استفسار عن الانفنتي؟؟؟

[أمير العين]

السلام عليكم ورحمة الله وبركاتة

حبيت استفسر عن الانفنتي

انا حصلت وحده في وكاله المسعود FX45 مطلوبة ب 220 الف ولكنها وارد امريكا وبيعطيني السيارة من دون ضمان !!!

وعرفت من المسعود بانه في شحنه بتوصل الشهر الجاي 56 سياره انفنتي FX35 وبتكون خليجيةولكنها من دون شاشه والخ وشغلات الحلوه اللي تيجي في FX45 وارد امريكي

وحبيت اتخبركم في معارض العوير شئ انفنتي للبيع باسعار حلوه وماادري اذا شئ عليه ضمان ؟؟

ومن لديه علم او خبره بهذا المجال..يخبرنا :)

[nismo]

السلام عليكم

حرام انك تاخدها ب 220 ولا فيها شاشة ولا ضمان و وارد امريكا

خد لك GS الجديد مواصفات على كيف كيفك والله نصيحة روح شوفها عند اقرب وكيل

[غريب السيف]

السيارة غالية كثير وما انصحك تاخدذها من عندهم والمفروض يكون عليها ضمان عالمي من المصنع
لو تجيبها انت بنفسك من امريكا بتكلفك 50 الف دولار مع الشاشة وجهاز الملاحه وضمان عالمي لمدة سنتين بدون تحديد
وفي معارض العوير شفت وحدة لون اسود موديل 2005 وكانت ب 205 الاف فل اوبشن امريكية بس الكلام هذا من حوالي شهر تقريبا
وممكن اتسير لمعارض العوير الكبيرة وتطلب منهم استيرادها

[أمير العين]

السلااام علييكم ورحمة الله وبركاتة...

مشكورين اخواني على الرد ..

ولكن اللي انا حصلتها في وكالة مع شاشتين فول اوبشن 8 سلندر ولكنها غاليه ب 220 وبعد من دوون ضمان ..

يالغريب ..دامك اتقول بانه في العوير ب 205 فول اوبشن ارخص بوايد عن وكالة المسعود ..
بخصوص السيارة من العوير يكون عليها ضمان ؟؟

[SKYLINE GTR]

راح تجي السيارة بنفس مواصفات الـ 45 اللي راح تنزل بعد 5 شهور تقريبا

سعر الـ 35 راح يكون في حدود 160 الى 170 الف ريال وبتجي بعد اسبوعين

[أمير العين]

للاسف بيوصل للامارات بس FX35 6 سلندر وحتي من دون شاشه ..على كلام المسعود للسيارات

[TOP-SECRET]

اخوي أمير العين الـFX35 عمره مانزل الا 6 سلندر

بس تراه فنان وقوي وترى الفرق بينه وبين الـFX45 بس 30 حصان ويجيب الـ100 في 6 ثواني وكسور

والـ45 يجيب الـ100 في 5.9 فرق بسيط بينهم والشكل نفسه 100%

بس غريبه من غير شاشه احنا في قطر المورانو مع شاشه شلون الـFX من غير شاشه

لكن السعر غالي الصراحه ومايسوى تزيد 20 الف وتشتري بورش كاين S

8 سلندر وفول اوبشن بـ240 الف

وفوق هاذا ظمان 3 سنوات او 100 الف كيلو وكالة (الدرويش)

تحياتي وبالتوفيق