الى NFS او اي واحد عنده خبرة في ال H22

[Prelude 4 Life]

هلا شباب.... وش اخباركم:p

أخيرا نويتها شر وباركب ال H22 على سيارتي :corsair:


بس عندي كم سؤال....

سيارتي بريليود موديل 99 لقيت واحد عنده المكينة مع القير والكمبيوتر

عطاني سعر ( مع التركيب) بس احسه غالي شوي ... فحبيت اعرف في حدود كم تكلف الشغلات هذي مع التركيب طبعا.

وعندي سؤال بالنسبة للقير... كيف اقدر اميز اذا كان القير LSD أو لا ??? قبل لاأركبه على السيارة وبعدين اتورط.

بس شباب هذا كل اللي عندي بس رجاءا اللي عنده اي فكرة يرد بسرعة ترى مستعجل :eek:

[NFS]

السلام عليكم

سعر البريليود اليابانية نصف سيارة في حدود 4000 درهم (وأكثر) والموديل يكون بين 91 - 95 (الـ95 نادرة).

التركيب : في البحرين يأخذوا في حدود 2500 إلى 3000 ريال إلا إذا أشتريت OBD2 to OBD1 Converter أعتقد ان قيمة التركيب بتقل
تريد تعرف أيش هذا الكونفيرتر أضغط هنا (http://www.hondata.com/adapters.html).

يعني حط ميزاينة 10,000 ريال سعودي (كأقل تقدير والتكلفة ممكن تزيد).


القير: علشان تعرف إذا كان القير LSD أو Open Differential عندك ثلاث طرق....

(1)- من الكود تبع القير ، إذا الكود M2A4 بيكون Opne Differential وإذا كان M2B4 بيكون LSD.

(2)- بيكون مكتوب على الجسم الخارجي للقير LSD لو كان القير بالفعل LSD (من الأسفل).

(3)- تفك العكوس (الأكسلات)، وتنظر من فتحة العكوس ، إذا شاهدت عمود أسطواني في المنتصف ، أعرف أنه Open Differential إما إذا كان خالي بيكون LSD.

وإذا ركبت المكينة وتريد تغير برمجة الكمبيوتر فأنا اقدر أغير برمجة كمبيوترات الهوندا VTEC من موديل 92-95.

وعلشان لا تنغش ، كود كمبيوتر الـH22a هو :

XXXX-YYY-ZZZ

حيث أن:
XXXXX= 37820
YYY = P13 (أهم رقم)
ZZZ= أي ثلاثة أرقام أو أحرف ومعناها أصدار البرمجة (غير مهمة).

[Prelude 4 Life]

مشكوووور NFS بصراحة ماقصرت :p

10000 ريال مرة وحدة :eek:

الحمدلله الرجال طالب سعر اقل ;)

بالنسبة للكونفيرتر تبع الكمبيوتر هذا لازم طلبية وسعره فوق ال 1000 ريال يعني لو شريته ماراح استفيد, يعني بتقل قيمة التركيب بس بادفع اكثر علشان القطع.

مافهمت قصدك بالنسبة للبرمجة.... هل تقصد انك تبرمج الكمبيوتر الاصلي حق السيارة علشان يتلاءم مع ال H22 أو تقصد انك تبرمج ال p13 علشان يصير أداء السيارة افضل؟؟

عندي سؤال أخير.....

لو كان القير open differential هل بتتأثر انطلاقة السيارة كثير والا بس نسبة بسيطة؟

ومشكور مرة ثانية :p

[M5]

أنا أنصحك تخلي مشروعك هذا على سيفيك ( سيدان أو هاتشباك )

منها أولاً تبيع البريلود وتشتري سيفيك وتوفر لك كم قرش :)

ثانياً راح يكون الأداء خيالي فوق ما تتصور

ثالثاً اذا انت من جده ممكن أدلك على ورشة تكلفتهم نفس تكاليف أهل البحرين .. ومتخصصين فيتك

رابعاً : بالتوفيق ان شاء الله :cool:

[NFS]

Prelude 4 Life

سيارتك قير عادي وإلا أوتو؟

والشخص إللي تعرفه كم طلب في العملية كلها؟

وأيش بيعمل في الضفيرة تبع سيارتك؟


**برمجة الكمبيوتر**

تغيير إعدادات الكمبيوتر بحيث أزيد من أداء السيارة :)

مثل تعديل الـFuel Mapping والـIgnition Timing و الـRev Limiter وخصائص أخرى غيرها على حسب كود الكمبيوتر .


أخيراً ....

عن القير الـOpen differential ، الأداء بيفرق بشكل ملحوظ من قومة الصفر لأن العزم بيكون مركز على إطار واحد :(

[DDesigns]

اخوي NFS

انا راح اجي السعوديه بعد 10 ايام او اكثر شوي ..

اذا كنت تبي شيء قول لي لاني راح اجي وياك ابي اخذ دروس خصوصيه علشان الهوندا حقتي لوووووووول .

[king_prelude]

بالتوفيق أخوي Prelude 4 Life

عاد إذا ركبت الفيتك لازم نشوف لك قومة :banana:

[Prelude 4 Life]

سلام شباب

M5 انا معاك ان مفعول ال h22 على السفيك بيكون افضل بكثير... بس في حاجات في السيارة تهمني غير التسارع ;) .... انا من الشرقية
مشكور على النصيحة
:p


NFS سيارتي قير عادي وبيكلفني كلشي مع تبديل ال timing belt ومع التركيب حدود ال7000 ريال
بالنسبة للكمبيوتر هو قال لي انه بيخلي السيارة تشتغل على كمبيوترين... يعني الكمبيوتر الاصلي بيظل مكانه بس بيركب معاه ال p13 بطريقة معينة علشان يشغل الفيتك.
بكم تبرمج لي الكمبيوتر؟ :help:
اذا تعرف قطع تزيد من اداء السيارة بعد تركيب المكينة طبعا وسعرها معقول لاتبخل علينا :D


king_prelude بتشوف قومات موقومة وحدة :D

[DDesigns]

شباب حبيت اعرف مين اثقل البريليود ولا الاكورد ؟؟

طبعا الاكورد اللي عندي موديل 2000 قير عادي مكتوب في الملكيه ان وزنها فارغه 1100 كيلو جرام ومع الحموله 1600 كيلو ..

طيب السيفك كم وزنها ؟؟

[Prelude 4 Life]

مستحيل يكون وزن الاكورد بس 1100 كيلو (وزن السفيك 1163كيلو)

وزن البريليود تقريبا 1280 كيلو
والفيتك وزنها 1330

الأكورد موديل 98 وزنها 1386

[DDesigns]

والله اخوي بريليود

هذا اللي مكتوب في الملكيه 1100 قبل وبعد 1600 ..

يمكن وزن السياره 1600 كيلو بس .

انا اللي اعرفه ان اذا السياره توماتيك تكون اثقل من العادي يمكن فيه قطع زياده ..

عموما طيب شباب هل تأثر 300 كيلو زياده على السياره ؟؟

والله مشكله سيستم الصوت اللي عندي بس 80 كيلو او اكثر .

[NFS]

DDesigns

تدري ، ودي بكمبيوتر ثاني غير إللي في سيارتي !

أنا برسل لك أيميل أوضح فيه كل شيء:)



Prelude 4 Life

لو حسبت الأرقام إللي حطيتها أنا حتطلع لك القيمة في حدود 7000 ريال ، لكن أنا أتكلم عن الميزانية كاملة مع قطع التعديل الأساسية مثل 2.5 أنش أكزوست سيستم والهيدرز والـCold Air Intake وتعديل الكمبيوتر.

ولو عندك فلوس زيادة حتكون فرصة تركب كلتش وفلايويل لأن المكينة برا وتقدر تركب هذي الشفلات بتكلفة قليلة جداً.


والشخص إللي تتكلم عنه أظني عرفته ، شغله لا بأس فيه والشغلة إللي بسويها لك هي أنه بيمد أسلاك من أفياش الكمبيوتر الأصلي بحيث أنها تركب في كمبيوتر الـH22a ، يعني الأفياش الأصلية بتبقى في السيارة سليمة (كأنه عمل لك كونفيرتر نفس إللي فوق بس أنه ما ينفصل من الضفيرة).


على فكرة ، أنت لو أشتريت الكونفيرتر بيكون تركيب المكينة مثلها مثل تركيب أي المكينة الأصلية حتى أنك تقدر تسوي الشغلة في بيتكم لو عندك عدة كافية!

بس بتحتاج إلى 4 اسلاك تضيفها على ضفيرتك الأصلية تتوصل في:
Knock Sensor
VTEC Pressure Switch
VTEC Soleniod
Secondary Intake Soleniod

لأن هذي الحساسات والسولينويد مش موجودة في مكينتك الأصلية .

وعلى فكرة إذا ما ركبت هذي الأسلاك المكينة حتشتغل لكن الـVTEC ما راح يشتغل.

شوف لو أنت من النوع إللي يعمل الأشياء بنفسه فأنك تقدر تسوي المشروع بنفسك ، تركيب المكينة ما فيه مشكلة أبداً لأن المكينة أساساً مخصصاً للبريليود ، الضفيرة بتنحل بتركيب الكونفيرتر ، تمد 4 أسلاك لنظام الفيتك ، خلاص! أنتهى التركيب! وجاء وقت تكسير بعض الرؤوس :D

عن تشغيل الباورستيرنغ والمكيف : تقدر تستخدم إللي جاء مع المكينة بس بتحتاج لترهيم الأهواز (الشغل تكلف 200 ريال أو أقل) أو أنك تستخدم الكمبوريسور ومضخة الباور ستيرنغ الأصلية تبع سيارتك بس ما أدري هل تحتاج تركب الكراسي الأصلية أو كراسي الـH22a.


وعن تعديل الكمبيوتر ، أنت خلص المشروع من تركيب وتعديل وبعدين نتفاهم في التفاصيل :)

[Prelude 4 Life]

رد مقتبس من NFS

وعلى فكرة إذا ما ركبت هذي الأسلاك المكينة حتشتغل لكن الـVTEC ما راح يشتغل.



خربطتني وخوفتني :help:

يعني الطريقة اللي بيسويها الرجال (استخدام كمبيوترين في وقت واحد) تشغل المكينة والفيتك والا بس المكينة

على فكرة ... الشغل بيبدأ يوم الأربعاء :eek:

[NFS]

لا يا Prelude 4 Life

الرجال عارف شغله عدل لا تخاف ، أنا كنت أقصد من هذي الجملة:

لو أنت أستخدمت الكونفيرتر هذا بدون ما تركب الأربع أسلاك هذي المكينة بتشتغل بس بدون الفيتك.



وفي الختام ، مرحباً بك في عالم الفيتك :D

[Prelude 4 Life]

الحمدلله طمنتني :p

على العموم مشكووووووووووور يا NFS بصراحة هالمعلومات مااستغني عنها:)

لما يخلص الشغل باكتب موضوع عن اداء السيارة قبل:( وبعد:banana: انشاءالله.

سلااااام :)

[R32]

دق على ذا و بيركب لك المكينة بالقير من عنده تكلفة اجمالية ما تزيد من 4000 الى 5000 بالكثير !!
H22A

بس القير تماتيك يوم سألته !

0503892102

تحياتي

[Prelude 4 Life]

مشكور r32 لكن كلشي الا الأوتو :headshak:

وانا اتفقت ويا الرجال ومطمن لشغله فماأبغي ارجع في كلامي :)

[DOHC VTEC]

السلام عليكم ورحمة الله وبركاته


اخوي NFS كيفك ممكن خدمه ابيك اتعلمني الاسلاك الاربعة وين اركبه في الكمبيوتر


Knock Sensor
VTEC Pressure Switch
VTEC Soleniod
Secondary Intake Soleniod


انا سيارتي هوندا اوكرد h22a

[NFS]

http://www.ecimulti.org/albums/album70/OBDI_Pins.jpg

من الصورة :

vtec soleniod يروح إلى A4
vtec pressure switch يروح إلى D6
knock sensor يروح إلى D3
Secondary Intake Soleniod يروح إلى A17

طبعاً هذي الصور توضح أماكنهم من جهة الكمبيوتر ، أنت تشوف أيش السلك إللي بيركب مكان السنة وتمد سلك إلى الحساس نفسه .


بس يا DOHC VTEC ، سيارتك الأن تستخدم ضفيرة الأكورد وإلا الـH22a؟

إذا أنت تستخدم ضفيرة الـH22a فمافي داعي تشبك هذي الأسلاك لأنهم موجودة في الأصل :)

[DOHC VTEC]

مشكور اخوي NFS

انا سيارتي شغال النضام بس حبيت اعرف كيف اشغله بضفيرت الاكورد

واي معلومات عن الفتك لا تبخل علينااا

ومشكووووووووووور :)