View Full Version : Chrysler Vs. Maxima (يوجد فيديو)
sayedco
20-05-2005, 11:55 PM
السلام عليكم
شباب امس صارت لي قومة مع ماكسيما مالت الأخ " يوسف " الملتبس وراء العضو " waheed"
سيارتي كرايسلر موديل 99 و الماكس موديل 98
فايش توقعاتكم؟؟
--- من الصفر
---- تصغيرة 30 كلم
أنتظر الردود المشوقة و ترى عندي فيديو بس ما بنزله إلا لما أشوف 15 رد
B.M.W X5
21-05-2005, 12:12 AM
أنا كنت موجود والصراحة ريس روعة :banana:
في أنتظار الردود المشجعة :knight:
sayedco لا تحط الفيديو قبل ما نشوف ردود مشجعة :D
تحياتي
رفجة عرب
21-05-2005, 12:24 AM
اظن مكسيما .....
TOP-SECRET
21-05-2005, 12:30 AM
والله اذا المكسيما قير اوتو انا اقول 99.9% الكرايزلر جدام في الريس
لكن لو قير عادي وممسكها خطوط ونشيطه اتوقع بتكون المكسيما جدام لين سرعة 140 بعدين تروح الكرايزلر
وننتظر الفيديو ويعطيك العافيه
waheeed
21-05-2005, 01:02 AM
سلام
الريس كان قوي
ايش هي توقعاتكم
الهاوي جروب
21-05-2005, 01:18 AM
القومه للمكسيما الين 100
وبعدين الكليزلر بتتقدم
STS4ever
21-05-2005, 04:11 AM
ياليت كنت نزلت الفيديو مع الموضوع
المهم ردي لاتحسبه من 15 رد اللي تبيهم
سلام
mits_stiggy
21-05-2005, 05:59 AM
اذا الماكس قير عادي رايح يكون قدام الين 180
بعدين بتقدم الكرايسلر شوي شوي
ولا تتأخر علينا بالفيديو :cool:
أنا أقول الماكس ألين (100-120)
بعدين الكريزلر يروح
ولا تتأخر علينا بالفيديو :)
الامير الاحمر
21-05-2005, 12:03 PM
الكــــــــــــــرايسلـــر
السلام عليكم,,,
مشاء الله مدهر هذي اليومين بالريسات.......
يا ابوية ماودك تركد شوي !!!
اخخخخخخخخخخخخخخخخخخخخخخخخخخخخ
لاوالله امزح
ولا اوصيك ادهررررررررررررررررررر ريسااات
بالنسبة للتوقعها
بصراحة اتوقع انه قام عليك الى 80
وبقيتم جنب بعض على 130 او 140
((خصوصاً اذا كانت قير عادي))
طبعاً وبعد كذا جاء دورك انت:)
وبالنسبة للي من ثلاثين
اتوقع انه قدم عليك الين 100
وبعدين طلعت انت,,,,
هذي توقعااااتي والله اعلم,,,,,
بس استعججججججججل على الفديو بالله,,,
تحياتي
waheeed
21-05-2005, 03:27 PM
المكسيما اوتو
uae speed
22-05-2005, 12:39 AM
ياخي حط الفيديو لازم ننتظر يعني ؟
المكسيما راحت قومة والكرايسلر خط !
TOP-SECRET
22-05-2005, 01:42 AM
خخخ ردي انا 13 يعني لازم 15 !!
واذا المكسيما اوتو مثل ماقال الاخ وحيد اتوقع قومه
جنب بعض لين سرعة 80 وبعدين يطير الكرايزلر !!
Maxima_2001
22-05-2005, 08:00 AM
ماكسيما
قومه و خط
B.M.W X5
22-05-2005, 10:20 AM
تبون الصج مو محصلين موقع عدل نحمل عليه مقطع الفيديو :D
وأمس عجز sayedco وهو يحمل الفيديو على مواقع تعبانه وكل المحاولات بائت بالفشل :mad:
ساعدونا يا جماعة الخير
تحيات :banana:
sayedco
22-05-2005, 10:22 AM
شباب مسامحة الفيديو كل ما احاول أنزله ما يصير
لو في أحد ممكن يساعدني او أطرش له على الإيميل هو يخليه على النت
الطايش
22-05-2005, 11:08 AM
مكسيما .. قومه وخط
sayedco
22-05-2005, 02:32 PM
و أخيراً نزل الفيديو بعد عناء طويل
http://www.cars-club.com/gall/displayimage.php?album=6&pos=0
(ادخل الموقع بعدين اضغط على الوصلة اللي بالوسط)
و اللي ما اشتغل عنده يخبرني
و النتيجة كانت لصالح الكرايسلر :banana:
هاردلكم أصحاب الماكس ... قصدي فيراري الخليج
**شكر خاص للأخ الشظية للمساعدة في تحميل الفيديو
SLR55
22-05-2005, 03:01 PM
مبروك عليك الفوز
بس جربت مع مكسيما 2004 قير عادي ؟؟؟
لأني أحس إنها أقوى من 98
سلااااااااام
sayedco
22-05-2005, 08:06 PM
و الله إذا عندك سيارة تعال جرب
لحد الآن ما جربت
ما شاء الله .. قومة قوية ...
لكن الماكس هذا الموديل ضعيف ... جرب الموديل الجديد ...
وهذا وصله الفيديو
http://www.cars-club.com/gall/albums/userpics/Dial Up685.wmv
sayedco
22-05-2005, 11:37 PM
مشكور FSM
على الرد
بس حسب علمي إنه الماكس القديم أقوى
Maxima_2001
23-05-2005, 01:37 AM
السايق يلعب دور كبير بالنتيجة!
sayedco
23-05-2005, 03:58 PM
السائق ممكن يلعب دور في القومة ، لكن في الخط إيش يقدر يسوي؟؟
يدوس على الريس أكثر؟؟؟ :D
B.M.W X5
23-05-2005, 04:19 PM
السائق ممكن يلعب دور في القومة ، لكن في الخط إيش يقدر يسوي؟؟
يدوس على الريس أكثر؟؟؟ :D
أذا السيارة قير أوتو قولولي شلون السايق بيلعب دور؟!!!!!!!!!!!! :think:
يمكن في القومة بس في الخط :D
ماله ألا أنه يدوس الريس حتى يطلع رجله صوب الماكينة :D
تحياتي
nismo
23-05-2005, 05:32 PM
مبروك عليك القومة
بس شكلها المكسيما حق صاحبك ما تمشي ابد و بعدين الامكسيما الاوتو ممشاها مو زي العادي
جرب مع عادي 99 او اكثر ... و بتعرف فراري الخليج خخخخ
انت سيارتك 300m ?
sayedco
23-05-2005, 06:09 PM
اي آنا سيارتي 300 ام
و بعدين آنا مجرب ويا أكثر من ماكسيما و كلهم نفس الشي
قير عادي قليل تحصل في البحرين لأنه كله طايحين في الأوتو مو نفس السعودية
مشكور على الرد أخوي nismo
ومشكور bmw X5 على التأكيد
السلام عليكم
مشاء الله تبارك الله ...
بصراحة بديت اشك في سيارتك!!!
اش العزم هذا مشاء الله!!!
لالالالالالالالالالالالالالالا
ليه تفاهم معاك بس لمن اشوووفك!!!!
ويالله مبرووووووووووووووووووك
sayedco
24-05-2005, 02:00 AM
مشكور على الرد
WRX
الله يبارك فيك
راعي الكابرس
24-05-2005, 02:37 AM
مبروك عليك القومه اخوي بس الصراحه انا ما احسن انها قومه الماكس الصح ...
sayedco
24-05-2005, 06:10 PM
مشكور راعي الكابريس على الرد
أحس إن قومة الماكس مو صح!!
و الله قهر...
إذا طفناهم قالوا القومة غلط مادري السواق ما يعرف
...
و إذا طافونا يقولون السيارة قوية!! يمكن إحنا بعد قومتنا غلط أو ما نعرف نمشي!
****************
ترى طلعنا اكثر من مرة حتى تصغيرة بعد عطيتة مسافة أكثر من القومة و هذا دليل إن قومة الماكس صحيحة و أقوى من الخط
mits_stiggy
25-05-2005, 03:44 AM
اولا: مبروك عليك القومه
ثانيا: انا تمنيت انه المكس جير عادي علشان نشوف قوتها الحقيقيه
ثالثا: المكس مشت وياك ومسكت معاك يعني زين سوت
لا تنسى انه في ماكس يجي 3,5 لتر وقوته في حدود ال250 حصان
بس هذا المواصفات الأمريكي
واعتقد انه محرك مشترك ما بينها وبين الألتيما
.........
اخيرا وليس اخرا
بغيت اعرف قد مره جربت مع
التيما 6 سلندر
ماجنا
اكورد 6 سلندر
كامري 6 سلندر
ومشكور
:cool:
sayedco
25-05-2005, 07:29 PM
مشكور أخوي Mitsstiggy على الرد الحلو
*في البحرين قليل جداً تلاقي ماس قير عادي
الماكس المكينة الأكبر مواصفات أمريكية و الشكل بعد غير وما تنزل عندنا
بالنسبة للسيارات الثانية آنا أدور ما أحصلو خاصة أبي الألتيما ستة سلندر
راعي المكس يقول يطوف الماجنا يعني بيكون شي عادي عندي
و يقول بعد يطوف الكامري قراندي
أتوقع المنافسين هم :الألتيما و الأكورد
و الأكورد بقوة :D
السلام عليكم
عيوني ترى الشرقية مرة قرييييييييييييبة....
والشباب هناك مايقصرون معاك ابداً....
راعي المكس يقول يطوف الماجنا يعني بيكون شي عادي عندي
ترى عيوني العالم لساعهم مختلفين مين يطوف الماكس ولا الماجنا
بس انا اقووووووووووول الماجنا بوقة
خصوصاً بعد كلام اخونا دراجنو عن سيارته ((السابقة))
بس بصراحة انا اتوقع لو لقيت لك ماجنا جير عادي ترى المنافسة راح تكون قويييييييييية بينكم.....
وعلى فكرة انا رأي ان المنافسة بينك وبين الماجنا و الأكورد
اما الألتيما فا ترى موضوعها محسوووم,,,,
((لصالح مين برايك))
sayedco
26-05-2005, 11:05 AM
مشكور WRX على الرد
بخصوص الماجنا آنا بنفسي ما جربت ، و لو حصلت ما في مانع ، و إذا الماجنا بكل هالقوة ليش الشباب رافعين اسم الماكس و صايرة كأنها أقوى شي (بعد الألتيما)
و أذكرك إن البحرين قلييييييييييل جداً ما تلاقي القير عادي
اما الألتيما فا ترى موضوعها محسوووم,,,,
((لصالح مين برايك))
أدري بقوة الألتيما القير عادي بس أحس الأوتو أضعف ، حتى لو إنها قوية نجرب ما في مانع
و أشكرك مرة ثانية على الرد WRX
nismo
26-05-2005, 11:43 AM
السلام
دور لك ماكسيما قير عادي و خبرنا عن النتيجة بعدين و ادعس وياها لين الطبلون (حتى لو كان السواق غشيم) مايعرف يسوق عدل
والله انك ما بتشوف حتى غبرتها
طبعا انا عندي مكسيما و مجرب مع واحد من اصحابي عنده زي سيارتك بس اجدد مديل 2001
ولا مسك وياي شي من اول نمرة اقول ليه مع السلامة
بالنسبة الى الماقنا القير العادي اعتقد انها اقوى من المكسيما القير العادي بفارق خفيف
sayedco
26-05-2005, 03:09 PM
مشكور أخوي نيسمو على الرد
مثل ما قلتلك ما عندنا قير عادي في البحرين حتى إذا تاخذها من الوكالة لازم طلبية
و لو ممكن الفيديو مع الكرايسلر أبي أشوف الفرق ،،، إذا عطيته ذاك الفرق ممكن ناخذ ماكس عادي من السعودية
بس متأكد الكرايسلر 300ام أو كونكورد؟؟ لأنهم نفس الإنسيابية تقريباً
مبروك عليك القومة
بس اخوي لا تحاول مع الالتيما لانه راح يروح (اذا كان عادي)
اما الاوتو راح تمسك معاه مسكة صح
واذا كانت الماكس قير عادس راح يعطيك فرق كبير لان جيرها الاوتو ضعيف
بعدين ايش الحركة الحلوة هذي
مغير لون النور حق العددات طالعة حركة :glasses2:
king_prelude
26-05-2005, 03:42 PM
من قال قير الماكس الاوتو ضغيف بس كل شيء يحتاج شيء يكمله
يعني القير الأوتو يحتاج سواق بالعربي مو تحط القير في الـ D ودوووووس وبس ......
أحسن شيء في الماكس القير الأوتو القومة من الصفر تضغط بريك وبنزين وشوف كيف فزتها ...
اذا ضعط بريك وبنزين يسوي برون اوت :glasses2:
انا عندي في ال300ام ما اعرف كيف اقوم السيارة بقوة في الاوتوستيك(التبترونك)
اخوي sayedco اذا تعرف كيف تخليها تقوم بقوة علمني
السلام عليكم
اول شئ عيوني شوف الموضوع هذا
http://www.swalif.net/sforum1/showthread.php?t=205780&highlight=%C7%E1%CA%ED%E3%C7
بخصوص الماجنا آنا بنفسي ما جربت ، و لو حصلت ما في مانع ، و إذا الماجنا بكل هالقوة ليش الشباب رافعين اسم الماكس و صايرة كأنها أقوى شي (بعد الألتيما)
الموضوع مجرد سمعة,,,
والله انك ما بتشوف حتى غبرتها
عيوني شوف كم الفرق في القوة بين الأثنين؟
وبعدين معليش شكلك متحمس شوي
((ليش؟))
شوف ارسلت لك ايميل اتمنى انك تشوفها
واذا كانت الماكس قير عادس راح يعطيك فرق كبير لان جيرها الاوتو ضعيف
اذا شفت الفديو انا حاسس ماراح يكون فيه فرق كبير بين النتيجة الأولى والثانية
يمكن يمسك معاه اكثر بس في القومة
وفي الخط اتوقع راح تطلع الكلزلر من غير ايت مشاكل,,,
اذا ضعط بريك وبنزين يسوي برون اوت
ماراح تسوي برن اوت
انت اكبس الفرامل للأخير
واضغط على البنزين الين النص تقريباً ((حسب السيارة))
طبعاً الكلام هذا على لمن تعد لأثنين
يعني يا دوب يرتفع الأر بي ام وتفك رجلك عن الفرامل
لأن لو طولت راح يعمل بيرن اوت,,,,
أحسن شيء في الماكس القير الأوتو القومة من الصفر تضغط بريك وبنزين وشوف كيف فزتها ...
شوف احسن شئ بالنسبة لتقويم السيارات الأوتو
1- تضغط على الفرامل ((او البريك))
2- تنزل القير
يعني تنزل للواحد وقبل مايوصل ((عداد الأر بي ام)) للأحمر ترفع للأثنين وبرضوا قبل قبل لا يوصل الأحمر ترفعة للثلاثة
الين ماتوصل للدي
طبعاً الطريقتين هذي للمتهوريييييييين ((والي مايبغون سياراتهم))
ويالله نشووووفكم
sayedco
27-05-2005, 01:29 AM
خوي WRX مشكور على الرد الطويل و على تخفيف العبء :D
بس شيكت الإيميل ما وصل شي:cry
*********************
300C:
بالنسبة لحركة العدادات ... هاذي لا حركة و لا شي
تصدق آنا شفت في موقع تعديل نفس هاي الحركة و دورت على الطريقة و ما حصلت!
و بعد مشاهدة الفيديو .... طلعت السالفة من الكاميرا و ليست في الحقيقة :D
)باختصار ما سويت أي تعديل في السيارة)
و بخصوص القومة و طريقتها ترى كل ما قللت من البرن أوت كان أحسن و أسرع و مجرب بالتايمر طلعت الطرق اللي بدون تفحيط في البداية أفضل بثانية كاملة من القومة بدون تضييع أي احتكاك
حتى لو ما قمت عدل لا تخاف الخط بترجع له بسهولة خخخخخخخخ:D
*******************
مشكور King Prelude على الرد
nismo
27-05-2005, 11:07 AM
هلا اخوي سيدكو
لا متاكد انها 300m راعيها صاحبي
هههه ما يحتاج فديو مهي قومة مهمة عشان فديو بس انا اضمن لك يعني انها تطلع على الدودج
ادا تبغى خدوا التيما قير عادي تراها طيارة 6 نمر واذا مانا غلطان اقوى سيارة دفع امامي في المملكة
سوري ادا طولت عليك
wrx
مشكور على النصيحة و اكيد بتحمس ههههه
لان ماليها امل ويا القير العادي حتى لو مزودة
sayedco
27-05-2005, 01:34 PM
مشكور نيسمو على الرد و النصيحة
بس على فكرة الألتيما دفع خلفي
بس هي حتى الآن على حسب تجارب الشباب السعدويين أقوى سيارة ستة سلندر (سيدان)
السلام عليكم
خوي WRX مشكور على الرد الطويل و على تخفيف العبء
بس شيكت الإيميل ما وصل شي:cry
العفو عيوني......بس احب افزع مع اخوياي :)
واخفف عليك شوية :-)
والعفو عيوني نيسيمو
انا داري انه حماس شوي :-) زايد
بس ترى بصراحة اتوقع ان الكلزلر تطلع على المكسيما القير العادي
((هذا رأي))
بس هي حتى الآن على حسب تجارب الشباب السعدويين أقوى سيارة ستة سلندر (سيدان)
استنى الأفلون عيوني
:-)
وانشاء الله تكون تجربتها على يدي انا:-)
وتحياتي
sayedco
27-05-2005, 02:52 PM
مشكور WRX على الرد
ننتظر تجربتك للأفالون اللي بتاخذها إن شاء الله
nismo
27-05-2005, 09:04 PM
ههههههههههههههههههههههههههههههههههه
خربط انا قصدي امامي
sayedco
27-05-2005, 11:13 PM
مسامحة أخوي نيسمو لكل هالوقت كنت أعتقد إنها دفع خلفي
بس بعد البحث في النت طلع كلامك صح هي دفع أمامي
مشكور على تعديل المعلومة