:::... اسئلة فيـــ التزوويدــ ...:::

[922]

السلام عليكم ورحمة الله وبركاته

عندي عدة افكار وحبيت اخذ رايكم بها


1-تركيب طرمبة كهربائية


طبعاً كثير من السيارات محرومة منها او لم تصنع لها مع قاعدة جاهزة

http://www.projecttransam.com/waterpump/mez-lt1.jpg
طبعاً هذي على مااظن لمكاين فورد او شفر


هل يمكن توليفها على طرمبة العادية

بعد القص و تلحيمها مكان الشفرات الاصلية


هذي صورة طرمبة ماء لل 7M-GE
http://masterpiece.jeeran.com/pump.jpg


الزيادة 10 حصان على الدينو

وزيادة لدواران الدينمو على Idel :D

http://www.projecttransam.com/images/MezeireDyno.jpg


****Bashar_255 توجد صورة للطرمبة بدون الكتابات والتوقيع :)

__________________________________________________________________


2- هل يمكن تركيب انتر كولر على بدون سوبر وتيربو يعني مكينة تنفس طبيعي :help:

http://www.racing4e.com/data/media/12/intercooler.jpg

وبعتقادي انه نتائجه افضل من الماسورة الالمونيوم فقط بنسبة 50 %



__________________________________________________________________


ماهي معايير ported and polished لو بغيت اسويها للانتيك

يعني كم ملم وكيف وووين




تحياتي للجميع
محمد

[ACCORD-V6]

شكلك ناوي على شي

الا اكيد ناوي على شي
والله انا مااعرف شي في هالامور
ادري ان ردي ماله داعي
بس حبيت اسلم عليك

[922]

ACCORD-V6

مشكور على مرروك وردك يسعدني جداً

اما ناوي على شي اكيد ناوي :D بس خلني على الخفيف مرررره

وان شاء الله تزود الخبرة اكثر



هذي صورة لواحد مركب انتركولر على مكينة N/A

على مااظن

بس الغريب ان الانتر داخل المكينة :blink:

شلون يبرد

http://www.pajjakid.com/ubipa/images/AL%20IC.jpg

============================

س \ هل بيكون سحب الهواء اصعب لمكاين N/A اذا وجد انتركولر ؟؟

:Sad2:

[Third Eye]

سوال:

إيش تفرق الطرمبة الكهربائية عن العادية وش ميزتها؟

[STS4ever]

سؤال يسدح نفسه
الاكورد مو طرمبة الماي فيها كهربائيه ؟
اذا لا اتوقع ياكثر قطع الهوندا الافتر ماركت يعني اكيد بتلاقي للهوندا بدون توليف ومن جد بتفرق لان ركبها فهد اللي معنا بالمنتدى وفرقت معاه 15 حصان على الداينو

سلام

[922]

Third Eye

اختبار الداينو يكفى + دوارن اسرع للدينمو على ال idel



STS4ever

التعديل موب لهوندا انا مجنون اعبث 2004 :headshak:

هذي مكينتي

http://users.bigpond.com/cns_engineering/7M-GE.jpg

[mr_z]

أظن تركيب انتركولر لسيارة تنفس طبيعي يصعب من سحب المكينة للهواء لأن في السيارات المزودة بتيربو يدفع الهواء الى الانتركولر

واحد من أصدقائي أعطاني فكرة وضع مبرد ولف مواصيره حول مجرى الهواء بعد الفلتر بس ما أظن انها ناجحة

[EL_3grab]

أظني قريت رد الدكتور Mazinger في سبيد ..

وأعتبره كافي وأكثر ..

أذا لقيت طركبة كهربائية .. ركبها وجرب ... بتستفيد منها لنه بتشل عبء على المكينة ...

بس تخترب ما تخترب .. مادري .. أنت وحظك وأستخدامك ..

...

ماشي فايدة هاذييك الزوود من تركيب أنتركولر لمكينة عاديه ... والموجود بالصورة هذا أنتركولر Air to water يعني تحطه أي مكان ما بيفرق ...

بس على سيارة عاديه .. أشوفها خسارة بيزات لا أكثر ولا أقل ... يمكن تعطيك أحصنة وتبرد المكينة .. بس يا كثر البدايل الموجودة ..

...

أما البورت والبولش نفس ما قال الدكتور .. يعتمد على المكينة .. والأستخدام المرجو منها ...

وللحين بالنسبة لي ماأشوف ناس صدق محترفين في هالشغله .. يعني ما يعرفون لكل المكاين ..

وخاصة برع .. عندهم أحين كله بالكمبيوتر .. يعلقون الهيد .. والدريل يلعب فيه على حسب المخططط الموجود بالكمبيوتر .. وهاي تكون نتايجه وفوايده أضمن بوااي ..

...

وآخيرا .. أنت حااط سوالف عاديه مب تزويد تزويد :D :D :D

أخوكم

EL_3grab

[922]

EL_3grab

5 حصان من هنا و 10 من هناك صح مو شي

وتعديل هنا وهناك

يوصل المجموع 50 حصان الحمد لله خير وبركة

وماكلفت الا شي بسيط وفرقت الكثير


صح التزويد الحقيقى يكون بتربو او سوبر او غاز ولكن فيه مكاين N/A وصلت 500 حصان بدون

اي ضغط

-------

كلام Mazinger على العين والراس بس مايكفى كلام بس :( ابي شرح ابي نقاش مو مايسوى والا

مايركب وبس

----------------------------------------

مثل ماقلت هناك واقول هنا هذي رائي


الانتركولر له اثر كبير جداً في مكاين التربو

العادة في المكاين العادية يركبون Cold Air Intake بس

http://www.nissanperformancemag.com/february03/beater/images/hotshotcai3.jpg


والزيادة 5 حصان تكون بعد 3500 RPM

http://www.nissanperformancemag.com/february03/beater/images/dyno1.jpg


كيف لو صار معه انتركولر

الانتركولر لماكاين التربو ينزل 100 درجة مؤية

لو كان درجة حرارة الهواء 200 بيكون 100 بنسبة 50% وتصل الى 75%

http://www.turbocalculator.com/intercooler.html

لو افترضنا ان درجة الهواء العادية 50 في الصيف مع الانتر كولر بتصير 25 الى 30 مؤية

فماادري كلامي صحيح كذا وينطبق على الواقع ؟؟؟؟؟؟؟؟

[EL_3grab]

هلا الغالي ...

فكرتك حلوة ما قلنا شي ..

وصراحة لو مكانك بجرب لني مب خسران ... :D

وأذا على سالفة التبريد ..

...

أول شي اعزل هدرزات المكينه باللصق وما شابه من العوازل ..

...

خل كل شي بلاستيك مب ألمنيوم .. لأنه ينقل الحرارة ..

...

وتروم تبرد الهوا وتبرد الفيول سستم ككل ..

...

وشوف هالموقع وبتعرف شو أقصد بالضبط ..

http://www.designengineering.com

...

عزل الهدرز

http://www.designengineering.com/images/products/005%20Exhaust%20wrap%20header%20pic_300.jpg

...

عزل الفلتر أنتيك

http://www.designengineering.com/images/products/045%20Air%20Tube%20Cover%20300.jpg

...

عزل الوايرات والبيبات

http://www.designengineering.com/images/products/033%20Heat%20Sheath%20300.jpg

...

وهذا تبريد بالغاز لكل من ..

الفيول سيلز

http://www.designengineering.com/images/products/Fuel%20Bar%20Family300.jpg

الفلتر والأنتيك

http://www.designengineering.com/images/products/Intake%20with%20box300.jpg

الراديتر ولا الأنتركولر

http://www.designengineering.com/images/products/IC%20sprayer%20comparison300.jpg

....

وهاذي كلها وسائل تبريد ..

أدري أني بالغت على سيارة عاديه ..

بس حبيتك تاخذ فكره .. وفي بدايل واايد بعد عن الأنتركولر ..

ملا يحطون الثلج الجاف في حوض وبيب الفلتر يمر بالنص من هالحوض ..

ونتريا جوابك :cool:

[مكيكان]

بالنسبه لطرمبه المويه

هذا ممكن يصلح لك

http://static.summitracing.com/global/images/prod/large/mor-63750.jpg

استخدم الاصليه لكن هذا يدورها

http://store.summitracing.com/default.asp?target=partdetail.asp&part=MOR%2D63750&N=120+4294924500+4294922128+303561

و تقدر تخليها تشتغل و المكينه طافيه بعد



وش قصدك بالانتيك اللي بتسوي له بورت و بولش ؟
الثلاجه ؟ ولا شي ثاني



بالنسبه للانتركولر قليل جدا تشوف انتركولر تكون درجه الهواء الخارج منه ( المبرد ) اقل بكثير من الداخل ( الهواء الخارجي )
لانك ما تحصل air/air انتركولر كفائته 100% الا الانواع الغاليه
او
تستخدم water/air انتركولر و تحط له ثلج جاف او ثلج عادي فتكون كفائته اعلى من 100%
و في وسيله اخرى و هي انك ترش غاز النايتروس او ثاني اكسيد الكربون على الانتركولر ( من الخارج يعني ما له علاقه بالمحرك ) air/air و هذي الحركه تنزل من حرارته بشكل كبير و طبعا في شركات تبيع كت غاز مخصص لتبريد الانتركولر

[SLR55]

الصراحة تفكيرك نفس تفكيري

بس تفكيرك أعمق من تفكيري
بس إنتبه لا تغرق :laugh:


الحركة إلي قلت عنها عن الدينمو نفس فكرة إنك تركب بكرات

بس هذه الحركة على ما أعتقد إنها ترجع الأحصنة الضائعة

ولا تنسى بعد لو بدلت الدينمو وركبت مراوح كهربا على الراديتر بدال الموصولة في المكينة (لبعض المكائن) وبدلت الفلاي ويل وحاول تخفف العبئ على المكينة بقدر الأمكان

بتشوف فرق وااااااااااااااسع

وبيكون الأر بي أم سرييييييييييييييع:eek:

المعم ما علينا

بخصوص الهوا
كل ما كان الهوا الداخل إلى المكينة بارد يكون أحسن

حتى لو تلاحظ إن السيارة في الليل أحسن من ها في النهار

فإنت تحاول إن يكون الهوا بارد
هني نوصل لمرحلة الأبتكار :think:

مممممممممممممممممم

الفكرة إلي في راسي إن أسوي لفة على البيب بين الفلتر و المكينة وأخلي القطعة ألمنيوم وأوصل بيب من الراديتر يلف على البيب وأكيد الماي بارد من الراديتر

والنتيجة إن الهوا لما يمر على البيب بياخذ برودة من البيب الألمنيوم وبيدخل المكينة بارد


هذه فكرة في راسي

وإن نشاء نكمل في هذا التقاش الحلوووووووو :p

سلاااااااااااام