View Full Version : وش رايكم ؟؟؟ Infiniti G35 or Avalon
GMC 8100
20-06-2005, 02:12 AM
السلام عليكم ....
ياأخوان واحد من أخويائي محتار بين السيارتين ... G35 و الأفالون الجديده ....
الميزانية حقته 130 ألف ريال ممكن تزيد ألف او الفين بس .....
طبعاً رحنا سألنا عن الG نسخه الاربعه ابواب قالوا لنا ب129 ألف ريال ومررره انبسطت من السعر الحلو
فيها كل شي تقريباً جير تيبترونيك + اسيات هيتر ولو انها مو مهمه لنا بالخليج + زينون + تكييف مزدوج + Bose Sound System + 6 CD PLAYER
بس طلعت السياره من دون شاشه Navigation :cry1: :cry1:
تخيلوا سألنا عن المورانو والله مش بطاله بنفس السعر لكن معNavigation :confused: :confused:
حتى المواصفات صراحه ماأشوف فرق كبير بالمواصفات بينهم ....
والأفالون لسه ماسألت عنها بس قالوا السعر بين 125 - 130 ألف
مواصفاتها أحلى من داخل تقريباً مثل الانفينتي وزياده عليها
خشب + كاسيت + اسيات مكيفه مرره مفيده للجو السعودي :banana: + تشغيل المحرك بظغطة زر ....
والله مره احترنا على العموم اللي عنده اختيار احسن من نفس الفئه ممكن يساعدنا
واشدد نفس الفئه صالون أربع ابواب
واشكر لكم ردودكم من الحين :knight:
والله خيارات تحيير ..
أنا عن نفسي أفضل الدفع الخلفي ... بس الأفالون عزمها قوي وايد و سواقتها مريحه .. بس صوت الحزام جداً مزعج و ما يبند إلا لما تسكر كل الأحزمه ...
وسعرها فيها .. :think:
والله مادري ياخوي شو أنصحك .. بس أعتقد أحسن خيار الأفالون لأنها Fresh و توها نازله ...
جامح 998
20-06-2005, 03:04 AM
الأفلون مره حلوه وبرضو الأنفنتي حلوه وكلهم متقاربات لاكن في الشارع اشوف الأفلون اكبر بالنسبه للأنفنتي من ناحية الشكل الخارجي وبعدين فكر فيما بعد البيع والصيانه وتوفر قطع الغيار كل هاذي الأشياء متوفره بالأفلون وبعدين ماشاء الله فخمه وسعرها 118 الف فرق 13 الف ريال في السعر عن الأنفنتي
والأمر الأخير يرجع لك
Maranello
20-06-2005, 03:32 AM
مممم , اختيارك يحير . .
انا اميل للإنفينيتي اكثر . .
شوف صاحبك ايش يحب ؟
الشبابي
20-06-2005, 03:36 AM
سعر السيارتين متقاربتين ..
الافالون ارتفع سعرها كثير عن اول ....
الخيار صعب ... لكن اذا كان يبي دفع خلفي فله الانفينيتي و السحب الامامي افالون ...
الجي 35 الامريكان يمدحونها كثير ...
اخوكم الشبابي
SKYLINE GTR
20-06-2005, 08:00 AM
الانفنيتي لانها دفع خلفي + مجربة وموثوقة + انها وارد اليابان 100%
TOP-SECRET
20-06-2005, 08:08 AM
الانفينتي الاربع ابواب اعتقد انها نزلت الخليج في 2004 بس وماتحصلها في الشوارع الا بعدد قليل جدا
بعكس الافالون القديم والجديد الحالي انتشر بشكل فضيييع
انا دخلت الافالون والله كانه لكزس من داخل شي فضيع من الداخل ومن الخارج شكله مميز ومواصفاته مميزه
ومانظلم حق الانفينتي تراها سياره جباره وحلوه ومميزه
سعر الافالون فل اوبشن في قطر 120 الف بالضبط
وسعر الانفينتي في قطر 145 الف متوفره بنظام نفيقيشن!!
وبالتوفيق
SKYLINE GTR
20-06-2005, 09:08 AM
^
^
^
السيارة مالها 3 شهور نازلة في السوق الخليجي
big block
20-06-2005, 09:58 AM
والله انا اقول خذ الإنفنتي
TOP-SECRET
20-06-2005, 10:03 AM
^
^
^
السيارة مالها 3 شهور نازلة في السوق الخليجي
اخوي وين 3 شهور الله يهديك انا مصورها في جوالي وحاط التاريخ حق الصور في 10-11-2004 :smart:
عالعموم حتى لو هي جديده عالسوق الافالون بعد جديده عالسوق وماصار لها شهر والحين تشوفها في كل شارع :smart: اقصد الشكل الجديد :D
GMC 8100
20-06-2005, 05:07 PM
الافالون سحب امامي ولا خلفي ؟
الG35 اكيييد خلفي
-------------------
زادت الحيره صراحه ....
saymyname
20-06-2005, 05:41 PM
هي دفع امامي
تصدق لو كانت الافالون دفع خلفي وش راح يسير بالمبيعات..! :think:
خله ياخذ انفينيتي جي 35 كوبيه أو مورانو
GMC 8100
21-06-2005, 04:55 AM
خله ياخذ انفينيتي جي 35 كوبيه أو مورانو
إنت باالذات مع الشبابي يهمني مرررة رايكم ...
يعجبني تفكيركم واحسه قريب من تفكيري ... :cool: :cool:
طيب يامشرفنا تشوف المورانو احلى من الG35 صالون لانه بصراحه الولد ميزانيته ماتسمح له بالكوبيه :cry: :cry:
وشكراً للجميع على ردودهم الحلوة
بصراحه الواحد صعبه يعيش بدون سوالف
كيف نعيش بلا سوالف السيارات ؟؟؟ :D :D
الشبابي
21-06-2005, 05:21 AM
انصحه بالمورانو ... لأن الجيب له عدة استعمالات مختلفة وشكل الجيب حلو واستهلاكه ممتاز بالنسبة للجيوب 20 / 24 ميل للجالون و الجي 35 تستهلك 20 / 26 للجير الاوتو .. يعني فرق بسيط زي ما انت شايف ودائما هناك فرق كبير بين سيارات الدفع الرباعي والسيدان الا انه هنا قليل .. والمورانو ممكن يضيف له شاشة من الوكيل لكن الجي 35 حسب علمي ما يقدر ... وانت تعرف شوارعنا كيف سيئة ..
الجي 35 سيارة حلوة لكن يعيب عليها الضيق الداخلي صراحة ...
المورانو ايضا الجير نوع cvt و يتحول الى تيبترونيك 6 سرعات والوانه شبابية واوسع وفيه امكانيات تطوير اكبر ..
اخوكم الشبابي
GMC 8100
21-06-2005, 06:21 AM
شكلنا بنتوكل على الله وبنشتري المورانو ولو انه جنوطه بايخه مررره وبدون كشافات
ولامره شفت مورانو بكشااافات !!!!!!!!
والصراحه السياره تستاهل قيمتها ...
Dentist
21-06-2005, 06:49 PM
بصراحة أنا أفضل الـG35 عن المورانو
وأفضله بمراااحل عن الأفالون
وبالتوفيق
sayedco
21-06-2005, 07:10 PM
إثنينهم سيارتين زينين
بس الأفالون عائل أكثر و كبير جداً
إذا يبي شي رياضي ياخذ الإنفينيتي و بحكم شوراعنا المريحة و الممتازة خله ياخذ المورانو أبرك له
بوأربع
22-06-2005, 12:03 AM
اخGMC 8100
اذا كنت تبي النافيجيشن ضروري ....... اشتر لك جهاز جارمن بحوالي 1600 ريال
و اجهزة جارمن تستعمل تقنية الـGPS لتحديد المواقع
اذا بغيت تفاصيل زيادة نحن بالخدمة
mr.lamborghini
22-06-2005, 12:14 AM
مممم , اختيارك يحير . .
انا اميل للإنفينيتي اكثر . .
حتى انا
الأنصاري
22-06-2005, 12:32 AM
اشوف الأفلون افضل وانت استخير وخذ الي مقتنع فيه
Third Eye
29-06-2005, 01:20 PM
سلام عليكم
كيف الحال؟
أنا الصراحة رأيي الأفلون أفضل 3.5 و 280 حصان ومواصفات حلوة
والجي 35 تأخر نزولها في عندنا وشكلها قريب بيتغير
أما الأفلون فجيديدة وتوها نازله وتصك عليها الجنوط 20 تصير روعة
بالنسبة للمورانو جيد بس العيب الي أشوفه أنه دفع أمامي-رباعي
والكشافات أنا شفت مورانو فيه كشافات لكن الغالب مثل ما ذكرت
وبالبركة
cadyman
29-06-2005, 04:07 PM
انفنتي او مورانو وبس
الالفلون ممتازة ....
لكن مشكلتها جودة المكونات من الداخل :cry1: <<<<< صنع في امريكا :sss:
HaKeM
29-06-2005, 05:27 PM
سياف
أول مره اسمع عن صوت الحزام لايكون مثل الموجود في الفورد؟؟
GMC 8100
يريت تعطينا فكرة عن جهاز الجارمن وهل له اشتراك سنوي ومين وكيله؟؟
اذا كانت السيارة استخدام عائلي ياخذله افالون أفضل لأنها اوسع وافخم
GMC 8100
29-06-2005, 07:04 PM
HaKeM
اعتقد انك تقصد اخوي ابواربع ... :)
------
Third Eye ادق عليك ونتفاهم ... على فكره غيرت رقمي
HaKeM
30-06-2005, 04:14 AM
لا سياف هوا الي ذكر صوت الحزام
أخوي GMC 8100 انا بانتظار معلوماتك على الجارمن
تحياتي
abumhdi
30-06-2005, 10:21 AM
الافالون :
جودة
قوة
اداء
فخامة
سعة
لمسات
هدوء
سعر مناسب
وانت لك الخيار ،،
بوأربع
30-06-2005, 10:44 AM
اجهزة جارمن و غيرها من اجهزة تحديد المواقع تعتمد على تقنية الـ GPS
global position system و هذي الاجهزة تغنيك عن اجهزة النافيجيتر و اللي تكون مالغ في اسعارها عند وكلاء السيارات
و اذا بغيت تستعمل هذي التقنية تحتاج لشئين اساسين
الاول : اللاقط وهذا بامكانك تشتريه من محلات الادوات البحرية الكبرى
الثاني: البرنامج و اللي لازم يكون مثبت على (كمبيوتر كفي , لاب توب او مركب في اللاقط)
في حال ان البرنامج كان مثبت على اللاب توب او الكمبيوتر الكفي لازم توصلة باللاقط عن طريق البلوتوث او عن طريق سلك
المريح في اجهزة الجارمن انها قطعة واحدة (اللاقط و البرنامج مثبت علية)
هذا كل شيء باختصار
اذا بغيت معلومات زيادة ادخل الرابط التالي( و الدعوة عامة)
http://www.ce4arab.com/vb7/forumdisplay.php?s=&forumid=53
760IL
30-06-2005, 03:39 PM
انا عن نفسي اقول الافالون ...لان الانفنتي مبالغ في سعره مقارنتا بحجمه الصغير
Third Eye
27-07-2005, 09:52 PM
مبروك على الرقم الجديد :D