View Full Version : مخالفات أطالب بوجودها ، 1000 ريال على الأقل
أكورد
17-07-2005, 12:52 AM
السلام عليكم
في شي يرفع ضغطي في الشوارع
لنفترض انك في تقاطع وتبي تخش في الشارع الي أمامك ولكن تنتظر واحد يدق أشاره عشان تدخل الشارع بسرعة
الشارع زحمة وانت تنتظر هذه الفرصة
لتفاجئ بهذا الصنف من السائقين :
انت لامحه من بعيد بس انت تعتقد انه راح يواصل طريقه سيده
لتفاجأ انه لف في شارعك وبدون ضرب اشاره
والله انبيرات الحرارة تطق عندي :ranting:
يابن الناس مخليني أنتظر والتالي تلف
ياخي شان دقيت الاشارة وخليتني اخش بما أنك ماراح تواصل للأمام
:mad1:
والا الثاني
يفكر الشارع شارع أبوه
هو يمشي جدامك
وفجأه وبدون أحم أو دستور تشوفه يلف فجأه
يابن الناس أبي أعرف مين الي علمك السواقه وليش أخترعوا شي اسمها لمبات اشارة في سيارتك
والله هذه الفأتين ترفع ضغطي
والا الثالث
احنا طابور سيارات نبي نلف في مدخل للشارع الثاني
وتشوف واحد يعدينا كلنا ويروح جنب أول سيارة عشان يلف
الظاهر انو مو شايف أوادم قباله :ranting:
هذه أشياء ترفع الضغط
وش عندكم بعد
saymyname
17-07-2005, 01:06 AM
أعصابك يا اخ أكورد....كلها يوم او يومين وتنسى الي حصل
TOP-SECRET
17-07-2005, 01:46 AM
والله شاقولك فعلا هالثلاث اشياء تقهر في الشوارع
بس مع الأسف بعض الاوقات اضطر ان اعمل بعضها
اذا كنت مستعجل..
وبعد ايش الي نقدر نسويه اخوي مابليد حيله لول
lumina
17-07-2005, 02:38 AM
هذا كله صوب واللي فرحان بأضواء الضباب صوب ..
تحصله راكب الموتر وكاشخ و مشغل أضواء الضباب اللي تعمي العين الصراحه :bomb: .. إنزين ابغي اعرف ليش مشغلهم :think: والجو عادي :ranting: ... والله هذيله الناس ما امشي وراهم أعتمي و خاصه أضواء الفئة الخامسه من BMW و أودي ... :ranting: :ranting: هذا لازم يخالفونه ويكسرون الأضواء مالته .. :ranting:
uae speed
17-07-2005, 03:21 AM
أكثر حركة انقهر منها ، يوم أكون واقف عند الأشارة وموتر وراي ..
ويوم تخضر الاشارة يحرق الهرن عليك طاااااط طوووط ..!!
صار لي موقف معا واحد من هالفئة .. هندي يسوق داينا ..
انا كنت واقف عند الاشارة معاي واحد من الربع ، ما في سيارات على يساري ..
وراعي الداينا وصل ووقف وراي .. ولاااااصق ورى موتري مرررة !!
وقاعد ينفل .. يعني يدووس على البنزين عننن عننن خخخخ !!!
والاشارة حمرا بعدها !!
وانا اقول بلاه هذا لاصق ورى موتري .. ؟
الشارع فاضي ما في حد واقف عندنا .. انا وهوو وراي بس !
ومن اخضرت الاشارة على طووووول حرق الهرن طيييييييييييييييييييط !
والله من القهر تميت اطالعه من الجامه .. وبعده طيييييييط !!
قلت بشوف كيف بتمشي اليوم ..
والله يا شباب حطيت الموتر في الـ P ووقفت ..
ونزلت له وعندي خيزرانه محنايه صح :D
فتحت الباب عليه .. قلت خير شو فيك ؟
ما تشوف السيد هذا فاضي ؟؟ ليش ما تجاوز ؟
الهندي تم يطالعني ويقول انته شو مشكل !
قلت حلوووو تطول لسانك بعد ..
وجان اعطيه وحده صح بالخيزرانه خخخخ
وسحبته ونزلته وطحت فيه طيحه .. وربيعي نزل بعد ويخمه بطراااق خخخخخ !
تم يصيح الهندي .. وعقب هديناه ورحنا عنه !
التقاطع شكبره فاضي ما في حد .. ولاصق فينا من ورى !
ويدق هرنات بعد ..
والله اول مرة فحياتي اضرب واحد في الشارع من القهر !
ABD 911
17-07-2005, 11:49 AM
والا الثالث
احنا طابور سيارات نبي نلف في مدخل للشارع الثاني
وتشوف واحد يعدينا كلنا ويروح جنب أول سيارة عشان يلف
الظاهر انو مو شايف أوادم قباله :ranting:
أنا كل شي عندي يمشي ولا هالحركة الأخيره يووووووووووه تخليني أولللللللع صحححححح
مره عند إشارة الميناء (ميناء الدمام وأكيد الشباب يعرفون المهزلة الي عندها) .. أنا واقف في الجهة اليمين في الإشارة وقدامي واحد بس .. ماشفت إلا كورولا جاي من وراي ويدخل نص سيارته قدامي من الجنب .. وفي نفسي حلفت إني ما أخليه يمر قبلي :mad1:
يوم فتحت الإشارة مشيت وحضرته مشى ولا كأنه شافني .. الحبيب ضرب لي مراية المرسيدس وصفطها لي (المرايةتكلف مع القزازة حدود 800 ريال) ..
وقفت في نص الشارع ونزلت له .. قلت له ماتشوف يالمتخلف .. لاجيت تلعب مع أحد إلعب مع الي قدك :ranting: .. وقلت له : المراية تكلف 1500 وماني ماشي إلا لما تعطيني إياها :bomb: ..
الحبيب شوي ويصيح :cry1: .. وبصراحة كسر خاطري رجال عمره 30 سنة ويترجاني :think:
الزبدة إني مشيته ولا صرت أتحارش مع هالأشكال القذرة مرة ثانية :m:
ومشكور أخوي أكورد على الموضوع ... ولا يخفى عليك إن هالحركة تتكرر يومياً عند بوابة الجامعه
B.M.W X5
17-07-2005, 12:24 PM
انا أتفق معاكم في كل اللي قلتوه
بس بعد أكثر شي يقهرني عندنا في البحرين هو البنات :bomb:
تلقاها ماسكه الجهه اليسار في الشارع وماشية خمسين :ranting:
والجهه اليمين فاضية :cry1:
تروح وراها وتطق لها هرن ........ ولا يمكن تتزحزح والله لو تجيبلها من :mad1:
وتلقاها بعد ترضع في التلفون وطز في أحسن واحد وراها :blink:
بس أنا لقيت لهم حل مثل هالاشكال :D
خبركم بما اني زعيم لازم أشوف لهم حل :knight:
قمت أتجاوزهم وامشي قدامهم وبعدين أخفف وأخلي سرعتي 20 أو 30 :D
يقوموا هم من القهر يطقولي هرانه وأنا ما أتحرك من قدامهم :eek:
وبس يبون يتجاوزوني أكبس سيارتي مرة وحده وأروح عنهم :eek:
وش رايكم فيني؟ :D
تحيات الزعيم :glasses2:
دكتور / مجنون
17-07-2005, 01:11 PM
هذا كله صوب واللي فرحان بأضواء الضباب صوب ..
تحصله راكب الموتر وكاشخ و مشغل أضواء الضباب اللي تعمي العين الصراحه :bomb: .. إنزين ابغي اعرف ليش مشغلهم :think: والجو عادي :ranting: ... والله هذيله الناس ما امشي وراهم أعتمي و خاصه أضواء الفئة الخامسه من BMW و أودي ... :ranting: :ranting: هذا لازم يخالفونه ويكسرون الأضواء مالته .. :ranting:
أنا اقولك ليه يشغلونها..
انا احيانا اشغلها وقت الزحمه..
لأن في بعض الشباب وقت الزحمه يلصق وراك بالسياره (خاصه التويوتا و مشتقاتها :D) و اذا مسكت بريك .. يجي و يصدمك و يطلع ماعنده تأمين !!! يومها تصير مشكله .. صدام + حساسات + شنطه + اسطبات = بحدود 30 الف ريال !!! :ranting:
أحسن حل .. تشغل الضباب و خل الناس تمشي وراك بمسافه معقوله :knight:
lumina
17-07-2005, 04:35 PM
أنا اقولك ليه يشغلونها..
انا احيانا اشغلها وقت الزحمه..
لأن في بعض الشباب وقت الزحمه يلصق وراك بالسياره (خاصه التويوتا و مشتقاتها :D) و اذا مسكت بريك .. يجي و يصدمك و يطلع ماعنده تأمين !!! يومها تصير مشكله .. صدام + حساسات + شنطه + اسطبات = بحدود 30 الف ريال !!! :ranting:
أحسن حل .. تشغل الضباب و خل الناس تمشي وراك بمسافه معقوله :knight:
هههههههههههههههههههههه يحليلك تخاف على موترك :banana: والله من حقك إذا واحد بهدلك تسويبه جي .. بس في ناس فرحانين دوم يشغلونها :ranting: وانا اقول
آآآآآآآآآآآآآآآآآآآآآآآآآآآآآآآآآآآآآآآآآي عينــــــــــــــــــــــــــــــــــي :blink: :blink:
:knight: والله يبعد عنكم الشر
grandv8
17-07-2005, 04:43 PM
والله شاقولك فعلا هالثلاث اشياء تقهر في الشوارع
بس مع الأسف بعض الاوقات اضطر ان اعمل بعضها
اذا كنت مستعجل..
وبعد ايش الي نقدر نسويه اخوي مابليد حيله لول
مرات اخوي بس مرات يقهرونك اخوي وخاصة اذا كنت مستعجل ويجوفك ولا كأنه مسوي شي :ranting:
بالنسبة للضبابي انا استعمله بالخط السريع وخاصة اذا واحد حاب يمسك وراي ويلصق واكون مشغل له الضبابي :eek:
شكرا لكم
:D
sayedco
17-07-2005, 04:57 PM
آنا مرة كنت على الهاي واي (الخط) و كنت أمشي بالوسط
كنت مع عمي في طريقنا بنروح السعودية
و لا أشوف وراي ماجنا جاي فلللللللت يمكن واصل 200 و جا وراي يديم لي High Light :blink:
و مع إن في جهة اليسار و اليمين ما في سيارات :blink:
عمي عاد عصب :mad: :bomb:
ضرب بريك حددددددده (كنا في كابريس) و اللي ورانا راحت عليه ضربنا بعد و وقفنا على صوب...
نزل له عمي (مجرم شوي) و جان يعطيه سطاااااااار :cry1: خلاه يصيح
بعدين جا المرور و سجل المخالفة عليه (الماجنا) و مشينا و هو كان يصيح :cry1:
عشان مرة ثانية عنده اليسار خله يروح فلت علي كيفه :D
**********************
و الحميدي زين تعلمنا منك الحركة بنسويها هالمرة :D
و الصراحة ما أتذكر حركات تعصبني وايد بس إذا تذكرت باكتبها :D :D :D
الشبابي
17-07-2005, 05:11 PM
انا قد صار لي الموقف الثاني اول ما اشتريت سيارتي وكنت ذاك اليوم ماشي الا ويجي من جنبي على اليمين سيارة هونداي حقت توصيل الطلبات وبيلف بسرعة يسار واللفة كانت جنبي فصدمته ... لا واول ما نزل جا يركض يقول اني غلطان ...
لكن الحمدلله كان في راعي وانيت شاف الحادث وشهد معاي ويبدو لي انه مباحث ...
اخوكم الشبابي
cruiser2000
17-07-2005, 11:27 PM
والله اوافقكم الرأي . . . .
بس اخوي الحميدي عشان سالفة البنات انا صارت لي هالحركة على أيام الدايو وحدة
واقفة على اليمين ومسايرة
تعرف أحسن حل؟
لا تخاف عندي كل شي له حل :D
تعال طاير مرة لا تسوي واحد ثنين الصق ورا البمبر الوراني للسيارة وشوف
اذا ما لزت لك ولا لا . . .
واذا ما طاعت تم نقز السيارة وراها وعطها هرنات شوف اذا ما تطلع :D
انا هذا اسلوبي . . . . . . .
lumina
18-07-2005, 03:03 AM
والله اوافقكم الرأي . . . .
بس اخوي الحميدي عشان سالفة البنات انا صارت لي هالحركة على أيام الدايو وحدة
واقفة على اليمين ومسايرة
تعرف أحسن حل؟
لا تخاف عندي كل شي له حل :D
تعال طاير مرة لا تسوي واحد ثنين الصق ورا البمبر الوراني للسيارة وشوف
اذا ما لزت لك ولا لا . . .
واذا ما طاعت تم نقز السيارة وراها وعطها هرنات شوف اذا ما تطلع :D
انا هذا اسلوبي . . . . . . .
هذي الحركه على ايام الخبال كنت اسويها اول ما كانت عندي الرخصه .. ههههههههه لكن الحينه عقلت .. :smart: بس تخيل :think: مسك بريك :mad1: بتكون معاه في مقعد المعاون :eek:
big block
18-07-2005, 03:54 AM
آنا مرة كنت على الهاي واي (الخط) و كنت أمشي بالوسط
كنت مع عمي في طريقنا بنروح السعودية
و لا أشوف وراي ماجنا جاي فلللللللت يمكن واصل 200 و جا وراي يديم لي High Light :blink:
و مع إن في جهة اليسار و اليمين ما في سيارات :blink:
عمي عاد عصب :mad: :bomb:
ضرب بريك حددددددده (كنا في كابريس) و اللي ورانا راحت عليه ضربنا بعد و وقفنا على صوب...
نزل له عمي (مجرم شوي) و جان يعطيه سطاااااااار :cry1: خلاه يصيح
بعدين جا المرور و سجل المخالفة عليه (الماجنا) و مشينا و هو كان يصيح :cry1:
عشان مرة ثانية عنده اليسار خله يروح فلت علي كيفه :D
**********************
و الحميدي زين تعلمنا منك الحركة بنسويها هالمرة :D
و الصراحة ما أتذكر حركات تعصبني وايد بس إذا تذكرت باكتبها :D :D :D
والله زين سولا عمك!!! :banana: :banana: :banana:
الامير الاحمر
18-07-2005, 12:13 PM
نصيحة لوجه الله !!!
اذا كنت ماشي بالشارع وجدامك تكسي .. !!
خلي المسافة بينك وبين التاكسي 500 متر !!!!!
ياخي فجئة يضربة بريك .!! علشان 100 بيسة
:ranting: :ranting: :ranting:
لا وبعد اصحاب التكاسي يتضاربو في الشارع
:ranting: :ranting: :ranting: :ranting:
أكورد
19-07-2005, 04:09 PM
saymyname
المسألة مو مسألة نسيان أو شي مؤقت
المشكلة انها حالة دائمة تحصل
TOP-SECRET
حتى لو كن مستعجل ماأسويها
لأني أحط نفسي مكان المنتظرين
والسب الي راح يجيني منهم
lumina
الحمد لله ماصادقتني هالحالة
uae speed
خخخخخخخخخ
ماينتحرش بيك أجل
الحلو فيك انك جرع ، ليتني زيك
ABD 911
بوابة فيصل او بوابة البترول ؟
B.M.W X5
أحيانا أسويها
بس ماعندنا بنات
sayedco
اعتقد انو حركة عمك خطرة
200 !!!!!!!!!
الشبابي
أتمنى أنو معي سيارة منتهية عشان أي واحد يغلط أصدمه بدون تردد والغلط عليه
مأبي أدمر الكامري حقي على ناس مو كفو
بالمناسبة
مرة في الخبر توني بلف بسرعة يمين الا والمايباخ جنبي من جهة اليمين
والا كان رحنا وطي ودخلنا التاريخ
" حادث كامري 2003 مع مايباخ " شاريك بالتايتل
والله مو مشكلة بس المشاكل كلها...
لكن لا حيات لمن تنادي...
king GT-R
22-07-2005, 12:29 AM
نحنا في عمان مشكلة سائقي السيارات في ثلاثة وهم اسباب الحوادث الهندي الي يسوق وكأنه الشارع مال أبوه وما يروح على الجزء الأيمن من الشارع وسائقي التكاسي وفي بعض ألأحيان البنات لكن توا أحس أنهم عقلوا شويه
B.M.W X5
23-07-2005, 03:44 PM
saymyname
مرة في الخبر توني بلف بسرعة يمين الا والمايباخ جنبي من جهة اليمين
والا كان رحنا وطي ودخلنا التاريخ
" حادث كامري 2003 مع مايباخ " شاريك بالتايتل
ياخي أنت مستهين في الكامري ولا يهمك أنا أجيب الكامري مالتي واطب معاك في الهوشة ضد المايباخ :knight:
تحيات الزعيم :banana: