هل الدوران توصل أنك تدخل الحجز!!!!!

[Third Eye]

السلام عليكم ورحمة الله وبركاته

ما أدري يا شباب هل فيه مخالفة في الدنيا اسمها دوران ولفلفة!!!!؟؟

وفي الصبح كمان

وحتى ياليت لو كملت لفة وحدة لا والله دوبني جاي وجا

ذا المعوق يقولي إشبك تلفلف:confused:

ويقولي لوأشوفك ثاني لا تروح الحجز!!:help:


الله يبعدنا عن العاهات المستديمة

[oil_HKS_lio]

ههههههههه عادي كل شي الحجز اذا تكينا مع الشباب بره البيت الى الساعه12 تجي الدوريه تقول حرك لشيلكم الحجز

[VIPER GTS-R]

هههههههههههههههههههههههههههههههههههههه

ابتسم انت في السعودية

انواع الكبت ما ادري متى راح نطور مثل العالم والناس :headshak:

[black scorpion]

بصراحة يا عبدالرحمن يعتمد على العسكري اللي بيوقفك
ولد خالي بمرسيدس مسكوه في طريق الملك ماشي 210 كم/س يعني الرادار لقطه وهو مهدي الين 179 كم/س قالوا الا تروح توقيف والسيارة حجز. قال السيارة تروح الحجز مو مشكلة لكن توقيف لا المهم بعد مفاضاوت ادت لنتيجة انه اخد مخالفة بس :D

[ACCORD-V6]

:D :D مخالفة جديده:D :D


على فكره فيه مخالفه جديده
اذا مامعك رخصة ياخذون السيارة على الحجز <<<<<اذا كنت صغير
والله جد
وانا اعرف اثنين حجزوا سياراتهم
وبالواسطه يالله طلعوها:D

[king_prelude]

إذا تدور في الكرنيش أخر ليل يقول لك إرتكاب أمر محظور :laugh:

وأنا رايح البيت إلا والحماعة مسوين تفتيش في طريق عام يقول ليي تسرع وأنا أمشي 60 في البداية يقول ليي حجز بعدين قال بيعطيني مخالفة وبعدين مشاني ..... بس يتلكع فاضي يبغى يسولف :anger:

[RANG ROVER]

انا معي رخصه قاعد ادور عند المدرسه اخذتلي كم من دوره طبعا شي رسمي بعد الاختبار الدوران:D :D
المهم وقفني قلتله خير قال رخصتك قلت مامعي قال اجل السياره حجز قلت خير عطني مخالفه ولا تروح السياره حجز قال الساره حجز يعني حجز قلتله طيب وادق على الوالد واقوله السالفه المهم بالاخير عطاني المفتاح وقال رح اللي معه واسطه يحترمونه واللي ما معه يمسحوبه البلاط:D

[RED Chevy]

:headshak:

[Third Eye]

والله بيني وبينكم كنت ناوي أخربها معاه بس تعرفو اختبارات

وما ودي اخر يوم يضيع على تخلف و ناس ما تسوى :o

وكمان تعرفو اخر يوم في الإختبارات له طعم خااااااااااااااااص

خاصة لما تكون اخر سنة

يوااااااااااااااااااااااااااااد

مشكورين على المشاركة

المهم إذا ما شفتو رد ليا بكرة أعرفوا أني خربتها :D :D :D

لأنو ذاك الغبي مداوم عند بوابة المدرسة

[Ascari]

في الاوضاع الحاليه


صاروا يشكون في اي شي ....


خصوصا في اللي يدورون ,,, اول ناس يشكون فيهم


يمكن يخططون لشي


تحملوا الاوضاع اللي صايره هاليومين

[922]

يازين مخالفاتكم


وش رايكم بمخالفة "هروب من مطب"


كان فيه مطب على شارع جنبه ارض فاضيه طلعت على التراب شوي الا الدوريه تقولي وقف ونزل العسكري ورفع البنطلون وناظرني بعين حاره وقال الكلمه المشهور الرخصة والاستماره وما لقا شي علي قام طلع دفتر الفواتير "المخالفات" وكتب المخالفة هروب من مطب ولاتعودها

[922]

مكرر

[Dreams_Maker]

LooooooooooooooooooooooooooooooL

أما هروب من مطب...خخخخخخخخخخخخخخخخخخخخ

ياحبيبي...

إرفع راسك انت سعودي..

:D

[الفجر mtr البعيد]

الله المستعان

[أكورد]

ياشباب المخالفة هذي بدأت تعطى للمواطنين من السمستر الماضي

مدري كان سمعتوا ولا لا

لأول مرة حجز الاحساء امتئ ولا في مكان للسيارات

أي واحد شافوه يدور جنب مدرسة في الامتحانات ، سيده وبدون تفاهم الحجز

مئات السيارات تم حجزها

أغلب ربعي أنحجزت سياراتهم

وكمان الي يدور في مكان محدد هم يودونه الحجز كما صار حق واحد من ربعي

الحجز كان لمدة شهر أو شهرين

ناسي

أقول انتبهوا

أنا هونت مادور في مكان محدد

خذ لك لفة وحدة وامش

[M.A.M]

يوووووووووووه المخالفات وغرائبها يبغى لها منتدى خاص :D
انا اعرف واحد خذ مخالفة اسمها (مخالفة تعليمات) وهذي كانت بسبب ان المحقظة حقته اللي حاط فيها رخصته كانت جديدة والرخصة ماطلعت منها بس كانت شفافة ويقدر يشوف كل شي لكن الشرطي اصر انه يطلعها وقال له المحفظة جديدة ماقدرت حاول انت والله ماقدرت وقال له انت كذا تخالف التعليمات وش رايك يا ... نعطيه مخالفة ولا وقال له الشرطي الثاني ايه سجل له مخالفة تعليمات :D :D
ومخالفة ثانية صارت لي بسبب فوز المنتخب رغم اني بحياتي ماطلعت اشجع وحياتي كلها بيت وعشا ومقهى وبحياتي مادرت ولا لاحقت تفحيط ولا شي وفي يوم من الايام كنا راجعين من المقهى ووقفت عند بيت عمي ابنزل عيال عمي وشوي وتجيك الدورية وتوقف عند البيت وكالعادة الرخصة والاستمارة وقال من اللي تو تكلم راعي الوانيت وانا مااعرف احد معه وانيت :OO: وقلت مااعرف احد معه وانيت يمكن انت مشبه ولا شي .. ومن قلت هذي الكلمة وهو معصب وقلبني مجرم ومسك يدي وقال اركب وقلت ليش وش السالفة وقال اركب بس ويركب واحد من عيال عمي والثاني حظه زين دخل بيتهم :D والشرطي الثاني يستلم سيارتي (يمووون):D ويودينا للقسم وحجز في التوقيف ساعتين وطلعنا وحنا طالعين قلنا للضابط بنشوف التقرير وش سوينا ويوم شفنا التقرير كانت المفاجأة (مطاردة تفحيط وتجمهر) !!!:shock2:
وشر البلية مايضحك :D
واسف على الاطالة
تحياتي للجميع

[922]

:cry:

ياشباب خلوني اقولكم قصتي واللي بتقطع قلوبكم

في يوم من الايام الاربعاء بالتحديد كنت راجع مع طريق الميه الساعة 9

ونص ليلاً وفي طريقي لحضور حفل زفاف وانا في الطريق تقطعت سيور

المكينه وماقدرت اكمل لان الحراره ارتفعت وطفت السياره وانا في مكان

مقطوع تقريباً وجوالي مايرسل وحالتي حاله

نزلت اصلح السيور لان بقي سير واحد ممكن يمشي

وقعدت اصلح مايقارب الساعة ولما ركب مشيت كم كيلو وانقطع السير

مره ثانيه ركنت السياره وقفلتها ومشيت تقريباً ساعتين و من سوء

حظي وفي ذاك اليوم الاقشر طلت مع مخرج اكتشفت بعدين انه مخرج

شارع الغروب واشوف دوريات وناس كثيره قلت الحمد لله جاك الفرج

وجيت بكلم عسكري الا ويجرني ويقول انقلع مع الدشير هناك ويمشني

غصب حتى وصلت عند شباب جالسين على الزفلت وعليهم حراسه

واحاول افهم واشرح ومااشوف الا العقال يضرب يمسطني "يضرب" ويثول

اجلس ياالداشر

وجلست حتى الساعة 7 صباحاً على الزفلت وتجي باصات خط البلده

وينقلونا لقسم الناصرية ودخلت التوقيف ومعي 180 شخص من ادشر

خلق الله وماصدقت انه فيه بشر كذا

واجلس عندهم 4 ايام وانا انوم على البلاط واجلس على البلاط

بعد ما حضر واحد من اصدقائي وكفلني وكتبت تعهد على عدم الجمهره

طلعت وانا غايب يومين عن دراستي مما ادت الى فصلي بسبب الغياب

بسب مجموع 4 محاضرات وانا غايب من قبل وجاني حرامان ادى الى

فصلي ولا يوجد اعذار ورفضوا يعطوني المرور اعذار

طبعاً صار الالام في الظهر والمفاصل اعالجها علاج طبيعي وزياده على

كذا سيارتي

انسرقت وكسر الزجاج


اسف على الاطاله

[M.A.M]

اووووووه انت يااخوي 902 يبي لك منتدى لمخالفاتك الغريبة والمظلوم فيها:D :D
لكن مالك الا تقول حسبي الله ونعم الوكيل وقولوا معنا : حسبنا الله ونعم الوكيل على كل من ظلم والله على الظالمين
تحياتي للجميع

[X_RaYs]

رد مقتبس من VIPER GTS-R
هههههههههههههههههههههههههههههههههههههه

ابتسم انت في السعودية

انواع الكبت ما ادري متى راح نطور مثل العالم والناس :headshak:

:D

[الشبابي]

ههههههههه ....مشي حالك ...
والله لو يقولها لي شرطي لا اوريه شغله ...
مابقى الا الفلفة نروح عليها الحجز ... والبحر للعائلات والملاهي للعائلات وكل شئ للعائلات ... حتى السكن للعائلات ...

















اخوكم الشبابي

[Third Eye]

والله مأسي

لو أنا منك يا 902 والله لا أعملهم فضيحة ما أخلي جرايد منتديات....كل شي

الله يعينك

ويعين الجميع

[Third Eye]

رد مقتبس من الشبابي
ههههههههه ....مشي حالك ...
والله لو يقولها لي شرطي لا اوريه شغله ...
مابقى الا الفلفة نروح عليها الحجز ... والبحر للعائلات والملاهي للعائلات وكل شئ للعائلات ... حتى السكن للعائلات ...

















اخوكم الشبابي

إيوه والله يا شيخ هلكونا بالعائلات

ما بقي إلا الشوارع....يخلوها للعائلات

أنا مرة أخذت قسيمة تحفة

"عدم إعطاء أفضلية لمن يسير داخل الدوار":laugh: :laugh: :laugh: :laugh:

المشكلة الدوار فااااااااااااااااااااااااضي وفي وقت هجدة

[Qatif_Altima_Hks]

عادي اخوي متعودين على المخالفات:D

اعلمكم سالفتي مره كنت اتمشى في شارع الحب في القطيف(شارع المطاعم) والا دباب الحكومه وراي:D دق طاط طاط وقفت انا الايقول رخصه وستماره كلعاده عطيته الايقول الي ليش تتحرش في الشخص
الي ماسكنه انا قبل شوي قلت اله هذا خالي(هو كان ماسك خالي ومريت انا اتمسخر عليه:D ) الايقول هذا استهزاء برجل الامن قلت امحق رجل امن:D الايقول انا اوريك قلت اله روح بالستماره وروح برخصه
الايقول تعال وراي قلت اله زين وكان بوديني المرور خليته يروح سيده ولفيت عنه ورحت البيت:D وكلمت واحد يوم ثاني جاب الي لستمار قال الرخصه مايقدر وبعدين جابوها الي اجل يبغى يعطيني مخاله (استهزاء برجل الامن)
:D

وفي واحد من الشباب عنده zx300 مديل 88 مسكه راعي الدوريه كان هو مو مشغل انوار عاطه مخالفه الاهبل العسكري كاتب نوع السياره (سوبرا)

:D :D :think:

[SL500]

رد مقتبس من Ascari
في الاوضاع الحاليه


صاروا يشكون في اي شي ....


خصوصا في اللي يدورون ,,, اول ناس يشكون فيهم


يمكن يخططون لشي


تحملوا الاوضاع اللي صايره هاليومين

[MARQUIS]

السلام عليكم....

من امن العقوبه اساء التصرف (هذا بالنسبه لرجال الامن).....

للاسف عندنا معظم رجال الامن مو قد المسؤليه المعطاه لهم و البعض يسيء استخدام السلطه الممنوحه له كرجل امن....

و الشكر لك...

[عاشق الكراون]

وفي مخالفه اخص من كذا
هاذي صارت في رمضان
كنا طالعين السوق انا وخوياني
المهم كان في عسكري ينظف السير يعني اشاره للمشاه واشاره للسيارات
المهم احنا ماندري بهاذا النظام العبقري وعدينا الشارع المهم العسكري يقولنا تعالو تعالو
المهم جينا قال هوياتكم ياشباب
خويي اعطاله هويته وخويي الثاني ماعنده هويه وانا الحمدالله ماسألني
المهم ركبو خويي الي ما معاه هويه في الللومينا وانا جالس اتشمت عليه وانواع الضحك:D وخويي الثاني كتبوه مخالفة قطع اشارة مشاه :OO:

[oil_HKS_lio]

رد مقتبس من عاشق الكراون
وفي مخالفه اخص من كذا
هاذي صارت في رمضان
كنا طالعين السوق انا وخوياني
المهم كان في عسكري ينظف السير يعني اشاره للمشاه واشاره للسيارات
المهم احنا ماندري بهاذا النظام العبقري وعدينا الشارع المهم العسكري يقولنا تعالو تعالو
المهم جينا قال هوياتكم ياشباب
خويي اعطاله هويته وخويي الثاني ماعنده هويه وانا الحمدالله ماسألني
المهم ركبو خويي الي ما معاه هويه في الللومينا وانا جالس اتشمت عليه وانواع الضحك:D وخويي الثاني كتبوه مخالفة قطع اشارة مشاه :OO:

لاايكون الي عند سوق الحب قريب سوق الدانه لئن نفس الشي جيت بمر قالي روح سيده:D

[Third Eye]

رد مقتبس من MARQUIS
السلام عليكم....

من امن العقوبه اساء التصرف (هذا بالنسبه لرجال الامن).....

للاسف عندنا معظم رجال الامن مو قد المسؤليه المعطاه لهم و البعض يسيء استخدام السلطه الممنوحه له كرجل امن....

و الشكر لك...

كلام واقعي