تحقيق مطوّل نيسان أرمادا

[زورو الامارات]

بسم الله الرحمن الرحيم

السلام عليكم ورحمة الله وبركاته

موضوعنا اليوم عن نيسان ارمادا


السياره قدمت بشكل جديد وموجهه للسوق الاكبر في العالم السوق الامريكي

الشكل جاء بتصميم كبير ومشابه جدا للتصاميم الامريكية خصوصا من الفورد اكسبيدشن http://us.autos1.yimg.com/img.autos.yahoo.com/ag/nissan_armada_4x4seoffroad_2004_exterior_3_346x270.jpg

http://us.autos1.yimg.com/img.autos.yahoo.com/ag/nissan_armada_4x4seoffroad_2004_exterior_6_346x270.jpg

كما تلاحظون في الخلف تصميم امريكي الى ابعد الحدود

العادم على اليسار ( الاقزوز) كما السيارات الامريكية


الــــــــــــــــــــــــــــــــمــــــــــــــــــــــحـــــــــــــرك

محرك قوي وذو عزم مرتفع من نيسان

الساعه 5600 سانتي متر مكعب
8 اسطوانات على شكل رقم سبعه بالعربي
القوة:305 حصان بالمقاييس الامريكية صافي بالمعدل الخام حوالي 320 حصان
العزم:385 lb-ft

ناقل الحركة: (الجير)

ذو 5 سرعات آليه بتحكم الكتروني كامل

http://caranddriver.com/assets/image/4242003164633.jpg

كما تقول مجلة (كار اند درايفر الامريكية)

أرمادا ؟ هل هو اعلان بالحرب ؟ اسم ارمادا يعني الاسطول (في السابق كان يسمى الاسطول الاسباني بالارمادا)

يعتبر نيسان ارمادا اقصر بشكل طفيف من يوكن و اكسبيدشن
ولكن غني بمواصفات كثيره

انتهى تعليقهم.

تعتبر نيسان ارمادا الاولى في فئتها الكبيره التي تزود بناقل حركة ذو 5 سرعات

http://caranddriver.com/assets/image/8262003122531.jpg

الاداء:

تسارع الارمادا من الصفر الى 96 كيلو متر او 60 ميل
بزمن 7 ثوان فقط وهو اداء يناهز العديد من السيارات السياحيه القويه

ويقطع مسافة ربع الميل ب 15.5 ثانيه ويعتبر هذا اداء مذهل لسياره بهذا الحجم

صور من الداخل
http://www.grubbsauto.com/nis/img/04_armada_dash.jpg

http://www.grubbsauto.com/nis/img/04_armada_interior.jpg


التعليق مستقل للعجلات الاربع
وجود نظام الملاحه (نافيجيشن سيستم)
اي بي اس للفرامل


http://www.nissanusa.com/m/cma/i/4ar/4arm_perf_si25_brk_tech.jpg

http://www.nissanusa.com/m/cma/i/4ar/4arm_perf_si16_level_sstm.jpg

http://www.nissanusa.com/m/cma/i/4ar/4arm_gal_med04.jpg

http://www.nissanusa.com/m/cma/i/4ar/4arm_gal_med07.jpg

الحقوق محفوظه للكاتب
ويمنع نقل الموضوع الا بإذن منه
للأمانه تمت ترجمة بعض الاشياء من مجلة سيارات امريكية


إن شاء الله يحوز على رضاكم

[الأنصاري]

موضوع حلو اخوي زورو الإمارات واعتقد انها لو نزلت الإمارات لازم تشتريها خلاص بدل المرسدس جرب الياباني هذة المره:D :D

[grandv8]

السلام عليكم ورحمة الله وبركاته

شكرا اخوي خالد على موضوعك والله انا اجوف سوق نيسان ارمادا ماكل سوق الامريكي،وعدنا بدبي المعارض بكثرة وعلى الصفر العداد.

اخوي بوعبود سيارات نيسان ارمادا عدنا بمعارض السيارات بكثرة انا آخر مريت على المعارض كان حوالي اكثر من عشرة سيارات موجودة وسعره حوالي من 150 الف درهم وانت بتقارن بمواصفات سيارة ثانية بتجوف احسن وايد والسعة اكبر وشكله كبير وحلو.

[King 4x4]

باي باي سوبربان :D

[cruiser2000]

السلام عليكم ورحمة الله وبركاته


السمي شحالك

صراحة السيارة ممتازة واشوفها قوية وايد

ومن كلامك ومن شكل السيارة هي فعلا مخصصة للسوق الامريية

لكن لا مانع من انك تجيبها للامارات

في الامارات السيارات الامريكية كثيرة خاصة وفي الخليج عامة

بس في نقطة من شكل السيارة

انت لو ترجع شوي ورا للصور

عند هذي االصورة
http://caranddriver.com/assets/image/4242003164633.jpg

اشوف ان الشكل له انحناء قليل الى الاسفل من الغمارة في الخلف

اشوف هذا شوي يغير من الشكل

http://www.carrental.is/hp/big_pic/patrol.jpg

شوف النيسان كيف جاية غارته

انا اشوف ان النزلة الخفيفة اللي جاية من الخلف تخرب
الشكل

هذا رأيي

وشكرا على الموضوع زورو الامارات


تقبلوا تحيات لكم

اخوكم
خالد

[زورو الامارات]

السلام عليكم ورحمة الله وبركاته


جزاكم الله خير على الردود

الاخ خالد

الانحاء في الخلف من تفسيري الشخصي

انه توفير في الحجم لان اغلب من يركب في الخلف من الاطفال
فأتوقع انهم صغروا الحجم شوي لتصغير كتله السياره وزياده انسيابيتها كما ترى

[uae speed]

تسلم يا زورو ..

الارمادا شفتها في معارض العوير .. حجمها كبيير وايد على الطبيعه !
يوم شفتها اتذكرت الهمر مادري ليش :D

انا اللي أذهلني التسارع !
7 ثواني على هالوزن .. خراااافي !

كارلوس غصن ماشي صح .. وعارف كيف يمشي شركة نيسان ..
هذا لو حطوه على شفروليه .. بتختفي الضرايب هني في سوالف السيارات ;)

تحياتي لك مشرفنا الموقر :D

[AMG]

مشكور يا زورو وننتظر مواضيع احلى :banana:

[X_RaYs]

التصميم عجبني الا شكل السياره من الجنب ..

كنها سيارتين ركبوها فبعض :damp: !!

على فكره .. انا حسيت انها للسوق الامريكي من يوم عرف مواصفات المكينه :D

[RED Chevy]

السلام عليكم ورحمة الله وبركاته


ألف شكر لك مشرفنا على الموضوع الحلو عن الوحش المتميز والضربة القوية من نيسان للأمريكان....

كارولس من مسك ونيسان في تطور وتحسن دائم، وعرف وش يبي السوق، طبعاً الكروزر مايوفي غرضهم :D

ألف تحية لهالشركة وألفين لك خالد على هالموضوع الروعه :)

[زورو الامارات]

السلام عليكم ورحمة الله وبركاته


هلا بالشباب

والله ياشفي
شوف اليابانيين بارعين جدا في التقليد والتطوير لاتقول لهم اخترعوا عطهم شي وقول لهم طوروه مابتقدر عليهم

ومثل ماتشوف هالسياره اخذوا الفكره من الامريكان وطوروها

محرك 8 سلندر - اتوماتيك
دفع خلفي جزئي يعني تجي بطرازات دفع خلفي فقط او دفع رباعي
مثل اليوكن والاكسبيدشن بالضبط

هوك جاهز للسحب يعني مثل ماتقول قلص او الحديده الي في خلف السياره يسحبون فيها قوارب وغيرها ومجهزه بفيش كهرباء

مكيف مركزي خلفي مدمج في السقف الكروزر والباترول الى سنه 97 وهم كانوا يستخدمون فتحات على شكل خط مستقيم في سياراتهم لتوزيع هواء المكيف لكن الجمس من سنه 92 عملوا فيه فتحات تغطي كل السياره من الداخل

الي ابغي اقوله انهم ادرسوا الامريكان عدل وانتجوا لهم سياره حسب رغباتهم بالضبط وكذلك فعل سكويا من تويوتا الي خذله المحرك التعبان 4700

طيب لما انا وانت نجي نفكر بنشتري سياره بهذا الحجم بشوف الاختيارات

يوكن - اكسبيدشن - ارمادا - سيكويا

لاحظ ان التويوتا والنيسان سعرهم اغلى من الفورد والشفر

لكن ستحصل على مواصفات احسن وجوده اعلى بكثير وشكل جديد مع تفاوت في الاداء

ربما بعض الامريكان يفضلون سياراتهم والسبب لا توجد رسوم جمارك عليها سوى الضرائب فيكون سعرها اقل

بالنسبه لي اتمنى لو احصل على ارمادا لو كنت مسؤول عن عائله كبيره لاني من الذين يهتمون بشيء اسمه محرك جبار وعزم عالي

وغير مهتم في باقي التفاصيل من جلد وفتحه ومواصفات تحصيل حاصل


تحياتي لكم

[VIPER GTS-R]

السلام عليكم ورحمة الله وبركاته

مشكور اخوي زورو الامارات على هالموضوع الحلو بصراحة وانا استغرب ان اليابانيين قدرو يخترقون الاسواق الامريكية مثل ما شفنا النجاح الكبير للكامري في الاسواق الامريكية وغيرها لاكن تضل المغامرة صعبة بالنسبة لليابانيين وخصوصا لشركة نيسان ..

و ما اعتقد الارمادا راح يقدر ينافس بالسوق الامريكية والهيمي موجود.
http://www.hemitruckclub.com/durango.jpg

لاكن كل شي جائز :)

تحياتي

[760IL]

مشكور اخوي زورو على التقرير الرائع

[زورو الامارات]

العفو شباب

الاخ VIPER GTS-R ماتقدر تقارن الارمادا بالدرانجو فرق كبير بينهم

خصوصا في المحركات الدودج اقوى والله اعلم اما باقي المواصفات مابتحصلها موجوده في الدودج

[RED Chevy]

رد مقتبس من زورو الامارات
العفو شباب

الاخ VIPER GTS-R ماتقدر تقارن الارمادا بالدرانجو فرق كبير بينهم

خصوصا في المحركات الدودج اقوى والله اعلم اما باقي المواصفات مابتحصلها موجوده في الدودج

بالعكس أشوفه المنافس الأول:D

نفس القوة والحجم والشكل متقارب لكن الدوج بشع:D