استفسار من خبراء الجيوب

[M.A.M]

السلام عليكم
ياشباب واحد من الشباب طلب مني اسأل له عن البرادو
التويوتا برادو موديل 2004 هل يوجد منه نوع خليجي ؟؟
والرجال يبغا يشوف اذا موجود في الامارات او اي دولة خليجية واهم شي يكون مواصفاته خليجية ولونه ابيض وديزل فماادري اذا كان احد عنده خلفية عن الاسعار والمواصفات المطلوبة
ومشكورين مقدماً
تحياتي للجميع

[922]

السلام عليكم

برادو خليجي موجود عند البازعي

طبعاً ما نزل الديزل في السعوديه ويمكن في المعارض

والاسعار 109 الى 125 حسب المواصفات


المحرك الاساسي / 2.7 ليتر ، 4 اسطونات ، 157 حصاناً
المحرك الاختياري / 4 ليترات ، 6 اسطونات ، 254 حصاناً

علما بان مكينه ال 4 سلند نفس مكينه الهايلكس

والديزل سعه 2.8 لتر 4 سلندر بقوة 94 حصان

ان شاء الله الشباب يفيدونك

[M.A.M]

مشكور اخوي 902 وماقصرت
بس بصراحة انا انصدمت من الأسعار :shock2:
لكن المشكلة الرجال يبغى ديزل ... يعني اهم شي يكون ديزل وخليجي وهنا المشكلة ان البازعي على كلامك ماعنده ديزل :(
بانتظار اهل الجيوب
ومبروك اخوي 902 على الاكورد مرة ثانية .. وأهلاً بالصفر اووووه قصدي بالأكورد :D :D
تحياتي ..

[M.A.M]

ياشباب ياليت اللي عنده المعلومات المطلوبة يساعدني
ومعقولة ماتكرم بالرد الا 902 !!!
تحياتي ل 902
واتمنى المساعدة والرد
تحياتي للجميع

[TOP-SECRET]

والله اخوي ماقدر افيدك اكثر من الاخ 902 لكن البرادو فيه مميزات كثيره جدا وتقربا مثل مواصفات الاندكروزر فل اوبشن وعندنا في قطر ب119 يجيك خشب كامل وفتحه وجلد وبراد (ثلاجه) مممممم وريموت حق الابواب:D ورنقات اعتقد 17:think: بشكل عام روووووعه

[الأنصاري]

والديزل سعه 2.8 لتر 4 سلندر بقوة 94 حصان :shock2: :shock2:
والبترول 2.7

محركات 4 سلندر على البرادو بالنسبة لي فاشلة جدا اول شئ محرك الديزل ما جاب قوة محرك الإيكو
ومحرك البترول 4 سلندر هو محرك الهايلوكس وين يشيل طنين ونص

وفوق هذا كله الأسعار غاليه جدا

المحرك الممتاز هو محرك 6 سلندر بس لاحظ ارتفاع سعره لدرجة انه يصير قريب من سعر الاندكروزر

[M.A.M]

مشكورين ياشباب وماقصرتوا
وبالنسبة للبرادو انا كنت متوقع ان اسعاره بهذي الحدود وبالذات في قطر لان معروف التويوتا كله في قطر مرغوب وغالي
لكن اللي مستغربه ان اللي موصيني يقول شايف واحد سعره ب 94000 ريال !! وهذا اللي خلاني استغرب صراحة
وعلى العموم تسلمون على ردودكم
تحياتي للجميع