اللديتر

[Third Eye]

السلام عليكم ورحمة الله وبركاته

أيها أفضل اللديتر النحاس أو الألمنيوم ؟

هل حساس الحرارة له تأثير في الحرارة؟

السيارة كمارو

[JUST CORVETTE]

السلام عليكم ورحمة الله وبركاته



هلا اخوي .. حبيت اكون اول رد ..


اعتقد انه النحاس يستحمل اكثر .. لكن السيارت الجديده معظمها اذا ما كانت كلها ، تستخدم الالومنيوم المعالج .. لانه اخف في الوزن وارخص بكثير في تكلفه التصنيع ..


حساس الحراره له تاثير طبعا اذا هو معطوب او خربان .. حراره السياره ترتفع بشكل ملحوظ .. لانه هو الي يعطي الاشاره للمروحه ( FAN ) انها تدور ، وبالتالي تبرد المحرك .. والله اعلم ..


تحياتي لك اخي ..

[W351]

اخوي Third Eye مالك الا الالمنيوم صحيح انه غالي لكن راح يحل لك

مشكلة الحراره على طول وماراح تلقاه الاجديد من الوكاله او من محلات

قطع الغيار , وبيكون من حظك اذا تلقاه في التشاليح:D .

[VIPER GTS-R]

السلام عليكم ورحمة الله

اخوي Third Eye
بالنسبة للراديتر النحاس والالمنيوم شي اكيد ان الالمنيوم افضل مثل ما ذكر الاخوان اخف من النحاس وافضل من ناحية الحرارة لان الالمينوم ما يمتص الحرارة بسرعة مثل النحاس وايضا الالمنيوم يبرد بسرعة اكبر من النحاس لان طبيعة الالمنيوم باردة واضف الى ذالك ان الالمنيوم افضل من النحاس في مقاومة الصداء..
بس فيه مشكلة بسيطة في الالمينوم انه يذوب مع شدة الحرارة يعني يبيله بين فترة وفتره في اجوائنا الحارة تصييخ عشان ماينسد ..

طبعا خيارك الاول والاخير هو الالمنيوم لنه متفوق بكثير والنحاس يزيد من الحرارة عكس الالمنيوم ..

انا بصراحة ما ادري كم سعر الراديتر الجديد في الوكالة بس اذا كان غالي عليك ممكن تطلب من برى ولاهو شرط يكون حق وكاله فيه شركات امريكية متفوقه في الرديترات ومشهورة مثل BE COOL ..
طبعا هالراديترات ممتازة من الالمنيوم وتعطي تبريد افضل حدود 20% عن الاصلي واذا عندك مشاكل بالحرارة بسبب التلغيم تقدر تشتري الكول سستم كامل ويتحمل التلغيم الى 1000حصان ب 1099دولار للاوتو او 999دولار للجير العادي .. وهذا هو صورته ..
http://www.corvetteamerica.com/images/becoolbtn.jpg
http://www.diabolicalperformance.com/images/BeCoolLogo.jpg

بالنسبة لحساس الحرارة فهو على اسمه اكيد له علاقة كبيرة بالحرارة يمكن ما تتصورها لانه لو خرب هالحساس الصغير ماراح تقدر تحرك السيارة بكاملها خصوصا في سيارات الدفع الامامي لان المراوح ما تشتغل الا باشارة من هالحساس اضافه الى ان هالحساس في السيايات الحديدة يمد كمبيوتر السيارة بدرجة الحرارة واي مشكلة في الحساس راح تلخبط عمل كمبيوتر السيارة واعتقد سعر هالحساس ما يتجاوز ال 150ريال وتقدر تروح للكهربائي عشان يتاكد لك من شغل هالحساس ..

واتمنى اني افدتك في هالموضوع ..

تحياتي

[oil_HKS_lio]

المنيوم احسن واذا تبغا تعل قلبك خذ نحاس

[Third Eye]

اشكر الجميع..


ولك التحية

[beast_camaro]

مثل ما قالوا الشباب واسأل مجرب ولا تسأل خبير


وادا تبغى ترى عندك فالخظرية محلات الرديتر تلاقي عندهم مليان تشليح ب600 ريال

والوكالة اتوقع فوق الالف ريال روح الخظرية دور احسن لان حصلت واحد انا

[VIPER GTS-R]

رد مقتبس من beast_camaro
مثل ما قالوا الشباب واسأل مجرب ولا تسأل خبير


وادا تبغى ترى عندك فالخظرية محلات الرديتر تلاقي عندهم مليان تشليح ب600 ريال

والوكالة اتوقع فوق الالف ريال روح الخظرية دور احسن لان حصلت واحد انا

سوري اخوي beast_camaro

سعر المستخدم 600 والجديد ب 1000 ليه تاخذ مستخدم ؟

ترى مافيه مثل الجديد وش لك وش لوجع الراس ادفع 400 لرديتر جديد وانساه احسن ما توفر 400 وبالاخر ترجع لمشاكل ووجع راس وللمعلومية الراديتر مثله مثل اي قطعة يهتري مع الاستخدام يعني لو تشتري واحد مستخدم نص عمر ما راح يكمل معاك نص المدة اللي بيقضيها الجديد ومثل ما انت عارف الراديتر معرض للصداء والالمنيوم يذوب ويسد الراديتر مع الاستخدام والحرارة .
..

تحياتي .

[بو مروان]

أذأتبي تريح نفسك وتفتك من الحرارة فركب رديتر المنيوم افظل لك من الحديد والنحاس.

لأن الحديد والنحاس لما يسخن وتعمل له تبريد ما يبرد بسرعة لكونه يحتفظ بالحرارة.يعني لو أنك مركب رديتر حديد فشي طبيعي أنه يسخن ولذلك لمرور الماء فية بعد عودته من المحرك... ولما تشتغل المراوح فأنها تبرد عليه ففي هذه الحالة والرديتر ساخن راح يتبرد ولكن ليس كما ينبغي.
وأما المنيوم فيفقد الحرارة على طول بمجرد مرور الهواء عليه سوء من المراوح أو الهواء الخارجي والسيارة ماشية.

وبالتوفيق.

[رزين]

رايي من راي الشباب الألمنيوم افضل بكثير من النحاس وخصوصا من ناحية التبريد