عندي مشكلة مع السفايف

[Crackjas]

السلام عليكم
شلونكم شباب؟
انا عندي باثفايندر موديل 2000 وتوني ركبت فحمات(سفايف) اصلي (Key Value) طبعا مع خراطة للديسكات
المشكلة اهني بعد ما طلعتها من الجراج امس ما تمشي معاي زين ...ولما ادوس بريك ما توقف معاي الا بالحسرة:Sad2:
احد الشباب نصحني قال كل مرة لازم ادوس بريك وامرنها حتى يسري زيت البريك على السفايف قبل لا اشغل السيارة ويوم على الاكثر وتروح هالمشكلة بس للحينها ما راحت:anger:
انا جم مرة بغيت اسوي حادث لولا الله ثم الهاند بريك :(

سلام

[grandv8]

السلام عليكم ورحمة الله وبركاته

اخي
عندما تضغط على الفرامل تحس ان الفرامل يابسة ولينة،اذا كانت لينة يوجد هواء بالفرامل،وانت واقف بالسيارة وقم بضغط كم مرة على الفرامل لين تحس بيصير يابس يعني شوي جامد.وجرب السيارة وان شاء الله بتحس بفرق واذا مانفعت قم بفحص ماستر سلندر للفرامل بحجرة المحرك يمكن به خلل ولازم تتغير ،وهي توازن بين الفرامل ومسكة الفرامل،وانت يوم بدلت الفرامل غيرت زيت الفرامل بعد.

وان شاء الله الشباب بيفدونك

تحياتي
:)

[Crackjas]

مشكور اخوي grandv8
انا بصدد تنفيذ ما قلته غدا ان شاء الله
:)

[666]

بسم الله الرحمن الرحيم


يفترض ان اللي بدل لك السفايف ( القماشات) يسوي وزن للبريك عن طريق اخراج الهواء الزائد ..

أخوي اذا انت ما تبدل زيت البريك من قبل أنصحك تبدله بيفرق معاك البريك واااجد بعد وضع زيت بريك جديد وبتطلع قوة الفرامل كامله .

ارجع الى اللي ركب لك السفايف و خله يحط لك زيت بريك جديد و يوزن البريك .. الشغله ممكن انها تطول شويه ربع ساعه بس انت المستفيد .




تحياتي

[s_sfs]

بسم الله الرحمن الرحيم


يفترض ان اللي بدل لك السفايف ( القماشات) يسوي وزن للبريك عن طريق اخراج الهواء الزائد ..

أخوي اذا انت ما تبدل زيت البريك من قبل أنصحك تبدله بيفرق معاك البريك واااجد بعد وضع زيت بريك جديد وبتطلع قوة الفرامل كامله .

ارجع الى اللي ركب لك السفايف و خله يحط لك زيت بريك جديد و يوزن البريك .. الشغله ممكن انها تطول شويه ربع ساعه بس انت المستفيد .




تحياتي