فضيحــة كيــا اوبيــروس 2004 !!! ياللعجب

[أكورد]

السلام عليكم ورحمة الله وبركاته

يوجد في موقعي قسم خاص لفضائح وكالات السيارات بالسعودية

وعدد الرسائل الي أستقبلها من المتضررين كثيرررررررررة بس ماألحق أقراها كلها بس هاي الرسالة الفتت انتباهي



السلام عليكم ورحمه الله وبركاته

أنا اشتريت سيارة كيا أوبيروس 2004 Opirusالجديدة ومن أول ما اشتريتها وأنا أسمع
أصوات في الأبواب (طقطقه) وذهبت بها إلى وكاله الحاج علي حسين رضا للصيانه في
الرياض طريق خريص لكي أصلح المشكلة ومع ذلك لم يتم إصلاح المشكلة مع العلم أنني
ذهبت بها أكثر من أربع مرات لنفس المشكلة ومع ذلك لم يتم التعامل معي على الوجه
المطلوب .
والمشكلة الاخرى هي عندما عزمت على شراء السيارة قالوا لي هناك ضمان خمس سنوات
مجاناً لاحظوا أنهم يقولون (مجاناً) ففي الحقيقة هذا كلام غير صحيح فأول مره ذهبت
بها للصيانة الشاملة وهي 1500 كم صحيح انه مجانا لكن عند المره الثانية 5000 كم
يقولون لي ادفع 150 ريال 75 للغيار الزيت والسيفون وال 75 أجور عمال . وعند سألتهم
عند الصيانة القادمة كم سأدفع من المبلغ قالوا لي تقريباً 500 ريال!!!! تشمل صيانة
شاملة وتربيط الماكينة . ليش ؟؟ السيارة بعدها جديدة . طيب ما علينا وأجور العمال
؟؟؟
أنا المسؤل في دفع أجور العمال ؟؟!!!
هل العمال تحت كفالتي أو موظفين عندي ؟؟!!
إذن لماذا يقولون القيمة التي تدفعها هي للصيانة وأجور العمال ؟؟؟
في الأساس لماذا يكذبون علينا ويقولون صيانة 5 أو 3 سنوات مجااااناً

في الحقيقة أنا انصحكم بالأبتعااد عن كيا لكي لا تواجهون ما واجهته من المتاعب
والكذب وسوء معاملة العميل !!!!

تحياتي لكم


والي يبي ايميل الرجال يخبرني عشان اذا عنده اي استفسار

[X_RaYs]

الله يعينك ..

:damp:

[opel005]

اخوي بالنسبه للزيت والسيفون هذه كل الوكالات كذا نصابين الزيت السيفون عليك وغصبن عليك تدفعها .. اما بقضية اجور العمال انا معك صحيح وش دخله باجور العمال ... لكن اللي حبيت اقوله انه لا تصدق اي وكاله ابدا بقولة مجانا .. هذه شلها من راسك انا عن نفسي الجميح اكبر وكالة نصب في العالم دخلتها كم مره للصيانة وخذو علي فيها فلوس حتى اجور العمال خذوها علي تخيل قلت لهم ابغا تشوفون لي السيارة مايله كانت على يمين من اثار مطب قوي كانت يمكن مشكله من المساعد او الياي .. راحوا لعبولي بالانوار وعفسوها لي خربوا علي وزنية الشركة الاصليه تجي تشوف النور كنه رافعه على طيارة فووق :D واخرتها يوم جيت ولا معطيني فاتورة وفيها تعديل الانوار وحاسبين علي عليها اجور بعد .. طبعا فاتور ضمن مجموعة اشياء .. فاقولك يعني باختصار لا تفكر بكلمة مجانا الا بالنسبه للقطع بس هذه اللي عليها الضمان اتوقع من واقع تجربه اما اجور لا تحسب عليك .. وبالنسبه للحاج حسين من خلال ما اسمع معاملتهم جيده نوعا ما ولا سمعت احد يشكي كثيير ...
عموما مانطول عليكم .. ( بعد ايش :D )

تحياتي ...

[HaKeM]

كل وكالات السيارات في السعودية شغلها واعلاناتها وعقودها نصب * نصب

:black:

[القرن الجديد]

كل الوكالات كذا


وان تغيرت سياساتها


افضل شي ان ماتروح لهم الا عند اول 1000 كم

و 60000 كم عند نهاية الضمان
.

واذا كان الضمان 100000 كم

رح عند 50000 كم و 100000 كم


والفلاتر الفحمات الله يخلي الورش غيرها على الكاتالوج

[Dentist]

رد مقتبس من القرن الجديد
كل الوكالات كذا


وان تغيرت سياساتها


افضل شي ان ماتروح لهم الا عند اول 1000 كم

و 60000 كم عند نهاية الضمان
.

واذا كان الضمان 100000 كم

رح عند 50000 كم و 100000 كم


والفلاتر الفحمات الله يخلي الورش غيرها على الكاتالوج


نفس اللي سويته بسيارتي بالظبط :D

[الأنصاري]

:think: اعتقد الوكيل لازم يهتم اكثر

[oil_HKS_lio]

لاازم يكتبون مجاناا ومن هاذا القبيل على شان يمشون البضاعه:D والناس بسرعه تصدق مثل الجميح اشترو يوكون وسوبر بان وانفوي واحصلو على قسائم بقيمه 4000 مجانيه الا هي زايدين سعر في السياره

وش قالو الصيف وهج والعرض ثلج ههههه

[silver]

أكورد
-----------
إلي فهمته من الموضوع إن العيب مو من السيارة نفسها ... العيب من الوكالة :)

وسالفة الأبواب والصوت كان جرب يحط زيت على الأبواب

ليش الناس تعمل من الحبه قبله


:headshak:

[HSV-V8]

هههههههههههههههههههههههههههههه .... مسكين صاحب الرساله



مايعرف الفرق بين ( ا لـــضمــــا ن و ا لـــصـــيـانــة )

وزارة التجارة تجبر كل وكيل في السعودية( بضمان) سيارته المباعة .. و ليس الصيانة !!

بالنسبة الصيانة .. فبعض الشركات تقدم الصيانة مجانا لفترة محددة مثل كاديلاك...



بــــــــــــــس هذا الي عندي :glasses2:

[محمد دريهم]

كل السيارات كذا..


ضمان ..على القير والماكينه..


خخخ..


لو السيارات صيانتها مجانا..كان ياسلام..


شكل صاحب الرساله

اول مره يطلع سياره وكاله

[HSV-V8]

اووووووووه نسيت اقول شي مهم ... اغلب الشركات اذا ماكنت منتظم معاهم في جدول الصيانة ... فالضمان راح يتكنسل تلقائيا ...


:headshak:

[RED Chevy]

رد مقتبس من KING_V6
كل السيارات كذا..


ضمان ..على القير والماكينه..


خخخ..


لو السيارات صيانتها مجانا..كان ياسلام..


شكل صاحب الرساله

اول مره يطلع سياره وكاله

أول مرة أتفق معاك بشي:D

وأصلاً لاهي فضيحة ولاشي ماشفت فضيحة:D مافي عيب بالسيارة قاله الريال:damp:

( لاحظوا RED يدافع عن الكوري):eek:

[عباس المفك]

يا الربع وش دخل الضمان بالصيانه ؟؟ فيه فرق بين ضمان السياره وبين صيانتها
ومثل ما قالوا الاخوان لو الصيناه ببلاش يا سلاااااااااام :shock2:

[M5]

أكورد

واحد من الشباب اشترى كامري 2003 وطلع فيها صوت غريب راح وداها الوكاله وقالوا ما نصلحها على الضمان .. انت تتحملها .. المهم الرجال صلح السيارة وباعها على طول واشترى سوزوكي ليانا

و بعدها صار يفضح الكامري وينصح كل واحد انه ما يشتريها


اللهم لك الحمد والشكر :headshak:

[ابو كثير]

شكله راعي الاوبيروس وده حتى البنزين يصير على الوكاله :laugh:


رد مقتبس من M5
اللهم لك الحمد والشكر :headshak:


وعليكم السلام ورحمة الله وبركاته

[أكورد]

شباب

أنا كلمت صاحب السيارة

وقال لي أنو تحسف انو شرى السيارة

قالوا له المكينة يبي لها شد :confused:

وبخصوص البيبان راح أربع مرات ولا سووا له شي

:think:

[أكورد]

هو بشكل عام يشتكي من الوكيل

بس هم في السيارة مشاكل

[Third Eye]

رد مقتبس من M5
أكورد

واحد من الشباب اشترى كامري 2003 وطلع فيها صوت غريب راح وداها الوكاله وقالوا ما نصلحها على الضمان .. انت تتحملها .. المهم الرجال صلح السيارة وباعها على طول واشترى سوزوكي ليانا

و بعدها صار يفضح الكامري وينصح كل واحد انه ما يشتريها


اللهم لك الحمد والشكر :headshak:

وأنا كمان عندي كامري وما أنصح أحد يشتريها

ما في ABS

ما في إيرباق للراكب الأمامي حتى الموديل الجديد

قماشات كل شهرين تغيرها فين يحنا!!!