View Full Version : شروووووووووكي ولا باااااااثفندررررررررر نيسان
mustang cobra
29-01-2005, 04:15 PM
السلام عليكم ورحمة الله وبركاته
قريب لي يبي يشتري وحطيت الموضوع عشان افيده اكثر. ايش افضل من ناحية استخدام+ تحمل+ اقل خربات وحق تطعيس
الرجال يطلع البر باستمرار
هل هو
الباثفندر من موديل 99-2003
او
شيروكي من موديل 99-2002
ابي الواحد يكتب السبب
الباثفندر السنة الجاية بيتغر شكله
والشوركي اقوى في البر
هذا راي اذا احد عنده راي ثاني يعلمنا عشان نستفيد
Corvette_Stingray
29-01-2005, 04:24 PM
وهذي سؤال :D
الشيروكي أكيد من جميع النواحي :knight:
R32 HPA
29-01-2005, 04:47 PM
Jeep لاجيب الاجيب :)
الشيروكي حق بر وتطعيس وكرف وبتعاك كله
الباثفيندر حق مدينة أكثر من انه حق بر
ممكن تقول باترول أقلك صح وبالتوفيق
infiniti
29-01-2005, 07:18 PM
الشيروكي اقوى في البر لاكنه لايعتمد عليه خصوصا في الرحلات البريه الشاقه و تقدر تسأل اهل الصمان و الربع الخالي اهل القنص يفيدونك بالشيروكي و مشاكله
الباث فايندر من 2003 المكينه جباره 3.5 250 حصان للعادي و 240 للاتوماتيك و اكثر اعتماديه من الشيروكي .
و الافضل انه ياخذ تويوتا ربع او نيسان باترول ربع او شاص .
B.M.W X5
29-01-2005, 07:49 PM
بس حبيت أنوه أني صوتت للنيسان باثفيندر
الوالد خاطره بنيسان باثفيندر وشكله جايبه أو جايبه :D
أخوكم الصغير الحميدي
والله ما عندي فكرة عن الباثفايندر لكن الجيب شيروكي قوي وما عليه كلام! أنا صوت للشيروكي بناءاً على الأداء على البر ولكن ما عندي أي فكرة عن الصيانة والإعتمادية! لكن من تجربة مع الجراند شيروكي فهي إعتمادية وممتازة (كان عندنا موديل 95) لكن القطع أسعارها شوي غالية مو مثل باقي الأمريكي :)
الامير الاحمر
29-01-2005, 08:00 PM
بدون اي نقاش.... جيــــــــــــــــــــــب شروكـــــــــــــي
EL_3grab
29-01-2005, 08:06 PM
صوت للباث .. قير عادي 3.5 .. يروح عن الفتك ..
وبيكرف وياك لين ما تقول بس ..
ياباني للكراف وخاصه التويوتا ..
تحياتي ..
بس أهم شي القير .. لأنه صدق هو اللي يمشي السيارة وتقدر تحسبها ..
ابو دانه
30-01-2005, 12:17 AM
انا مجربهم اثنينهم وكلهم اوتو
واقولك الباثفايندر بدون تردد بس بشرط موديل 2003 وفوق
لانه قوي 240 حصان وعزمه حلو وقيره احسن نسب وتوزيع من قير الشيروكي لذلك الباث اقوى في التطعيس بفرق كبير
طبعا كلامي عن الاوتو اما العادي اكيد الشيروكي اقوى
وبدون شك الباث عملي جدا ويتحمل الكرف ومافيه حراره
اما الشيروكي مزعج جدا كل اسبوعين موديه للورشه حراره ومشاكل دايما تكرر
والباث اوسع وافخم واريح واهدى
mill_955
30-01-2005, 12:46 AM
mustang cobra
انا معي باثفايندر لكن جربت الشيروكي
الباثفايندر افضل من جميع النواحي وخاصه من موديل 2003 وفوق... مكينته اقوى وافضل استجابه واريح واوسع واكثر اعتماديه وشكله مرتب واجمل وافخم من الداخل
الشروكي مشاكله كثيره وقطعه غاليه وغير متوفره لكن ميزته الوحيده انه اقوى بالبر لكن بشي بسيط ولايذكر
TOP-SECRET
30-01-2005, 01:09 AM
اخوي والله خيار صعب
بس بقولك
اذا الباثفايندر 3.5 مو المحرك القديم
خله يتوكل على الله وياخذه
لانه بكل اختصار جبااار
لكن اذا كان المحرك القديم اعتقد 3.3 لاياخذه لانه تعبان وحتى مشاكل المحرك كثيره
وبالتوووفيق
RED Chevy
30-01-2005, 03:56 AM
اذا تبي الراحة والشكل والاداء والمشاكل شروكي...
اذا تبي عملية وشكل تقليدي وقلة خرابات باث بس المحرك الجديد...
تبي شي احسن منهم ثنينهم سوبر سفاري لو موديل 95...
واذا تبي شي محترم بس في البر موذاك والزود بليزر..
saymyname
30-01-2005, 05:33 AM
انا ماعندي اي خلفية عن الاثنين
بس انا اشوف الباثفايندر في كل مكان اكثر من الشيروكي
حتى الي اعرفهم معاهم شيروكي مايطول معهم على طول يبعونه
اما البااثفيندر تراه يعمر معاك....