اش المسموح واش الممنوع عندنا ؟..(مخالفة غريبة)

[kin porch]

.
من فترة صار موقف لاحد الاصدقاء باحد شوارع جدة
صديقنا هذا مسوي ستيكر ( بحجم الكف او اكبر شوي ) على باب السيارة ... المهم شافه المرور
وقفه واجبره على نزع الستيكر مع مخالفة اسمها تغيير معالم السيارة ‍‍‍‍‍ :bomb:

السؤال هنا : اش المسموح واش الممنوع عندنا ؟؟؟

[durango]

العساكر تصانيف....



اذا كان فاضي , يدور على اي شي مو طبيعي في السياره.


اذا كانت نازله شويه ,,تهبيط و اذا فيها صوت ولو شويه بس ,,,تفريغ. و قيس على كدا..


يعني بالغربي,على حسب مزاج العسكري.


و انا مو من قليل وصلت ل 40 مخالفه....اتاري كل العساكر اللي اطب فيهم طفشانيييين...



او خلينا نقول.(كل شي ممنووووووع).













EMO

[blue206]

40 مخالفة :blink: :blink: :blink: :blink: :blink: :m: :m: :m: :m: :headshak: :headshak: :headshak:

طيب ايش بقيت للناس الثانيين؟؟ بس تبغى الصراحة .. المرور عندنا خصوصا في جدة معظمهم فلاسفة :smart: ودمهم ثقيـــــــــــــــــــــــــل ومايتقوو الا على الغلابه :banana: .

بكره يقولو الزينون ممنوع وملمعات الكفرات ممنوعة ولازم تربط حزام الامان حتى في البيت :sss:

[durango]

لعلمك يا بلو 206...



الزينون لما يكون عالي و يعمي الناس....ممنوع تصدق؟؟؟





و بالنسبه لل40 مخالفه ..تعب سنتين بس.





EMO

[blue206]

الله يعيننا عليهم :cry1: .

وكمان الاربعين فيها تعب؟؟ شكلك كنت تتدرب كيف تاخذها على كذا .
المشكلة انهم هم اللي يتحرشو بالشباب :knight: :knight: . احيانا الاقيهم يخلو الشباب يبعدو من محطة المنار ( مالهم عذر) والا من عند الصواري (معذورين لانه مكان عوايل) :ranting: .

[durango]

ايوه ...تعرف كيف اتدربت؟؟؟؟






امشي في طريق الملك 80 في نص الخط و اربط الحزام...



ماتلاقي نفسك الا قاعد تطبق الورقه الصفره...طبعا ما تتهدد بالحجز..


هادي افضل طريف تجمع بيها مخالفات..او في طريقه اسهل..


دور على تفتيش ......






EMO

[blue206]

80 ??? :think: :think:

لالالا مااظن . الظاهر ان سيارتك سيارة اغراء:glasses2::glasses2::glasses2: فعشان كذا يحبوها :glasses2: :glasses2:

[الشبابي]

فوضى للاسف ...
والله انه من اهم الاسباب اللي خلتني افك قطع من سيارتي مثل اكسسوارات الاي 35 العساكر ..
تصدقون مرة وقفوني بطريق الفيفا وتجمعوا 4 فوردات عشان يطالعون بالسيارة قالوا لي انت مغير ملامح السيارة ، طبعا السيارة معروف انها مكسيما ...
انا قلت لهم ان هذي الاكسسوارات حقت المكسيما 2004 الجديدة من الحمراني .. قلت لهم كلموا الحمراني اذا ممنوعة وصدفة مر ماكسيما قالب سيارته انفينيتي و قلت لهم شوفوا هذي 2004 ... زي سيارتي ...
كلهم الاغبياء اقتنعوا الا واحد شايب ...
الشايب بس يطالع بالعلامة ... اخر شي قال لي : تضحك علينا يا ابو الشباب ؟؟ قلت ليه ؟؟ قال هذي علامات مازدا ...

وقتها كنت بافكها ضحك قدامهم بس ربك ستر ... تأكدوا من رقم الشاصية وطلع سليم وراحوا ..









اخوكم الشبابي

[blue206]

لا عاد في الفلسفة مافي زيهم :smart: :smart: :smart: . بالعربي الفصيح هم علل. هههههههههههههههه
اذكر مرة كنت مع اخويا الكبير وكان معاه الكامري موديل 93 وكان معدلها اول مانزلت. المهم العسكري يبغانا نمشي فصار ينادي: حرك ياراعي المازدا وطبعا مافي احد حرك . غير وقال حرك ياراعي الكورولا وطبعا مافي احد تحرك وفي نهايتها طفش وقال حرك ياراعي السيارة ( قال فلسفة قال :smart: )

[سنـاري]

انا الحمدلله ما اخذت ولا مخالفة في حياتي

و يا اخوان

لازم نقدر العساكر و نحترمهم

مهما كان هذولا منا و فينا

مسكين الواحد فيهم قاعد 12 ساعة تحت الشمس و احيانا يطبق 24 ساعة و هو واقف على رجوله

و كله هذا في سبيل حمايتنا و الحرص على راحتنا


اسأل الله لنا و لهم الهداية و الصلاح

و الله يقويهم و ينصرهم و يوفقهم لكل خير


:cool:

[MR-M5]

والله اتمنا نظام المخالفات إللي عندكم يسير عندنا :
هنا في كندا لو تعمل في سيارتك شو ما تعمل ما يقولون شئ طول ما تسوق على القانون و بنظام, أما إذا تخالفت مشكلتك مشكلة مو غرامة المخالفة بإنما الويل من شركة التأمين اذ يعرفون انك تخالفت فورا يغلون التأمين عليك وإذا زادت الخالفات الى ما بقارب 5 مرات في السنه الواحده يفصلون التأمين ويصعب جدا ان تجد شركة ترظى ان تأمنك و إن وجدت فليس اقل من 1100$ دولار في الشهر الواحد تأمين ضذ الغير ليس شاملا يعني 13200$ في السنة الواحده لأنك تعتبر high risk driver يعني سائق الخطرِ العاليِ و انا حاليا ادفع 350$ أي 4200$ في السنه. والله حرام يا ناس ومع ذلك ليس شامل ضذ الغير فقط
نظام زي العمه والله
:ranting: :ranting: :ranting: :ranting: :bomb: :help: :help:

[TOP-SECRET]

الحمد لله عندنا في قطر ضوابط توقف العسكري او ضابط التحريات

مثلا الاصوات المزعجه هذي عليها مخالفه وهي في جميع الدول

التظليل مسموح الخلفي لكن الامامي ممنوع

تحويل معالم السياره شي طبيعي عندنا يعني فيه ناس تخلي الاند كروزر سيدان ونازله اكثر بعد من السيدان

وفيه ناس تحول الاند كروزر لكزس 470

ونفس الشي تغيير صبغ السياره لصبغ ثاني مسموح

والله الصراحه الله يعينكم الي التنزيله ممنوعه عندكم؟؟

تحياتي والسموحه

[Corvette_Stingray]

إذا المرور ما عنهم شغل يشوفون لهم واحد فقير مسكين يتبلون عليه ..

أما إذا كان ولد فخفخه بالعكس يمدحون سيارته وينصحونه انه يزيد الستيكرات ..

ذكرتني بنكته عن المرور تقول ..

أميرين تداعموا المرور حط الغلط على الشارع .

الحمد لله المرور عندنا في البحرين تمام وانا ما شفت منهم شي ..

[-X-]

السلام عليكم

انا الي فاكة مخي المخالفة الي اخذتها في الاخير طلعت مخالفة عدم تخفيف السرعة عند مرور الحيوانات :blink:

يعني ما ادري مدينة الخبر فيها حيوانات تتمشى بالشوارع؟؟؟؟؟؟؟؟؟؟؟؟؟

[الشبابي]

وش تتوقعون من جنود غير متعلمين ؟؟؟
اما الضباط الجدد المتعلمين تجدهم متفاهمين وفله ......










اخوكم الشبابي

[Third Eye]

بالنسبة لقانون العساكر


فهم يعتمدون على قانون



عقله إيش يقوله يسويه

[كابريس]

مامثلك بهالدنيا بلد :p

[خليل أبو سمرة]

مرة خالفوا صاحبي لأن رقم السيارة وصخ ( قيمة المخالفة 50 درهم ) شو صيغة المخالفة ؟؟ تشويه للمنظر الحضاري

خليل

[يا هاجسي]

مرة كنت طالع من صناعية ( أم الحمام ) بموتري وكنت مسكر الشبابيك بتظليل أسود كاتم
فشفت واحد يأشر لي وهو راكب كابريس قديم.. من زود اللقافــة.. وقفت أبشوف يعني وش السالفه فطلع الأخ ( رتبته رائد ) بزيه العسكري وطبعاً بالسياره المدنية..
بكل هدوء.. إتصـــل على المركز وطلب إرسال دورية
وطلب مني أنتظر وجلس يعطيني محاضرة
وأنا طنشته و جلست بالموتر وأضحك.. وصلت الدورية فقال له عطه مخالفة تظليل.. وإنتهاء إستمارة
والأخ خلاص مشى من هنا
فقال لي الأخ الثاني بعد ما كان ساكت وجالس يطالع الأول إلين راح يا عبدالرحمن توكل على الله واتركه عنك ههههههههههههههههههههههههه
أنا ساعتها :eek: من الفرحة وكملت مشواري
.
.
.
فمن جد هالعساكر والضباط تصانيف
هالشئ ماهو لايق عليهم أبد
تصرفات غبية تدل على قمة الجهل
وقمة السذاجــة
وليتها شوي
لا كثيرة بالحيل كثيرة
أخذوا الدكتوراه :smart: في هالمجــال
و المشكلة إن الكلام ينطبق على كل الرتب
من الصغير إلى الكبير.. قمة التخلف
وإلى ما شاء الله بتستمر الحال على كذا
.
.
.
لذلك ما لنا إلا إننا نقول الحمد لله على كل حال..
في النهاية أعتذر على الإطالة.. والله يعطيكم العافيه جميعاً
:cool:

[cruiser2000]

طيب شو تقول عني ؟

انا ما بقول غير الحمدلله اني سلمت ..... ولا كانت السالفة فيها حجز ويمكن سجن على الأقل



سمعوا السالفة شو تقول ...........



"كنت في تدريب من الكلية مدة شهرين في مستشفى يا نهار اسود "مستشفى توام" ... ويقولك مرة كنت طالع من المستشفى مخلص دوامي هناك
قلت بروح ألحق على الكلية اعتقد كنت طالع وقت الظهر يمكن 1.30 او 2.00 الظهر

المهم كنت امشي في الشوارع اللي داخل توام بعدني
الا وانتبه على لاندكروزر مطير ياي من الخلف

قلت بويه انا بدعس عشان ما يشلني هذا "كان عندي الماتيز"

المهم

دعست وكان بجنبي باصات تشل عمال التنظيف ... اول ما طلعت من بوابة المستشفى الا وانتبه على شرطي في الشارع يقولي وقف

بس انا ما انتبهت له واكمل على سيري
جان الشرطي يقفز للرصيف "أحسن عن لا ادهسه " (شوف البطل شو يسوي) :D :D :D :D

المهم الباصات اكنت واقفه

اشر لي الشرطي قال تعال تعال :bomb:

"كلها تبن يا خالد" :D

رجعت بالسيارة لورا حتى وصلت عنده ( قلت الحين بخالفني ومادري شو و و و و و و و و و )

قالي: شو هالسرعة بغيت تدعم الشرطي علينا (مسكين كان خايف على زميله الشرطي أكثر )

قلت له: هذا اللي ورا ياي طاير يبا يدعمنيه راعي الستيشن .

قالي: بس خلاص وقف ....



..........



شفت الدوار اشوفه فاضي
الجانب الثاني السيارات موقفه !!!!!!!!!!!!! شسالفة؟

قلت له: سيدي شو السالفة ليش موقفيننا؟ عليه كلية ابا اروح لها ولا بتأخر


قالي: بيمر موكب رئيس الدولة بعد شوي

ممممم موكب

يلا ننتظر


جان يمر ذاك المايباخ من جدامي وسيارات مباحث وراه كثيرة



وخلص

قلت له : ها اروح؟

قالي : لا لحظة ................


راح عند الباثفيندر مالهم.... قلت الحين بتستوي الخايسة بيسجل مخالفات يلا كلها تبن يا خالد


هو زين ما سألني عن رخصة القيادة وهذا اللي استغربت منه
مع اني كنت بكون السبب في وفاة رجل أمن


المهم قالي روح الكلية ..........

مشكوووووووووووووووور

وادعس حتى وصلت الكلية




خيبة قلت خلاص الحجز وسجن وجلد وووووووو

بس الحمدلله حصل خير

[B.M.W X5]

لا عاد في الفلسفة مافي زيهم :smart: :smart: :smart: . بالعربي الفصيح هم علل. هههههههههههههههه
اذكر مرة كنت مع اخويا الكبير وكان معاه الكامري موديل 93 وكان معدلها اول مانزلت. المهم العسكري يبغانا نمشي فصار ينادي: حرك ياراعي المازدا وطبعا مافي احد حرك . غير وقال حرك ياراعي الكورولا وطبعا مافي احد تحرك وفي نهايتها طفش وقال حرك ياراعي السيارة ( قال فلسفة قال :smart: )


ههههههههههه
كأني شايفها حلقة في طاش ماطاش :D

حرك يا راعي الكستنائي :D






الحميدي

[kin porch]

مشكورين على تفاعلكم :-)

[C43 ///AMG]

مفقف مضحك مع المخالفات
قبل 3 سنوات شاري سيارة من الامارات اللوحات طبعا تصدير زرقاء(اللحين تسحبها الجمارك السعودية ويعطونك لوحة جمارك سوداء)
المهم شايب مسكني يقول ليه مركب لوحات امريكية؟
والثاني في تفتيش طلب اوراق اسيارة المهم طلع أميّ (مايعرف يقرأ) وقال: أوراق الاجار باسمك؟ خخخخخخخخ
ومره واحد من الشباب جاب سيارة عليها لوحات جمارك قبل سنتين أول ماطلعت
واحد من العسكر يقول:في أي نيون مسويها؟ الجهل بعينه
واحد كاتب مخالفة
اسم السيارة جديد على الشبكة : بام دبلو خخخخخخخخخخخخ