لومينا اس == مكسيما

[الامير الاحمر]

مرحبا بالطيبين

ياسلام صارلي زمان ماكتبت في السيارات

والله ولكم وحشة يا اهل السيارات

شخباركم شعلومكم شمسوين انشاء الله تمام ...



المهم ندخل في الموضوع...

واحد من الاهل اشترى سيارة جديدة والحمد لله والي هيه لومينا اس من الوكالة

مع انه الكل مو مقتنع فيها بس الصاحب معند وراسه يابس


ويبي يجرب سيارته مع مكسيما الموديل الجديد


فـ حبيت اعرف من الي يسبق
مع انه الشباب قالوله ان المسكيما تطلع ..

لكنه ما مصدق


وانشاء الله الكل يشارك

ويعطينا وجهة نظره في الموضوع

ولكم جزيل الشكر مقدما ...

:p

[®Lumina ss 2002]

بس بصراحة اذا ما اخطأت اظن ان مكسيما تروح :confused: بس تدرون ان تجربة خير برهان:banana:

[Porsche GT2]

أتوقع الماكسيما يطلع على اللومينا ..

لأن اللومينا إس 215 حصان

والماكسيما 227 حصان

والماكسيما معروف إنها من فئة وزن الريشة :D

[®Lumina ss 2002]

:D

[lt4_caprice ss]

السلام عليكم

أعتقد المكسيما
لأنه المكسيما مكينتها قوية وهيه خفيفه
ولا ننسا إنها دفع أمامي


وشكراً

[FSM]

ههههههههههه

قول له لا يطلع احسن له :D

لأن المكس راح يقطع اللومينا تقطيع ..:D

[luminaltz]

مرحبا اخوي

اول شي مبروك عليكم السياره ...... اللومينا ما تقدر علي المكسيما الا اذا كانت المكسيما جير اوتوماتيك ....يا ما طرحت مكسيمات في الخط بسيارتي (لومينا ال تي زد ) في البدايه بتطلع المكسيما لحد 160 او 180 وبعدين بتسلم عليها ويستحسن تبدا معه من 120 وسلمت .... وعن الفوضه الزايده

[خبير نيسان]

السلام عليكم ورحمة الله وبركاته
اللومينا اس اس بالغصب اتقبض وي مكسيما الا بعد ال تي زد
غلطه كبيـــــــــــــــــــــــــــره

[mustangsvtcobrar]

موضوع حلو


اتمنى لو يكون هناك فيديو

[CoLd ZeRo]

اخوي luminaltz .. ويش تقول !!! ..



انا اخوي عنده لومينا ال تي زد ومره رحت بها جامعة البترول ..
وطلعتي من الجامعة شفت صديقي عنده مكسيما جديدة ..
قلت له الي يوصل الديره قبل .. تدري اني ما شفت سطاباته إلا عند آخر إشارة قريب القطيف !!! ...

[®Lumina ss 2002]

السلام عليكم ورحمة الله وبركاته
اللومينا اس اس بالغصب اتقبض وي مكسيما الا بعد ال تي زد
غلطه كبيـــــــــــــــــــــــــــره
-----------------------------------------------------------------------------------------------------------------------------
حلم كل مكسيمات انه تروح عن لومينا اس اس :sleep: بس الاحلام تبقى احلام وياما شرشحت بالمكسيمات ولا شافوا اصطباتي:black:

[مركاز]

مقارنه ممتازة
كلا السيارتين 6سلند
وتقريباً نفس سعة المواطير :black:
وتقريباً نفس عدد الأحصنة الفرق بسيط جداً
في حدود العشرة أحصنة فقط
لاكن الss الفرق بينها وبين المكسما
لا يوجد أي وجه مقارنه:banana:

[الامير الاحمر]

اشكر الجميع على ردودهم ... وانشاء الله نشوف المزيد من المشاراكات حتى نقطع الشك باليقين :D

[Dr cars]

رد مقتبس من luminaltz
مرحبا اخوي

اول شي مبروك عليكم السياره ...... اللومينا ما تقدر علي المكسيما الا اذا كانت المكسيما جير اوتوماتيك ....يا ما طرحت مكسيمات في الخط بسيارتي (لومينا ال تي زد ) في البدايه بتطلع المكسيما لحد 160 او 180 وبعدين بتسلم عليها ويستحسن تبدا معه من 120 وسلمت .... وعن الفوضه الزايده


:good: :good:

[خبير نيسان]

السلام عليكم ورحمة الله وبركاته
lumina ss 2002 يعني ويش اصطاباتي ؟
في واحد في منتدى نيسان ارابيا من جده اذا تبي اتحط وياه ريس قووول
سيارته قير عادي





انــــا من البحرين مو من السعوديه بس اللي اقول لك عنه كل اسبوع قومه

[zoom6]

المكسيما وبس
:banana:

[®Lumina ss 2002]

رد مقتبس من خبير نيسان
السلام عليكم ورحمة الله وبركاته
lumina ss 2002 يعني ويش اصطاباتي ؟
في واحد في منتدى نيسان ارابيا من جده اذا تبي اتحط وياه ريس قووول
سيارته قير عادي





انــــا من البحرين مو من السعوديه بس اللي اقول لك عنه كل اسبوع قومه
اوكي ما في اشكال :glasses2: بس عندي سؤال هل موتره مزود :glasses: اذا عليه اي تزويد فأسمحلي يا اخوي سير دور لك واحد مزود لومينا مالته خله يطلع وياه لان موتري ما مزود و ماعليه اي شي بلمرة صافي وكالة يعني وكاله :sleep:
يعني ويش اصطاباتي ؟ يعني ليت الخلفي مالت سيارة back light :D

[خبير نيسان]

السلام عليكم ورحمة الله وبركاته

موتره ستـــــــوك ادخل نيسان ارابيا وقول بس ابي احط ريس وي مكسيما بيجون لك
مكسيمات واجد في ستوك وفي ملغومين
واذا على قولتك مايشوف ليته اللي وا جرب وشوف يمكن ايصير العكس

[®Lumina ss 2002]

حبيبي مافي مكسيما طلعت وياه الا وانا طايفنه من قومه وخط وفي واحد من ربعنا عنده مكسيما 2004 مسكين دوم يطلب ريس ودوم يتهزأ من ليموتي :laugh: :laugh: وانا اقول لك شي مكسيما ما تاكل عيش جدام لومينا :laugh: :laugh: ونسيت اقولك امسات طلعت ريس ويا التيما :laugh: مسكين شو سويتبه بتوب ما بيطلع ويا لومينا مرة ثانية سيكل بيتم سيكل مهما سوا :black:

[the grifter]

الماكسيما قووومه وخط وبفارق كبير بعد

لان اللومينا يقطع واسالوا مجرب:banana:

[CRX]

هلا و غلا

:anger: وهم بعد :anger:


حنا في موسم عيد واكيد ما نبي مشاكل
ولازم اكون صريح وما راح اهتم ادا زعل اي احد منك

النتيجه معروفه للكل ياخي انت تقول لومينا ما شالله عليها يعني مب اي سياره ومع مكسيما عرفتو كيف


اكيد النتيجه راح تكون











































للماكس وبس :D

[خبير نيسان]

السلام عليكم ورحمة الله وبركاته

lumina ss 2002 هالمره عاد شلختهه شلاخ بسك قنابل علينا :laugh:

قلت لك روح نيسان ارابيا وشيك وينك رحت خسي اتطوف مكسيما

[عاشق الهوندا]

الماكس قدام ولين قير عادي اعتقد مو اقل من 3 ليتات (لمبات) الماكس قدام :laugh:

[Blue King 903]

السلام عليكم ورحمة الله وبركاته


انا ابي اعرف انتوا ليش حاطين دوبكم ودوب اللومينات الـ6 سلندر ؟

لها الدرجة يعني مافيها حيل تصف ويا ماكسيما والا كامري ؟

انا عندي لومينا LS
احد يبي يجرب ؟؟

كامري – ماكسيما – ماجنا – لومينا LS

اللي مو مقتنع ان اللومينا تمشي والا لا يجرب معي ...

قومة وخط بعد...

سيارتي ستوك .. اللهم اني شايل الدبات ومركب فلتر شبه رياضي:damp:


وحاظرين:black:

[abumhdi]

لو كانت ss كان قلتلك تطلع اللومينا ..


بس انها s المكسيما تطلع ..

[DR-JEF]

نقاش ما راح يخلص

مثل قصة الكامري والمكسيما من أفضل
ومن يطوف الثاني

ياجماعه

ترى هذي لا راحت ولا جت تبقى مكسيما ليس إلا ياباني قشور بصل

والثانيه نطت ولا اقعدت تبقى لومينا أس أس ليس إلا خروف استرالي

ولا تحسبونهم يمشون الا بالدز الي مركب هدرز والي مركب MSD والي الي والي والي ومذري شنو

يا جماعه لو الشباب مو حاسين ان سياراتهم قاصره وناقصه ما زودوا فيها

(( على فكره اليوم وانا على شارع المقصب شفتهم الشاحنات الي تحمل السيارات عليها لومينا وكابرس وقعدت اضحك. قالي ولد عمي ليش تضحك قلت له طالع عمرك الخرفان يابوه))


السموحه يا راعات الومينات

ترى مو قصدي أغلط بالعكس تعجبني الومينا اس اس على الأقل أحلى من المكسيما وأقوى وأفخم وأريح بصراحه تستاهل سعرها بعكس المكسيما الي مطيرينها في السما وهي مكسيما

على فكره انا اقول ان الومينا اس اس
تختفي جدام المكسيما حتى لو كان قير عادي



وعلى فكره انا سيارتي bmw 540 1995
وشوي عدمانه هليومين يبيلها تضبيط

ومع هذا المكسيما اذا كانت اوتو او عادي

والومينا اس اس

يبقون وراي في الشارع بس شرط مو بس قومه لازم خط

ومافي داعي جماعه للزعل

والسموحه اذا ضايقتكم
ومشكورين ومع السلامه