هل ستنكسر الالتيما في الامارات ؟

[زورو الامارات]

بسم الله الرحمن الرحيم

السلام عليكم ورحمة الله وبركاته


الكل يعلم ان نظام التأمين على السيارات في الامارات إجباري

والكل يعلم ان المكسيما السياره الاولى الغير مرغوب في تأمينها في الامارات لسرعتها وخفه وزنها وتسببها في الكثير من الحوادث


هل سيصبح مصير الالتيما الجديده خصوصا ذات محرك ال 6 سلندر مصير المكسيما ؟

هل سنجد هروب من شركات التأمين عن تأمينها كالمعتاد مع سيارات نيسان الصالون ذات ال 6 سلندرات ؟

مثل ماكان يحصل مع الالتيما القديمه كانت مشكله مع التأمين واذا وجدت لها تأمين تجده غالي جدا وعند شركات محدوده وكذلك المكسيما


اتوقع ان نفس المشكله ستكون مع الالتيما الجديده وهذا شي عن خبره


تحياتي لللكل

[CoRolla_04]

السلام

والله شي غريب شركه تامين ترفض تامين سياره صالون وكاله بعد

غريبه والله

[SLR]

رد مقتبس من CoRolla_04
السلام

والله شي غريب شركه تامين ترفض تامين سياره صالون وكاله بعد

غريبه والله

ياخوي لان مايصير شهر الا والشباب يكنسلونها.. لردائة البودي يعني بسرعة تتكسر وتكاليف تصليحها بقيمة السيارة...

واغلب الشركات قامت برفع قيمة التأمين لانها على علم ان مهما راح ورجع الزبون راح يرجع لها.. وهذي الشركة من النوع المغامر ياتكسب وياتخسر بتأمينها لهالنوعية من السيارات...

انا اقول ان التيما وصلت متأخرة خصوصا اصبح بمقدرة الكل الحصول على اي سيارة يرغبها بتسهيلات مالها مثيل في اي دولة اخرى...

[CoRolla_04]

ليش ما يكون التامين عند نفس الشركه عند نيسان

الولد سيارته من تويوتا والتامين عندهم في نفس الشركه بس سعر التامين مرتفع شوي فرق 1200 ريال عن باقي شركات التامين

[RED Chevy]

والله مدري بس غريبة:D

عندنا في البحرين الكوبيه( لاحظوا بس الكوبيه مو السيارات الرياضية يعني حتى لو سفك هاشتباك:D ) يكون تأمينها غالي لا وسواد الويه لي رحت بتأمن كابرس قديم ياخذون أكثر يقول لك 8 سلندر ليش إنت بتدفع بدل بنزين:D

[S8]

طيب ياكثر حوادث اللومينا !!!

وهذي السيارة اخف من المنديل في الخط السريع

[الشبابي]

والله شئ غريب ...
عندنا بالسعودية على الرغم من ان بلدنا من اكثر البلدان حوادث في العالم الا ان شركات التأمين تأمن اية سيارة ...
وبعدين الالتيما الجديدة تختلف عن الماكسيما فهي اثقل وفيها انظمةت رساوة اكثر .....













اخوكم الشبابي

[زورو الامارات]

السلام عليكم ورحمة الله وبركاته


مادري شو اقول لكم بس مادري شركات التأمين عندنا تخاف من سيارات نيسان الصالون

انا مره كنت في شركة قطر للتأمين أأمن سيارتي قلت له ليش ما تأمنون المكسيما ؟


قالي عقب ماعفس وجهه ماتنفع هالسياره فيها شي في البريك مايمسك او شي من هالكلام يعني امان مافي والبدي تعبان

هالكلام حسب قول الموظف

وعلى مسؤوليتي في من هالكلام بخصوص المكسيما والكل يعرف

مع اني احترمها بصراحه بس مادري كيف نيسان سياستهم في الصناعه سياراتهم ماتعيش كثير يعني بسرعه تقدم

لكنهم من ناحية المشاكل والاعطال فهم ممتازين جدا واحسن من سيارات المانيه كثيره

[RED Chevy]

رد مقتبس من زورو الامارات
السلام عليكم ورحمة الله وبركاته


لكنهم من ناحية المشاكل والاعطال فهم ممتازين جدا واحسن من سيارات المانيه كثيره

إسمع عيل مرة جارنا كان عنده 240 لوريل صدمه واحد من ورى طاح الصدام الجدامي:laugh:

[DraGGeR]

طيب وش رأيكم تأمين السيارات في كندا له دخل بلون السيارة؟؟!!!:damp:

يعني لمبرجيني أصفر أغلى من لمبرجيني أحمر :OO: :OO:

يقولو ان لون الأصفر يلفت انتباه أكثر من أي لون فترتفع نسبة الحادث؟؟؟!!!

سلام

[بن ممدوح]

رد مقتبس من DraGGeR
طيب وش رأيكم تأمين السيارات في كندا له دخل بلون السيارة؟؟!!!:damp:

يعني لمبرجيني أصفر أغلى من لمبرجيني أحمر :OO: :OO:

يقولو ان لون الأصفر يلفت انتباه أكثر من أي لون فترتفع نسبة الحادث؟؟؟!!!

سلام

يعني نحمد ربنا هني انهم ما يدفعونا على اللون :D

[SKYLINE GTR]

اللي ما يطول العنب

انا استغرب كثير من هالكلام ، الماكسيما ما تتحمل وحوداثها كثيرة وما ادري وش بعد

انا معي ماكسيما وماشية معي زي العسل ولا قد صار علي الا حادث واحد فيها بسبب السرعة الله يهديني :D

استغرب كثير من اللي يقولون انها ريشة ، لو انها ريشة زي ما يقولون شي بديهي ان ما احد يشتريها لكن اشوف ان فيه اقبال عليها كبير

اذكر في عام 98 بيعت من الماكسيما 15 الف سيارة في الشرق الاوسط ، هذا وش يدل عليه ؟ :think: