نظرية فيزيائية حمتي من مخالفة سرعة أكيدة

[أكورد]

مراااااااااحب

قبل فترة صارت لي هاي السالفة

المهم....

وأنا رايح الظهران الصباح في خط الدمام الأحساء وجاي من الحسا

شفتوا مركز أمن الطرق الي قريب من كبري المدينة الصناعية

قبله في محطة بنزين الي قريبه من برج مدري حق شنو بس فيه خيام جنبه

المهم كنت مشوت وفي رادار متلبد وراء لوحة ارشادية وتأكدت انو صادني

رحت وقفت جلد قبل الحاجز الطويل

لمدة ثلث ساعة ولا كامري زي لوني وموديلي مرت عشان أمش وراه

مرت جميع الألوان بس لوني مامر

الظاهر لأن نيتي شينة
:D

زهقت ومشيت

ومابقى دعاء ولا آية الا قريتها

ووصلت عند النقطة وقال لي وقف وكلم بالجهاز سيارة الرادار وقال له انو في صدمة في السيارة

مسكين الرجال قعد يحوس ويدور على ولا لقى الصدمة وقال رح ماعليك شي

:banana:

استغربت كثيررررررررررر

لأنو الي عندي طعجة خفيفة في باب الراكب الأيمن

كان معي خالي وتخصصه فيزياء

قالي هذا نتيجة انعكاس الشمس على الطعجة والرادار شافها كأنها صدمة قوية

:shock2:

يالله الهمة ياشبااااااااااااااااااب :eek:

كل واحد يجيب مطرقة ويفرقع سيارته من الجنب عشن ماتجيه مخالفات

:D :D :D :D :D


----------------------
وبالمانسبة على طاري الرادار

مرة صادني رادار شركة الاسمنت الي بالاحساء في رمضان

وظليت ساعة الا ربع في المحطة أستنى زي سيارتي تمر ولا مرت :glasses2: :(

ولين ملييييييت ، مشيت وطلع مافي تفتيش

:mad: :mad: :shock2: :shock2:

لين قلت حق الشباب مسكوني طنز

[محمد دريهم]

اااه ياخوي اكورد..



<<<مسكين يداوم كل يوم من الجبيل الى الدمام..


بالنسبه لي حفظت محل الرادار اذا قربت منه اهدي الين 120 ...وعايش حياتي الحمدلله..


يمكن علي بس مخالفتين سرعه..


الله يكون في العون

[كرمبع]

من صدقك انته انجيب مطرقة ونضرب عالسيارة علشان مايصيدنا الرادار؟؟؟!!!!


مايسوى علينا الصراحة ومابنسرع مش مجبورين وبعدين الرادار خصص لردع السرعة وموجه خصيصا للطائشين..


والسلام عليكم..

[RED Chevy]

:think:

شي جيد:D بس نكسر سياراتنا:headshak:

إذا هاللون الحسيار اللي بتخسرها على التصليح أكثر من مخالفاتك ومخالفات الشرقية كلها:D

[uae speed]

هلااا

الرادارات هني عندنا في الامارات ثابته .. يعني حافظين اماكنها عدل :D و الحين قاعدين يحطون رادارات ديجيتل جديده .. خاصة في جميرا
اذا مثلا صورك الرادار .. على طول تروح الصوره لقاعدة بيانات المرور في دبي :Sad2:

بس في الشارقه وعجمان .. يتفننون عدل :D مرة يخشونه ورى عمود الليت .. ومرة يحطونه داخل سيارة كامري بودبه .. يحطونه في الخلف على الزجاج الخلفي .. :D ودبي احيانا يسون نفس الحركه على كورنيش الممزر يوم الخميس بالليل .. الشباب شغااااالين هناك ريسات :D

بس تفتيش ما عندنا في دبي أبداً ! ناااااااااادر جدا .. يمكن ايام المناسبات والاعياد بس ..

اما في الشارقه .. شرطة الانجاد على اي دقه يوقفونك .. ماشي شغل :D المهم حبيت اسولف وياكم شوي .. والسموحه :glasses2:

[عمرTarga]

يالطيب انتوا عندكم بالسعودية رادارات

احنا بالكويت حاطين عندنا مليون كاميرا:mad:

الي مافي شارع تمر تمشي فيه الا فيه كاميرا

والمشكة انها تخالف حسب السرعة

أقل شي 15 دينار أي حوالي 800 او 900 ريال على الماشي

قهر والله:mad:

[RED Chevy]

رد مقتبس من عـــــمـــــر
يالطيب انتوا عندكم بالسعودية رادارات

احنا بالكويت حاطين عندنا مليون كاميرا:mad:

الي مافي شارع تمر تمشي فيه الا فيه كاميرا

والمشكة انها تخالف حسب السرعة

أقل شي 15 دينار أي حوالي 800 او 900 ريال على الماشي

قهر والله:mad:

أفا ماتطورتوا:D إحنا المرور ماتوا ويا الكمرات:D مرة يبوقونهم مرة تحصلها محروقة:D

صحيح المرور يطلعون جيمتها وأكثر لكن لين تشوف كيمرة محروقة تنستانس وتدعي للي حرقها:D ولا تقرى خبر بالجريدة بالبنط العريض:

سرقة كاميرا من الموقع الفلاني:D

وترى المخالفات عندكم أهون منا إحنا أقل شي 25 دينار:mad: ويام ناس سبوا ولعنوا بهالكيمرات:D

[Dreams_Maker]

15دينار..حدود 200ريال مو 900ريال :rolleyes:

بس الحمدلله انا الخط اللي امشي فيه من زمان شايلين الرادارات اللي فيه... خط التقنية :D

ومع تحياتي

[uae speed]

والله انكم أهون عنا :(
مخالفة الرادار في الامارات 200 درهم ..

==>> خلوا هالمخالفه على صوب .. وشوفوا اللي تحت :

هالايام عاد حاطين لنا قانون يديد .. اللي يتجاوز الخط الاصفر .. غرامة 400 درهم + سحب الليسن + حجز السيارة شهر + وضع 6 نقاط سوداء على الليسن !

واذا وصلت الـ 12 نقطه في الليسن .. يسحبونه عنك .. وتعيد تقديم التراي على الليسن ! ويصعبونه لك بعد .. عشان تتأدب صح :D

تخيلو !

تبون الصراحه .. انا أكلت هالمخالفه .. بس الحمدلله طلعت حرف الواو وكنسلت الحجز والنقاط السود .. بس دفعت المخالفه 400 درهم :(

[STS4ever]

اول مره اعرف هالنظريه جديده علي يعني في حلول غير انك تكسر السياره

بس

عااادي عااادي جدا من جنود الثانوي

صار مع خويي موقف انه كام ماشي من رادار وهو ماشي تقريبا 130 المهم قال بجرب واوقف ربع ساعه وامشي ويمكن ينسوني المهم سيارته كامري يعني مليون كامري تمر المهم شغل بعد ربع ساعه ومر من عند التفتيش قال تفضل !! انواع الضحك دق علي وهو يضحك من الموقف

المهم قدر الله علي وكنت داعس مع لومينا ومرينا من الرادار وانا ماشي 220 اذا مو ازود الا واناظر الرادار قلت ياولد جرب طريقة خويك يمكن تضبط ( السياره اس تي اس ولونها معروف يعني من جد لو اقف يوم وامر من عندهم المفروض يوقفوني ويعرفون السياره ) المهم وقفت 10 دقائق وطفشت قلت يالله بكيفها مخالفه مخالفه ولا هالانتظار وامر الا ويقول تفضل خخخخخخ عاد انا من يومها ماسح يدي من جنود الثانوي

فعادي ترا كل شي يصير من حبايبنا ههههه

سلام

[Crackjas]

مخالفات السرعه عندنا بالكويت على حسب
اذا الحد الاقصى للسرعه 80 وماشي 100 ما تصورك الكاميرا الى 120 عاد يصكونك مخالفة ب35 دينار يعني 450 ريال
واذا 120 وماشي 150 تصورك والمخالفة 40 يعني 500
واذا طايف الاشارة الحمرا 50 دينار
واذا يبون يحطون رادار يحطون سيارة قديمة مفتوح كبوتها والرادار حاطينه بمكان مخفي
وبعض المرات اشوف كاميرات متنقلة بجيب دايهاتسو او جيب كيا حمرا:laugh:
وفلاشها حمر تعمي العين:D

[مجنون بورش]

اليوم اخذت مخالفة على طريق جدة مكة:cry: :cry: :cry:

انتو كيف تعرفوا الرادار؟؟؟؟؟؟؟؟؟؟:damp:

[VIPER GTS-R]

ههههههههههههههههههههههههههههههه

بصراحة موضوع حلو بس لو تلاحضون كل بلد لهم نضامهم الخاص في المرور عندنا بالسعودية الرادار لازم يكون في دورية وفيها جندي عشان يخبر نقطة التفتيش عن السيارات المخالفة بس صعبة يحطونه في سيارة ومافيها احد :damp: ..

الكاميرات عندنا بالرياض موجودة بس اعتقد انها نصب مركبين وحدة بالدايري مرة تشتغل ومرة لا ومكانها معروف ...

انا يوم كنت في باريس استغربت عندهم الرادار وقبل ما توصلهم يصيدك الرادار يعني الشرطي عند الاشارة ومعاه الجهاز ويصيدك قبل ما توصل للاشارة لان الرادار عنده مثل العدسة ما ادري شلون شكله غريب المهم لما توقف عند الاشارة يجيك ويحرر المخالفة :cry:

انا اكلت مخالفة سرعة على طريق القصيم تخيلو على الطريق 3 رادارات وانا اعرف حركتهم اذا مريت من تحت الكباري اهدي عشان الدوريات يترصدون بعد الكباري المهم اول واحد كنت ماشي 180 وامداني اهدي الى ال 110 تقريبا والثاني نفس الكلام لاكن الثالث هو اللي قهرني شفته بس ما كان على المسار اللي انا فيه كان بالجهة الثانية وانا شايفه من بدري بس قلت اكيد انه على الطريق الثاني ولما وصلت النقطة اخذت قسيمة ...

على فكرة حركة الوقفه قبل التفتيش مفيدة يعني احتمال 80 تمشي عليهم :banana: ..

تحياتي

[Qatif_Altima_Hks]

والله بلاوي الرادار

مره كنت رايح الكويت مع خالي وصدفه واقفين عند الاشاره

الاواحد كويتي مطلع شوزن من النافده وشلخ الكيمرا:D ولاشفنا اله اثر

وسيارته كانت كومارو 99:eek:

[الشبابي]

احمد ربك وصلي ركعتين شكر ...












اخوكم الشبابي

[ACCORD-V6]

اذا وقفت وكلها واحد غيرك
يجيك يوم تأكل مخالفة غيرك

من حفر حفرة لاخيه وقع فيها
واللي ماترضاه على نفسك لاترضاه على غيرك

[ACCORD-V6]

رد مقتبس من عـــــمـــــر
يالطيب انتوا عندكم بالسعودية رادارات

احنا بالكويت حاطين عندنا مليون كاميرا:mad:

الي مافي شارع تمر تمشي فيه الا فيه كاميرا

والمشكة انها تخالف حسب السرعة

أقل شي 15 دينار أي حوالي 800 او 900 ريال على الماشي

قهر والله:mad:

هلا والله بالاخ عمر

على الخطوط تلقا رادارات
لكن في وسط البلد الرياض مليانه كميرات صغيره تسجل سرعتك قبل ماتوصلها مب اذا تعديتها
لكن هل ابتدو في تسجيل المخالفات بهذه الطريقه والله ماادري
وفي مره من المرات ظهر مدير المرور في التلفزيون وكان معه نفس الكميرا وعرضها للمشاهدين ولونها اسود وعرض صور سيارات بالكمبيوتر حقه التقطتها الكاميرا وحده مرسيدس كان يمشي اكثر من 240

وقال ان الكميرات قد تكون مخبأه في مكان ما او في سيارة دوريه واقفه وقفه عاديه
او في دراجه نارية طبعا حقت الشرطه

لكن هل هذا تخويف ام انه واقع الله اعلم

بعدين قديمك نديمك الرادار:D :D :D



15 دينار يمكن تساوي قرابة 180 ريال مب 800
لان اللي اعرفه ان الدينار يساوي 12 ريال تقريبا
الا اذا صار تغيير ماادري

[BUIKE83]

غربل الله ابليسك فقعتني من الضحك



على العموم مشكور على النصيحة


:D :D :D :D :D :D :D

[دكتور / مجنون]

بالنسبه للشرقيه .. احيانا الرادار يكون فوق الكوبري ..

انتبهوا .. هذي الايام صايرين اذكياء حبتين

[بوخالد]

والله الرادار في الامارات عندنا بالهبل
خصوصا دبي ويوم اكون راد من بوظبي
يا اما اشوف ذاك الكامري بودبه الاخضر
ولا الي لونه كشميري واقف حاط الرادار

واذا مسك الرادار على 180 عليها مخالفه 400 درهم في كل الامارات
الا باستثناء بوظبي عليها محكمه وسجن وحجز وغرامه

وفي الشارجه الرادار يزخك على 80

وفي عيمان الرادار يزخك على 60

وفي كرنيش الفجيره الرادار يزخك على 40:laugh: :laugh: :laugh:

والسمووووحه