الحصول على الرخصه الاماراتيه ؟؟

[DDesigns]

السلام عليكم

شباب انا سعودي واعيش في الامارات , ونظرا لاني سأعيش فيها لوقت طويل جدا جدا احتاج الحصول على الرخصه الاماراتيه حتى يخفض لي التامين على سيارتي او على الاقل يسمحون لي بالتامين الشامل على سيارتي لان رخصتي سعوديه ..

المهم انا سألت المرور يوم كنت اطلع لوحات سيارتي الاماراتيه وقال لي تقدر تبدل رخصتك يعني اعطيهم السعوديه ويعطوني اماراتيه ..

وادفع 150 درهم ..

طيب اوكي ما قلنا شيء طيب ليش ياخذون الرخصه السعوديه ؟؟

طيب هل الرخصه الاماراتيه اللي راح اخذها عن طريق دبي هي رخصه دوليه ام محليه ؟؟


هل استطيع ان احتفظ بالرخصه السعوديه لو حاولت معاهم ؟؟

طيب هل اقدر اعطيهم الرخصه وبعدين اروح السعوديه واقولهم ضاعت الرخصه وطلعوا لي بدل فاقد ؟؟


تحياتي ....... :D :D

[الهداف]

زين كله واحد سلم الرخصة السعودية أو شوف إذا ما بيشلون الرخصة منك عطهم الرخصة السعودية و طلع بدل فاقد من السعودية
أو بدل برخصة إماراتية و يوم تروح السعودية سو نفس الحركة و بدلها برخصة سعودية D:

[DDesigns]

حايك الله الهداف ..

مشكور على المرور ..

بس يا ليت لو عندك جواب او احد الاخوه على اسئلتي هل هي رخصه دوليه ولا عاديه محليه ؟؟ لانها اذا ما هي دوليه ما تسوى خليني على السعودي اصرف ..

[حبوب بوظبي]

- لازم ياخذون الرخصه السعوديه :corsair:
- رخصة دبي مسموح انك تسوق بيها فالخليج وممكن تطلع رخصه دوليه

[DDesigns]

مشكور اخوي حبوب ابو ظبي ..

انا ودي اعرف وش راح يسون بالسعوديه ؟ !! طيب خلوها معاي وتصير ثنتين ..

عموما اخوي ايش قصدك اني اقدر اخليها دوليه ؟؟

يعني لازم اختبر اختبار او ادفع فلوس ولا ايش ؟؟

[الهداف]

تقدر تحولها دوليا تروح النادي الدولي للسيارات و تعبي استماره و تدفع رسوم و بعطوونك ليسن دولي و ليسن مالك ما يشلونة

[tornado]

السلام عليكم ورحمة الله وبركاته

بدله احسن لك .. وطلع بدل فاقد احسن لك :D نفس ماقال واحد من الاخوان ..

واذا محتاج ليسن السعوديه .. وماتبا تسوي بدل فاقد .. قدم على ليسن من اول ويديد .. واظني بتتدفع اكثر من 150 درهم ..:OO:

حبوب بوظبي ..:(

سمعت انه بيسون قرار فبوظبي انك تفتح اليلس تدفع 4الف درهم او 4700 درهم صج وله شو :( والمستفيد شركة التعليم اليديده

[SwordWord]

الأمر سهل

اولاً: إذا اردت الاحتفاظ برخصتك السعودية فعليك ان تفتح ملف في الامارات وتقدم على الامتحان وبما إنك تملك رخصة سعودية تستطيع القيادة بها إلى أن تنجح في الامتحان وتحصل على رخصة الإمارات وبهذا الشكل تجمع بين الرخصتين

ثانياً: إذا اردت استبدال الرخصة السعودية بدون فتح ملف والدخول في امتحان فحص القيادة ففي هذه الحالة يجب عليك تسليم الرخصة السعودية ، طبعاً لا اعرف ماهو المنطق وراء تسليم الرخصة السعودية لكن هذا هو القانون

نصيحتي اتبع الاقتراح الاول في الاعلى

[DDesigns]

السلام عليكم

مشكورين شباب ...

والله شكلي راح ابدل الرليسن واعطيهم السعوديه واروح السعوديه واطلع غيرها في السعوديه لانها ارخص واسهل واحتمال فيه واسطات وتطلع بدون اي تعب ..