامي اذا كنت ماشي على طريق غير مستوي .. انا غيرت الدرمات والسفايف وصحيح انا عندي مشكله بالشيالات لكن ما عرفت من وين هالصوت .. أتمنى حد يفيدني .. نوع السياره بي ام دبليو 535I
وشكرا

SLR55
09-09-2004, 12:48 PM
أخوي mr_z

أقدر أحصل eram في الإمارات ؟؟؟

لأني حصلته من النت بس ما أقدر أطلبه

:headshak:

mr_z
09-09-2004, 03:55 PM
ما أعرف الا في جدة في الامارات و الله ما أعرف

danjrous911
10-09-2004, 11:03 PM
السلام عليكم ورحمة الله وبركاته

عزيزي غيرت المكينة حق السيارة وبعدها طلع عندي خرابات مثل عدد شعر راسي وراسك واكثر شي قاهرني
لمبة التشك انجن
ما ادري ليش طلعت
السيارة
لومينا 96

Crower
11-09-2004, 03:24 AM
slr55: انته شكلك متوهق في تزويد سيارتك....... بوفر عليك التعب, مكينة سيارتك هي ال اس 1 ..
شوف الرابط التالي: http://www.ls1.com/forums/showthread.php?t=498439
بينفعك وايد

SLR55
11-09-2004, 08:27 PM
والله يا كراون

عايش بين نارين
ودي أدلع السيارة وودي أزودها وودي ألعب ووجي أخليها مثل الوكالة
أبا أسوي كل شيء وماعرف من وين أبتدي

على الأقل أتعلم

يعني أخر شيء ما بسوي شيء


:confused:


مشكور مرة ثانية

Crower
11-09-2004, 10:33 PM
اهم شي انك تقرأ و تدور معلومات, بهالطريقه تقدر تعدل سيارتك بدون ما تضرها, و ان بغيت اي شي حق سيارتك كلمني لان عندي مجموعه من الشباب في استراليا, بخليهم يدورولك شي, اهم شي دور معلومات قبل لا تسوي شي

SLR55
12-09-2004, 10:39 AM
في شركة عجبتني في إستراليا إسمها capa

وهذا موقعها http://www.capa.com.au

عندهم شغلات واااايدة حلوة يعني إذا فكرت أطلب بطلب منهم :rolleyes:

وزين إني حصلت حد يقدر يساعدني


ومشكوووووووووووور كراون على المعلومات

HaKeM
15-09-2004, 02:16 AM
أخوي Crower أبغاك تفيدني بخبرتك في تلغيم السيارات اليابانية تعطيني مواقع فيها قطع لسيارتي

ورأيك في افضل القطع الي تعطيني قوة عالية بدون ما أغير حاجات كثيرة بدون فائدة

التيربو والسوبر شارج التفكير بتركيبهم مستحيل لأنهم مكلفين

سيارتي افالون 2003 وابغى الغمها على خفيف اغير البكرات والبايب والكمبيوتر

أو اركب فينيوم واغير الحذاف والكلتش والبواجي واسلاك البواجي

محرك السيارة اسمه 1MZ_FE والقير ما أعرف اسمه

تحياتي

:rolleyes:

خليل أبو سمرة
17-09-2004, 01:26 AM
الحقوني يا شباب

http://www.arab3.com/images11/25224047.jpg

هذه حرارة السيارة في أحسن أحوالها

http://www.arab3.com/images11/83393823.jpg

وهذه بعد شوية لف و دوران بالسيارة

حتى اذا ما شغلت التكييف تبقى السيارة على حرارتها في أحسن أحوالها

شوفو شو سويت

شيكت على الريديتر و قالولي ما فيه شي (( احتياطا نظفته و حطيته مياه ريديتر خاصة ))

شيكت على المراوح و قالولي ركب برة مروحة كورولا و ما كذبت خبر

http://www.arab3.com/images11/37286100.jpg

و هذا الميكانيكي أثناء عملية التركيب

شيكت على الشمعات و بدلتهم احتياطا و حطيت بوش أصلي

شيكت على الزيت قالوا في صرفية خفيفة في الزيت و السبب هو راس الانجيكترات

يا خبراء المشاكل العويصة أفيدوني الله يخليكم

السيارة هي مرسيدس 280 اس اي موديل 1986 شو الحل

على فكرة في الزحمة التكييف ما يبرد كثير ,,, بس والسيارة ماشيه يكون ممتاز (( نوعا ما ))

شكرا مقدما

خليل

grandv8
18-09-2004, 10:46 PM
السلام عليكم ورحمة الله وبركاته

حبيب خليل
اخوي موديل المرسيدس فصل له راديتور كبير واربع بيبات.
غير ثرموستات الحرارة.
جوف دوران المروح بطئ ولاسريع يمكن عشان كلاجات المروحة او برينغ تعبان ماتدور المروحة زين.

تحياتي لك
:)

ميكانيكي
20-09-2004, 03:07 PM
واحب اضيف ان موديلات الثمانينات من المرسيدس مشهورة كثير بارتفاع الحرارة وهذي مشكلة معروفة في هذي الموديلات بالتحديد
واعرف بعض الناس عملوا راديتور تفصيل وانتهت المشكلة تقريبا
وعندنا في الدوحة محل متخصص للمرسيدس يقول لك ان حتى لو وصلت الحرارة الى مئة درجة فلا خوف لان المرسدس مصنوع كذا
اما اذا ارتفعت الى اعلى من هذا فهنا المشكلة
يعني الحرارة في الصورة الاولى طبيعية ياخوي
اما الثانية تحتاج شوية فحص :think:

oil_HKS_lio
24-09-2004, 08:58 PM
مالك الا تفصل لك رديتر حبذا 5 صفات

خليل أبو سمرة
27-09-2004, 03:31 AM
أثناء الفحص تبين أن الريديتر الموجود على السيارة ( 3 عيون ) أو 3 صفات

و قالي الميكانيكي ان احتمال يكون في وسخ من داخل المكينة عند مرور الماء و هو اللي يرفع الحرارة

يا شباب السيارة هلكتني في الحر

المشكلة ان المكيف ممتاز ,,,, بي بعد ارتفاع الحرارة يقل تبريده كثير

ارجو المساعدة ؟؟؟؟؟؟؟؟؟؟؟؟؟

شكرا لكل من رد علي و نصحني

خليل

HaKeM
27-09-2004, 03:44 AM
أخوي Crower

أنا بإنتظار ردك على طلبي

تحياتي

grandv8
30-09-2004, 06:17 PM
السلام عليكم ورحمة الله وبركاته

اخواني الكرام الي يبغي يسأل عن اي سؤال مكانيكي او فني انا بنزل او احد من الشباب ينزل عن مواضيع مكانيكية وهذا وصل حده من الاكتقاء وجزاكم الله خير الجزاء.
وكل من ساهم ورفع وعبر عن رأيه او خبرته بهذا المجال.

تحياتي لكم
محمد
:D

japan
01-10-2004, 10:56 AM
اشكر كلن من تعاون في هاذا الموضوع

durango
15-10-2004, 07:00 AM
بسم الله الرحمن الرحيم


السلام عليكم ورحمة الله وبركاته


اول شي ... كل عام و انتم بخير


المهم.. سيارتي فيها رجه غريبه جدا.. على سرعه 50 احس كان الكفر كوره سله تنقز على السفلت..


رحت لواحد في ينبع سحبلي المقص الامامي (علما بان الرجه من الكفر الامامي الايمن)


و ما نفعت.

و اللي قالي ترصيص , رصصنا و مافي فايده..


و اللي يقول ترصيص ارضي.. و اللي يقولي العكس و اللي يقول الكمر..


و محتاااار.


و قلت نستشير اعضاء المنتدى يمكن ابيع السياره و اخلص ( امزح )


تكفه يا شباب اللي عنده فكره لايبخل علينا...



(السياره ميتسوبيشي ماجنا 2003 )



السياره فيها حذفه لليمين و الكفر يمسح من الداخل..


و الكفر الامامي الايمن راجع بمقدار 1.5 الى 2 سم (متاخر)

الكفرات كلها سليمه... و عشان اقتنع بدلت الكفر الامامي مع الخلفي..


و ما زالت الرجه في محلها..






EMO

بروكسي
04-09-2005, 04:46 AM
مشكور على الموضوع القيّم

مشكلة سيارت اخوي عنده SE 300 مرسيدس مديل 91

اذا نزلت الزجاج حق السائق والسيارة تمشي تشم ريحة كربون وخصوصا اذا اسرعت

لكن اذا سكرت الزجاج ماتشم ولا شيء

سوينا لها تصفيه وبدلنا كل شيء

بخاخات- بلاكات- قايش - فلتر بانزين - فلتر هواء

مانفع

بالاخير غيرت مجمع البخاخات الي يطلع منه بايبات وتروح للبخاخات الي راكبه على الماكينه

كذلك مانفع

وكل الميكانيكيين ماعرفوا لها حل

ياليت اعرف وين السبب؟

انا عندي SEL 560 ومافيها العيب هذا

HaKeM
04-09-2005, 05:33 AM
الموضوع قديم

أخوي دورانجو الرجه موجوده لليوم؟؟

أعتقد والله أعلم أنك تغير مسامير تثبيت المساعدات الأمامية واذا غيرت المساعدات بالمسامير تكون أفضل

لأنه هذي المشكلة عندما كانت لدي حذفة في السيارة وعندما طلبت من الشركة اصلاح المشكلة قاموا بتغيير مسامير المساعدات بمسامير أخرى مختلفه قليلاً عن الأصليه تبع بلدها وصارت رجه قويه في السياره والحذفه لاتزال موجوه واكتشتفت تغيير المسامير في احدى البناشر