احسب قوة التوربو قبل ما تركب

[infiniti]

سلااااام

اليوم طحت على هذا الموقع و هو في حاله اختباء :laugh:


صراحه مدري عن مصداقيه العمليه الحسابيه بس جربوا و افيدونا .


http://www.turbofast.com.au/TFmatch.html

[TerroRx7]

ما له داعي :D

و لا في مكان تختار التيربو حقه او على الاقل تدخل المواصفات حقته

افضل طريقه لتحديد القوه اللي ممكن يعطيك اياها التيربو هي عبر الكمبرسر ماب

http://www.turbofast.com.au/img/t61.JPG

http://turbospecs.com/comp_maps/turbonetics_62-1.png


* المحور الافقي ( السيني ) يحدد كميه الهوا اللي يدفعها التيربو و في مثل هالماب وحدتها LBS/MIN و اضربها في 10 لتعطيك القوه الحصانيه بالتقريب ( لاحظ ان 60 رطل / دقيقه على محرك 8 سلندر او 4 سلندر هي 600 حصان ما في فرق لكن الفرق في النسبه الضغط Pressure ratio او بالاصح البووست )


* المحور العمودي ( الصادي ) يحدد النسبه بين الضغط قبل الكمبرسر و بعد الكمبرسر
اذا كانت النسبه 1 يعني ما في فرق بين الداخل و الخارج يعني البوست = 0
اذا بغيت تحدد نسبه الضغط عشان تعرف تقرا الماب بشكل صحيح
نسبه الضغط = ( 14.7 + البوست المطلوب ) / 14.7 ( 14.7 psi هو الضغط الجوي يعني الضغط الخارجي و يساوي 1 بار )
يعني لو كنت ابغى بوست 20 psi من التيربو بتكون نسبه الضغط 2.3 تقريبا
لاحظ ان المحركات اللي سعتها كبيره غالبا تشتغل على بوست انزل من المحركات الثانيه بينما المحركات الثانيه مثلا محرك السوبرا 2JZ تسمع انه يوصل حتى لـ 45 psi زي السلام عليكم
السبب يمكن اشرحه بعدين اذا فضيت :D


* الجزر المرسومه داخل الخريطه او الاشكال البيضاويه هذي نطاقات كفائه مختلفه
و الجزيره الوسطى ( اصغر جزيره ) هي اعلى كفائه و الجزر اللي بعدها تقل فيها الكفائه تباعا
طبعا مثل ما هو معروف ما في شي يشتغل بكفائه 100%
يعني التيربو يمكن يوصل كفائه 80%
و الانتركولر 100% او اكثر :D ( في حالات رش النايتروز او ثاني اكسيد الكربون على انتركولر air/air او استخدام ثلج طبيعي او ثلج صناعي في انتركولر water / air توصل الكفائه الى اعلى من 100% :D )
و المحرك نفسه كفائته الله اعلم بها
و القير و الدفرنش و و و و و
و عليك الحسبه في القوه الي بتطير على سالفه الكفائه :D


* الخط اللي على اليسار او الsurge limit هو المرحله اللي يحاول الكمبرسر يعطي بوست عالي جدا لكن ما يلاقي هوا كفايه و لو ظليت على هالحال لفتره طويله شوي يمكن يروح عليك التيربو


* الارقام اللي على اليمين عي سرعه دوران مراوح الكمبرسر او الRPM الخاص بالتيربو نفسه طبعا كل تيربو له حد معين و لو زدت عنه بيقول باي باي


يمكن اكمل بعدين :headshak: :D

[grandv8]

السلام عليكم ورحمة الله وبركاته
TerroRx7
مشكور اخوي على التوضيح

بس ماخبرتنا شو الكمبرسر ماب شو فايدته او ماشابه.

شكرا لك اخوي

:)

[TerroRx7]

ما تقدر تفهم او تقرأ التيربو الا به
و يفيد في المقارنه بين تيربو و ثاني
و اذا فهمته تقدر تقرر هل التيربو هذا ينفع لي او لا
و كم ممكن يعطي على هذا المحرك او هذاك المحرك