View Full Version : احد عنده خبرة في الشراء عن طريق الانترنت؟؟
Prelude 4 Life
30-06-2005, 05:47 AM
شباب انا ناوي اطلب قطعة للسيارة عن طريق الانترنت
دورت في المواقع وحصلت القطعة اللي ابيها بالضبط وسعرها مناسب
بس المشكلة ان الموقع كاتبين ان التوصيل في داخل امريكا وكندا بس
وباقي الدول ماعندهم توصيل
سألت بعض الشباب عن كيفية الحصول على هالقطعة ماحد قدر يفيدني
قلت مافي الا شباب سوالف اكيد في احد مجرب انه يشتري عن طريق الانترنت
اذا في احد عنده خبرة لايبخل علينا
وسلامتكم :p
الشبابي
30-06-2005, 09:36 AM
اخوي Prelude 4 Life ...
مالك الا ارامكس ... روح لأي فرع رئيسي وبتلاقي عندهم بطاقة كاشيو كارد او بطاقة جديدة ما اعرف اسمها .. كل تعمل عمل الماستر كارد ... وتسوي لك حساب او عنوان في امريكا وأي طلب ترسله على عنوانك بأمريكا وارامكس تجيبه على السعودية ... وهكذا ...
اخوكم الشبابي
silver
30-06-2005, 11:11 AM
سمعت إن بعض المواقع ما ترسل على شركات البريد المحول ... زي بريد أرامكيس ... فتأكد أول ...
جرب تراسل الموقع وشرحه لهم وضعك وانك تبغي تشتري من عندهم
أنا قبل سنتين تقريباً بغيت اشتري بكرات من موقع hyundaiperformance لكنهم ما يرسلون للخارج ... لكنه قالي شوف القطع إلي تبغيها وأرسل لنا عنوانك ونشوف كم راح تكون التكلفة ... لكن في النهاية ما أخذت منهم D:
Prelude 4 Life
30-06-2005, 05:51 PM
مشكور اخوي الشبابي
دخلت موقع aramex.com وعرفت ان لهم فرع في الظهران يعني قريب
انشاءالله امرهم هاليومين وشوف كيف طريقتهم.
اخوي silver الموقع هو autocarparts.com اليوم بارسل لهم ايميل وشوف كيف يكون ردهم
على فكرة دخلت موقع hyundaiperformance وطلع خوش موقع :banana:
مشكور.
560SEL
02-07-2005, 05:16 AM
ما لك الا تراسل الموقع و تقول لهم يرسلونها عن طريق أحد شركات التوصيل مثل FedEx أو DHL أو غيرهم لكن حط في بالك ان قيمة التوصيل بتكون عليك غير كذا قيمة التوصيل بيكون مبالغ فيها مره
انا جربت أشتريت من الانترنت باستخدام بطاقة ال MasteCard و كان الشراء من موقع AMAZON و التوصيل كان عن طريق البريد العادي المشكله الوحيده ان التوصيل العادي ياخذ وقت شوي يعني ما بين 15 يوم الى شهر أما عن طريق شركات التوصيل فكحد أقصى يآخذ 3 أيام
سلاااااااااااااام
Prelude 4 Life
02-07-2005, 06:48 AM
مشكور اخوي 560SEL
قدرت احصل موقع ثاني عندهم نفس القطعة وعندهم توصيل للسعودية :banana: