سوالف للجميع - لكزس أو مرسدس

dbooor

11-08-2004, 06:05 PM

السلام عليكم أخواني ...

عندي أستفسار من شقين وأريد النصيحه منكم !

أخوي حصل له حادث "يكفينا وياكم شر الحوادث" والحمد لله ماتعور
أخوي إلا شي بسيط في رجله , أما السياره فقد تحطمت من الأمام
والخلف والجنب لأن السياره ضربت في الحاجز الحديدي يمين الطريق
ثم ردت على الحاجز الآخر يسار الطريق .
الشاصي والمكينه والقير والدفريشن لم تتأثر من الحادث أما جسم
السياره فمحتاجه تصليح ,

أخوي الحين ناوي يبيع السياره فما الأفضل للبيع .. هل يصلحها ويبيعها
أم يبيعها على حالها ,,
والسياره هي :-
مرسدس E280 EVENGARD موديل 1998 لونها أزرق غامق

الشق الثاني من الأستفسار :
أخوي ناوي يطلع سياره بس محتار بين اللكزسLS430 والمرسدسE320
وهل يشتريها جديده من الوكاله أم مستعمله إستعمال بسيط .

وجزاكم الله خير

kaser annassr

11-08-2004, 06:33 PM

بسم الله الرحمن الرحيم
السلام عليكم ورحمة الله وبركاته
أخي الكريم الحمد لله على سلامتكم

ويا أخي المرسيدس لا تقارنه لا بلكزس ولا ببي إم دبليو ولا بشيئ

عليك بالمرسيدس دام أن الله رازقكم

وتحياتي لك ولأخوك

الشبابي

11-08-2004, 08:20 PM

لكزس ....
سيارة تسوى عند البيع وقوية ورخيصة وواسعه ... وقطع غيارها ببلاش مقارنة بالبنز ....
ووكالة افضل مليون مرة ...

اخوكم الشبابي

BENZ

11-08-2004, 08:29 PM

السلام عليكم

اولاً في تفاوت بالاختيار الفئة E مع لكزس ls430

هذا فئة وهذا فئة وان كان علي مرسيدس

يكفيني جودتها ومن يقول ان قطع غيار اللكزس رخيص ؟؟

اذا كان عندك ومجربة تقدر تقول ام انك تقول لانك سامع من شخص لالا

حنا مجربينة غالي ومش في محلة

SLR

11-08-2004, 08:35 PM

مالك الا...
http://www.mbusa.com/media/images/main/models/gallery/photo_gallery/e_sedan_5_main.jpg

http://www.mbusa.com/media/images/main/models/gallery/photo_gallery/e_sedan_1_main.jpg

http://www.mercedes-benz.com/com/e/home/products/passengercars/eclasssaloon/images/13078.jpg

ويوم ايجيك سقف زجااج سامحني....

SLR

SS_Z06

11-08-2004, 10:29 PM

عليك بلمرسيدس وانت مغمظ

ابداع2004

12-08-2004, 06:16 AM

هلا اخوي والحمدلله اللي سلم اخوك
حبيت ابدي رايي
انه مافيه مقارنه بين المرسيدس واللكزس
يعني اكيد مرسي هوالأفضل وش اللي جاب الاخلاص من العفاس:laugh:
بعدين من اللي قال انه اللكزس ارخص قطع غيار من البنز:sleep:
النوم في العسل :laugh:
يعني سيارة اخذت في السوق تقريبا 14 سنه ونقول اجود واحسن
هذي مرسيدس فوق يعني زباين معروفين والله مشكله
ابداع 2004

سنـاري

12-08-2004, 06:47 AM

اختار اللكزس LS430

و بالنسبة للشراء حسب فلوسه

اذا عنده القدرة على توفير مبلغ 235 الف ريال تقريبا فليتوكل على الله و ياخذ وحدة جديدة من الوكالة

و اذا ماعنده فوق الميتين يشتري مستعمل بعد ما يكشف عليه كشف كامل

و المرسيدس سيارة ممتازة طبعا و ما عليها كلام لكن طالما انه طرفي الخيار هما E320 - LS430

فاللكزس افضل بمراحل

و ربنا يكتب لك اللي فيه الخير

:glasses2:

Imaj

12-08-2004, 06:49 AM

إذا فقط حصرت خياراتك في السيارتين السابقتين الذكر فعليك باللكزس لأنه أقل في الأعطال وأفضل في الخدمة.. وإنت أدرى بالمرسيدس وخراباته..

إذا بتعطيني فرصة ومعاكم وقت إنتظر الـSTS الجديد لأن كاديلاك ناوية تسوي ثورة به :black:

لكن كما سبق وأن ذكرت اللكزس أفضل لك وأضمن لك ويمسك سعره عند البيع وخرباته قليلة ومشهود له بجودته..

سلام :banana:

Crower

12-08-2004, 07:40 AM

منطقيا: اللكزس اكثر رحابة من المرسيدس, اقوى, اقل في الاعطال
المرسيدس اسم اقوى, حيويه اكثر و سعرممتاز عند البيع و لكن لا يقارن بلكزس
ان كان اخوك معزم ان شاء الله اللكزس هي الخيار الافضل لديه ولكن الرأي الاول و الاخير له

BENZ

12-08-2004, 08:30 AM

Crower من جدك انت تتكلم ولا تبي تعمل لك جو بالموضوع وش اللى المرسيدس لايقارن بالكزس وش هذي اللكزس على اساس تقارنها بالمرسي :cool:

اللة يهديك بس انا كنت مسافر طيران واستأجرة لي لكزس 430 موديل 2003

وربي سيارة خايسة ولا تتقارن بالالماني مررررررة

لاحظ مو المرسيدس الالماني وانت تقول لي لكزس اللة يهديك بس

واحد من اخوياي معة لكزس 400 موديل 94 تصدق باللة دزة من الصفر يمسك معة كابرس موديل 90 اي واللة وانا كنت راكب اللكزس

اللكزس سيارة لاكن ماهي بحجم الQUALITY الموجود بالمرسدس
MERCEDES-BENZ:banana:

HaKeM

12-08-2004, 12:21 PM

المرسيدس افضل بمراحل والي يقول انه الليكزس خراباته أقل أمس اعلان في الجريدة شركة عبد اللطيف تستدعي سيارات LS430 موديل 2004 لوجود خلل في القير في وضعية الP وسعر السيارة 260 ألف حرام في ياباني

والمرسيدس حلو وقوي وتاخذه وكالة افضل لك

تحياتي :)

TOP-SECRET

12-08-2004, 01:22 PM

اذا بياخذ السياره مستعمله ياخذ له لكزس وبالنسبه لي الكزس الـLS430 فخمه واجمل من الفئه E ولاتقارن بها بل تقارن بالفئة S

على العموم الكزس الخيار الافضل بالنسبه لي شكلا وقوة في العزم وعند اعادة البيع:cool:

بالتوفيق

التحلية

12-08-2004, 03:28 PM

مرحبا

أنا أقول بالنسبه للشق الأول: أنت وحظك أحياناُ مايفرق السعر في الحالتين وأحياناً

يفرق سواء بعتها وهى مصدومه أو صلحتهاوبعتها أنت وحظك

اما الشق الثاني : اللكزس طبعاً !!!!!

loolicpolic

12-08-2004, 03:33 PM

رد مقتبس من TOYOTA - OBAS
اذا بياخذ السياره مستعمله ياخذ له لكزس وبالنسبه لي الكزس الـLS430 فخمه واجمل من الفئه E ولاتقارن بها بل تقارن بالفئة S

على العموم الكزس الخيار الافضل بالنسبه لي شكلا وقوة في العزم وعند اعادة البيع:cool:

بالتوفيق

اللكزس، وتكون جديدة :banana: ..

تحياتي..

عاشق الاكورد

12-08-2004, 03:50 PM

رد مقتبس من SLR
مالك الا...
http://www.mbusa.com/media/images/main/models/gallery/photo_gallery/e_sedan_5_main.jpg

http://www.mbusa.com/media/images/main/models/gallery/photo_gallery/e_sedan_1_main.jpg

http://www.mercedes-benz.com/com/e/home/products/passengercars/eclasssaloon/images/13078.jpg

ويوم ايجيك سقف زجااج سامحني....

SLR

عليك بلمرسيدس وانت مغمظ

تحياتي...

الشبابي

12-08-2004, 07:42 PM

الى الاخ اللي قال ان قطع المرسيدس ارخص من الكزس ... ارد عليه ...
طبعا انا مجرب وكنت اقول نفس كلامك لكن بعد تجربة طويلة مع المرسيدس لقيت ان الكزس ارخص بكثير خصوصا لما تدري ان قيمة الايرباج 2600 ريال ... بلاش ...
في السيارات الثانية يوصل الى 11 الف ريال ....
والمرسيدس قيمة المساحة حقت القزاز الواحدة ب 110 ريال ...
مرسيدس عندنا وكالة نصب في نصب .... اما لكزس نصب على خفيف وهذا المطلوب ...
ومواصفات الكزس لا تقل عن المرسيدس وبالذات لما تقارنها بالاي بتلاقي ان مواصفاتها ممتازة جدا مقارنة 240 الف ريال للفل كامل .... هيدروليك وديسترونيك وشفط وبصمة وكل شي ... وجير اوتو 6 سرعات وافضل سيارة بالعالم عزل صوتي ... وافضل سيارة بالعالم اعتمادية ....
ووسع وشكل حلو مرة وقوة وسعر عالي عند اعادة البيع .....
واقل اعطال .. صدقني المرسيدس عندنا والكزس جربناها والبي ام بعد ... كلها تخرب بس الكزس صعبة ....

اخوكم الشبابي

جداوي كول

12-08-2004, 09:58 PM

:Sad2: :Sad2: حرااااااااااااااااااااام عليك المرسيدس اخر زماااااااانه يتقارن مع اللكزس :damp:

والله لو تدري مرسديس

حتقفل :D

يا اخويا حط في بالك

لو تبغا تقارنلي مرسيدس

ما تقارنلي الفئه ايه مع ال ال اس ؤ430

قارن الايه مع الجي اس

:think: :think:

ال 430 تقارن مع
الفياجرا
الفئه اس
:blink:

ومشكوور يا حلو :(

Imaj

12-08-2004, 10:14 PM

ويش فيكم!

معروف إن اللكزس أكثر جودة وأقل أعطال.. ومعروف إن المرسيدس كله مشاكل خصوصاً في الكهرب..

تبي رأيي وهي نصيحة مع إني ما أحب اللكزس وأكرهه لكن إذا جينا نتكلم عن الجودة والمتانة والإتقان ما عندك غير اللكزس..

المرسيدس وخصوصاً الموديلات الجديدة كلها مشاكل وعيوب.. وإذا فتحت فمها ما تقفله الله يعينك كل يوم في الوكالة أو في الورش..

وتبي رأيي جرب jdpower.com وسوي مقارنة بين اللكزس والمرسيدس وشوف أيش يعطيك...

سلام :banana:

BENZ

12-08-2004, 10:14 PM

ردي هذا للي يقول انة مجرب اللكزس وفيها شفط على الابواب!!!!

ياناس ياعالم ياهوة انا مستأجر لكزس LS 430 موديل 2003

وربي مافيها شفط على الابواب :anger:

ومواد الخام المستخدمة في الطابلون الامامي بايخة ورديئة

تصدقون شباب السيارة موديل 2003 والشمعة الامامية عطلانة يعني شمعة وشمعة:damp:

واللى يقول 240 لسيارة فل كامل

بعد سبع سنوات حكد اقصي تبيعها بثلاثين الف

او انك توضب مكينتها ....:sleep:

Imaj

12-08-2004, 10:59 PM

ردي هذا للي يقول انة مجرب اللكزس وفيها شفط على الابواب!!!!

احنا كان عندنا لينكولن كونتيننتال موديل 87 أي قبل تأسيس لكزس وكان فيها شفط على الأبواب وعلى الشنطة الخلفية!!

وبها مواصفات فخامة وهدوء وراحة يوقف شعر الراس:eek:

يعني لو بتختار شيء غير اللكزس والمرسيدس نصحتك باللينكولن.. عموماً فر من المرسيدس فرارك من الأسد خرابات ومشاكل :headshak:

الينكولن في الجودة أحسن من الكاديلاك.. بس الكاديلاك في القوة والفخامة أحسن طبعاً :black:

سلام :banana:

SLR

12-08-2004, 11:31 PM

رد مقتبس من Imaj
احنا كان عندنا لينكولن كونتيننتال موديل 87 أي قبل تأسيس لكزس وكان فيها شفط على الأبواب وعلى الشنطة الخلفية!!

وبها مواصفات فخامة وهدوء وراحة يوقف شعر الراس:eek:

يعني لو بتختار شيء غير اللكزس والمرسيدس نصحتك باللينكولن.. عموماً فر من المرسيدس فرارك من الأسد خرابات ومشاكل :headshak:

الينكولن في الجودة أحسن من الكاديلاك.. بس الكاديلاك في القوة والفخامة أحسن طبعاً :black:

سلام :banana:

ايماج رجاءا خل رايك لنفسك... ولاتوهق خلق الله بالسيارات الامريكية انا كان عندي لومينا على فكرة وماتمت غير سنه وبعتها بمبلغ اللي يسمع يقول كانها هبه لغيري لانها بدات تتفكك ومشاكل الدنيا فيها وانته اتقول لينكولن..؟؟؟!!!!
اعتقد الاخ طلب مساعده يعني انساعده مش انوهقه,, :think:

وثانيا بخصوص توقيعك: I believe in American Engineering
بدل ماتقدس الامريكان عيال الكلب والخنازير بالجملة هذي بدلها بجملة:

I believe in God

والمسوحة...

SLR

560SEL

12-08-2004, 11:59 PM

8
8
8
افضل رد رد SLR تسلم والله

بالنسبة لقطع الغيار .. كل السيارتين قطع غيارها غالية .. ولكن اللكزس أغلى .. والفئة S هي اللي قطع غيارها رخيصة ..

التقنية في السيارتين تقريبا متساوية .. ولكن لكزس تتفوق من حيث وسائل الراحة .. والرحابة والقوة

واللي يقول الـكاديلاك .. الرجااااااء ارحمنااااااا .. واتركنا من السيارات التعبانة هذي

اذا كدلك كونكوردز موديل 94 مساعداتها الامامية سعرها 7 آلاف رياااال :shock2: ..
هذا من ناحية قطع الغيار ..
والمشاكل .. اعتقد مافي داعي اتكلم عنها .

وسعر البيع اللي لو الواحد يحرق سيارته احسن له من انه يبيع كدلك STS موديل 2001 بسعر 28الف ريال (( مع العلم ان البيعة حصلت قدامي))

على العمووم مرسيدس ولا لكزس .. كلهم 100%

وخل اخوك يستخير رب العالمين ..

ومبرووووك مقدما

سلااااام

LC_LE

13-08-2004, 12:03 AM

السلام عليكم ورحمة الله وبركاته

اخوي انا مجرب الLS430 والله قمة في الفخامه و القوة و التقنية و قبل اسبوع
تقريبا قريت في الجريده انه تم اختيار الLS430 كافخم سيارة صالون لعام 2004
و خليني اعطيك بعض النتائج من تجربتي
1- السيارة من ست سرعات اوتو و يغير الى السادس بعد ال220 كيلومتر
2- الانوار الامامية تتحرك مع حركة المقود اي اذا انعطفت يمين يتحرك الضوء الى
اليمين و اذا انعطفت الى اليسار يتحرك الضوء الى اليسار
3- وجود اجهزة المساج في المقاعد الخلفية
4- وجود نظام الGPS لجميع دول الخليج
5- وصلت الى 260 كيلو بكل راحة و اتوقع انه لو كان فية مجال كان ينزل اكثر
6- السيارة من 8 اسطوانات بسعة 4.3 لتر

و الكثير الكثير من المواصفات الحلوة و المميزة و اصلا هذه السيارة تقارن بال
S350L ما مع الE320 و في اعتقادي انه المفترض تقارن مع الS500L لان اللكزس
8 سلندرات و الS350L ست سلندرات فقط و قيمة الS350L اغلى، ليش؟؟؟؟؟
لانه بس الماني و انا انصحك على اللكزس وانت مغمظ و قيمة في عمان 25 الف ريال
عماني

انصحك باللكزسسسسسسسسسسسسسس

لكزسسسسسسسسسس و بسسسسسسسسسسسسس

RED Chevy

13-08-2004, 03:08 AM

المواصفات بتكون نفس الشي بس الللكزس بيكون أكبر لكن الفرق هني في الإسم:D

يفرق واحد عنده مرسيدس وواحد عنده تويوتا::p

SLR

13-08-2004, 03:18 AM

رد مقتبس من RED Chevy
المواصفات بتكون نفس الشي بس الللكزس بيكون أكبر لكن الفرق هني في الإسم:D

يفرق واحد عنده مرسيدس وواحد عنده تويوتا::p

مرحبا بك مليووون ريد:)

بس بردك هذا بتزعل العالم...

المهم كل واحد وله وجهة نظر:)

تحياتي لك...

Imaj

13-08-2004, 04:28 AM

رد مقتبس من SLR
مرحبا بك مليووون ريد:)

بس بردك هذا بتزعل العالم...

المهم كل واحد وله وجهة نظر:)

تحياتي لك...

بالضبط أنا إلى الآن أحس إن اللكزس تويوتا فل أوبشن.. مو مقتنع فيها.. وأفضل المرسيدس عليها..

ولكن إذا كان الكلام في الجودة فغصبن عنا نسكت :corsair: اللكزس أفضل ماركة حتى الآن في الجودة..

والمنافس الوحيد لها حالياً هو الكاديلاك حسب مؤسسة JD Power >> ما لي دخل تفاهموا معه :o

- الانوار الامامية تتحرك مع حركة المقود اي اذا انعطفت يمين يتحرك الضوء

ما شاء الله حركة جديدة :damp: هذي موجودة في سيارات ديوسنبرغ منذ الثلاثينات من العام الماضي :rolleyes:

سلام :banana:

CL-Class

15-08-2004, 11:00 AM

ياخي بقولك شي

أخوك اذا قادر يفك لكزس جديد بقيمة 245 ألف........أوكي جميل......يعني راح يكون عنده عدة خيارات غير اللكزس مثل S350 و 730Li وهنا تطلع الـE320 من المنافسة....
وأنصحه بـ S350 لو مستخدم خفيف مرة ( لأنه الأرخص قطع...... الأرخص.....لاتقولي لكزس أرخص )

أما اذا يبي ياخذ مستخدم مثلا ( بقيمة الـ E320 جديدة) هذا يعني راح يخصص 195 ألف
بالتالي طلعله خيارات ثانية يالكزس430 مستخدم أو E320 جديد أو 530i بي ام جديد بعد اذا الرجال مزاجه بي ام

وبصراحة شرية اللكزس وهو مستخدم صعبة شوي........يعني برضو حرام أوصل الـ200 ألف وآخذ مستعمل على لكزس....... فنصيحتي ياخذله E320 جديد فكة رجله

واذا أخوك مبسوط من دعسة الـ 280 ...... ترى الـ E240 الجديد بنفس الدعسة والعزم تقريبا....وبالتالي يقدر يضيف ويدلع نفسه بمواصفات مثل سقف زجاج بانورامي وبصمة وشاشة كوماند وكت AMG اذا يبي بعد

بالنسبة لإصلاح السيارة المصدومة.........هناك عدة نقاط:
مثلاً....
اذا تكلفة الإصلاح كبيرة نقول 20 ألف.......... ونقول لو السيارة بيعت قبل الحادث راح تجيب 70 ألف فرضاً..........بينما بعد الحادث نقول تسوا 10 آلاف على محلات التشليح

لو نصلحها بـ20 ونرجع نبيعها على المعارض راح تكون قيمتها 40 ألف مثلاً........اذاً انت حطيت في جيبك 20 ألف

بينما لو بعتها على التشليح من غير اصلاح راح تكون بـ10 آلاف زي ماذكرنا ....اذاً انت حطيت في جيبك 10 آلاف

ومع هذا المبدأ انت لك القرار وتعرف وين المصلحة راح تكون........( الأسعار اللي انا ذكرتها ليست هي الفعلية...يعتمد على تسعيرات منطقتكم...بس ذكرتها لتوضيح الفكرة لا أكثر )

والله يوفقكم

جداوي كول

16-08-2004, 02:34 AM

انا يا اخويا مجرب الاتنين :p :p

بصراحة مافي مجال للمقارنة بين اللكزس والمرسيدس:headshak: :headshak:

حرام عليك:Sad2: :cry:

الE320 احسن بالف مرة من جميع النواحي وخصوصا ((((((الامااااااان))))))
وهدي اظن مافيها كلااااااااااااام:sleep: :sleep: :sleep:

سيبك من الياباني وعليك بالالماني:banana: :banana:

وعلى فكرة ترى مافيها خراااااااب ماشية زي العسل:cool:

والحمد لله على السلامة لاخوك:D :D

B4_STI

16-08-2004, 05:22 AM

حمد الله على سلامتكم اخوي وبكل اختصار المرسيدس وبسسسسسسسسسسسسس:rolleyes:

الشبابي

16-08-2004, 10:01 PM

اخوي صقوري ..
شئ طبيعي انها تكون فيها اعطال لأن اللي اخذتها ايجار وانت تعرف كيف الشباب بعاملون الايجار ..
تفحيط وتنطيل ومطارحات ....
يا اخي الكزس 2004 صراحة ابداع ...
جلد مخرم وتهوية وتبريد ومريحة جدا لدرجة ما تسمع شئ لا المكينة ولا الاكزهوست لأن الاكزهوست حقها عادي وما هو رسياضي زي الالماني يعطيك قوة ويطلع صوت خفيف ..
اما هي فبدون صوت ... والعزل ما يحتاج لأن القزاز سميك ومعزول صح وانسيابيتها خير دليل ... يكفيك انها السيارة الوحيدة اللي انسيابيتها .25 ... وهي اساسا ناعمة جدا فمابالك في 2004 صارت هيدروليك ....
صحيح الموديلات القديمة كان فيها هبالة بس ذي ابداع ....

اخوكم الشبابي

dbooor

17-08-2004, 12:29 AM

السلام عليكم ورحمة الله وبركاته ....

شكرا أخواني على ردودكم التي أطلعت أخي عليها وقام بالتسجيل في
" سوالف للجميع " على الفور لما لقيه من فائده عظيمه من ناحية المعلومات القيمه
لدى أعضاء هذا المنتدى ,,

بصراحه أحتار أخوي شويه في أختيار السياره لكنه قرر في النهايه أن يشتري لكزس موديل2000
لحين نزول المرسدس CLS 350 في الأسواق وأعتقد أنها بتنزل آخر السنه .

مره ُُثانيه أشكركم جزيل الشكر

560SEL

17-08-2004, 12:39 AM

رد مقتبس من dbooor
السلام عليكم ورحمة الله وبركاته ....

شكرا أخواني على ردودكم التي أطلعت أخي عليها وقام بالتسجيل في
" سوالف للجميع " على الفور لما لقيه من فائده عظيمه من ناحية المعلومات القيمه
لدى أعضاء هذا المنتدى ,,

بصراحه أحتار أخوي شويه في أختيار السياره لكنه قرر في النهايه أن يشتري لكزس موديل2000
لحين نزول المرسدس CLS 350 في الأسواق وأعتقد أنها بتنزل آخر السنه .

مره ُُثانيه أشكركم جزيل الشكر

السلام عليكم ورحمة الله وبركاته

أحسن أختيار

الله يعطيه من خيرها و يكفيه من شرها . بس أهم شئ يتأكد من سلامتها و يفحصها فحص دقيق لأن السيارات هذي أقل مشكله ممكن تربك الوضع

الله يوفقك و يوفق أخوك لما فيه خير

سلااام