المصابيح البلاستيكية !!!

[bahrainlove]

عندي استفسار بخصوص المصابيح الأمامية للهوندا وخصوصاً CRV هو انها تفقد لمعانها بسبب عدة عوامل مما يشوه شكل السيارة ... فهل هناك طريقة لأعادتها كما كانت أم لا بد من تغييرها مع العلم ان سعر الواحدة 85 دينار وهو سعر مرتفع .......... وشكراً

[bahrainlove]

معقوله ولا واحد من اللي دخلوا عنده فكره عن هالموضوع ؟؟!!

وين الخبراء :think:

[بوخالد]

هلا اخوي
شي طريقه وحده انك تضرب polsih على المصابيح
وبهاذي الطريقه ترد اللمعه مثل الاول
واذا تبا اتعرف وين اتسير
سير الوكاله لانهم هم عندهم polsih خاص بالبلاستيك
وهم بيضربون لك polsih بالمكينه على المصابيح
والسمووووحه

[bahrainlove]

مشكور خوي بو خالد على المرور :rolleyes:

[A7medo]

والله لو اعرف قلت لك

والله ما قط صادتني هذي الشغلة

[سنـاري]

في محل عندنا في جدة ينظف لك الانوار الامامية و يشيل الغبار و الشوائب اللي فيها بقيمة 10 ريال للمبة الواحدة

[bahrainlove]

ياريتني كنت في جده

ومشكور يا سناري

[ABD 911]

يابوي لا جده ولا ياريت ..

أنت في البحرين صحيح ..

عندك محل في الدمام إسمه أرمز يقوم بتنظيف الأنوار المرمولة وفاقدة اللمعة .. والمحل هذا له فرع في الخبر في الثقبة في صناعية الخليج ولكن أنصحك بالدمام لأنه الأقدم وهو الأصل و مجرب شغله ..

سويت عنده سيارة ولد عمي BMW 525 كان رايح الرياض وماكملت عنده 9 شهور والسيارة إنرملت عليه في الخط .. والمسكين مادرى إلا يوم رجع .. النور صار ما منه فايده من قوة الترميله .. ووديناها ل أرمز وماشالله رجع لمعانها بنسبة 90% .. وأيضاً شفت عنده كابرس SS 2004 قبل شهر .. السيارة جدييييييدة ولكن لمباتها الله لا يوريك مرمولة رملة تخليك تصيح لا شفتها ولكن ماشالله رجعها أحسن من الوكالة ..

طريقته تعتمد على الصنفرة بورق الصنفرة العادي أولاً ثم وضع معجون خاص ودعكه بواسطة مكينة خاصة ((يكررها من 3 إلى 4 مرات إلى ان تتنظف بشكل تام )) .. الشغله كلها ما تاخذ ساعة ونص ..
عيبه الوحيد هو السعر .. غالي شويه .. يعني لمبات أمامية فقط ب 150 ريال .. لمبات + كشافات ب250 ريال ولكن أفضل من أنك تغير اللمبات ..


بو 10 ريال هذولي شفتهم في سوق الزينة .. سوداني معه فوطة و علبة منظف مو داري وين الله قاطه فيه .. قال لي في البداية ب 60 ريال وكاسرته إلى 15 .. يوم شفت كذا نزلني 45 ريال عرفت إنه نصاب و ماعنده سالفة ..




ABD 911 :cool:

[oil_HKS_lio]

في شارع تيوتا وقف في المواقف غمض عينك ومد ايدك تصيد لك زول(سوداني) يلمعهم لك

[السائق المثالي]

محلات التلميع الساطع يقومون بهذه العملية على أكمل وجه
والسعر عندنا لن يزيد عن 100 ريال
يعني ترقيبا 10 دنانير :rolleyes:

[loolicpolic]

رد مقتبس من ABD 911
يابوي لا جده ولا ياريت ..

أنت في البحرين صحيح ..

عندك محل في الدمام إسمه أرمز يقوم بتنظيف الأنوار المرمولة وفاقدة اللمعة .. والمحل هذا له فرع في الخبر في الثقبة في صناعية الخليج ولكن أنصحك بالدمام لأنه الأقدم وهو الأصل و مجرب شغله ..

سويت عنده سيارة ولد عمي BMW 525 كان رايح الرياض وماكملت عنده 9 شهور والسيارة إنرملت عليه في الخط .. والمسكين مادرى إلا يوم رجع .. النور صار ما منه فايده من قوة الترميله .. ووديناها ل أرمز وماشالله رجع لمعانها بنسبة 90% .. وأيضاً شفت عنده كابرس SS 2004 قبل شهر .. السيارة جدييييييدة ولكن لمباتها الله لا يوريك مرمولة رملة تخليك تصيح لا شفتها ولكن ماشالله رجعها أحسن من الوكالة ..

طريقته تعتمد على الصنفرة بورق الصنفرة العادي أولاً ثم وضع معجون خاص ودعكه بواسطة مكينة خاصة ((يكررها من 3 إلى 4 مرات إلى ان تتنظف بشكل تام )) .. الشغله كلها ما تاخذ ساعة ونص ..
عيبه الوحيد هو السعر .. غالي شويه .. يعني لمبات أمامية فقط ب 150 ريال .. لمبات + كشافات ب250 ريال ولكن أفضل من أنك تغير اللمبات ..


بو 10 ريال هذولي شفتهم في سوق الزينة .. سوداني معه فوطة و علبة منظف مو داري وين الله قاطه فيه .. قال لي في البداية ب 60 ريال وكاسرته إلى 15 .. يوم شفت كذا نزلني 45 ريال عرفت إنه نصاب و ماعنده سالفة ..




ABD 911 :cool:

الطريقة إلي بـ 150 عندنا في الدوحة بـ 30 ريال للمبة الوحدة :shock2: ..

غالي عندكم..


تحياتي..

[بوخالد]

رد مقتبس من ABD 911
يابوي لا جده ولا ياريت ..

أنت في البحرين صحيح ..

عندك محل في الدمام إسمه أرمز يقوم بتنظيف الأنوار المرمولة وفاقدة اللمعة .. والمحل هذا له فرع في الخبر في الثقبة في صناعية الخليج ولكن أنصحك بالدمام لأنه الأقدم وهو الأصل و مجرب شغله ..

سويت عنده سيارة ولد عمي BMW 525 كان رايح الرياض وماكملت عنده 9 شهور والسيارة إنرملت عليه في الخط .. والمسكين مادرى إلا يوم رجع .. النور صار ما منه فايده من قوة الترميله .. ووديناها ل أرمز وماشالله رجع لمعانها بنسبة 90% .. وأيضاً شفت عنده كابرس SS 2004 قبل شهر .. السيارة جدييييييدة ولكن لمباتها الله لا يوريك مرمولة رملة تخليك تصيح لا شفتها ولكن ماشالله رجعها أحسن من الوكالة ..

طريقته تعتمد على الصنفرة بورق الصنفرة العادي أولاً ثم وضع معجون خاص ودعكه بواسطة مكينة خاصة ((يكررها من 3 إلى 4 مرات إلى ان تتنظف بشكل تام )) .. الشغله كلها ما تاخذ ساعة ونص ..
عيبه الوحيد هو السعر .. غالي شويه .. يعني لمبات أمامية فقط ب 150 ريال .. لمبات + كشافات ب250 ريال ولكن أفضل من أنك تغير اللمبات ..


بو 10 ريال هذولي شفتهم في سوق الزينة .. سوداني معه فوطة و علبة منظف مو داري وين الله قاطه فيه .. قال لي في البداية ب 60 ريال وكاسرته إلى 15 .. يوم شفت كذا نزلني 45 ريال عرفت إنه نصاب و ماعنده سالفة ..




ABD 911 :cool:




250:shock2:
والله حرام انا عندي مكسيما موديل 2000
يوم تغبر اللمبات اوديها الوكاله يلمعونها بلاش
وبدون فلوس

[bahrainlove]

أشكر جميع الأخوان على ردودهم وياريت الأخ ABD 911 يوضح مكان أرمز لأنه شكله الحل الوحيد .... بالنسبة للسودانيين الموجودين في الدمام .. جربت بس ما نفع لأنه يستخدم مواد تلميع عادية .... وشكراً مره ثانية للجميع

[Third Eye]

رد مقتبس من سنـاري
في محل عندنا في جدة ينظف لك الانوار الامامية و يشيل الغبار و الشوائب اللي فيها بقيمة 10 ريال للمبة الواحدة

أخوي ممكن تقولي المكان؟

[S8]

اخ سناري ...

لازلنا ننتظر منك توصيف هذا المحل ...

لوتكرمت

تحياتي:)

[سنـاري]

الاخوة

third eye - S8

اعتذر لكم عن التأخير

مع العلم اني حصلت على هذه المعلومة من احد الاعضاء في منتدى السيارات ... سأبحث عن ذلك الموضوع و ارد لكم خبر

;)

[سنـاري]

المحل اسمه : الماهر

خلف بنده العزيزية و تويز ار اص عند مجرى السيل

شارع السبعين

المعلومات قدمها لي مشكورا الاخ ماهر ( ام حديجان ) من منتدى السيارات

و تقبلوا خالص الشكر و التقدير

:glasses2:

[عباس المفك]

يا الربع وين مكان المحل الي بالدوحه
موتري تبهدل من خط الامارات :(

[S8]

الماهــــــــــــــــــــــــــــــــــــــر؟:headshak: :corsair:

حسبي الله ونعم الوكيل ...

هذا المحل اكره ادخله ولا امر عليه :headshak:

ريحة النصب والغش اشمها من على بعد كيلو :mad:


تحياتي:)