إربح 4سيارات نيسان Z الجديدة كلياً

[Dreams_Maker]

السلام عليكم ورحمة الله وبركاته

إربح 4سيارات نيسان Z الجديده

http://www.ftws.net/alzaeem1/1free/NewZ350.jpg

أكيد الكل منكم شاف هالإعلان في الشوارع والصحف والمجلات..

وأكيد الكل تنبأ بمستقبل باهر لهذه السياره لأسواقنا الخليجيه..

بسبب ماتحمله السياره من مواصفات تأهلها لان تكون الفريده من نوعها.. وتحملها لتتربع على عرش السيارات الرياضيه الكوبيه بأسواقنا الخليجيه

سياره رياضيه كوبيه 3.5لتر//دفع خلفي//شكل جميل وأداء خارق.. وسعر قريب من الـ140ألف ريال سعودي. لأعلى فئه.


ولكن أين المشكله..

فلم ترضي هذي السياره رغبات وآمال محبيها..
وقد يكون أحد الأسباب السعر المرتفع جداً...
ولكنه يبغى منافس لسيارات من فئتها مثل اللكزس SC430 الكوبيه..
والبورش بوكستر...والبنز SLK والبي ام 330CI...

فهذي السياره "Z350"...أرخصهم سعرها وأفضلهم أداءً...
ولكن بالطبع البنز واللكزس أضمن من ناحية الجوده وسعر مابعد البيع..


عموماً...

هذا مالدي بخصوص الـ"Z350" الجديد..

وأترك الرأي لكم...

بخصوص هذه الأسئله!!
"هل فشلت نيسان زد الجديده؟؟"

"ماهي أسباب فشلها؟؟."

"ماهي اقتراحاتكم وحلولكم المطروحه لتحسين مبيعات السياره في السوق الشرق أوسطيه؟؟."


وتحياتي للجميع

أخوكم

[RED Chevy]

بالعكس تماماً الزد اليديد ماشي سوقه تمام التماما عندنا اللون الأحمر بس يمكن في منه بس في البحرين هذي وهو توه نازل إنتشر بشكل حلو وتشوفه بكثرة لكن مشيه مو اللي يترس عين صاحبه :damp: صديق إخوي مو عاجبه مشيه لكن بعد السستم والكزوز صار:sleep:

[oil_HKS_lio]

انا مابغا غير صوره الكبيره البرتقاليه الي حاطينها اعلانات في كل مكان ابغا احطها في الغرفه:D

[زورو الامارات]

السلام عليكم ورحمة الله وبركاته


لاتظلمون السياره السياره ماشيه بشكل حلو جدا

وهي افضل سياره في فئتها بالنسبه للمواصفات والسعر

اذا قارناها بالبورش بوسكتر أس او بسيارات اخرى

اداءها ممتاز وانتشارها طيب وسعرها مناسب جدا ولاتنسون انها سياره ذات تاريخ ولها عشاق مايتخلون عنها وينتظرون اي شي جديد عنها

[Mark2]

والله بكلكم ابصراحة
اول شي اسعر امبالغ شوي يعني 140 ألف مب وايد آخذ استيشن ابرك
وثاني شي شخصين 140 ألف عشان شخصين بس؟
وثالث شي ماعليه اي شي يعني انجكتر قلنا تيربو ولا سوبر ؟

انا امحصل z350 توين تيربو من الوكالة ماشي 1800 كلم سكان يمين مطلوب فيه 75 ألف شو رايكم؟

[Dreams_Maker]

RED Chevy
مشكور اخوي..
بس السوق البحريني مايعطي انطباع عن نجاح او فشل سياره...
ومسامحه

oil_HKS_lio
طيب ياخي جيب ردك اللي في الشرقيه بويز..وسو له كوبي بسيت :D

زورو الامارات
والله اخوي...ماأدري عندكم بالإمارات كيف الوضع...بس عندنا السياره تقريباً معدومه...وماتحصل منها كميات كبيره..والإعلان يشهد

Mark2
مشكور..وانا بعد اشوف انه السعر أحد الأسباب بس مو كلها...


:help:

[CORVETTE^C5]

قبل يومين شفت اعلان في الجريدة لوكيل النسيان عندنا ( الكويت ) امسوي عروض على مجمووعه من السيارات و كان سعر الزد 11 الف صار ب 10 الاف دينار

بالنسبه لي اشوف انه السياره ناجحه و منتشره وايد عندنا

انا من وجهة نظر ما اعتقد الي يشتريها متهم بالقوه لانها مو قويه وايد
بال عشرة الاف تقدر تشتري كورفت او سياره اخرى ثمانيه سلندر مستعمله على الخفيف اقوى منها لكن الي يشتريها يمكن يشتريها بسبب تصميمها او حبا بالزد

و تحياتي

[BLACK-ICE]

انا عن نفسي هنا بالشرقيه ولا مره شفت وحدة بالشارع!!

[Dentist]

رد مقتبس من Mark2
===والله بكلكم ابصراحة
اول شي اسعر امبالغ شوي يعني 140 ألف مب وايد آخذ استيشن ابرك
وثاني شي شخصين 140 ألف عشان شخصين بس؟

=====

طيب يعني وش نقول في البورش اللي بـ 400 ألف وزيادة
والفيراري المودينا والمارنيللو و .... كلها فوق النص مليون !
يعني نشطب هالسيارات كلها عشانها شخصين على قولك :)


===
انا امحصل z350 توين تيربو من الوكالة ماشي 1800 كلم سكان يمين مطلوب فيه 75 ألف شو رايكم؟
=======

من كلامك واضح ليش سعرها طايح
السيارة اللي شفتها مقودها أيمن !
وهذا من أكبر اسباب نزول سعر السيارات سواءً رياضية أو غيرها ..



وبشكل عام .. السيارات الكوبيه ينزل سعرها كثير مستعمله







من ناحيتي .. أعتبرها من أفضل السيارات في فئتها لو ماكانت الأفضل
قوة
شكل جميل
تاريخ عريق
وسعر ممتاز لو قارنها يمثيلاتها

اللكزس الكوبيه بـ 270 ألف وهذي اللي فعلا سعرها مبالغ فيها


والبوكستر غاليه بعد مقارنه بمواصفاتها .. لكن يشفع لها اسم بورش طبعا:cool:




تحياتي

[Maximotion]

السلام عليكم ورحمة الله وبركاته

والله يا شباب انا رأي انو السيارة رائعة ومابيها شي. حتي اني سقتها وجربتها والسيارة قمة في التماسك والقوة.

بس السبب كله يكمن في سعرها وعدم وجود مواصفات مختلفة من السيارة يعني سعر واحد ومميزات ثابتة مو بزي امريكا.

وشكرا

[Dreams_Maker]

CORVETTE^C5
كلامك صحيح..وانا اليوم شفت حلقة لـنديم مهنا في دبي وكانت حلقته عن الـZ الجديد..وقال هو انه السياره جيده..بس قوتها مو زي المطلوب..

BLACK-ICE
في الشرقيه شفت 2..وكلهم لونهم نحاسي(برتقالي)

Dentist
مشكور اخوي..

Maximotion
سبب معقول...


وتحياتي

[Maximotion]

السلام عليكم ورحمة الله وبركاته

بخصوص الموضوع نفسه.... انا صدفتا قابلت امس احد المسؤولين في نيسان السعودية وبلغني ايش سبب السحب حق الزد350

السبب يكمن في انو الزد سيارة جذابة واحسن طريقة لزيادة البيع في المعارض هو تحميس الزبائن علي الذهاب الي المعرض .. والسيارة الوحيدة الجذابة الي ممكن تغريهم للذهاب للمعرض هيا النيسان الزد 350 فقررو عمل الحملة او المسابقة عليها.

للعلم والاحاطة !!!

[Dreams_Maker]

مشكور اخوي..

والمهم انه هدف الحمله وهدف اي مسابقة او حمله هي زيادة بيع السلع...
وهذا يأكد قلة مبيعات الزد


وتحياتي