قومة اللند مع هدرز وفلتر ودبه فلو ماستر ..

[EL_3grab]

السلام عليكم ..

شخباركم عساكم مرتاحين .. الحمدالله ..

وأنا على أشارات الستي (بعيمان) صورت قومة اللند مالنا .. وحبيت تشوفونه ..

http://www.uaqboost.com/up/uploading/Untitledg2ooocopy.jpg

حليله رايح من الدنيا والله .. معذبينه وايد .. المكينه ما منها فايده .. كل اللي حطيته وبعده تعبان هاللند ..

الله كريم ..

الفيديو ..

http://www.uaqboost.com/up/uploading/Me_1.zip

الحجم 1 ميغا بالتمام والكمال .. التصوير كان 16:9 .. وايدسكرين يعني .. وعليه أيفيكت أولد ستايل

الفيديو مب مضغوط دايركت من الكيمرة حجمه 77 ميغا .. وضغطته لييييييييين 1 .. بس بعده فنان وواضح .. :banana:

وهذا وصلة الفيديو الأولاني اللي حطيته .. جان تبون تشوفونه ..

الحجم 490 كيلوبايت ..

http://www.uaqboost.com/up/uploading/My_2.zip

وسلامي للحبايب

أخوكم

غــــــــانــــــــمــ

[oil_HKS_lio]

مشكوووووووووووووووور يالغالي صراااحه شيييييي

[uae speed]

تسلم اخوي ..
ما شاء الله على الستيشن ..حلوة قومته ..
بالتوفيق اخوي و لا تسرع وايد .. :)

تقاطع الستي سنتر كرهته بعد ما تجاوزت الاشارة الصفرة ..
الكاميرا صورتني على طووول ..:D
في دبي لو تجاوت الاشارة الحمرا بعد 3 ثواني تصورك الكاميرا .. !

:D

[TOP-SECRET]

الله يعطيك خيره ويكفيك شره اخوي العقرب يـبا له كامات الغالي ع كمبيوتر وبيصير مشيه حلو اذا تبا

كامات عندي ربيعي من العين يقدر يشوف لك شي زين

وبالنسبه للمقاطع جاري التحميل

على العموم انا معاك في منتدى المافيا مره سئلتك اذا عرفتني ولا لا بس نسيت اسم الموضوع:D

عشان جذه مادري اذا رديت علي ولا لا

هلا والله

[EL_3grab]

اوووووه .. ثراك أنته ..

زين زين ..

أخوي السيارة غاسل يدي منها .. حرام أعق عليها بيزاتي .. وانا حليلي بعدني طالب :D

يعني أيمع واشتري ..

المهم عقب الثانويه ناوي على زد والله ولا نيسان طويل ويا نيسان كوبي مستعمل ..

يعني اعق بيزاتي على سيارتي اخير :banana:

وسلامي لكل المشاركين .. وتسلمون ..

[TOP-SECRET]

:D

هيه هذا انا على العموم بالتوفيج بس اذا تبا تبيع سيارتك بيعني الهيدرز :D

وتوني شايف الفيديو مشاء الله مشيه حلو وقطعته حلوه بس عيبه تماتيك:(

واذا تبا سياره يديده لاتفكر بغير الفتك2005 :banana: بس غالي:D

[EL_3grab]

اكيد مافي غيره .. بس باخذ رقم 2 ولا 3 .. وبسويله كوستمايز من داخل برع .. وبخليه أروع نيسان بالدنيا :D

بس أدعولي أنتوا أني انجح وأهم شي التقنيه تقبلني :cool:

[Nas1]

التقنية يقبلون اي حد, بس شد حيلك في الأنجليزي:)

[EL_3grab]

Nas1

الحمدالله في الأنجليزي لا يعلى عليي :D :D .. مشي حالي تمام التمام ..

بس أنا سمعت عكس رمستك بالضبط ما يقبلون أي حد .. طبعا بدون الواو ..

بس اذا ما قبلوني مابسير العين أنا .. بيتوكل على الشارجه .. بس والله التقنيه عايبني وخاصه مال دبي اليديده ..

أن شاء الله تخصص هندسه الكترونيه مكيكانيكيه .. :banana:

المهندس غـــانـــمـ

وسلامي

[زورو الامارات]

السلام عليكم ورحمة الله وبركاته


هلا والله قومته ثقيله امبين وزنه عالي وايد


وحتى تباديلك للقير بطيئة المفروض ماتخليه يتفتف ولا ماتبحصل منه اداء ممتاز

[عاشق الهوندا]

اتحمل بنفسك واهتم بسيارتك ولا تسرع وايد كل ما سرعت سرع الموت لك

اهتم بنفسك حبيبي :)
بالتوفيق

[EL_3grab]

رد مقتبس من زورو الامارات
السلام عليكم ورحمة الله وبركاته


هلا والله قومته ثقيله امبين وزنه عالي وايد


وحتى تباديلك للقير بطيئة المفروض ماتخليه يتفتف ولا ماتبحصل منه اداء ممتاز

بيني وبينك:black: .. عقب ما بدلت القير .. دريت أنه لازم اهد الريس (في التماتيك) يوم أبدل :D

الله يعبنا .. بس أنا لو ما خليته يتفتف بعد جان ماسمعتوا شي .. وين أيامك ياللند ..

تسلم سيدي على المشاركه ..

EL_3grab

[EL_3grab]

رد مقتبس من عاشق الهوندا
اتحمل بنفسك واهتم بسيارتك ولا تسرع وايد كل ما سرعت سرع الموت لك

اهتم بنفسك حبيبي :)
بالتوفيق

تسلم فديت روحك والله ..

أسرع شي وصلته باللند 160 ... وهاي أكبر سرعه وصلتها أصلا ..

أنت لو تدري بالفيديو حتى ما طفت الـ120 .. ما عليك من الصوت .. :D :D

مشكوور الغالي