View Full Version : أودي او لكزس او بورش؟؟؟ <ارجوا الدخول للأهميه>
السلام عليكم ورحمة الله وبركاته
ونرجع لكم بعد غيبه طوييييييييله(كأن احد انتبه اصلا)
كيف حالكم شباب سوالف والله لكم وحشه imaj ,red chevy,902,amg,تويوتا وبس .......الخ كلكم والله شباب
المهم انا جاي اطالبكم (حلوه طالع بمحكمه) بمقارنه معقوله بين 3 سيارات صراحه واحد من الشباب ناوي يشتري سياره ومحتار هو توه متزوج بأول العشرينات عنده خمس اولاد وبنتين وولد (قصة حياه)
المهم هو توه متزوج وناوي يشتري سياره معقوله
السيارات هي
1-اودي A8
2-لكزس ls430
3- بورش كايين تيربو
اتمنى شباب كل واحد يعطينا رايه ويشرح السبب
ومشكورين مقدما
B4_STI
16-08-2004, 05:36 AM
حمدالله على السلامه اخوي
والله انا عن نفسي لو بداله طبعا احط ببالي البورش والاودي لاني من معجبي الالماني وبما ان خويك متزوج وعنده اولاد فانصحه بالاودي سياره فخمه وعملية.:cool:
الله يسلمك بس كيف عرفت اني كنت مسافر؟؟ shock2: مشكور اخوي على ردك السريع وانا بعد معك انه الالماني احسن لكن ياليت لو تحدد وحده وتعطي سبب
وعفوا كنت امزح هو ما عنده اولاد توه ماله كم يوم متزوج اما تخيل بأول العشرينات وعنده 8 اولاد:
B4_STI
16-08-2004, 06:14 AM
مو انا استغربت في البدايه بس قلت يمكن كل شي جايز المهم انا بتكلم عن نفسي اخوي انا معجب بالاودي وخاصة A8 من ناحيه الفخامه فخمه من ناحيه القوة قويه السياره ومو معنى كلامي ان الكايين مو حلو بالعكس الجيب احلى واحلى لاكن من وجه نضري الاودي سياره عملية اكثر من خلال كلام كثيرين وعلى العموم سواء اي سياره ياخدها على البركه مقدمااا.:p
ابداع2004
16-08-2004, 08:11 AM
هلا اخوي والحمدالله على السلامه
بدون تفكير ياخذ ال اودي 8 احسن وارز واكشخه وبيكون مميز
اما الكايين والله مااحب اشوف هذي السيارة يعني لسه عليها
اللكزس منتشر وماراح يتميز بين الناس وقطع غيارة غالي جدا
تحياتي
اخوك ابداع2004
MR.FERRARI
16-08-2004, 08:12 AM
حبيبي zezo أول شي الحمد لله على السلامة
ثاني شي إن الأودي واللكزس ممكن إنك تقارن بينهم لأنهم نفس الفئة تقريباً مع العلم إن الأودي أفضل ولاكن أغلى بس البورش إذا كان خويك يحب الجيوب وممكن أنة ياخذ جيب فأنا أقول أن الكاين أفضل الخيارات إذا كان ما يحب الجيوب أنا أقترح علية الأودي
وشكراً حبيبي وألف مبروك على زواج صديقك
الجناعي
16-08-2004, 10:32 AM
الحمدلله على السلامة اخوي
ان لو بداله اختار اللكزس لانها سيارة معقولة وقوية وماراح تكلفة مثل البورش والاودي
والمعروف ان الاودي خراباته كثيرة ومكلفة
uae speed
16-08-2004, 04:32 PM
اذا كنت مكانه كنت اخترت بالترتيب :
1- لكزس : مشاكل أقل + سعر ممتاز بعد البيع + فخامة ومواصفات ممتازة :)
2- البورش كايين : القوة + والفخامه فقط .. السعر غير مناسب !
3- الاودي A8 : سعر غالي جداً مقارنةً مع فئاتها + سعر غير مناسب بعد البيع + أعطال + قطع غيار غاليه .. !
على الاقل الواحد يدور له سياره تعيش عنده ويستفيد من سعرها اذا فكر يبيعها .. أما اذا فلوسه زايده هذا كلام ثاني .. !
هذا رأيي الخاص .. :)
mr_maybach
16-08-2004, 04:44 PM
يا uae speed
مين الذي قلك إن الأودي فيه أعطال كثيرة:mad:
أنتا عارف إن الأودي سعرها أكثر من الزفت اللكزس وتقل أعطالها كثيرة يبدو أن ليش لديك خبرة فب عالم السيارات، يمكن ما عندك خبرة إلا بالتوتا واللكزس:glasses2:
uae speed
16-08-2004, 04:50 PM
رد مقتبس من mr_maybach
يا uae speed
مين الذي قلك إن الأودي فيه أعطال كثيرة:mad:
أنتا عارف إن الأودي سعرها أكثر من الزفت اللكزس وتقل أعطالها كثيرة يبدو أن ليش لديك خبرة فب عالم السيارات، يمكن ما عندك خبرة إلا بالتوتا واللكزس:glasses2:
:D
صحيح سعر الاودي اكبر عن اللكزس .. حد قال غير هالكلام ؟؟!
يعني انت قصدك ان كل مازاد سعر "أي" سياره .. "قلت" مشاكلها ؟
أقول كيف الحال بس ؟
:D
الكاين طبعا
وبعدين الاودي نوعا ما
والكزس ماله اي خانه مقارنة باللي فوق...
SLR
هلا فيك اخوي زيزو
واللة خويك هذا ذوقك عالي :)
لاكن ياليتة بعد اللكزس عن حساباتة <<<<<<جرب اللكزس اسبوع وكرة ذيك الايام
فما الاودي:o اووووووووووووة سيارة غير طبيعية unusually فخامة راحة شكل اداء
قطع غيار مناسبة مقارنتاً بما فيها من تكنولوجيا
والبورش كاين kayeen هذي كلام ثاني جميلة نادر وجودها يعني راح تتميز
واللة مو نادر وجودها ناتشرت لما فيها من متانة
الادوي هو التمييز بأم عينة
وقول لة نصيحة لايقرب اللكزس لان بعد كذا راح يبلش فية
حدة خمس سنوات بالكثير وبعدين يصير كأنة كابرس :black:
Third Eye
17-08-2004, 02:31 AM
رد مقتبس من uae speed
:D
صحيح سعر الاودي اكبر عن اللكزس .. حد قال غير هالكلام ؟؟!
يعني انت قصدك ان كل مازاد سعر "أي" سياره .. "قلت" مشاكلها ؟
أقول كيف الحال بس ؟
:D
:D :D :D :D :D :D :D :D
RED Chevy
17-08-2004, 03:02 AM
رد مقتبس من SLR
الكاين طبعا
وبعدين الاودي نوعا ما
والكزس ماله اي خانه مقارنة باللي فوق...
SLR
:rolleyes:
560SEL
17-08-2004, 03:23 AM
السيارات كلها حلوة ..
بس الكايين .. والله رهيــــب ... وقوي بس سعره غالي شوي .. وفحماته بـ2500 ريال:damp:
اللكزس : قوة ..شكل رائع .. عمليــــة (يعني شغل وامش ولا عليك من شي ) .. مريحة .. سعر مناسب جدا بعد البيع ..الارخص (بين الخيارات ) من حيث قطع الغيار (لا يعني انها رخيصة ) .. وش تبغى أكثر من كذا ؟؟!!
الاودي : تقترب من الكمال .. بس ما تنظمن وتحتاج محافظة وعناية .. وسعرها في الارض عند البيع
المعادلة لصالح لكزس .. (هذا لا يعني انها الافضل بينهم )
عموما .. اللي يقول قطع غيار .. هذي السيارات كلها قطع غيارها غالية..
بس خويك ما فكر يشتري مرسيدس CLS ??
:rolleyes:
نصيحة ينتظر ويشتريه ..
سلاااام
كورفت
17-08-2004, 04:13 AM
اذا كنت مكانه كنت اخترت بالترتيب :
1- لكزس : مشاكل أقل + سعر ممتاز بعد البيع + فخامة ومواصفات ممتازة
2- البورش كايين : القوة + والفخامه فقط .. السعر غير مناسب !
3- الاودي A8 : سعر غالي جداً مقارنةً مع فئاتها + سعر غير مناسب بعد البيع + أعطال + قطع غيار غاليه .. !
على الاقل الواحد يدور له سياره تعيش عنده ويستفيد من سعرها اذا فكر يبيعها .. أما اذا فلوسه زايده هذا كلام ثاني .. !
هذا رأيي الخاص ..
A7medo
17-08-2004, 09:13 AM
انا لو مكانه على طول لكزس 430 وانا امغمض
HaKeM
17-08-2004, 02:11 PM
إذا كان من محبي الجيوب ياخذله البورش
واللكزس حلو ومشاكله أقل وسعره مايطيح مثل الأودي
تحياتي:D
العمده
17-08-2004, 06:41 PM
صراحــــــــــــــــــــــــــــــــة كلها حلوة لكن الأودي او جيب بورش وبس غير كذا لA وصراحة انا ايئد كلام استاد كورفت
:rolleyes: :rolleyes: :rolleyes: :rolleyes:
ما الك الا الا س اس لومينا اوكابريس
NEZO007@HOTMAIL.COM
VW Passat
17-08-2004, 09:39 PM
بالنسبه لي لو كنت بمكانه راح احتار في الاختيار بين الاودي والبورش, لكني راح افضل الـ أودي A8 لعدة اسباب :
1- صناعه ألمانيه , وهالكلمه كفايه وسبب مقنع انه يشيل اللكزس واي سياره فخمه ثانيه من تفكيره .. واللي جرب الألماني يعرف كلامي
2- فخامه لايعلى عليها وراحه وتقنيات واناقه من أعلى درجه وماعليها كلام ابداً , بجانب الرفاهيه والمتعه الكبيره بالقياده .
3- مو منتشره كثير بالشوارع مثل الكايين وبالتالي بيكون مميز وله هيبه .. خصوصاً لو كان الأودي بلون أبيــض وااااو . :cool:
صاحبك حسب اختياره للسيارات باين عليه ذوق ويعرف يختار الشي المميز .. وبما انه حط الاودي والبورش فـ تلقائياً يشيل اللكزس لأنها اقل مستوى منهم بكثيييييير , ولاتنسى ان الألماني له نكهته ومتعته الخاصه وكلامي هذا عن تجربه .
بالتوفيق ان شاء الله ولاينسى يستخير قبل لايشتري
SS_Z06
18-08-2004, 12:18 AM
بورش وبس
جمال+فخامة+راحة+هيييييبة.............................
بختصار انا احب هاذي السياراة اكثر من الباقي
uae speed
18-08-2004, 03:32 AM
مرحبا .. :)
مسألة أختيار سيارة معينة تختلف حسب ذوق كل شخص ..
يعني واحد مثلاً يفكر بالقوة وما يهتم للفخامه وايد ..!
والثاني يفكر بالفخامه وما يهتم بالقوة أو التسارع !
يعني المسأله مرتبطه بذوق الشخص نفسه ..
وهنا كل واحد وضع رأيه الخاص وعلى حسب ذوقه .. :)
تحياتي للجميع .. والسموحه :)
هلا شباب نورتوا
اول شي اخوي B4_STI ماشالله عليك فطين :D والله انا معك صراحه بالكلام الي قلته يعني الاودي افخم واقوى (على ما اعتقد ) لكن مشكلتها الوحيده سعرها لكن مدري عن الاعطال ممكن يسال واحد معه وحده ويتاكد منه والله يبارك فيك
اخوي ابداع2004 نفس الكلام صار الحين صوتين للاودي
اخوي MR.FERRARI اول شي الله يسلمك والله معك حق انا مدري بالظبط هو يفضل الجيب او لا لانه هو ما يدري لو يدري كان اختاره وما حط باقي الاختيارات بس مدري ( فهمت شي؟؟؟)
الله يبارك فيك -لفته حلوه منك- وشكرا لك حبيبي
اخوي الجناعي الله يسلمك والله مدري لكن حتى لو كان الاودي خراباته كثيره ما ندري الجديده كيف مشاكلها موب شرط تطلع خراباتها كثير صح؟
اخوي uae speed كانت مقارنتك كلها من ناحية التكلفه ومقارنتك من هذي الناحيه صح لكن ... ممكن هذا كلام ثاني؟:glasses2:
اخوي mr_maybach مشكور حبيبي على المشاركه
اخويSLR انا معك انها مالها مكان في المقارنه لكن هو يقول انه فيها اوبشنز كثييييييييره هذا الي معجبه فيها
هلا اخوي صقوري والله بحط رايك في حساباته .... واذا قصدك تصير وحش مثل الكابريس اجل باخذ وحده واخليها خمس سنوات بعدين اسوقها:banana:
<------------------ معه وحده SS:D
اخوي 560SEL على فكره حتى الاوي سعر فحماته قريبه من كذا لكن بساله عن ال cls واشوف لكن متى تنزل؟ ومشكور على ردك
اخوي A7medo القلب وما يهوى:D
اخوي حاكم العدل حلو ردك بالاختصار كذا مشكور حبيبي
اخوي العمده والله لو انا الي بشتري كان اخذت لومينا ss وكوبيه ss وكورفت وبس لان عندي كابريس ما يحتاج:black:
اخوي باسات مشكور على النقاط الحلوه
اكيد بتشوفها اححلى من الباقيات اخوي ss_zo6 لانك تحبهاااا ولا؟
مشكور اخوي ريد شيفي و Third Eye على المشاركه
ومشكوووووووووووووووورين شباب على ردودكم وتفاعلكم معي
وسلامتكم:eek: