View Full Version : نعم إنها كاديلاك تولد من جديد
RED Chevy
03-10-2004, 08:40 PM
بسم الله الرحمن الرحيم
السلام عليكم ورحمة الله وبركاته
كيف حال الشباب والشياب:D
المهم، ندخل في صلب الموضوع بدون مقدمات وخرابيط:cool:
مثل مانتوا عارفين عصر النهضة اللي تسعى له كادي وتشوفه هو العصر اللي إحنا فيه حالياً بعد
النكسة اللي صادتها في الثمانينات والتسعينات بعد ماكانت سيدة الفخامة والملكية ولازالت تحمل
هذه الصفات لكن ليس بالصورة اللي يطلبها غير عشاقها أي الناس العاديين اللي يشوفون الفخامة
فقط مرسيدس وبي إم ورولس رايس" وأعتبره تفكير محدود" لكن الحل من كادي هو التطرف على
الكلاسيكية المطلقة بدمجها مع العصرية المطلقة إذا صارت فخامة وقوة وشكل عصري جداً وبنفس
الوكت كلاسيكي أو بنفحة كلاسيكية كما يحلو للبعض وصف سياراتها:cool:
كاديلاك حسنوا المواصفات طوروا المحركات زادوا التقنيات بشكل أصح مو حاطين عينهم على منافسة
الكبار بل حطوا عينهم على مستوى مايوصل له الكبار إلا بعد سنين:black:
كاديلاك أعلنت فتح النيران على المنافسين بعد وقف إطلاق النار لمدة سبات طويل جات بعدها صحوة
تدريجية تزيد قوتها يوم بعد يوم:black:
إنطلاقة بدت بالDTS تقريباً مع إنه ماكان الأساس للإنطلاقة لكن نقدر نقول بداية البداية:D وللأسف
السيارة ماحققت النجاح المرجو لها في أسواقنا:(
بعدها الإسكاليد اللي مثل الملامح الأساسية للجيل الجديد من الكادي:black: وإكتسح في فئته
ونجح نجاح محد يقدر يقول عليه وهو يمتلك مقوامته:p
من ثم البداية الحقيقية مع الCTS اللي مجح نجاح جزئي ولا يقارن بالكاتيرا اللي حل مكانها أبد وهو
ماشي سوقه بشكل جيد جداً:p
وبعدها بدت المرحلة الثانية وهي بالXLR+SRX وهم يمثلون الصحوة الفعلية فالسيارتين فازوا بالعديد
من الجوائز ونالوا إعجاب الكثير من النقاد والمتخصصين في عالم السيارات والجمهور أيضاً.
حالياً وبعد كم إسبوع صاروخ الكادي المرعب ليس بالقوة لكن بالنتائج المتوقعة STS بكامل عوامل النجاح
وتأتي لتهديد الأوروبيات لكن الغريم الأقوى بيكون اللكزس GS الجديد اللي يزخر بالمواصفات والأناقة
وكل شي تقريباً فالمقارنة بتكون صعبة بينهم لكن أتوقع النجاح الساحق للسيارتين...
كادي قدرت خلال آخر السنوات من تغيير صورتها للأفضل وإرتفعت تصنيفات الجودة تبعها ومبيعاتها في
إزدياد وإزدهار وكثير من الناس إبتلشوا بحبها:D
هذي لمحة بسيطة من عندي ونظرة سريعة على التطور اللي تشهده معشوقتي وأتمنى إن ماتكون
في أخطاء بأي شي لأني إعتمدت على المعلومات اللي في راسي دون الرجوع للمصادر وبإنتظار
رد إيماج اللي بيوضح لكم بعض النقاط اللي أغفلتها ويمكن لخطبت فيها:D
Corvette_Stingray
03-10-2004, 08:48 PM
RED Chevy تشكر على الموضوع ...
لكن الكاديلاك مو عاجبتني مثل الكاديلاك القدم ..
لكن شكلها راح تسوي إنفجار في أسواق السيارات بتطوير الأجيال الجديدة ..
japan
03-10-2004, 08:58 PM
يارجال يقولك القرد في عين امه غزال تقارن لي امريكي مع الماني انسى وصلتوها الى الرولس رايس والله حااااااااااااااااااااااااله
ايش اسوي بحالي:anger:
مؤيد اف1
03-10-2004, 09:25 PM
رد مقتبس من japan
يارجال يقولك القرد في عين امه غزال تقارن لي امريكي مع الماني انسى وصلتوها الى الرولس رايس والله حااااااااااااااااااااااااله
ايش اسوي بحالي:anger:
الالماني اذا اخترب فيه شي يكسر الظهر ويفصمه فصام :laugh:
japan
03-10-2004, 09:46 PM
رد مقتبس من مؤيد اف1
الالماني اذا اخترب فيه شي يكسر الظهر ويفصمه فصام :laugh:
معليه خليه يكسر الضهر ويفصمه فصام بس نقول مره في العمر مو امريكي كل يوم عند باب الورش ولا باب الوكالات تقول المهندسين والمكانيكين صارو اخويانا لووووووووول من كثر مانشوفهم
اقول مؤيد بعدك تدافع عن الامريكي لوووووووول تذكر ايش سوت فيك اللويمنا عاش التعليق عاش الزحفان ياااااولد خليه الشغل عند الرياض هم شعب التزحييف ارحبوووووو
مؤيد اف1
03-10-2004, 09:47 PM
رد مقتبس من japan
معليه خليه يكسر الضهر ويفصمه فصام بس نقول مره في العمر مو امريكي كل يوم عند باب الورش ولا باب الوكالات تقول المهندسين والمكانيكين صارو اخويانا لووووووووول من كثر مانشوفهم
اقول مؤيد بعدك تدافع عن الامريكي لوووووووول تذكر ايش سوت فيك اللويمنا عاش التعليق عاش الزحفان ياااااولد خليه الشغل عند الرياض هم شعب التزحييف ارحبوووووو
احب اقولك مو من السياره الي صار لي :laugh:
japan
03-10-2004, 09:57 PM
لووووووووووووول بدينا بشغلات التصريف بلا الغاز يابويا روقنا
مؤيد اف1
03-10-2004, 09:59 PM
رد مقتبس من japan
لووووووووووووول بدينا بشغلات التصريف بلا الغاز يابويا روقنا
خلاص خليك في نفسك :laugh:
الشبابي
03-10-2004, 10:07 PM
هلا ريد وينك ... ؟؟
في البداية ودي اقول نقطة يمكن غفلنا عنها وما قلناها في منتدانا بخصوص التقليد في المواصفات ...
دائما وابدا الشركة اللي تكون توب هي اللي تفرض على غيرها تقليدها والتقليد هنا لجميع الباقيين غصب ماهو بكيفهم ... يعني لما كانت كاديلاك هي التوب كانت تفرض على غيرها تقليدها على الاقل في الاساسيات ولما اصبحت مرسيدس هي التوب كانت تفرض على غيرها تقليدها في الاي بي اس والايرباج وكل هالاشياء ...
لكن التقليد في الكماليات بكثرة يفقد السيارة طعمها .... هذا بخصوص التقليد ...
بالنسبة لكاديلاك فهي شركة كبيرة لا عليها غبار وكانت ماشية صح لكن في الثمانينات الى اواخر التسعينات قل مستواها كثير حتى ان المستهلك الامريكي بدأ يشك في مقدرات هذي الشركة وكان في هذا الوقت ذروة تطور السيارات اليابانية وهذا اللي خلى السيارات اليابانية تتفوق في اشياء كثيرة في ذلك الوقت ...
سيارات كاديلاك الجديدة عموما حلوة وافكارها ممتازة ومواصفاتها ممتازة كسيارات ولكن اراها اقل بقليل من مستوى اسم كاديلاك ...
وبالنسبة للمبيعات فأتوقع ان مبيعاتها سوف تكون قليلة نوعا ما خصوصا خارج امريكا لأنه ليس من المعقول ان تبيع سياراتها بهذي الاسعار الغالية دون استرجاع الثقة القديمة ...
يعني لو كانت الاسعار اقل وقدرت كاديلاك تسوق سياراتها ومن ثم بعد 4 ولا 5 سنين رفعت الاسعار تظطر الناس تشتري كاديلاك لأنها في ذاك الوقت بتعرف ان كاديلاك هي نفسها اللي كانت بالسبعينات ...
لاشك ان كاديلاك الان ارتفع مستواها كثيرا وخصوصا ان الشركات الكبيرة ما عندها تفاهم فهي شركات تنتج حلولا اكثر من تركيزها على مضمون المنتج ...
فعلى سبيل المثال اخر تعاون حدث بين جنرال موتورز وفورد كان مفيد جدا وهو كان بقيمة 10 مليارات دولار لانتاج قير بست سرعات اوتو ... اتوقع يكون الجير من افضل الجيور ...
حل مثل هذا ممكن يغير الكثير الكثير في سيارات جنرال موتورز ...
لكن هناك نقطة اتوقع انها بتعب جنرال موتورز كثير ولازم اكون صريح في شرحها ...
جنرال موتورز لم تهتم بتطوير سياراتها لفترات طويلة وبالتالي كي تطور جميع مرافقها وسياراتها بتحتاج اموال كثيرة بالاضافة الى الدعاية المكثفة الهادفة لتحسن صورتها لكن في الطرف الاخر لازم نشوف منافسينها واوضاعهم ...
طبعا هنا احنا نتكلم عن مئات المليارات وهذي من اختصاص المصنيعين الكبار اللي هم جنرال و فورد وتويوتا وبعدهم نيسان ورينو و مرسيدس كليزلر ....
تويوتا وهي من اهم المنافسين واللي استثمر المليارات في تحسين سمعته في السوق من اول وصارت سمعته فوق وهي من اكثر الشركات اهتماما بالحلول واللي اخترعت شئ مهم لازم ماننساه الاوهو المحرك الهجين ... هذا المحرك اتوقع انه يوفر على تويوتا مئات الملايين في تطوير محركات جديدة فكل ما عليهم هو وضع محرك كهربائي مضاف ينتج قوة زائدة ولا داعي لاختراع محرك جديد يكلف كثير .... يعني تويوتا لاتحتاج الى الكثير الان اما جنرال فتحتاج الكثير ...
طبعا التحدي هو ان تثبت جنرال مكانها الان ومن ثم تحاول التقدم ..
بالنسبة لسيارات كاديلاك كسيارات اهم شي رجوعها للدفع الخلفي و لكن هناك جديرة بالاهتمام مثل جودة المواد الداخلية و تحسن الجودة وانتاج محركات افضل مع العلم انها تطورت خلال السنين الاخيرة والدليل محرك السي تي اس الجديد 3.6 وهو يعتبر مثال جيد لما قد تصنعه كاديلاك ..
اخوكم الشبابي
japan
03-10-2004, 10:10 PM
رد مقتبس من مؤيد اف1
خلاص خليك في نفسك :laugh:
اقدر اسميه خروج عن صلب الموضوع؟:D
مؤيد اف1
03-10-2004, 10:15 PM
رد مقتبس من japan
اقدر اسميه خروج عن صلب الموضوع؟:D
سميه تجنب للكلام الي ماليه داعي لان النقاش معاك عقيم:D
وماراح ارد عليك بعدها:)
japan
03-10-2004, 10:18 PM
يحيا الانتصار لووووووووووووووووووووول
بس كيف عرفت انه عقيم؟
اوه نسيت صح التحليل قبل الزواج هاذي الايام لوووووووول
RED Chevy
03-10-2004, 11:19 PM
السلام عليكم ورحمة الله وبركاته
Corvette_Stingray : هلا والله حمد، ياخوك مهما كانت لها روح مميزة إذا تقدر تمر المحرق شوف معرض وعد بتحصل كدلك موديل 90 لكن ياعيني عليه ماشاء الله تبارك الله بحالة الوكالة والفخامة بأعينها صدقني أفخم بكثير من السيارات مال اليوم وتقدر تقارنه بالرولس مال ذيك الأيام لكن إن غداً لناظره قريب( مو متأكد من المثل):D
japan : لما قريت إن الموضوع فيه 11 رد فرحت لكن لما دخلت وشفت 5 منها ردودك وولا واحد يفيد الموضوع بشي تغيرت وجهة نظري:o وإسمحلي ردودك مالها داعي أبد:cool:
مؤيد اف1 : مشكور يا مؤيد على ردودك وماقصرت:p
الشبابي: يا بعد عمري والله آنا ماغلطت لما قلت إنك أحسن واحد ممكن أتناقش معه في سوالف:p ..
هذي الردود ولا بلاش كلام جميل جداً وإسلوب أرقى بخصوص الأسعار هي ممكن تعتبرها جيدة جداً
حسب المواصفات يعني الSRX ب15 ألف واللكزس RX ب14500 لكن شوف الفرق في المميزات لصالح
الكدلك وأيضاً الإنفنتي FX ب20 ألف شوف فرق السعر والمواصفات متقاربة جداًَ:cool: لكن لو ينزلوا
سعر الXLR شوي يصيرون أحسن شركة في العالم:D وكلامك كله صحيح وماقصرت يالطيب ومشطكور
على ردك اللي فرحني كثير:p
وبإنتظار مزيد من الردود الهادفة مثل رد إخوي الشبابي ومانبي ردود تعور راسنا واللبيب بالإشارة يفهم:rolleyes:
الارهابي
04-10-2004, 12:25 AM
نعم إنها كاديلاك تولد من جديد
سقطت و مات الجنين :cry: :D
TOP-SECRET
04-10-2004, 01:07 AM
عليك دخلات غريبه في المواضيع يا بوحميد:p
على العموم الكاديلك الي يعجبني فيها في السنوات الاخيره انها بدات تنتج اشكال عصيره ومميزه ومبتكره والي يعجبني في الكاديلك
انها تتميز بعدة اشياء
الاول هو الفخامه الممتازه بالنسبه للسيارات الامريكيه والسمعه القويه
الثاني الشكل الرياضي الي يضيف طابع مميز للسياره
الثالث المحركات القويه (نورث ستار)
واعتقد ان من عيوبها (وجهة نظر) هو لا توجد حتى ولو نسخه واحده فقط تحتفظ بالطابع الكلاسيكي الي (كانت) تتميز فيه الكاديلك في المستقبل لان الكاديلك الكلاسيكي له محبيه وعشاقه
على العموم الكلام وايد على الشركه بس هذا الي في بالي الحين
ومشكور يابو راشد على الموضوع
:)
RED Chevy
04-10-2004, 04:41 PM
السلام عليكم ورحمة الله وبركاته
هلا والله ومشكورين على الردود:
الارهابي : حسبي الله على بليسك:laugh: بس الدكتور قا لالجنين بحالة جيدة:laugh:
TOP-SECRET : هلا والله بالغالي الملتزم بقوانين المرور:D ...
مشكور على ردك الممتاز جداً ومازيد على كلامك بشي غير إن الديفيل هو الكلاسيك حالياً وبيضل لي 2006 بكلاسيكيته المعهودة وبيكون الخيار اللي بيرجع له محبي كاديلاك الكلاسيكية لأنه يمثل رمز للفخامة والراحة والأناقة ويصلح للشياب وبإذن الله آخذ واحد طال الزمان ولا قصر:D
Dr cars
04-10-2004, 05:06 PM
لا أؤيد مقارنة الأمريكي بالألماني من ناحية التكنولوجيا ....بخصوص الإختراب قطع غيار الكاديلاك نار:bomb: لا تفرق عن الألماني بكثير...أما بخصوص الكاديلاك فأعجبتني ال CTS لكن أكره الشركة الأن بسبب ال STS نظرا للشبه الغير طبيعي مع CTS تحس أنها نسخة طبق الأصل
قلق و رجه
04-10-2004, 05:51 PM
يا شباب نبي نفهم الموضوع شوي
اول شي يا العضو Japan فيه اسلوب للتحدث والنقاش مهب فقط تهزء بدون اي دليل فقط كلام فاضي
ثاني شيا اذا ما تحب السيارات الامريكيه فهذا ما يعني انها رديئه
مثلا انا افضل الالماني (على سبيل المثال) بس ما اقول ان الامريكي واليابان خايس
مستحيل اهضم 100 سنة من كدلك اللي كل هالسنوات اختراعات وتقدم وقفزات نوعية واقول مهب زينه
من الممكن انها الان او قبل عشر سنين ليست بذاك المستوى لكن الان في تطور كبير جدا وعودة الى الامجاد السابقة وخاصه sts (الشكل ما اعجبني من الخارج لكن المواصفات والفخامة الداخية ممتازة)
XLR قمة في الروعة اما في التصميم او في التقنية المتطورة والاختراعات الجديدة
لا تنسى سكستين قمة في الروعة
انا اقول ان كدلك بترجع الى القمة مرة ثانيه ويمكن احول لها بس بشرط تركز في تصاميمها ولا تبنيه على السيارات الصغيرة ثم الاكبر
مثل cts ثمين sts يعني يخلونها مثلا على شكل سكستين (ليس بالضبط لاكن مقارب او لمحة)
على العموم النقاش المؤدب مع ادلة افضل بكثير من الفلسفة الزايدة
مشكووووووووور يا شيفي على الموضوووووووع
فن الحرب
04-10-2004, 07:38 PM
يا red chevy
صورتك ملذوع
أنت عارف أنها إهانة لرولز رويس و"مرسيدس بنز" (المثلث الفضي الساحر)وبي أم دبليو لما تقارنهن بــ كاديلاك
هيا يا صديقي سوي مواضيع سوا
تحياتي لكم يا قبايل:p
RamAir
04-10-2004, 08:30 PM
مشكور اخوي RED Chevy على الموضوع و التحليل الجيد لمستقبل شركة كاديلاك :)
ورؤيتك للشركة وما تقدمة في عهدها الجديد معقوله نوعما حيث ان الشركة عازمة على النهوض من جديد ومقارعة الكبار وانا من وجه نظري لا اعتقد ان كاديلاك حالياً ينقصها شي بل قدمت سيارات جديده على مستوى عالي من حيث التجهيزات الراقية والمحركات المتطورة والتصميمات الثورية التي هي عبارة عن مزيج بين الماضي والحاظر لكن يبقى شيء مهم وهو كيف تسترجع الشركة ثقة الزبائن الذين اعتادو على الماركات الاخرى :)
TOP-SECRET
05-10-2004, 12:49 AM
رد مقتبس من RED Chevy
السلام عليكم ورحمة الله وبركاته
TOP-SECRET : هلا والله بالغالي الملتزم بقوانين المرور:D ...
مشكور على ردك الممتاز جداً ومازيد على كلامك بشي غير إن الديفيل هو الكلاسيك حالياً وبيضل لي 2006 بكلاسيكيته المعهودة وبيكون الخيار اللي بيرجع له محبي كاديلاك الكلاسيكية لأنه يمثل رمز للفخامة والراحة والأناقة ويصلح للشياب وبإذن الله آخذ واحد طال الزمان ولا قصر:D
وعليكم السلام ورحمة الله وبركاته:D
ياهلا ومرحبا بك ياريال يحطون مخالفات من غير سبب:D
وبالنسبه للديفيل ربما يكون كلاسيك ولكن مش الكلاسيك الي تميزت به كاديلك !!
مثال على ذلك:-
http://memimage.cardomain.net/member_images/1/web/325000-325999/325010_9_full.jpg
http://memimage.cardomain.net/member_images/1/web/325000-325999/325010_2_full.jpg http://memimage.cardomain.net/member_images/1/web/325000-325999/325010_6_full.jpg
http://memimage.cardomain.net/member_images/1/web/325000-325999/325010_18_full.jpg
http://memimage.cardomain.net/member_images/1/web/325000-325999/325010_4_full.jpg
هذا الكلاسيك المقصود لكن الديفيل الحالي لايعتبر كلاسيك ابدا ! ولو تلاحظ يبتعد الكثر من شرائه لانه هويته غير معروفه فهو بين الكلاسيك وبين التطور وهذا الشيء لايعجب الكثير من عشاق الكاديلك .. والشكل الجديد ابتعد بشكل واضح وكبير عن نطاق الكلاسيكيه
RED Chevy
06-10-2004, 04:37 PM
السلام عليكم ورحمة الله وبركاته
Dr cars : مشكور إخوي على ردك وماقصرت لكن لين تنزل الsts وفتها على الطبيعة يمكن تغير رايك:cool:
قلق و رجه : ألفين شكر على الرد الجميل جداً وماقصرت يالطيب ومشكور مرة ثانية لكن آداب الحوار في صوب واللي تكلمه في صوب ولاتن إنك بتوصل لحل معه:D
الجزيرة الغامضة : وش تبيني أرد عليك؟
مايحتاج أحتفظ برايي أحسن لأنه ممكن يزعلك:cool:
RamAir : مشكور ياخوي على ردك وماقصرت على إبداء رايك وحياك الله بموضوعنا:p
TOP-SECRET : بالنسبة لي الديفيل قمة الكلاسيكية هو والتاون كار لكن لازم يدخلون عليهم الطابع العصري لكن هم ماطغى على الكلاسيكية اللي يحبونها الشياب:D
ومشكور على الصور الروعه وهذي نفس اللي شفته بس ذاك بحالة الوكالة:black: مطلوب فيه3600:cool:
الشبابي
06-10-2004, 04:53 PM
اخوي ريد شيفي ...
في نقطة يمكن تلاحظها ان السيارات الامريكية تنافس بعضها احيانا بقوة في نفس المجال وبالتالي تخسر وتكون كلها تبع بعض .... مثل الكاديلاك الديفل والقراند ماركيز والنكون ، وزي جيب النكون والماونتنير .... بالنسبة لي شكل اللينكون الجديدة :banana: :banana: ابداع في ابداع خصوصا مع الشبك الكبير والزينون ....
لنكون لها مستقبل خصوصا مع الاشكال اللي يفكرون ينزلونها روعة وعرفوا ايش الزبون يبغى ....
على سبيل المثال من المعروف ان الشباب بالخليج يحبون المرسيدس من جوة باللون الهيليوز ... اغلب سيارات لينكون الجديدة تجي من جوة هيليوز ..
واسعارها جدا ممتازة .. لنكولن فل كامل هيدورليك ومريح جدا وفخم وشكل خارجي رهيب بـ 140 الف ريال .....
اخوكم الشبابي
RED Chevy
06-10-2004, 05:02 PM
رد مقتبس من الشبابي
اخوي ريد شيفي ...
في نقطة يمكن تلاحظها ان السيارات الامريكية تنافس بعضها احيانا بقوة في نفس المجال وبالتالي تخسر وتكون كلها تبع بعض .... مثل الكاديلاك الديفل والقراند ماركيز والنكون ، وزي جيب النكون والماونتنير .... بالنسبة لي شكل اللينكون الجديدة :banana: :banana: ابداع في ابداع خصوصا مع الشبك الكبير والزينون ....
لنكون لها مستقبل خصوصا مع الاشكال اللي يفكرون ينزلونها روعة وعرفوا ايش الزبون يبغى ....
على سبيل المثال من المعروف ان الشباب بالخليج يحبون المرسيدس من جوة باللون الهيليوز ... اغلب سيارات لينكون الجديدة تجي من جوة هيليوز ..
واسعارها جدا ممتازة .. لنكولن فل كامل هيدورليك ومريح جدا وفخم وشكل خارجي رهيب بـ 140 الف ريال .....
اخوكم الشبابي
في الفترة الحالية بس...
اللنكن تتوجه للدفع الأمامي أحين وبتبتدي يزفاير وتكمل بعدين على باقي طرازاتها يعني بعد ما الكادي غلطوا وصلحوا غلطتهم لنكن يقطون روحهم بنفس الغلطة:headshak: وعن الأسعار صحيح هذي نقطة تميزه لكن عندنا أـغلى هني الLS ب150 ستاندر:(
grandv8
06-10-2004, 05:21 PM
رد مقتبس من TOP-SECRET
وعليكم السلام ورحمة الله وبركاته:D
ياهلا ومرحبا بك ياريال يحطون مخالفات من غير سبب:D
وبالنسبه للديفيل ربما يكون كلاسيك ولكن مش الكلاسيك الي تميزت به كاديلك !!
مثال على ذلك:-
http://memimage.cardomain.net/member_images/1/web/325000-325999/325010_9_full.jpg
http://memimage.cardomain.net/member_images/1/web/325000-325999/325010_2_full.jpg http://memimage.cardomain.net/member_images/1/web/325000-325999/325010_6_full.jpg
http://memimage.cardomain.net/member_images/1/web/325000-325999/325010_18_full.jpg
http://memimage.cardomain.net/member_images/1/web/325000-325999/325010_4_full.jpg
هذا الكلاسيك المقصود لكن الديفيل الحالي لايعتبر كلاسيك ابدا ! ولو تلاحظ يبتعد الكثر من شرائه لانه هويته غير معروفه فهو بين الكلاسيك وبين التطور وهذا الشيء لايعجب الكثير من عشاق الكاديلك .. والشكل الجديد ابتعد بشكل واضح وكبير عن نطاق الكلاسيكيه
نفس كاديلاك عدنا بالبيت وسيارتي اخوي ونفس المواصفات واللون.
سيارة حلوة وجميلة تحس انها كلاسيك
تحياتي
:)
cadyman
06-10-2004, 10:52 PM
كاديلاك قادمه وبقوه مع الموديلات الحديثه مثل STS , SRX. XLR وقريبا DTS الجديده كليا وهنالك تفكير جاد بانتاج السكستين لتنافس المايباخ والفانتوم
CADILLAC BREAK THROUGH
TOP-SECRET
06-10-2004, 11:47 PM
رد مقتبس من grandv8
نفس كاديلاك عدنا بالبيت وسيارتي اخوي ونفس المواصفات واللون.
سيارة حلوة وجميلة تحس انها كلاسيك
تحياتي
:)
بوجاسم ترى حتى احنا كان عندنا نفسه بالضبط وابيض من داخل جلد ابيض الصراحه فخم وتحس ان الخشب من الداخل طبيعي مب مثل السيارات الجديده
بوراشد التاون كار فعلا شكله يدل على انه كلاسيك وطريقه قيادته لكن الديفيل ماعتقد!! لا شكل ولا طريقة القياده لو تركبه تحس انه يابس يعني نفس السيارات الالمانيه لكن لو تدخل نفس الكاديلك الي انا حاطه تقول في سرير:) ومستحيل واحد يركبه وفي خط وماينام:banana:
RED Chevy
07-10-2004, 02:17 AM
مشكورين ياشباب على الردود وماقصرتوا:
grandv8 : قمة في كل شي من يومه ها:D
TOP-SECRET : هلا وغلا بوشهاب:p ومشكور على تفاعك ويا الموضوع يالغالي:p :p وبخصوص الديفل عاد خلاص لاتنزل من الروح الكدلكية اللي فيه لأنه موتري المستقبلي:laugh: :D :laugh:
TOP-SECRET
07-10-2004, 03:00 AM
بالتوفيق ان شاء الله:banana: ليش ماتشوف لك سياره احسن بنفس السعر على فكره هو كم سعره:cool:
RED Chevy
07-10-2004, 02:19 PM
رد مقتبس من TOP-SECRET
بالتوفيق ان شاء الله:banana: ليش ماتشوف لك سياره احسن بنفس السعر على فكره هو كم سعره:cool:
لا بديل للطعم الأصيل:D
آنا لي خذت الليسن يصير خير
grandv8
09-10-2004, 11:51 AM
رد مقتبس من TOP-SECRET
بوجاسم ترى حتى احنا كان عندنا نفسه بالضبط وابيض من داخل جلد ابيض الصراحه فخم وتحس ان الخشب من الداخل طبيعي مب مثل السيارات الجديده
بوراشد التاون كار فعلا شكله يدل على انه كلاسيك وطريقه قيادته لكن الديفيل ماعتقد!! لا شكل ولا طريقة القياده لو تركبه تحس انه يابس يعني نفس السيارات الالمانيه لكن لو تدخل نفس الكاديلك الي انا حاطه تقول في سرير:) ومستحيل واحد يركبه وفي خط وماينام:banana:
اخوي حمد
ترى صورة السيارة الي حاطنه اخوي اشتراه العام من قطر .
لايكون سيارتكم وانتوا بعتوها.
تحياتي
:D