من 560 الى 735I

[LOVE SS]

بسم الله الرحمن الرحيم


السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

بعد تجربة ال560 لفترة تتعدى الستة اشهر

وجدت فيه :D قوةالعزم ورساوةو عاليه بالطريقة وثقل في دريكسون السيارة وهذا موجود بكل سيارات 560

المهم بعناه والحين بشتري BMW

ولقيت لي BMWوارد المانيا بطاقة جمركية
حجم 735I
انوار زينون
وجير عادي اتوماتيك
وحساسات
وسيدي
وسجل وكالها
وجنوط حجم 19 انش
داخلي مخلي رصاصي وخارجي كحلي على دخاني
وفتحة هذا مارأيت من مواصفات
غير مجدد
الموتر نظيف
ومثبت سرعة وتحكم بالمسجل عن طريق السكان
والسعر 45 الف
السيارة لونها وجنوطها مثل هذي
http://www.q8car.com/newq8car/Assets/Images/car_images/C20575.jpg
لاكن هذي L
مارأيكم انا انسان مقبل على المرحلة الجامعية
واتوقع ماكينة 735 ستة سلندر وهذا اوفر لي من 560 :)
وبنفس الوقت الموتر شبابي وخفيف
هل تنصحوني به ام ابتعد عنه :)

وهل هو افصل من S320
موديلات من 91 ال95


والسلام عليكم
ورحمة الله وبركاته

[HAMANN.de]

اولا اخوي ال735 8 سلندر مب 6 كانت عندي وحده 735IL اخذتها من عند شايب قبل 3سنين وكانت ماشيه 52000 وتمت معاي سنه ونص وبعتها وهي ماشيه 145000 ولا اشتكيت منها ابدا واحب اوظلك ان انا مع سيارات ال BMW من سنه 2000 الين اليوم وماعندي نيه ابدا اني افظل المرسدس عليها واذا السياره نظيفه توكل على الله

[خليل أبو سمرة]

اذا السيارة عاجباك و داخلة مخك فتوكل على الله و خذها و لا تسمع كلام أي حد عشان لا تجي بعدين تندم و تقول يا ريت أخذت السيارة كان ألحين أنا وين

و بصراحة السيارة بالمواصفات اللي ذكرتها و السعر اللي ذكرته ممتازة جدا ماشالله

ألف مبروك مقدما

خليل

[المميز]

بسم الله الرحمن الرحيم
السلام عليكم ورحمة الله وبركاته

أولا أذكرك بالإستخارة حتى لو كنت مقتنع بأي حاجة فلا بد من الإستخارة.
ثانيا : أنا جربت مثلها موديل 98 لمدة 9 أشهر وما شاء الله رائعة وراسية وجميلة الشكل وبالنسبة لي أنا أفضل جميع البي ام دبليو على المرسيدس (اللي يخدمه اسمه فقط)...
أحد الأصدقاء يقول لي ..... كنت أتوقع ان البي ام لما تشتريه ماراح يكمل شهر معي سليم من كثر ماسمع عنه؟ طبعا هذي نظرية خاطئة وربما ان حصلت فهي نادره جدا... ولما شراه واستخدمه تغيرت عنده النظرية تماما والى الآن يستخدمه...
أما واحد يقول لي ان البي ام زي الددسن في الصبر بس حافظ عليه...

هذا ما لدي والله أعلم...

[الأنصاري]

والله مادري ايش اقولك يا الحبيب بس استخير وانشاء الله تتوفق

[LOVE SS]

مشكورين اخواني على ردودكم ماقصرتم

لاكن اخوي HAMANN 5.0
735i وش الي يفرقه عن 740

هو 8 سلندر يعني الفرق بقوة العزم...
===========================

بس ترى الموتر بدون شاشه ...


هل فيه نصائح كم عملية الشراء بالفحص

لأن المنطقة الي انا فيها مافي فحص كمبيوتر

وفحصي للالماني هو اخلي السيارة لين تحتر وادعس لها واشوف فيه دخان ازرق او لا والجير امشي لحد 200 واشوف فيه شي يبين ولالا :D

هذا الي دايم اسويه فيه نصائح

وشاكرين لللردودكم ولكم مني اطيب تحية
والسلام

[DodgE]

احد الأصدقاء كان عنده 735i موديل 95 وارد المانيا اول مستخدم لها بعد المانيا

السياره مشكلته بشغلات كثر يصلح شي يطلع شي الحين باعها
غير كذا السياره لو مافيها مشاكل ونضيفه ماينقال عنها شي موتر حلو


تحياتي

[HAMANN.de]

اسف على التاخير ادري اخوي وارد المانيا اغلبه يجي بدون شاشه وفتحه حديد والحجم مايكون لارج 735i

شوف الBM ميزتها حرارتها ثابته على النص ماتتحرك ابدا الا اذا في مشكله
والقير ...اسرع في السياره واترك البنزين مره وحد شوف في ظربه او شي مب طبيعي
اهم شيين اخوي في لسياره القير والمكينه
مادري اتعرف حركه الطبلون اللي تحرك فيها كل العدادات وتشيك على الكمبيوتر ول لا المشكله صعبه شوي ودي اعلمك اياها اذا ماتعرفها

[LOVE SS]

رد مقتبس من HAMANN 5.0
اسف على التاخير ادري اخوي وارد المانيا اغلبه يجي بدون شاشه وفتحه حديد والحجم مايكون لارج 735i

شوف الBM ميزتها حرارتها ثابته على النص ماتتحرك ابدا الا اذا في مشكله
والقير ...اسرع في السياره واترك البنزين مره وحد شوف في ظربه او شي مب طبيعي
اهم شيين اخوي في لسياره القير والمكينه
مادري اتعرف حركه الطبلون اللي تحرك فيها كل العدادات وتشيك على الكمبيوتر ول لا المشكله صعبه شوي ودي اعلمك اياها اذا ماتعرفها

اخوي HAMANN 5.0 مشكور وماقصرت واتعبتك معايه

بالنسبة للحركة لاوالله مااعرفها اذا هي اعرف الممشى الحقيقي مايهمني لأن بيبين من مكينتها وجيرها اما تجيك على العدادت ماني عارف:(

وش تفيدني فيه وهل القاه بكتالوج السيارة اذا مافي صعبوبه اشرحها واذا فيها صعوبه جزاك الله خير وكثر الله من امثالك

[MuGeN]

أخوي تدري بنفس هالسعر حصلنا موديل 96 فل كامل .. و LARGE كمان .. فما أدري هل السعر يفرق بينها و بين اللارج هالفرق ؟

[HAMANN.de]

شوف اخوي LOVE SS

انت اول ماتحط المفتاح بيكون لها 3 لفات الاولى للحركه اللي قتلك عنها واللفه اللي بعدها (الثانيه) بتكون ماقبل التشغيل يعني تقدر اتشغل كلشي مثل الانوار والمسجل واللي بعدها هي تشغيل السياره.
انت لف لمفتاح وخله على اول لفه فيهم بتحصل زرين في الطبلون ظعاف ولونهم اسود مثل المسامير واحد فيهم اللي يصفر العداد والثاني لما تظغط عليه راح يكتبلك تحت ال CHECK CONTROL OK -KM

اظغط على CHECK CONTROL OK لمده 30 ثانيه بتختفي وبيطلع مكانها (NO:1) اكبس عليه كبسه سريعه ثانيه بيتغير الى (NO:2) هنيه اظغط على المسمار الثاني اللي يصفر العداد بتلاقي العدادت كلها تترك ( في هاذي اللحظاط يقوم الكمبيوتر بالبحث عن اعطال او اخطاء فيه ) واذا خلص وماعطاك اي شي بيكون الكمبيوتر OK انشالله

بس تعتمد عليها اعتماد كلي لان الفحص بالمبيوتر احسن منه

وادري ان شرحي تعبان بس انشالله تكون فهمت علي

وبالتوفيق وناطر اخبارك