View Full Version : التيما ... اكثر مما تتوقع
ALTIMA
26-10-2004, 10:17 PM
التيما ... اكثر مما تتوقع
سياره تحرك الجسد والروح وتحول القيادة اليومية إلى أبعاد جديده كلياً .
شكل انسيابي ملفت للنظر , كقطعه منحوته تلهم العواطف وتذكرنا جميعاً بكل مانحبه في السيارات
http://www.arab3.com/images12/47918890.jpg
خطوط رشيقة وجريئة . وثقه وتحكم تام , ومقصوره مصممه لتمنحك تجربة قياده ملهمة .
دمج مطلف بين الاداء المتفوق والتصميم الجذاب.
http://www.arab3.com/images12/52489405.jpg
تمنح مصابيح الزينون الامامية إضاءة أكثر اشعاعاً من مصابيح الهالوجين التقليدية .
http://www.arab3.com/images12/66681984.jpg
جنط من الالمنيوم الخفيف بقياس 17 ( لفئة الـ 6 سلندر )
http://www.arab3.com/images12/53538136.jpg
يعزز جناح الهواء الخلفي مع مصباح التوقف العلوي من مظهر السياره وكما يدعم الانسيابيه
http://www.arab3.com/images12/42462382.jpg
تم تصنيع المحرك من خليط الالومنيوم المتين الذي يسهم في تخفيض الوزن ويؤمن استهلاك افضل للوقود وفي مايرفع تصميم الكامة العلوية المزدوجه من نسبة التجاوب وتزيد من فعالية عمل مشاعب السحب والعدم ممايرفع بالتالي من مستويات أداء المحرك وقدراته
ويتماشى هذا المحرك مع معاييرعوادم السيارات للمحافظه على البيئه .
محرك V6 سعة 3,5 ليتر بقوة 257 حصان
يعتبر محرك الـ 4 اسطوانات من اقوى المحركات في فئتها , تصميم الكامة العلوية المزدوجه يرفع من فعالياة عمل مشاعب السحب والعدم ويسهم في فعالية عمل المحرك على كل السرعات ويوفر قوة أكبر خصوصاً أثناء التسارع تجاوز المركبات كما يخفف الضغط على المحرك ويتماشى هذا المحرك مع معايير عوادم السيارات للمحافظة على البيئة
http://www.arab3.com/images12/58637923.jpg
العدادت المضيئة مصممة خصيصاً لتوفر كل المعلومات وتطلعك على حالة عمل المركبة كمبيوتر الرحلات يوفر بلمسة واحده معلومات مختلفه مثل درجة الحرارة الخارجية , استهلاك الوقود , والمسافة التي يمكن ان تقطعها مع كمية الوقود المتبقية في الخزان
أجهزة التحكم بالنظام السمعي . كمبيورت الرحلات . ونظام التحكم بالسرعة ASCD ميزات تحول الرحلات الطويله إلى رحلات ممتعه
جهاز إستماع مسويقي يشمل راديو كاسيت AM \ FM . قارئ كاسيتات . مبدل اقراص مدمجة . وسته مكبرات للصوت تجعلك دائم الرغبة في البقاء داخل السياره نظام التكيف هوائي بمفاتيح تشغيل ذات تصميم عصري ونظام تحكم آلي بالحرارة مدمج مصفاة بقدرة عالية على تنقية الهواء
الوان السياره :
أحمر - ازرق - رملي - زمردي - أسود - فضي - رمادي - أبيض
أخوكم
ALTIMA:glasses2:
@elmalghoom@
26-10-2004, 10:47 PM
بس أحس أن سعرها كان بمثابة عائق أمام مبيعاتها وخصوصاً فئة السته سلندر
طبعاً أنا أتكلم عن سوق البحرين.
الأنصاري
27-10-2004, 01:49 AM
مشكور على الموضوع قلت شعر فيها:D :D
ممممممم مشكله الألتيما ان 6 سلندر بتكون مظلومه سعرها ماراح يساعدها عشان الناس تشتريها وراح تفضل ال4 دايما
zoom6
27-10-2004, 03:09 AM
الالتيما حلوه من الخارج
ولكن من الداخل الماكسيما افخم منها
هذا في نظري انا :)
BLUE_STEEL
27-10-2004, 05:29 AM
رد مقتبس من zoom6
الالتيما حلوه من الخارج
ولكن من الداخل الماكسيما افخم منها
هذا في نظري انا :)
http://www.arab3.com/images12/58637923.jpg
نفس عدادات الالفاروميو ولكن الالتيما ماعجبتني الماكسيما احلى :rolleyes:
cadyman
27-10-2004, 01:17 PM
سياره راخرى رائعه من نيسان
TOP-SECRET
27-10-2004, 03:17 PM
مشكور على الموضوع والالتيما الجديد شكلها ممتاز جدا ومميز خاصه الفل اوبشن ويعطيك العافيه
بس ياريت لو تكتب لنا مره ثانيه اخوي ان الصور منقوله من موقع اخر ويمكن الموضوع مش متأكد:rolleyes:
يعطيك العافيه
MuGeN
27-10-2004, 05:52 PM
السلام عليكم ورحمة الله وبركاته
أول شي بالنسبة لأخوي الأنصاري ... السعر ما أشوف فيه شي أبداً ... سعرها بالوكالة ب V6 أعلى فئة كامل المواصفات ب 89 ألف ريال ... و تجي زينون .. مخمل بس ممتاز :D .. فتحة ... جناح .. إير باق للراكب و السائق ... نظام في الفرامل نسيت إسمه ... جنوط ألمنيوم 17 ... و مسجل 6 سيديات و كاسيت و مكيف خلفي ... و أنوار ضباب ( غوازي ) ... و طبعاً مثبت سرعة و تحكم في المسجل من الدركسون ...
أما الأكورد ال V6 سعرها 94 ألف ... و الكامري 92 ألف و أعتقد 2005 وصلت ل 96 ألف ريال ... كيف السعر ما ينافس ؟؟
أما عزم السيارة يعني صراحة ... قوي ... يخليك :OO: ...
يمكن العيب الوحيد اللي تسميه عيب فيها ... الداخلية ... هي جيدة نوعاً ما .. بس أنا شايف المازدا 929 فل كامل موديل 92 ( حلوة فل كامل :D ) ... أحس إنها نفففففس الألتيما حتى في المكيف الخلفي :D :D :D
تحياتي للجميع ...
MuGeN
27-10-2004, 05:54 PM
نسيت ما أذكر ...
إن سعر الألتيما = سعر المكسيما كامل الموصفات ...
و ترى الفل كامل أربعة سلندر ما أخذت من المواصفات إلا جنوط 16 و أنوار ضباب و مسجل بس ....
تحياتي ...
هلا و غلا
راح يكون لها نجاح كبير و خاصه انه كانت لها الكثير من العشاق عندا كانت دات دفع خلفي واشتهرت للتفحيط لسهوله تغير المكينه
ولكن هل سوف تغطي على المكسيما
TOP-SECRET
27-10-2004, 06:39 PM
اخوي MuGeN على فكره الكامري 2005 في قطر والسعوديه بـ96 الف يعني ارتفع سعرها
والالتيما فل اوبشن مع نظام زينون وستائر خلفيه بـ98 بكل تأكيد افضلها على الكامري والاكورد..
MuGeN
27-10-2004, 07:02 PM
رد مقتبس من TOP-SECRET
اخوي MuGeN على فكره الكامري 2005 في قطر والسعوديه بـ96 الف يعني ارتفع سعرها
والالتيما فل اوبشن مع نظام زينون وستائر خلفيه بـ98 بكل تأكيد افضلها على الكامري والاكورد..
هلا أخوي ... إحنا للحين ما وصل عندنا الستائر :( ...
الي عندنا كاملة الموصفات حسب كلامهم أو على حسب المواصفات الي توها متوفرة ... ناقصها جلد .. و نظام TSC موجود في الكاتالوج ... والله حسرة :cry:
بس بيني و بينك مافي فرق بينها و بين الأكورد أربعة سلندر فل كامل ... يعني 6 آلاف و شوف الفرق :D ....
smartman
27-10-2004, 08:55 PM
و عيبها عند الوكيل ما في اقساط بدووون مقدم :blink:
smartman
27-10-2004, 09:02 PM
رد مقتبس من ALTIMA
جنط من الالمنيوم الخفيف بقياس 17 ( لفئة الـ 6 سلندر )
http://www.arab3.com/images12/53538136.jpg
ALTIMA:glasses2: [/B]
هذا اللي ذابحني هالبرتقالي :laugh:
خبير نيسان
27-10-2004, 09:03 PM
السلام عليكم ورحمة الله وبركاته
عجيبه بس لو ينزلون ال LAUREL بتصير تفجييييييييييييييييييييييييييييييييييييييييير
بوأربع
28-10-2004, 02:47 AM
فيها عيب اعاني منه
و لا اعرف حالة غيري من مستخدميها
و هي ان المرايا التي على يسار السائق لا تعطيك لقطة كاملة لما هو خلفك يعني بعدها حقيقي
و المعهود ان تكون تصغر الصورة حتى تغطي مساحة اكبر
النتيجة لو كانت سيارة خلفك على السيار و على بعد حوالي 10 او 8 امتار ما رح تشوفا!!!!
و لولا رحمت ربك لكنت عملت اكثر من حادث
MuGeN
28-10-2004, 04:17 PM
رد مقتبس من بوأربع
فيها عيب اعاني منه
و لا اعرف حالة غيري من مستخدميها
و هي ان المرايا التي على يسار السائق لا تعطيك لقطة كاملة لما هو خلفك يعني بعدها حقيقي
و المعهود ان تكون تصغر الصورة حتى تغطي مساحة اكبر
النتيجة لو كانت سيارة خلفك على السيار و على بعد حوالي 10 او 8 امتار ما رح تشوفا!!!!
و لولا رحمت ربك لكنت عملت اكثر من حادث
غريب أخوي ... بس تقدر تستفيد في هاللحظة من المرايا العلوية ( الي في الوسط ) ... و أعتقد هذي نقطة قوة لأني لحد الحين ما شفت نقطة عمياء في الألتيما :D
SL500
29-10-2004, 05:26 AM
مشكور اخوي على الموضوع والصور...
وانا احاول انزل الصور للاتيما اللي عدلت عليها باذن الله
Dr cars
31-10-2004, 04:31 PM
من أروع ما قدمت نيسان ...مسكينه المكسيما ما عاد عندها مكان:headshak: .لازم يغيروا شكلها بأسرع وقت
عاشق الهوندا
31-10-2004, 04:37 PM
تسسسسسلم خوي على الصورة والمعلومات :)
X_RaYs
31-10-2004, 09:43 PM
من وجهة نظري .. اشوف ان سعر الفل أوبشن مبالغ فيه بزياده :blink:
المحرك باين عليه قوي .. سواء الـ4 أو 6 سلندر
وغير كذا .. فيها شبه كبير من الأكورد :think:
MuGeN
01-11-2004, 05:52 PM
رد مقتبس من X_RaYs
من وجهة نظري .. اشوف ان سعر الفل أوبشن مبالغ فيه بزياده :blink:
المحرك باين عليه قوي .. سواء الـ4 أو 6 سلندر
وغير كذا .. فيها شبه كبير من الأكورد :think:
ممكن تقول لي ليش مبالغ فيه :) ؟
BLUE_STEEL
01-11-2004, 06:43 PM
طيب شباب انا لي سؤال ؟؟
سمعت بأن الألتيما الجديده السته سلندر تطرح اللومينا اس اس والكابرس اس اس صحيح دا الكلام؟؟؟؟؟؟
وسمعت تطرحها قومه وخط:confused: :confused:
X_RaYs
01-11-2004, 09:32 PM
Mugen
اللي اعرفه ان سعر الـ6 سلندر فل أوبشن 101 ألف ريال .. والا انا غلطان :think:
MuGeN
01-11-2004, 11:43 PM
رد مقتبس من X_RaYs
Mugen
اللي اعرفه ان سعر الـ6 سلندر فل أوبشن 101 ألف ريال .. والا انا غلطان :think:
أنا بعد سمعت ...
بس ما أقدر أقولك رحت و سألت الوكالة ... إحنا أخذنا السيارة ب 90 ألف .. ( بالضبط 88500 ريال )
و كانت فل أبشن تقريييييييييباً ( عند الوكالة فل أبشن )
MuGeN
01-11-2004, 11:47 PM
رد مقتبس من BLUE_STEEL
طيب شباب انا لي سؤال ؟؟
سمعت بأن الألتيما الجديده السته سلندر تطرح اللومينا اس اس والكابرس اس اس صحيح دا الكلام؟؟؟؟؟؟
وسمعت تطرحها قومه وخط:confused: :confused:
في القومة يمكن لأنها قوية و دفع أمامي ... أما الخط أعتقد إلى 80 إلى 100 و بعدين تطلع ( الكابرس و اللومينا ) ...
شباب أنا قرأت في موقع إن تسارع الألتيما 6.1 ثانية ... هل هذا صحيح ؟؟
kaser annassr
02-11-2004, 12:15 AM
بسم الله الرحمن الرحيم
السلام عليكم ورحمة الله وبركاته
أخوي مشكور على الموضوع الحلو والجميل
المهم بصراحة الألتيما رفعت راس اليابانيين وأكدت للعالم أن نيسان لا تزال تحاول التقدم والتطور
والشكل حق الألتيما فظيع بمعنى الكلمة
والسيارة تبدو ملائمة ومناسبة جدا
خاصة مع محرك الإسطوانات الستة (( ياسلااااااااااااااااااااااااااام))
وأظن انها قالت للكامري باي باي كامورة هههههههههههههههههههههههههه
مشكور أخوي
CL 600
02-11-2004, 07:39 AM
أخي العزيز .. صاحب الموضوع :
مشكور على هذا التقرير ..
لكن أود أن أسألك أسئلة واضحة ومباشرة ..
مارأيك في سلاسة قيادة السيارة داخل المدينة ؟
مارأيك في عازليّة الهواء؟
مارأيك في صوت احتكاك الاطارات بالأرض الخشنة ؟؟؟
مارأيك بالمواد المستخدمة بالداخل؟
مارأيك في التجهيزات القياسيّة المتوفّرة بالسيارة؟
مارأيك في فخامة السيارة من الداخل ؟
بصراحة يا أخي العزيز .. من خلال تجربتي للسيارة .. لم أجد فيها أي ميزة سوى المحرك الجبّاااار الذي يعمي البعض عن كثير من التجهيزات التي هي متوفره قياسيّاً بعض في أتفه أنواع السيارات .
وبخصوص الأسئلة التي سألتها .. لو سألتني إياها؟
لقلت لك أن رأيي فيها دون الجيد !!!
سأورد مثالاً بسيطا ..
نفترض أننا أتينا بشخص ليقوم بتجربة هوندا أكورد و نيسان ألتيما .. واشترطنا عليه عدم الضغط على دواسة الوقود أكثر من النصف ..
ثم سألناه عن رأيه في السيارتين .. إجابته ستكون لصالح الهوندا ( وجهة نظر بحته )
Mugen ..
هل يوجد سيارة موديل 2005 وقميتها تناهز الـ90.000 ريال .. لا يوجد بها ABS ؟؟؟؟ !!!!
علماً أن الـ ABS لا يتوفر إلاّ في أعلى فئة (سعرها فوق الـ100.000 ريال) .
رد مقتبس من kaser annassr
المهم بصراحة الألتيما رفعت راس اليابانيين وأكدت للعالم أن نيسان لا تزال تحاول التقدم والتطور
خاصة مع محرك الإسطوانات الستة (( ياسلااااااااااااااااااااااااااام))
مشكور أخوي
تقصد يا أخي العزيز ..
فقط مع محرك الإسطوانات الستة
تحياتي للجميع ,,
ماجد
CL 600
02-11-2004, 08:15 AM
وهذ اقتباس لموضوع العضو المحترف كار من منتدى الساحات الذي هو تحت عنوان: بعد انتهاء 10000 كيلو- NISSAN ALTIMA - (انطباعات) .
السلام عليكم ورحمة الله وبركاته
تحية طيبة لشباب الساحة الكرام واشكرهم على جهودهم الجبارة على اثراء الساحة بما هو نافع وجديد
وقبل كل شي احب اهنئكم بمناسبة حلول شهر رمضان الكريم وكل عام وانتم بالف خير
---------------------------------
NISSAN-ALTIMA 2005 3.5L TYPE 2
قبل ما نتكلم يا اعزائي عن السيارة هذه وبعد تجربتي لها كمالك لهذه المركبة احب اني ابين لكم بأنه كل مارح اقوله الان على مسؤليتي الشخصية والله يشهد على ماقول
السيارة لها الان معاي تقريبا 3 اشهر والحمدلله ماشية معايا وماخفيكم انه استخدامي للسيارة استخدام كله حرص وخوف على السيارة من المطبات او الحفر اللتي نشاهدها بكثرة في شوارعنا ولا يعني ذلك اني ماسرع لكن في اوقات او طرق امنة اقدر فيها اسرع براحتي
السيارة كانت رائعة من ناحية الثبات وانا متأكد انه السيارة ارسى بكثير من السيارات اللتي بفئتها وتسارعها كان مبهر جدا وماستطيع ان اوصفه مع انه تمريني لها كان تمرين مايتعدى 90 كيلومتر في الساعة واستطاعت الالتيما ان تضعني في حيرة من امري امام تسارعها المذهل والذي تغلبت به على كثير من السيارات التي لم اتوقع انها قد تجابها في يوم
طولت عليكم من ناحية اداء السيارة واهم شي في موضوعي سلبيات الالتيما
1) صوت المكينة عالي مقارنة بمثيلاتها وأبرز ما لفت انتباهي وهو أنه السيارة تكون على 120 والمكينة بالدورة 3000 اما المكسيما 2800 والاكورد الاربعة سلندر 2700 والكامري ايضا واعتقد هذا شي غريب
2) الانوار الامامية طراز زينون من يوم ماخدتها من الوكالة ومستوى الاضاءة من جهة طالعة وجهة نازلة ويوم صيانة 1000 كلمتهم عليها وقلت لهم اوزنوها بس للاسف نفس الشي
3) زجاج الراكب الامامي يطلع صوت طقة يوم مانزله ويوم ماطلعه مع العلم اني ماستخدمه دايما
وأبرز مشكلة تواجهني وهي مشكلة القير
السيارة قير عادي واكيد انتم عارفين 6 نمر والريوس مع رفعة الحلقة الي في القير
بعد صيانة ال5000 وبالتحديد عند 6000 كيلو بدأت مشاكلي مع القير وهي انه القير مايتحرك من مكانه الا بصعوبة كأنه في شي ماسكه ثقيل مرة في الحركة وخشن جدا لدرجة ساعات كان يتعذر علي ارجعه ريوس من كثر ماهو ثقيل وخشن بعكس ماكان سلس وناعم وخفيف وهذا الشي اقلقني جدا وسئلت بعض الشباب وقالولي عادة السيارة في البداية تجي فيها مشاكل مثل هذه ولا اخفيكم انه خبرتي بالقير العادي قليلة بحكم انه اول مرة امتلك سيارة قير عادي وقلت اصبر عليها وصبرت يومين وانا اتحمل واتعود على القير الممل اللي رفع ضغطي لين ماوصلت معاي لخشمي وقلت لازم اوديها الصيانة . وبالفعل اخذتها ووديتها الصيانة وقلت لهم ضروري الحقو السيارة ماتعشق مثل ماكانت قاموا وانا ابيهم يشوفونها بسرعة قبل مايخف الموضوع لانه نسبة الصعوبة في التحريك كانت متفاوتة ونزل المهندس معاي وشاف القير قدامي وحرك قدام وورا وقالي مافيه شي قلتله كيف مافيه شي انت لاتحكم من عندك روح شوف اي التيما ثانية جديدة وشوف الفرق قام قلي خلي السيارة عندنا وتعال بكرة نفس الوقت .. وجيتهم اليوم الثاني وانا على امل انه كل شي انحل لكن للاسف فاجأني المهندس بقوله انه السيارة طبيعية قمت اخذت السيارة وقلت يالله ماهي مشكلة يمكن انا موسوس ولا اتعودت على الدلع المهم جلست السيارة معاي بعد ماستلمتها تقريبا اسبوعين وبعدها بدأت السيارة ماتشبك الريوس في بعض المرات ويطلع صوت اني ماشبكته وانا متأكد انه مشبوك وهذا الشي من جد اقلقني وانشالله ناوي اقدم السيارة يوم السبت الجاي للصيانة 10000 واتمنى من الجميع ان يشوروني كيف افهمهم المشكلة لانه والله ماصار قير صار صخرة والله
لكن والله ماحب اظلم السيارة لانه بجد سيارة مريحة رياضية
اتمنى من الجميع التعليق والمساعدة يا اهل الخبرة في موضوع القير
واسف على الاطالة والسلام عليكم ورحمة الله وبركاته
......................................
المصدر: http://alsaha.fares.net/sahat?128@70.aq3En6Dt5CL.0@.1dd673d9
MuGeN
02-11-2004, 06:03 PM
أهلين أخوي CL600
أخوي أعتقد ال ABS موجود :think: ... أعتقد مش متأكد .. بتأكد و بعطيك خبر ...
أما بالنسبة للمشاكل الي ذكرتها .. أنا قرأت الموضوع ... بس مادري ياخوك وش أقول ... :blink:
سيارتنا الحين قريب ال 4000 ... بس ما شفت كثر هالمشاكل إلا شوي تسريب ... علماً إنها AUTO ...
@elmalghoom@
03-11-2004, 01:44 AM
الكلام هذه ينطبق على الماكسيما بس الألتيما لا وألف لا.
وبالنسبه للتجهيزات والفخامه السياره ماعليها كلام بس مشكلتها
إنها تفتقد إلى عنصر الإبهار وخصوصاً من الداخل.
يعني أبي الشباب إللي جربو السيارات التاليه ألتيما - أكورد - كامري
يقولون لي شنهو الموجود في الأكورد والكامري ومو موجود في الألتيما؟
لاحظو إني قلت جرب مو ركب لأن كثير من الشباب يسوق السياره لمدة أسبوعين
وبالصدفه يكتشف إن فيها مبدل سيديات في الصندوق الخلفي وهذي مو مبالغه
فما بالكم باللي ركب السياره بالوكاله وجاك يسب ويلعن بالمواد والتجهيزات على صفحات
الأنترت وهو مايدري شنهو فيها من أنظمه
علشان جذي خصيت بسؤالي فقط إللي جربو السيارات الثلاث
أما بجيني واحد بيقوللي الألتيما بس مكينه فهذه شي مو من المنطق خصوصاً إن السياره
مافيها أي مواصفات إختياريه يعني كامله من مجاميعوه:)
abumhdi
03-11-2004, 01:51 AM
الملاحظ بأن الاغلب يعيب سعرها ..
وانا معهم .. لأن الاغلب راح يفضل المكسيما عليها .. حتى من ناحية الشكل ارتب ..
يسلموو ..
CL 600
03-11-2004, 07:37 AM
رد مقتبس من @elmalghoom@
الكلام هذه ينطبق على الماكسيما بس الألتيما لا وألف لا.
وبالنسبه للتجهيزات والفخامه السياره ماعليها كلام بس مشكلتها
إنها تفتقد إلى عنصر الإبهار وخصوصاً من الداخل.
يعني أبي الشباب إللي جربو السيارات التاليه ألتيما - أكورد - كامري
يقولون لي شنهو الموجود في الأكورد والكامري ومو موجود في الألتيما؟
لاحظو إني قلت جرب مو ركب لأن كثير من الشباب يسوق السياره لمدة أسبوعين
وبالصدفه يكتشف إن فيها مبدل سيديات في الصندوق الخلفي وهذي مو مبالغه
فما بالكم باللي ركب السياره بالوكاله وجاك يسب ويلعن بالمواد والتجهيزات على صفحات
الأنترت وهو مايدري شنهو فيها من أنظمه
علشان جذي خصيت بسؤالي فقط إللي جربو السيارات الثلاث
أما بجيني واحد بيقوللي الألتيما بس مكينه فهذه شي مو من المنطق خصوصاً إن السياره
مافيها أي مواصفات إختياريه يعني كامله من مجاميعوه:)
أخي العزيز .. بخصوص الـ ABS أؤكد لك أنه لا يوجد إلاّ في أعلى فئة فقط مثلها مثل الماكسيما والكامري .. وليست مثل سيارات هوندا التي توفره حتى على الجاز والسيتي بشكل قياسي .
mill_955
03-11-2004, 08:13 AM
رد مقتبس من CL 600
أخي العزيز .. بخصوص الـ ABS أؤكد لك أنه لا يوجد إلاّ في أعلى فئة فقط مثلها مثل الماكسيما والكامري .. وليست مثل سيارات هوندا التي توفره حتى على الجاز والسيتي بشكل قياسي .
صحيح كلامك اخوي CL 600
حتى الباثفايندر سعره 94 الف ومافيه ABS
الـ ABS ومثبت السرعه مايتوفر الا في اعلى فئه <<<<<<تخلف وكلاء