شو السالفه يا شباب الشارقة

[lumina]

السلام عليكم ورحمة الله وبركاته


شحالكم شباب وعساكم بخير ...

حبيت اتكلم عن التفتيشات هذي اللي يسووها على البحر .. و الشرطة المتبليين على الشباب و اي موتر عليه دبه صوت ولا منزل على الخفيف مسكوه وحجز 6 اشهر ولا مصادرة ... ليش كل هذا ؟ ليش ؟؟ والحجر ينطبق على السيارات الآتيه ...
1: ساكيلاين GTS
2: تويوتا كرسيدا مارك 2
3: CRX
4: اي موتر عليه دبه ولا منزل ولاشويه مخفي زيادة ...

وعلى فكره هم يدورون في الفرجان واي سيارة من السيارات اللي ذكرتها يسحبونها على الوينش من باب البيت في الليل ..

تعرفون ليش كل هذا .. بس اونه الشباب يسوون مشاكل والشباب بعد ماسوو الشرطة تفتيشات قبل كم شهر مافي احد ييلس على البحر وكانوا مثل النمل إتشوف أحلى المواتر المزوده والمزينه لكن الحينه تشوف الهنود والبنغاليه.. هل هذه التفتيشات ستزيد المشاكل او تخففها..
:think: :think:

[SLR55]

المشكلة إن الشاب ما لهم مكان يطلعون حرتهم فيه

فيلعبون في الشوارع والناس وصل حدهم يبون حل

والحينة ماحد يعرف من الغلطان ؟؟
:confused:

[الأنصاري]

والله الشرطة مشكلة كبيرة كل شئ ممنوع :D :D

عندنا في قطر ياخذون كورسات في اصوات الدبات:D :D

اعطيك مثال يوم انزلت الماجنا السبورت عليها دبه من الشركة راحو الشباب يشلونها وحطون غيرها بس الشرطة صادوهم لأنهم حافضين صوت دبه الشركة الحين يوقفونك ويعطونك :OO: :OO:

[uae speed]

صدقت اخوي ..
تدري ليش ؟

لأن الشباب خلصوا امتحاناتهم .. وما عندهم شغله حاليا الا الحواطه ..:D
أمسات كنت على بحر الشارجه وشفت تقريبا 5 جياتي موقفه وماركات عند الشرطه .. ومسكرين كل اللفات واليوتيرن .. :mad:

والله حاله .. !

[oil_HKS_lio]

افاااااااا مامسكو الا عشقي الجيتي:anger:

[بوخالد]

والله صدقك ياريال
مب بس الشارجه عيمان بعد
ياريال انا شليت الدبه الي على المارك والسبه الانجاد
بارحه امس كنت ما على البحيره ومريت على تفتيش واحصلك جياتي واسارلتات وماركات موقفه
والله قهر
يقولون الحمله هاذي بسبه انه الشباب وايد قامو يسون حوادث
واخر حادث داعمين ياهل بمارك
والقهر انه نص الي يشتغلون في الانجاد عندهم مواتر ريس
ويسحبون مواتر خلق الله
شو هذيله ما عندهم احساس

والسمووحه

[SLR]

ياجماعة هذي الحملة بأمر من الحاكم مش القصد منها التزويد بل القصد منها المخفي الزايد عن النسبة المسموح بها.. خصوصا ان حاكم الشارقة كان رافض فكرة المخفي رفضا تاما ولكن بعد صدور التعميم على سائر اماراة الدولة اصبح مسموح بنسبة 30% فقط ولكن الحاكم شاف اشياء ماتوقعها اثناء جولته في الشارقة يعني اللي حاط عاكس ومافي ولاواحد ملتزم بالنسبة سواء كان مواطن او وافد.. فقرر على حسب كلامي حجز السيارات اللتي لم تتقيد بالنسبة المطلوبه .. هذا الكلام اللس سمعته..

ولكن بخصوص الماركات والجياتي ماعندي علم بس بصراحة زين يسوون فيهم جد لانهم مسوين فوضة وحشره في الشوارع تحصل الواحد 24 ساعة يسرع ويسوي حشره في الشارع اللي يسمع يقول عنده مشوار مهم "من زين وقتهم المهم الحين":)...


تحياتي..


SLR

[lumina]

اشكركم يا إخواني على الردود ... لكن على سالفة المخفي الواحد بيحط 50% عشان الحر وانا حاط على سيارتي 50% ووقفوني في دبي بدوريات البي إم وقاللي الغالي مو جنه مخفيك غليظ قلتله بكل إحترام والله الجو حار وتعرف كيف و 30% ماتسوي شي جدام حر الظهر قاللي بكل ذوق وأخلاق تفضل الغالي الليسن والملكيه و بلسلامه لكن شوف شرطة الشارجه إييلك واحد والله المخفي زياده تترجاه وكل هذا يقولك مخالفه إنزين طوف كلها 50% لا إنته مخالف شوفوا الحاله كيف.
لا و أكثربة اللي في الأنجاد والشرطة عموما على سيارته 70% مخفي و أكثر بعد ... والله المستعان:(

[SLR]

ياخوي اللوم مب علييك يعني 50 بصراحة يطوفونها ومافيها اي عقدة.. اللي صار ان في شباب مصخوها محد سوى سواتهم يعني يوم سمحوا المخفي الكل صار يحط 70 وفوق والكل شامل والكل عاكس يعني لو مب منك من غيرك....

[ERT]

زين بعد يسوون جي ... اذيه وحشره وبعد يخففون من الزحمه ,, اما المخفي حاط على سيارتي 50 % ولا مرره وقفوني شرطه الشارجه ... اما في دبي وقفوني بس مرره ... وقالي المخفي غليظ يعني ما ينشاف شي فقلتله حاط 30 امريكي ... :D خريط ! فقالي توكل !!! :D

[Mark2]

تعرفون ليش كل ها التفتيشات
عشان انا واربيعي املعوزين المرور انا عندي موتر تعرفون شونو ها الموتر
واربيع عند gt-s والله ان جالعين الأرقام من الموتر ومركبين لكزوز القطو يدش داخله ومسوين حشرة ومن اشارة لاشارة يعني اتكون حمرة وانجاوزها والرادار يصور وانرد مرة ثانية ونفس الشي يصور الحبيب ومن يومكم الموتر ماظهرته من الكراج وهذا هي السالفة عشان المرور يعرفونا امنو احنة مب كل يوم تفتيش حاط خمسين كال لأ حاط سبعين يالله ابوي الحجز يالله الحجز شو عكيفكم هو جى احنة انكد على المرور ؟

مع تحيات اخوكم المشاغب:D راع المارك واربيعه راع الجيتي

[®Lumina ss 2002]

(مركبين لكزوز القطو يدش داخله) :laugh: :laugh: :laugh: حلوة منك
بس هه هه تحمل عن يزخونك ترا اخيس دورية دوريه الشارجة انجاس قصدي انجاد:D

[Mark2]

معاليك يا lumina ss 2002 والله ان امسويهم بلاوي وعارف شوارع الشارجة كلها يعني يوم بيسوون التفتيش انخش عنهم ادكول فار ولا صرصور يمين ويسار يمين ويسار لين ما ادش الفرجان

والله خبال قسم بالله ان فن والله عظيم يوم ادسوك و تلحك الدورية شو ما تعرك يجيسني الخبال و يجيسهم الخبال يكولون ياليت انعرف منو راعي الموتر هذا خاصة يوم ييك زلمة يسوك الأنجاد فن يا رجال اتلعوزة لين ما يكول بس ما اتبس بأة انت ايه

وانا سمعت ان اذا زخوا الموتر يعني موتري اي تصدير اي حجز والله ان بيكسرونة
اخوك المشاغب راعي المارك:D

[®Lumina ss 2002]

الله يحفظك ويحفظ موترك بس بصراحة تقاريرك حلوة :eek:

[DDesigns]

الله الله الله ......

شو هذا ؟؟؟

شباب يعني المخفي 50% ممنوع ؟؟

شباب انا توني يدي في الشارقه وسيارتي صكيتها مخفي 50% من كل الجهات ..

اما الزجاج الامامي فا خليت مخفي كامل 20% ونصف 30 بالميه يعني جينها نص 50% ونص 20% ..

طيب شباب لو مسكوني شو يسون فيني ؟؟ انا سعودي تعتقدون يمشوني ؟؟

انا اشوف شرطه الشارقه اوكي بس شرطه عيمان ما احبهم كل ما يحجزن رخصتي وايي بطلعها يصكون مخالفه مره ثانيه :mad: :mad: :corsair:

سيارتي هوندا اكوورد .


تحياتي ......

[Mark2]

هلا أخوي DDesigns

اتحمل منهم تراهم لواتة

يعني انشاء الله لو ضارب 5% على الزجاج الأمامي بيكولك لا ضارب شامل يا عمي 5% لا شامل يالله تعال راجعنا المركز

وآخر شي انحجز الموتر

والله دنيا!!!!!!!!!!!!!!!!!!!!!!!!!!!!!!

[DDesigns]

ما قلت لكم شباب اني ما احب شرطه عيمان ...

اليوم مسكني واحد منهم كان بوحه بالسياره الجيب الحمراء ..

المهم وقفني وقال لي الليسن والملكيه ..

عطيته اياهم وقعد يطالع بلوحه سيارتي الشارقه ما ادري شفيه مستغرب ..


المهم جان يي جدامي ويطالع بالمخفي الشامل اللي انا مسوي ..

جان يقولي انت مظلل زياده قلت له شلون ؟؟

سويت روحي عبيط ..

قال لي انت ضارب شامل يعني لازم احجز السياره واسحب الليسن و غرامه ..

قلت له والله ما ادري انا توني يديد هني ...

قال لي انت مو شيخ علشان تحط مخفي شامل ..

قلت والله ما ادري عن نظامكم ..

قال لي كم صار لك هني ؟؟

قلت له شهرين ..

قال طيب فك المخفي جدامي انا بسامحك هالمره ...


فا قمت وفكيته وخلاني اروح قال لي علشان انت ضيف :D :D :D :D

والله وناسه الضيف لووووووووول .

[Mark2]

قال طيب فك المخفي جدامي انا بسامحك هالمره ...
------------------------------------------------------

والله لو انا ابدالك بكولة ما بفكة اذا كال بنحجز الموتر بكولة احجزة شو يعني شهر ولا الموتر ظاهر

يكولي فك المخفي جدامي؟ خسي والله ما افكة

نفس شي استوا عندي كال الشرطي بنحجز الموتر عشان الهدرز على النيسان كدلة احجزة وحياتك احجزه
ولا يوم الثاني ظهرت الموتر من الحجز

شوفو اي شرطي يوكفني يعاملني باحترام اعاملة باحترام اما يكون خايس وياي اكون خايس وياه

وسلامتكم

[DDesigns]

والله انا اقدر اسوي مثلك اخوي Mark2 بس انا ما عندي ظهر قوي مثلك يعني ما اعرف ناس يتوسطون لي ..

وحتى لو عندي ما احب اسوي جذي يعني مو حلوه تقعد تطلب من عندهم كل ساع ..

الا اذا انت تبي تتوسط لي هذا شيء ثاني هههههههههههه ( امزح معاك )

[922]

رد مقتبس من Mark2
قال طيب فك المخفي جدامي انا بسامحك هالمره ...
------------------------------------------------------

والله لو انا ابدالك بكولة ما بفكة اذا كال بنحجز الموتر بكولة احجزة شو يعني شهر ولا الموتر ظاهر

يكولي فك المخفي جدامي؟ خسي والله ما افكة

نفس شي استوا عندي كال الشرطي بنحجز الموتر عشان الهدرز على النيسان كدلة احجزة وحياتك احجزه
ولا يوم الثاني ظهرت الموتر من الحجز

شوفو اي شرطي يوكفني يعاملني باحترام اعاملة باحترام اما يكون خايس وياي اكون خايس وياه

وسلامتكم

هذا الكلام لو سويته في السعودية بتنجلد على ظهرك بالعقال وتوقف

في التوقيف 9 ساعات وتنحجز سياراتك شهر وبيعطونك مخالفة تفحيط

عشان يعتبر ضربك تأديب

"ملاحظة" ضرب المبرح للمفحط مسموح فيه

:think: اقدر اقول ياحظكم

[Mark2]

هذا الكلام لو سويته في السعودية بتنجلد على ظهرك بالعقال وتوقف

في التوقيف 9 ساعات وتنحجز سياراتك شهر وبيعطونك مخالفة تفحيط

عشان يعتبر ضربك تأديب

"ملاحظة" ضرب المبرح للمفحط مسموح فيه
-------------------------------------------------------------------

بنجلد و بنحجز على شي تافه جي جاتل حد انا عشان يسون كل هذا؟؟؟؟؟؟؟
شوفو امريكا شو سوي ولا حد يكولها شي
:headshak: ولاي دشينا في السياسة:D

[SLR]

رد مقتبس من DDesigns
الله الله الله ......

شو هذا ؟؟؟

شباب يعني المخفي 50% ممنوع ؟؟

شباب انا توني يدي في الشارقه وسيارتي صكيتها مخفي 50% من كل الجهات ..

اما الزجاج الامامي فا خليت مخفي كامل 20% ونصف 30 بالميه يعني جينها نص 50% ونص 20% ..

طيب شباب لو مسكوني شو يسون فيني ؟؟ انا سعودي تعتقدون يمشوني ؟؟

انا اشوف شرطه الشارقه اوكي بس شرطه عيمان ما احبهم كل ما يحجزن رخصتي وايي بطلعها يصكون مخالفه مره ثانيه :mad: :mad: :corsair:

سيارتي هوندا اكوورد .


تحياتي ......
بهالطريقة انته مش بس مخالف انته فوق المخالفه وهذي مافيها تفاهم ابد لانها واضحة وفيها حجز من غير تفاهم .. لو الجوانب والخلفية بيمشونها بس الامامية كلها يعني شامل يعني بالمختصر حجز سيارة من غير اي سؤال...
ونصيحة مني لك شيل الامامي فقط وخله شويه والا شيله