View Full Version : لماذا يجب عليك تغيير زيت القير الاوتماتيكي حقائق بالصور+شرح >>
بسم الله
اهمية تغيير زيت القير الاوتو :
يعتمد تشغيل القير على الزيت بشكل كبير جداً وكذلك يتم تبريد القير ايضاً من خلال الزيت بدخول الزيت الى الرديتر او بوجود مبرد خارجي و على عكس القير العادي يوجد داخل القير الاوتو قطع الكترونيه ومنظمات وهي جداً حساسة لوجود اي شوائب .
هذي صورة لقير اتوماتيكي داخليه :
http://masterpiece.jeeran.com/DSCN0745.JPG
الشوائب : اغلب الشوائب اللي تتكون في القير او المكينه على حد سواء برادة الحديد او بالعامية ولاسمح الله دخلت الشوائب القير احتمال كبير يخبط طبعا الشركات المصنعة للسيارات وضعت احتياطات تمنع دخول الشوائب الى داخل القير من ضمنها:
1- الحاجز الاول
فلتر القير:
فلتر للقير يقوم بعمليه تصفيه للزيت النازل من القير الى الكارتير "اناء الزيت"
وعند تلوث فلتر القير بالبرادة يقل تصريفه للزيت وطبعاً يطيح عزم السياره بشكل ملحوظ جداً لان حركة الزيت تكون بطيئه
هذي صورة لفتر قير قديم وواحد جديد:
http://masterpiece.jeeran.com/DSCN0740.JPG
الحاجز الثاني:
قطع مغناطيسة تكون مثبته بقعر الكارتير " انائ الزيت" وعند حركة الزيت تكون برادة الحديد ثقيلة
فتجذبها القطع المغناطيسية
وهذي صورة لقطعة مغناطيسية وواضح عليها برادة الحديد الكثيفة:
http://masterpiece.jeeran.com/DSCN0734.JPG
س/ ماذا احتاج لتغيير زيت القير؟
هناك خطأ جسيم يرتكبه معظم الاشخاص انهم يقومون بتغيير الزيت فقط دون الفلتر.فعند تغيير الزيت فانك بكل بساطه تقوم بتحرك البرادة
واللي ممكن توصل للقير اذا كانت كثيفة.
وهذي صوره الكرتير بدون تنظيف وواضح فيه السواد "برادة الحديد"
http://masterpiece.jeeran.com/DSCN0730.JPG
وهذي صورة الكرتير بعد تنظيفه بالبنزين + تنظيف قطع المغناطيس
http://masterpiece.jeeran.com/DSCN0746.JPG
فالطريقة الصحيحه للتغيير انك تغيير الفلتر والزيت مع بعض
وهذي صورة للقطع المطلوبة للتغير الزيت:
http://masterpiece.jeeran.com/DSCN0729%20.jpg
وتتكون من فلتر للقير و زيت و معجون
طبعاً بعض السيارات يكون بدال المعجون وجه مطاطي وكلهم يمنعون تهريب الزيت بشكل دائم
س/ متى يتم تغيير الزيت؟
الزيت يتم تتغييره كل 40 الف واذا كانت المره الاولى يعني السيارة جديده فبعد 60 الف ثم كل 40 الف
س/ انا شخص راعي مقاومات وتفحيط وسرعة او معي سيارة مكيتنها قوية "لومينا اس اس" مثلاً وش تنصحني ؟
ضروري تتابع حراره السيارة والقير خاصة واذا امكنك تركب مقياس حراره يعلمك اذا زادت حراره القير عن المعدل الطبيعي يعني اذاوصلت على سبيل المثال 280 فهرنهيت ضروي توقف وتترك القير يبرد شوي او حط ب N لبضع دقائق.
كذلك ضروري تغير الزيت مع الفلتر كل 30 الف
هذا والله اعلم
اتمنى الموضوع يكون نال اعجابكم
وياليت يتثبت لتعم الفائدة
A7medo
27-07-2004, 08:32 PM
مشكوووور اخوي ما قصرت
يعطيك الف عافية على هذا المجهود
والله انك هل يومين شغال عدل
بس حبيت اقوول شي
اذا واحد راعي قومات وجا وقت تبديل زيت القير خل يركب له شفت كت
مرة وحدة و بتتحسن التبديلات عنده
الأنصاري
27-07-2004, 08:41 PM
مشكور ويعطيك العافية على الموضوع المتكامل الصراحة
في نقطة خارجية انصح ممتلكي سيارات تويوتا انهم يستعملوون زيوت الشركة سواء المحرك او الجير لأن الصراحة ادائها مبهر
يعني زيت المحرك الموبيل العادي يتغير كل 3000كم بس زيت تويوتا من واقع تجربتي يكون على 4000 كم جديد ومافي داعي تغيرة اعتقد يتحمل لل5 الاق
مؤيد اف1
27-07-2004, 09:36 PM
مشكور اخوي على الموضوع المفيد:) ناس كثيره تقول مايحتاج تغيير زيت الجير و المشكله من بينهم ابويي:D بس انا اغيره ب 100 وشوي تدفعها اهون من انك تدفع 3000 آلاف لجير او اكثر :D
وثانيا التغيير كل 40 الف يعني كل سنه او سنتين يعني مو شي:)
grandv8
27-07-2004, 10:42 PM
السلام عليكم ورحمة الله وبركاته
ماشاء الله عليك اخوي وفيت وكفيت، بس شي نوع من فلتر خاص للقير بيمشي لك ويصفي اكثر من فلتر الوكالة،وشي نوع من الزيت يجي خاص لسيارة السباق او دراق ريس وشي زيت خاص لسيارات الدفع الرباعي يجي نوعه هفي ديوتي.
تحياتي لك
ونثبت الموضوع
:)
أمير أبوظبي
27-07-2004, 11:20 PM
موضوع جميل تسلم عليه...يعطيك العافيه
بس انا أقول لو ان سيارتك يابانيه ... مايحتاي لا تغير زيت قير ولا غيره ...بس عبي بترول وتوكل على الله;)
مشكورين شباب على الردود
أمير أبوظبي:
من الصور اعلاه تقدر تلاحظ برادة الحديد المتجمعة واللي تسبب تخبيط القير
كذلك بعد تغيير الزيت+الفلتر السيارة تفرق فرق جامد في القومة والخط
وماتفرق اذا كانت ياباني او الماني او امريكي
مدام القير من معدن فهو معرض للاحتكاك والتأكل
تحياتي 902
until the end
28-07-2004, 03:31 AM
السلام عليكم ورحمة الله وبركاته
مشكور على الموضوع المفيد والهام
مشكور على المجهود :banana:
بوخالد
28-07-2004, 03:55 AM
مشكووووووووووور اخوي 902 على هاذي المعلومات المهمه والمفيد ه
ويعطيك الف عافيه على هذا المجهود
تحياتي
ABD 911
28-07-2004, 11:45 AM
شرح وافي و جميل ..
عندي لك سؤال وهو : في سيارتي إذا جا القير يغير من أول لثاني أو من ثاني لثالث السيارة تجيها نفضة (قوة دفع من ورا) بشكل مزعج كأن واحد صدمك من ورا على خفيف .. يعني أحس التغييرات غير ناعمه أبداً .. فياليت أعرف السبب عشان أصلحه قبل ماتكبر الشغله ..
تحياتي
ABD 911
السلام عليكم ورحمة الله وبركاته
مشكور على الموظوع المهم
انا عندي سؤال اذكر لمه رحت ابدل دهن القير بالوكاله قلت دهن وفلتر قالي القير مافيه فلتر بالمديل هذا قلتله ليش قالي نضام جديد ودهن هذا دهن خاص ما يحتاج فلتر الصراحه انا انصدمة وكلمت واحد وقالي اي تصير ممكن .السياره سوبر سفاري 2002
انا ما ادري يعني قاصين علي ولا شسالفه بعدين ليش يقصون علي لانا اذا مع فلتر راح ادفع اكثر
بس السالفه هذي تصير يعني سياره من غير فلتر قير لانه لها دهن خاص؟
Dr cars
28-07-2004, 05:42 PM
مشكور أخي على مجهودك....بارك الله فيك
TOP-SECRET
28-07-2004, 07:17 PM
رد مقتبس من بوخالد
مشكووووووووووور اخوي 902 على هاذي المعلومات المهمه والمفيد ه
ويعطيك الف عافيه على هذا المجهود
تحياتي
رد مقتبس من ABD 911
شرح وافي و جميل ..
عندي لك سؤال وهو : في سيارتي إذا جا القير يغير من أول لثاني أو من ثاني لثالث السيارة تجيها نفضة (قوة دفع من ورا) بشكل مزعج كأن واحد صدمك من ورا على خفيف .. يعني أحس التغييرات غير ناعمه أبداً .. فياليت أعرف السبب عشان أصلحه قبل ماتكبر الشغله ..
تحياتي
ABD 911
متى غيرت الزيت اخر مره
طبعاً موجود منظم مسؤول عن تغيير النمر يمكن تعطل بسب الشوائب
شوف تأكد من مستوى الزيت ولونه اذا كان مايل للسواد
وغير الزيت والفلتر اذا كنت ماغيرتهم
رد مقتبس من فاهم
السلام عليكم ورحمة الله وبركاته
مشكور على الموظوع المهم
انا عندي سؤال اذكر لمه رحت ابدل دهن القير بالوكاله قلت دهن وفلتر قالي القير مافيه فلتر بالمديل هذا قلتله ليش قالي نضام جديد ودهن هذا دهن خاص ما يحتاج فلتر الصراحه انا انصدمة وكلمت واحد وقالي اي تصير ممكن .السياره سوبر سفاري 2002
انا ما ادري يعني قاصين علي ولا شسالفه بعدين ليش يقصون علي لانا اذا مع فلتر راح ادفع اكثر
بس السالفه هذي تصير يعني سياره من غير فلتر قير لانه لها دهن خاص؟
والله هذا الكلام سمعته على اكثر من سياره ولكن ضروي ينفك الكرتير تبع القير لتنظيف قطع المغناطيس من البراده
ويمكن قطع المغناطيس اكبر من اللي في الصور اعلاه وتؤدي عمل الفلتر
وحتى لوكان الزيت خاص لازم تتولد براده حديد من القير ولازم تتجمع
loolicpolic
28-07-2004, 09:37 PM
موضوع جدا رائع، وتشكر عليه..
تحياتي..
Dentist
29-07-2004, 01:38 AM
موضوع جميل ومهم وناس كثير تتجاهل اهميته !!
تسلم 902 عالمجهود
وبالنسبة لموضوع ABD 911
انا بعد كانت عندي هالمشكلة وقالولي غير زيت القير وفلتره وتروح لكن بعد تغييره نفس المشكلة موجودة
خشونة زاضحة في تبديل القير من الأول للثاني
خاصة لما أشد عالسيارة
الله يستر لا يكون القير يحضر ... تراني حارق السيارة حرق وامبير الـRPM يوصل الـ 6000 بشكل يومي :o
بسم الله الرحمن الرحيم
مشكوووور على الموضوع الحلو
كذلك ينصح بتغيير زيت القير عند الوكيل .. بعض اليميانيه و البنشريه :D يستخدمون زيت البريك بدل زيت القير .. يقول لك مافي فرق بينهم هههه و الواقع ان كل زيت وله تركيبته الخاصه وبعد فتره يخبط عليك القير و السبب انك حاط فيه زيت بريك .
رد مقتبس من فاهم
السلام عليكم ورحمة الله وبركاته
مشكور على الموظوع المهم
انا عندي سؤال اذكر لمه رحت ابدل دهن القير بالوكاله قلت دهن وفلتر قالي القير مافيه فلتر بالمديل هذا قلتله ليش قالي نضام جديد ودهن هذا دهن خاص ما يحتاج فلتر الصراحه انا انصدمة وكلمت واحد وقالي اي تصير ممكن .السياره سوبر سفاري 2002
انا ما ادري يعني قاصين علي ولا شسالفه بعدين ليش يقصون علي لانا اذا مع فلتر راح ادفع اكثر
بس السالفه هذي تصير يعني سياره من غير فلتر قير لانه لها دهن خاص؟
--------------------------------------------------------------------------------
طيب حتى فيه بعض السيارات تجي بدون مقياس لزيت القير في الكبوت .. يعني ما تقدر تشيّك على لون زيت القير أو مستواه بنفسك .. لازم تروح عند الوكيل أو ورشه وترفع السياره و تفتح الصره من تحت . و يتم تبديل الزيت و السياره مرفوعه . شغله:Sad2: .
مشكور على الموضوع الحلو والي من جد متعوب عليه ..
ABD 911
31-07-2004, 12:57 PM
رد مقتبس من Dentist
موضوع جميل ومهم وناس كثير تتجاهل اهميته !!
تسلم 902 عالمجهود
وبالنسبة لموضوع ABD 911
انا بعد كانت عندي هالمشكلة وقالولي غير زيت القير وفلتره وتروح لكن بعد تغييره نفس المشكلة موجودة
خشونة زاضحة في تبديل القير من الأول للثاني
خاصة لما أشد عالسيارة
الله يستر لا يكون القير يحضر ... تراني حارق السيارة حرق وامبير الـRPM يوصل الـ 6000 بشكل يومي :o
أنا سواقتي بنفس الإسلوب تقريباً :D وزي ماقلت لما أشد عليها تخورها بين القيور ....
طيب الحين عطونا حل ..السيارة مرسيدس 320 إس .. وين أحصل محل زيت القير .. حرام يروح علي القير كذا ..
في إنتظار الردود ..
ABD 911
ABD 911
فك وتركيب الفلتر وتغيير الزيت سهلة جداً بدليل اني فكيت وركبت وصورت في البيت
ماعليك الا تروح ورشة ممتازه ويغيرونه لك خلال ساعة
واذا مارحت المشكلة
فايوجد منظم داخل القير يمكن يكون متعطل
بالتوفيق
M.A.M
01-08-2004, 04:37 AM
اخوي 902 موضوع مميز وحلو كعادتك ;)
بس اللي يقولون له الوكالة فلتر القير مايتغير الا في حالتين : 1- توضيب القير 2- تركيب قير جديد !!!!
ماادري في هالحالة وش اسوي انا ؟؟
رد مقتبس من M.A.M
اخوي 902 موضوع مميز وحلو كعادتك ;)
بس اللي يقولون له الوكالة فلتر القير مايتغير الا في حالتين : 1- توضيب القير 2- تركيب قير جديد !!!!
ماادري في هالحالة وش اسوي انا ؟؟
والمفروض تغير الفلتر والزيت عشان تتفدى توضيب القير او تغيره
وشاكر مرروك
M.A.M
01-08-2004, 06:38 PM
طيب اخوي 902 انا سيارتي هوندا اكورد 98 وانت عارف هالشي طبعاً والوكالة قالوا لي ان فلتر القير مايتغير الا بتفكييك القير يعني تغييره صعب جداً ... وش رايك ؟؟ ووش تنصحني فيه في حالتي هذي ؟؟
تحياتي
M.A.M
الصراحة الهوندا مادري عن قيرها وشلون طريقته
بس سيارتي و كورلا ولكزس 400 وكامري كلهم نفس الطريقة
فك الكارتير بيطلع الفلتر على طول مسمارين وينزل
والزيت ATF مو دريكسون 3 اللي في الوكالة
الوكالة ماتجيب الزيت الاصلي :cry:
انت اذا صدفت ورحت قطع الغيار اطلب الفلتر وشف اذا كان يشبة اللي في الصور والا لا
M.A.M
02-08-2004, 02:54 AM
طيب يامحمد انت معك اكورد ولا مغيرها ؟؟
وهل قيرها نفس الحكاية ؟؟
SS_Z06
02-08-2004, 04:59 PM
موضوع جميل جدا ومفد
تشكر علية الناس بحاجة الى مثل هل مواضيع
ACCORD-V6
03-08-2004, 09:07 AM
ما شاء الله
موضوع رائع
وجيد من كل النواحي
ومدعم بالصور وهذا احلى شي
مشكور حبيبي على المواضيع الحلوة اللي تتحفنا فيها هاليومين
لكن بالنسبة للاكورد وش طريقتها
وخصوصا ان معك اكورد
اتوقع الطريقة غير كذا
شكرا على الموضوع وفي انتظار ردك
مشكورين شباب على ردودكم
وهذا الشئ يسعدني :p
الاكورد :
اولاً الزيت اللي موجود في الوكالة زيت دريكسون 3 والمطلوب زيت ATF
الخاص بالهوندا ولكن مع الاسف الشديد الوكبل هنا مايجيبه :anger:
يعني لاتسوي صيانه 60 الف في الوكالة بل دور الزيت الاصلي ATF-Z1
الفلتر :
والله هذا اللي مافهمته ناس تقول فيه وناس تقول مافيه ولكن اجزم مليون في الميه فيه فلتر عمركم سمعتو مكينه بدون فلتر اكيد موجود
وتفريغ الزيت لوحده مايكفي
لان الزيت ممكن يكمل 300 الف يكون اي مشكلة
والدليل ان زيت الدريكسون الهيدروليك مايتغير يزود بس وسيارات عمرها 25 سنه وزيت الدريكسون شد بلد لان مافيه احتكاك ولا براده
ولكن المشكلة في زيت القير انه يحتوي على براده الحديد
اللي لازم تزال قبل صب الزيت الجديد
الخلاصة:
قير اي سيارة موجود فيه قطع المغناطيس اكيد
والفلتر يكون موجود ضروري
والا ماكملت القير 10 الف الا مخبط
بس يمكن بشكل ثاني
ابدور معلومات اكثر عنه واوفيكم ان شاء الله
M.A.M
04-08-2004, 10:47 PM
السلام عليكم
اخوي 902 احب اضيف معلومة بسيطة شوي ويمكن يكون بعض الشباب فاهمها غلط ... فلتر القير موجود في الهوندا ولكنه مايتغير الا في حالتين : 1- تخبيط القير وتوضيبه 2- تركيب قير جديد
تحياتي للجميع