قررت ابيع الباجيرو و لكن ...

[abu_nasser]

السلام عليكم ورحمة الله وبركاته

قررت أبيع الجيب الباجيرو له سنة تقريبا عندي و عليه ضمان و مداوم على صيانته أتوقع يجيب لي سعر حلو المهم قررت أشتري سيارة بداله و تكون جيده و سعرها حلو سألت عن الـGS300 الـ2004 قالو لي 146 ألف ريال عند عبداللطيف جميل و قلت في نفسي حرام اشتريها دام ان شكلها بيتغير سالت عن سعرها التقريبي لـ2005 قالو لي احتمال كبير يكون 180 ألف ريال :shock2:

لذلك ميزانيتي لن و لم تتجاوز الـ100 ألف ريال أقصى حد هو 110 حتى لو فيه سيارة تهبل بـ110001 ما راح أقدر اشتريها لانه ما عندي سيوله أكثر من كذا :)

لذلك أطلب مشورتكم في سيارة حلو شكلها عمليه مشاكلها قليله (ما تكون كامري , اكورد ,لكزس ES, أوريبرس ,فورد ,الشفرولية بأنواعه كلها, ميتسوبيشي بكل انواعها)

السيارات اللي فوق كلها مشطوب عليها بعلامة أكس :D و السبب اما انها عند اصدقاء لي و لهم معاها مشاكل أو أن وكيلها لي قصه معه تطفش أو ان شكلها ما عجبني مثل الاوبيروس

وكيلها يكون ممتاز أدري أنه صعب طلب و لكن ما فيه شي صعب على أهل سوالف :)

[abumhdi]

انتظر نزول الافالون الجديد ..

تعتبر الافالون افخم سيارة بالتويوتا .. وهي سيارة معروفة بأناقتها وفخامتها وعدم صرفيتها للبنزين ولا فيها مشاكل .. بأذن الله ..

وخاصة وان 2005 راح يتغير شكله ويكون افخم ..

والله الموفق ،،

[الشرقاوي]

رد مقتبس من abu_nasser
السلام عليكم ورحمة الله وبركاته

قررت أبيع الجيب الباجيرو له سنة تقريبا عندي و عليه ضمان و مداوم على صيانته أتوقع يجيب لي سعر حلو المهم قررت أشتري سيارة بداله و تكون جيده و سعرها حلو سألت عن الـGS300 الـ2004 قالو لي 146 ألف ريال عند عبداللطيف جميل و قلت في نفسي حرام اشتريها دام ان شكلها بيتغير سالت عن سعرها التقريبي لـ2005 قالو لي احتمال كبير يكون 180 ألف ريال :shock2:

لذلك ميزانيتي لن و لم تتجاوز الـ100 ألف ريال أقصى حد هو 110 حتى لو فيه سيارة تهبل بـ110001 ما راح أقدر اشتريها لانه ما عندي سيوله أكثر من كذا :)

لذلك أطلب مشورتكم في سيارة حلو شكلها عمليه مشاكلها قليله (ما تكون كامري , اكورد ,لكزس ES, أوريبرس ,فورد ,الشفرولية بأنواعه كلها, ميتسوبيشي بكل انواعها)

السيارات اللي فوق كلها مشطوب عليها بعلامة أكس :D و السبب اما انها عند اصدقاء لي و لهم معاها مشاكل أو أن وكيلها لي قصه معه تطفش أو ان شكلها ما عجبني مثل الاوبيروس

وكيلها يكون ممتاز أدري أنه صعب طلب و لكن ما فيه شي صعب على أهل سوالف :)

======================================================

بصراحه مابقيت شي كل السيارات ماتبيها؟؟؟؟؟؟؟؟؟

مني انا اقوللك شي ولاتزعل انت تبحث عن الكمال بس ماراح تلقاه:confused:

[abu_nasser]

الغاليabumhdi

و الله الافالون حاطها في راسي و لكن ما شفت شكلها زين و ما شفت لها ولا صورة كلها رسم للاسف
رد مقتبس من الشرقاوي
======================================================

بصراحه مابقيت شي كل السيارات ماتبيها؟؟؟؟؟؟؟؟؟

مني انا اقوللك شي ولاتزعل انت تبحث عن الكمال بس ماراح تلقاه:confused:
صادق و ما كذبت انا ما أزعل من كلمة الحق

لكن مو كل السيارات فيه الماجنا و لكن يعيبها وكيلها و فيه الكدلك لكن يعيبها ان خربااتها كثيره وانا وانا اخوك مابي كل يوم رايح للوكيل السيء اللي هو الجميح و الا العيسى اللي اسوء

انا أدور على سيارة قليلله خرباتها و ووكيلها زين و شكلها حلو و أقل من الـ100 ألف

[TOP-SECRET]

نيسان التيما فل اوبشن 6 سلندر بـ102 الف ريال قطري:)

لومينا اس اس بنفس السعر او 98 الف ناسي بالضبط:p

[الشرقاوي]

السلام عليكم ورحمة الله وبركاته

طيب تبي النصيحه :confused:

انا ماني متعصب بس معاي ES300موديل2003لها معاي سنه ونص مع العلم ان استخدامي لها استخدام شباب يعتي مو محافظ مرررره بس السياره حلللللوه واذا تعرف احد يشتكي منها قللي ايش يشكي منه:confused: :confused:

[HaKeM]

الله يرحم الي ماتوا

وينتقم من الشرطة والمرور ماسابوا الناس في حالهم



:black:

[abu_nasser]

TOP-SECRET
التيما مادري عنها بس اغلب الاعضاء هنا يقولون الديكور حقها خرطي

اما اللومينا SS فأخاف من خرابتها
رد مقتبس من الشرقاوي
السلام عليكم ورحمة الله وبركاته

طيب تبي النصيحه :confused:

انا ماني متعصب بس معاي ES300موديل2003لها معاي سنه ونص مع العلم ان استخدامي لها استخدام شباب يعتي مو محافظ مرررره بس السياره حلللللوه واذا تعرف احد يشتكي منها قللي ايش يشكي منه:confused: :confused:
ما فيه أحد عمره اشتكى من التويوتا أو اللكزس الا وهو خبل السيارة ممتازة و لكن شكلها مو ذاك الزود :)

انا حالياً أفكر في الإفالون و لكن شكلها ما شفته بعد و ابي اقتراحات الشباب لاني بأبيع الباجيرو هاليومين و بادفع عربون للوكيل عشان أحجز السيارة

[BLACK-ICE]

عندك الهوندا ليجند الشكل الجديد

بس مادري متى بتنزل

او ساب 9-3

bmw الفئه الثالثه

[TOP-SECRET]

خذ لك كروزر جديد من الوكاله G قط العلاق وركب رنقات لكزس وهيدرز بـ105 الاف كل الشغل:D 5 الاف حطها في الأسهم بل شوي خخخخخ

[سنـاري]

خذ مرسيدس الفئة C

و بلا كامري و لا خرابيط:D

[WRANGLER]

شوف الجيب الشروكي درجة أول السيارة جميلة وقوية وفخمة وحدود السعر المطلوب

[NorthFalcon]

معليش على المداخلة

لكن ياليت تقولنا ليش تبغى تتخلص من الباجيرو وكيف كانت تجربتك معاه؟

اللي أنا أعرفه ان الباجيرو سيارة ماعليها كلام

هل العيب من السيارة؟

أم من الوكيل؟

أم قطع الغيار والصيانة؟

أتمنى ماأكون أزعجتك بأسئلتي
لكن يهمني رأيك لأني بصراحة أفكر أشتري باجيرو

والله يوفقك ويختارلك السيارة اللي فيها راحتك ويعطيك خيرها ويكفيك شرها.....

[الشبابي]

اخوي ابو ناصر ...
خذ لك كراون فيكتوريا النوع الرياضي ب 83 الف ريال وريح راسك ...














اخوكم الشبابي

[sayedco]

اخوي لا تنسى أن الGs دفع خلفي
و الEs دفع أمامي

و هذا بروحه يكفي للمقارنة

[abu_nasser]

BLACK-ICE
الهوندا ليجند تهبل و عجبتني كثيررر و لكن المشكلة الموجود عندنا سياحية ما فيه لا شاشة ولا شيء
غير عن كذا قيمتها 112000 ريال هذا موديل الـ2004 فما بالك بالـ2005

TOP-SECRET
هلا و غلا بالنسبة للجيوب بكل اشكاله ما أفكر فيها

سنـاري
مرسيدس شكله باايخ غير عن كذا باب واحد و شكله مهوب عاجبني البته

WRANGLER
و الله وانا اخوكم ما أفكر ابداً في الجيوب

NorthFalcon
سبب بيع السيارة اني نادر ما احصل قطع غيار تجاريه للسيارة و قطع غيارها ما احصلها الا عند الوكيل

الشبابي
و الله الكراون فيكيتوريا سبورت شي لكن ثمانية سلندر يعني بنزين شفط :)

sayedco
هين الـGS اصلاً غالي علي لذلك ماهو داخل في قائمتي


عموما انا أفكر اخذ الهوندا ليجند اذا تغير شكلها و صارت مثل هذي
http://www.jnob.com/up/files/123123-1102462739.jpg

انا و بصراحه محتار بين ثلاث سيارات هوندا ليجند و افالون 2005 (مع انه أقل احتمال) و الفولفو S40

انتظر ردودكم و الخبر اليقين